Yuhaana 7
7
Miiraaɓe Yeesu goonɗinay mo
1Ɓaawo majjum Yeesu e woosoo der Galili. O yiɗaa woosaago der Yahudiya gam hooreeɓe *Yahuduuɓe e daarta no warirta mo. 2Tawi juulɗe *Yahuduuɓe bi'eteeɗe juulɗe bukaaji ɓattake. 3Miiraaɓe Yeesu wi'i mo: «Eggu, jahaa Yahudiya gam aahiiɓe maa yi'a golle ɗe gaɗataa. 4Goɗɗo suuɗataa ko waɗata, to e yiɗi anneego. No aa waɗa golle ɗee ɗo, hollitin himɓe hoore maa.»
5Baa kamɓe miiraaɓe makko ɓe goonɗinay mo. 6Yeesu wi'i ɓe: «Wakkati am waray taw, amma onon, wakkati fu laati nun wakkati mooɗon. 7Himɓe duuniyaaru waawataa ko wanyi on, amma min, ɓee banyimmi gam mii seedoo no golle maɓɓe wooɗaa. 8Onon, jahee juulɗe ɗen. Min, mi yahataa, gam wakkati am waray taw.» 9No o bati ɓe kaa ɗon, o jooɗii leydi Galili.
Yeesu yahii juulɗe bukaaji
10No miiraaɓe Yeesu yahi juulɗe ɗen, Yeesu bo yahi ton, amma o hollitay hoore makko, sey oo suuɗii. 11Hooreeɓe *Yahuduuɓe e daarta mo der juulɗe ɗen, e wi'a: «Toy o woni?»
12Himɓe ɗuuɓɓe e dumbitoo dow haala makko. Woɓɓe e wi'a: «Neɗɗo geeto nun!» Woɓɓe bo e wi'a: «Non nun bane, majjinoowo himɓe nun.» 13Goɗɗo suusay batango mo e daane towne, gam ɓee kula hooreeɓe *Yahuduuɓe.
14Tawi juulɗe ɗen fecciri, go Yeesu fuɗɗi janŋingo der suudu Alla. 15Haaynaare waɗi *Yahuduuɓe sanne, ɓe bi'i: «Noy o anniri dewte, kanko mo janŋay?»
16Yeesu toontii ɓe, wi'i: «Jande janŋinammi on, ƴiway e am. Diga to liloyɗo am ɗum ƴiwi. 17To neɗɗo e yiɗi waɗugo sago Alla, o annitan to janŋinol am ƴiwi nun to Alla, naa bo to haalaaji am, e baawɗe am nun ƴiwi. 18Batanoowo hoore mum, hoore mum nun daartanta tedduŋal. Amma daartoowo tedduŋal liloyɗo mo, oo ɗon gooŋa nun batata, fewre walaa e makko. 19Hinaa Muusa hokki on tawreeta na? Amma baa gooto mooɗon golliray tawreeta. Ko woni sabbu go oon daarta warugo am?» 20Himɓe ɓen toontii mo, wi'i: «An, aa woodi ginnawol. Moy daartata warugo maa?»
21Yeesu toontii ɓe: «Golle goote tan gaɗumi, go on fu haaynaare waɗi on. 22Muusa hokkii laawol gaɗon juulnol. Diga to Muusa du bane ŋol ƴiwi, diga to kookiraaɓe mon nun, go oon juulna suka nyalaane siwteteene. 23To suka e juulnee nyalaane siwteteene, gam to *tawreeta Muusa ƴartee, gam ume monnotoɗon gam mi nyawtii tagaaɗo mam mam der nyalaane siwteteene? 24Accee hiitoraago no ji'irton, amma gaɗee kiita poonnitiika.»
Yeesu woni *Almasiihu na?
25Go himɓe *Urusaliima woɓɓe wi'i: «Hinaa oo ɗo ɓe daartata warugo na? 26Oo woni caka maɓɓe, oo bata, ɓe bi'ay mo bo gokka. Den mawɓe men annitin nun kanko woni *Almasiihu na? 27Oo ɗo kan, een anni to ƴiwi, amma to *Almasiihu e wara, goɗɗo annataa to o ƴiwata.»
28Tawi Yeesu e janŋina der suudu Alla, o bati e daane towne, o wi'i: «Oon annimmi, oon anni to ƴiwumi! Min bane waddi hoore am. Liloyɗo am laati nun gooŋaajo. Kanko woni mo on annaa. 29Min, mii anni mo gam to makko ƴiwmi. Kanko nun liloy am.»
30Den ɓe daarti no ɓe nanŋirta mo, amma goɗɗo juunŋo mum meemay mo, gam wakkati makko waray taw. 31Jama'aare nen ɗuuɓɓe mum goonɗinii mo, wi'i: «To *Almasiihu warii, o waɗan haaynaareeji ɓuruɗi ɗi gorko oo waɗi na?»
Reenuɓe suudu Alla lilaama nanŋa Yeesu
32*Farisaaɓe nani ko himɓe ɓen dumbitintoo dow haala Yeesu. Hooreeɓe *Liimaamiiɓe e *Farisaaɓe lili reenooɓe suudu Alla, nanŋa mo. 33Yeesu wi'i: «Min, mii wondi e mooɗon wakkati seɗɗa taw. Ɓaawo mum, mi wittan to liloyɗo am. 34On daartan am, amma on jiitataa am, gam on baawataa yahugo to gonumi.»
35*Yahuduuɓe ƴamontiri, wi'i: «Toy o yahata go en baawataa ko yiiti mo? O yahan nun to himɓe meeɗen feruɓe hooti to *Yunaninkeeɓe, o janŋina Yunaninkeeɓe na? 36O wi'ii en daartan mo, en jiitataa mo, gam en baawataa yahugo to o tawetee. Kaye nun kaa ɗon bo?»
Diyam yonki
37Nyalaane sakitiineere der juulɗe ɗen ɓuri teddugo. Nyanne mum, Yeesu darii, bati e daane towne, wi'i: «Neɗɗo fu ɗonɗaaɗo wara to am, yara. 38Goonɗinɗo am fu, "ilaaɗi diyam yonki mawɗi ilan e ɓerne mum", hande no Dewte batiri.»
39O batu nun kaa ɗon dow Ruuhu mo goonɗinɗo fu heɓata. Den Ruuhu hokkaaka taw, gam Yeesu teddinaaka taw.
Himɓe luudontirii sabbu Yeesu
40No jama'aare nen woɓɓe mum nani haala ka, wi'i: «Lalley kanko woni Annabiijo.» 41Woɓɓe wi'i: «Kanko woni Almasiihu.» Woɓɓe bo wi'i: «Almasiihu ƴiwan diga Galili na?» 42Dewte wi'ay baa, e lenyol annabi Dawda nun *Almasiihu ƴiwata, der siire Baytilaama, to Dawda ƴiwi? 43Jama'aare nen luudontiri gam makko. 44E woodi yiɗuɓe nanŋugo mo der maɓɓe, amma goɗɗo juunŋo mum meemay mo.
Mawɓe *Yahuduuɓe goonɗinay Yeesu
45Reenooɓe suudu Alla wittoy to hooreeɓe *Liimaamiiɓe e *Farisaaɓe, go ɓee ɗon ƴami ɓe, ɓe bi'i: «Ko woni sabbu go on gadday mo?» 46Reenooɓe suudu Alla ɓen toontii, wi'i: «Abada goɗɗo batiray hande no gorko on batirta.» 47*Farisaaɓe ƴami ɓe: «Onon bo on majjinaama hinaa? 48E woodi baa gooto der hooreeɓe, maa bo der *Farisaaɓe goonɗinɗo mo na? 49Amma jama'aare nee ɗo annaa tawreeta, ne yaa'aane.»
50Gooto der maɓɓe, bi'eteeɗo Nikodemu, jahunooɗo to Yeesu wi'i ɓe: 51«Tawreeta meeɗen e hiitoo neɗɗo tawee nanaaka ka o bati, annaaka ko o waɗi na?» 52Ɓe bi'i mo: «An bo a Galilinkeejo na? Wiɗita Dewte, a yi'an walaa *annabiijo ƴiwuɗo Galili.» [53Ɓaawo mum, moy fu hooti wuro mum.
Iliyochaguliwa sasa
Yuhaana 7: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Yuhaana 7
7
Miiraaɓe Yeesu goonɗinay mo
1Ɓaawo majjum Yeesu e woosoo der Galili. O yiɗaa woosaago der Yahudiya gam hooreeɓe *Yahuduuɓe e daarta no warirta mo. 2Tawi juulɗe *Yahuduuɓe bi'eteeɗe juulɗe bukaaji ɓattake. 3Miiraaɓe Yeesu wi'i mo: «Eggu, jahaa Yahudiya gam aahiiɓe maa yi'a golle ɗe gaɗataa. 4Goɗɗo suuɗataa ko waɗata, to e yiɗi anneego. No aa waɗa golle ɗee ɗo, hollitin himɓe hoore maa.»
5Baa kamɓe miiraaɓe makko ɓe goonɗinay mo. 6Yeesu wi'i ɓe: «Wakkati am waray taw, amma onon, wakkati fu laati nun wakkati mooɗon. 7Himɓe duuniyaaru waawataa ko wanyi on, amma min, ɓee banyimmi gam mii seedoo no golle maɓɓe wooɗaa. 8Onon, jahee juulɗe ɗen. Min, mi yahataa, gam wakkati am waray taw.» 9No o bati ɓe kaa ɗon, o jooɗii leydi Galili.
Yeesu yahii juulɗe bukaaji
10No miiraaɓe Yeesu yahi juulɗe ɗen, Yeesu bo yahi ton, amma o hollitay hoore makko, sey oo suuɗii. 11Hooreeɓe *Yahuduuɓe e daarta mo der juulɗe ɗen, e wi'a: «Toy o woni?»
12Himɓe ɗuuɓɓe e dumbitoo dow haala makko. Woɓɓe e wi'a: «Neɗɗo geeto nun!» Woɓɓe bo e wi'a: «Non nun bane, majjinoowo himɓe nun.» 13Goɗɗo suusay batango mo e daane towne, gam ɓee kula hooreeɓe *Yahuduuɓe.
14Tawi juulɗe ɗen fecciri, go Yeesu fuɗɗi janŋingo der suudu Alla. 15Haaynaare waɗi *Yahuduuɓe sanne, ɓe bi'i: «Noy o anniri dewte, kanko mo janŋay?»
16Yeesu toontii ɓe, wi'i: «Jande janŋinammi on, ƴiway e am. Diga to liloyɗo am ɗum ƴiwi. 17To neɗɗo e yiɗi waɗugo sago Alla, o annitan to janŋinol am ƴiwi nun to Alla, naa bo to haalaaji am, e baawɗe am nun ƴiwi. 18Batanoowo hoore mum, hoore mum nun daartanta tedduŋal. Amma daartoowo tedduŋal liloyɗo mo, oo ɗon gooŋa nun batata, fewre walaa e makko. 19Hinaa Muusa hokki on tawreeta na? Amma baa gooto mooɗon golliray tawreeta. Ko woni sabbu go oon daarta warugo am?» 20Himɓe ɓen toontii mo, wi'i: «An, aa woodi ginnawol. Moy daartata warugo maa?»
21Yeesu toontii ɓe: «Golle goote tan gaɗumi, go on fu haaynaare waɗi on. 22Muusa hokkii laawol gaɗon juulnol. Diga to Muusa du bane ŋol ƴiwi, diga to kookiraaɓe mon nun, go oon juulna suka nyalaane siwteteene. 23To suka e juulnee nyalaane siwteteene, gam to *tawreeta Muusa ƴartee, gam ume monnotoɗon gam mi nyawtii tagaaɗo mam mam der nyalaane siwteteene? 24Accee hiitoraago no ji'irton, amma gaɗee kiita poonnitiika.»
Yeesu woni *Almasiihu na?
25Go himɓe *Urusaliima woɓɓe wi'i: «Hinaa oo ɗo ɓe daartata warugo na? 26Oo woni caka maɓɓe, oo bata, ɓe bi'ay mo bo gokka. Den mawɓe men annitin nun kanko woni *Almasiihu na? 27Oo ɗo kan, een anni to ƴiwi, amma to *Almasiihu e wara, goɗɗo annataa to o ƴiwata.»
28Tawi Yeesu e janŋina der suudu Alla, o bati e daane towne, o wi'i: «Oon annimmi, oon anni to ƴiwumi! Min bane waddi hoore am. Liloyɗo am laati nun gooŋaajo. Kanko woni mo on annaa. 29Min, mii anni mo gam to makko ƴiwmi. Kanko nun liloy am.»
30Den ɓe daarti no ɓe nanŋirta mo, amma goɗɗo juunŋo mum meemay mo, gam wakkati makko waray taw. 31Jama'aare nen ɗuuɓɓe mum goonɗinii mo, wi'i: «To *Almasiihu warii, o waɗan haaynaareeji ɓuruɗi ɗi gorko oo waɗi na?»
Reenuɓe suudu Alla lilaama nanŋa Yeesu
32*Farisaaɓe nani ko himɓe ɓen dumbitintoo dow haala Yeesu. Hooreeɓe *Liimaamiiɓe e *Farisaaɓe lili reenooɓe suudu Alla, nanŋa mo. 33Yeesu wi'i: «Min, mii wondi e mooɗon wakkati seɗɗa taw. Ɓaawo mum, mi wittan to liloyɗo am. 34On daartan am, amma on jiitataa am, gam on baawataa yahugo to gonumi.»
35*Yahuduuɓe ƴamontiri, wi'i: «Toy o yahata go en baawataa ko yiiti mo? O yahan nun to himɓe meeɗen feruɓe hooti to *Yunaninkeeɓe, o janŋina Yunaninkeeɓe na? 36O wi'ii en daartan mo, en jiitataa mo, gam en baawataa yahugo to o tawetee. Kaye nun kaa ɗon bo?»
Diyam yonki
37Nyalaane sakitiineere der juulɗe ɗen ɓuri teddugo. Nyanne mum, Yeesu darii, bati e daane towne, wi'i: «Neɗɗo fu ɗonɗaaɗo wara to am, yara. 38Goonɗinɗo am fu, "ilaaɗi diyam yonki mawɗi ilan e ɓerne mum", hande no Dewte batiri.»
39O batu nun kaa ɗon dow Ruuhu mo goonɗinɗo fu heɓata. Den Ruuhu hokkaaka taw, gam Yeesu teddinaaka taw.
Himɓe luudontirii sabbu Yeesu
40No jama'aare nen woɓɓe mum nani haala ka, wi'i: «Lalley kanko woni Annabiijo.» 41Woɓɓe wi'i: «Kanko woni Almasiihu.» Woɓɓe bo wi'i: «Almasiihu ƴiwan diga Galili na?» 42Dewte wi'ay baa, e lenyol annabi Dawda nun *Almasiihu ƴiwata, der siire Baytilaama, to Dawda ƴiwi? 43Jama'aare nen luudontiri gam makko. 44E woodi yiɗuɓe nanŋugo mo der maɓɓe, amma goɗɗo juunŋo mum meemay mo.
Mawɓe *Yahuduuɓe goonɗinay Yeesu
45Reenooɓe suudu Alla wittoy to hooreeɓe *Liimaamiiɓe e *Farisaaɓe, go ɓee ɗon ƴami ɓe, ɓe bi'i: «Ko woni sabbu go on gadday mo?» 46Reenooɓe suudu Alla ɓen toontii, wi'i: «Abada goɗɗo batiray hande no gorko on batirta.» 47*Farisaaɓe ƴami ɓe: «Onon bo on majjinaama hinaa? 48E woodi baa gooto der hooreeɓe, maa bo der *Farisaaɓe goonɗinɗo mo na? 49Amma jama'aare nee ɗo annaa tawreeta, ne yaa'aane.»
50Gooto der maɓɓe, bi'eteeɗo Nikodemu, jahunooɗo to Yeesu wi'i ɓe: 51«Tawreeta meeɗen e hiitoo neɗɗo tawee nanaaka ka o bati, annaaka ko o waɗi na?» 52Ɓe bi'i mo: «An bo a Galilinkeejo na? Wiɗita Dewte, a yi'an walaa *annabiijo ƴiwuɗo Galili.» [53Ɓaawo mum, moy fu hooti wuro mum.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.