Yuhaana 20
20
Yeesu walaa kade der yanaane
(Matiye 28:1-8, Marku 16:1-8, Luka 24:1-12)
1Nyanne alal, Mariyama mo Magadala hujji, diga fajiri, yahi e yanaane Yeesu. O tawi hayre maɓɓiranoone yanaane nen tallitaama. 2O doggi, o yahi to Simon Piyer e aahiijo mo Yeesu ɓuruno yiɗugo. O wi'i ɓe: «Joomiraawo hikkinaama diga e yanaane, mi annaa to o wattaa.»
3Piyer e aahiijo oo ton wurtii, ɓe jahi to yanaane ton. 4Ɓe fu ɗiɗo ɓee dogga. Aahiijo oo ton woppi Piyer, arti mo yottaago yanaane. 5O yuurnii der yanaane nen, o yi'i leppi e joowi, amma o naatay. 6Simon Piyer yottii, naati yanaane nen, tawi leppi e joowii. 7Lefol piilanooŋol e hoore makko ŋol hawritayno e leppi ɗii ton, ŋol tawa nun e ŋol resii feere maggol. 8Den aahiijo artuɗo yottaago yanaane on, kanun bo naati, yi'i ɗum, goonɗini. 9Faa e wakkati kii ɗon ɓe paamayno taw ka Dewte batunoo wi'i: "Yeesu fintan". 10Ɓaawo mum aahiiɓe ɓen hooti.
Yeesu wirnitanake Mariyama mo Magadala
(Matiye 28:9-10, Marku 16:9-11)
11Mariyama darii yaasi takkol yanaane, e wulla. O jimminii, oo yuurnoo der yanaane nen. 12O yi'i malaykaaɓe ɗiɗo ɓorniiɓe gineeji daneeji e jooɗii to Yeesu fukkinanoo. Gooto e jooɗii to hoore wonnoo, gooto far to koyɗe. 13Malaykaaɓe ɓen ƴami mo: «Debbo, ume bullantaa?» O toontii ɓe: «Joomiraawo am ettaa diga ɗo, mi annaa to o yaaraa.»
14No o batidi haala kaa ɗon, o yeeƴitii, o yi'i Yeesu e darii, amma o annitay mo. 15Yeesu wi'i mo: «Debbo, ume bullantaa? Moy daartataa?» Amma kanko, oo miiji joom gesa nun baddata mo, o wi'i mo: «Dottiijo, to an etti mo, batan to gattuɗaa mo, gam mi ettitoo mo.» 16Yeesu wi'i mo: «Mariyama.» Mariyama wonƴitii, wi'i mo e Iburaninkoore: «Rabbuni,» waato moodibbo.
17Yeesu wi'i mo: «Taa meemam, gam mi eencay to Baaba am taw, amma yahu to banniraaɓe am, bi'aa ɓe, no mii eenca to Baaba am, laatiiɗo bo Baaba mooɗon, to Alla am, laatiiɗo bo Alla mooɗon".»
18Mariyama mo Magadala batoy aahiiɓe wi'i: «Mi yi'ii Joomiraawo.» O holli ɓe ko Yeesu bati mo.
Yeesu wirnitanake aahiiɓe muuɗum
(Matiye 28:16-20, Marku 16:14-18, Luka 24:36-49)
19Alal kiikiiɗe, aahiiɓe Yeesu fu hawriti der suudu, feɗi dammugal gam kulol hooreeɓe *Yahuduuɓe, Yeesu suppitii hakkune maɓɓe. O wi'i ɓe: «Jam wonana on!»
20Ɓaawo haala kan, o holli ɓe juuɗe makko e wuttudu makko. Ɓerɗe aahiiɓe ɓen weli no ɓe ji'i Joomiraawo. 21Den Yeesu wi'i ɓe kade: «Jam wonana on. Hande no Baaba lilirimmi, non non min bo, liliranmi on.»
22No o batidi haalaaji ɗin, o fuufi dow maɓɓe, o wi'i: «Jaɓee Ruuhu Ceniiɗo. 23Mo jaafaniɗon hakkeeji mum, yaafaama, mo on jaafanaaki, yaafataake.»
Yeesu wirnitanake Toma
24Toma bi'eteeɗo Ciwto, gooto e aahiiɓe sappo e ɗiɗo (12), walaano ɗon no Yeesu suppitaniino ɓe. 25Aahiiɓe ɓen wi'i mo: «Men ji'ii Joomiraawo!» O toontii ɓe: «To mi yi'ay ɓattarɗe juuɗe makko, to mi wattay honnu am e julanɗe majje, mi watta bo juunŋo am e wuttudu makko, mi goonɗintaa.»
26No balɗe jeetati waɗi, aahiiɓe hawritii der suudu kade, Toma e wondi e maɓɓe. Dammuɗe fu e feɗii, Yeesu suppitii hakkune maɓɓe, wi'i ɓe: «Jam wonana on!» 27O wi'i Toma: «Daaru juuɗe am, waddu honnu maa meemaa ɗe, waddu juunŋo maa bo, wattu e wuttudu am. Taa laata mo hoolaaki, goonɗin tan.» 28Toma toontii mo: «Joomiraawo am, Alla am.» 29Yeesu wi'i mo: «Gam a yi'ii am, a goonɗinii: Barke laatonoo ɓe yi'ay go goonɗini.»
Daliila Dewtere nee ɗo
30Yeesu waɗii kade haaynaareeji goɗɗi ɗuuɗɗi yeeso aahiiɓe mum ɗi winnaaka der dewtere nee. 31Amma ɗii ɗo winnaama gam goonɗinon Yeesu laati nun *Almasiihu, Ɓii Alla, gam to on goonɗinii mo, keɓon yonki sabbu makko.
Iliyochaguliwa sasa
Yuhaana 20: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Yuhaana 20
20
Yeesu walaa kade der yanaane
(Matiye 28:1-8, Marku 16:1-8, Luka 24:1-12)
1Nyanne alal, Mariyama mo Magadala hujji, diga fajiri, yahi e yanaane Yeesu. O tawi hayre maɓɓiranoone yanaane nen tallitaama. 2O doggi, o yahi to Simon Piyer e aahiijo mo Yeesu ɓuruno yiɗugo. O wi'i ɓe: «Joomiraawo hikkinaama diga e yanaane, mi annaa to o wattaa.»
3Piyer e aahiijo oo ton wurtii, ɓe jahi to yanaane ton. 4Ɓe fu ɗiɗo ɓee dogga. Aahiijo oo ton woppi Piyer, arti mo yottaago yanaane. 5O yuurnii der yanaane nen, o yi'i leppi e joowi, amma o naatay. 6Simon Piyer yottii, naati yanaane nen, tawi leppi e joowii. 7Lefol piilanooŋol e hoore makko ŋol hawritayno e leppi ɗii ton, ŋol tawa nun e ŋol resii feere maggol. 8Den aahiijo artuɗo yottaago yanaane on, kanun bo naati, yi'i ɗum, goonɗini. 9Faa e wakkati kii ɗon ɓe paamayno taw ka Dewte batunoo wi'i: "Yeesu fintan". 10Ɓaawo mum aahiiɓe ɓen hooti.
Yeesu wirnitanake Mariyama mo Magadala
(Matiye 28:9-10, Marku 16:9-11)
11Mariyama darii yaasi takkol yanaane, e wulla. O jimminii, oo yuurnoo der yanaane nen. 12O yi'i malaykaaɓe ɗiɗo ɓorniiɓe gineeji daneeji e jooɗii to Yeesu fukkinanoo. Gooto e jooɗii to hoore wonnoo, gooto far to koyɗe. 13Malaykaaɓe ɓen ƴami mo: «Debbo, ume bullantaa?» O toontii ɓe: «Joomiraawo am ettaa diga ɗo, mi annaa to o yaaraa.»
14No o batidi haala kaa ɗon, o yeeƴitii, o yi'i Yeesu e darii, amma o annitay mo. 15Yeesu wi'i mo: «Debbo, ume bullantaa? Moy daartataa?» Amma kanko, oo miiji joom gesa nun baddata mo, o wi'i mo: «Dottiijo, to an etti mo, batan to gattuɗaa mo, gam mi ettitoo mo.» 16Yeesu wi'i mo: «Mariyama.» Mariyama wonƴitii, wi'i mo e Iburaninkoore: «Rabbuni,» waato moodibbo.
17Yeesu wi'i mo: «Taa meemam, gam mi eencay to Baaba am taw, amma yahu to banniraaɓe am, bi'aa ɓe, no mii eenca to Baaba am, laatiiɗo bo Baaba mooɗon, to Alla am, laatiiɗo bo Alla mooɗon".»
18Mariyama mo Magadala batoy aahiiɓe wi'i: «Mi yi'ii Joomiraawo.» O holli ɓe ko Yeesu bati mo.
Yeesu wirnitanake aahiiɓe muuɗum
(Matiye 28:16-20, Marku 16:14-18, Luka 24:36-49)
19Alal kiikiiɗe, aahiiɓe Yeesu fu hawriti der suudu, feɗi dammugal gam kulol hooreeɓe *Yahuduuɓe, Yeesu suppitii hakkune maɓɓe. O wi'i ɓe: «Jam wonana on!»
20Ɓaawo haala kan, o holli ɓe juuɗe makko e wuttudu makko. Ɓerɗe aahiiɓe ɓen weli no ɓe ji'i Joomiraawo. 21Den Yeesu wi'i ɓe kade: «Jam wonana on. Hande no Baaba lilirimmi, non non min bo, liliranmi on.»
22No o batidi haalaaji ɗin, o fuufi dow maɓɓe, o wi'i: «Jaɓee Ruuhu Ceniiɗo. 23Mo jaafaniɗon hakkeeji mum, yaafaama, mo on jaafanaaki, yaafataake.»
Yeesu wirnitanake Toma
24Toma bi'eteeɗo Ciwto, gooto e aahiiɓe sappo e ɗiɗo (12), walaano ɗon no Yeesu suppitaniino ɓe. 25Aahiiɓe ɓen wi'i mo: «Men ji'ii Joomiraawo!» O toontii ɓe: «To mi yi'ay ɓattarɗe juuɗe makko, to mi wattay honnu am e julanɗe majje, mi watta bo juunŋo am e wuttudu makko, mi goonɗintaa.»
26No balɗe jeetati waɗi, aahiiɓe hawritii der suudu kade, Toma e wondi e maɓɓe. Dammuɗe fu e feɗii, Yeesu suppitii hakkune maɓɓe, wi'i ɓe: «Jam wonana on!» 27O wi'i Toma: «Daaru juuɗe am, waddu honnu maa meemaa ɗe, waddu juunŋo maa bo, wattu e wuttudu am. Taa laata mo hoolaaki, goonɗin tan.» 28Toma toontii mo: «Joomiraawo am, Alla am.» 29Yeesu wi'i mo: «Gam a yi'ii am, a goonɗinii: Barke laatonoo ɓe yi'ay go goonɗini.»
Daliila Dewtere nee ɗo
30Yeesu waɗii kade haaynaareeji goɗɗi ɗuuɗɗi yeeso aahiiɓe mum ɗi winnaaka der dewtere nee. 31Amma ɗii ɗo winnaama gam goonɗinon Yeesu laati nun *Almasiihu, Ɓii Alla, gam to on goonɗinii mo, keɓon yonki sabbu makko.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.