Yuhaana 19
19
1Den Pilaatu wi'i ɓe nanŋa Yeesu ɓe piya mo looci. 2Soogeeji ɗin sanyi gi'e, ɓe kuunini mo, go ɓe ɓornini mo toggowa boɗeya. 3Ɓe ɓattii mo, ɓee bi'a: «Foofo, laamiiɗo *Yahuduuɓe!» Ɓee piya mo meenye.
4Pilaatu wurtii kade, wi'i *Yahuduuɓe: «Mi wurtinanan on mo, heɓa annon mi heɓay fu gacce ɗe nanŋiran moo mi.» 5Yeesu wurtii e huunii huuneere gi'e, e ɓornii toggowa boɗeya. Pilaatu wi'i ɓe: «Nani neɗɗo on.» 6No hooreeɓe *Liimaamiiɓe e reenooɓe suudu Joomiraawo yi'i mo, ɓe bati e semme ɓe bi'i: «Tiggu mo! Tiggu mo!» Pilaatu wi'i ɓe: «Nanŋee mo onon bo, tiggon mo, gam min kan, mi heɓay gacce e makko.» 7*Yahuduuɓe toontii mo: «Emen goodi ooda, ooda kan nun hokki laawol o waree gam o laatinii hoore makko Ɓii Alla.»
8Kulol Pilaatu ɓeydii no nani haala kan. 9O naati der laamorde, o wi'i Yeesu: «An, toy ƴiwuɗaa?» Amma Yeesu toontaaki baa goota. 10Den Pilaatu wi'i mo: «A toontataako na? A annaa mii woodi baawɗe yoofugo maa, mii woodi bo baawɗe tiggugo maa na?» 11Yeesu toontii mo: «Walaa fu ko baawuɗaa e am, to hinaa Alla hokku maa baawɗe majjum. Gam majjum gattuɗo am e juunŋo maa, e ɓuri maa hakke.»
12Diga wakkati oo ɗon Pilaatu e daarta yoofitingo mo. Amma *Yahuduuɓe e bata e semme, e wi'a: «To ni a yoofitii mo, a laataaki beldiijo laamiiɗo Roma. Gam neɗɗo gaɗuɗo hoore mum laamiiɗo, laati nun ganyo laamiiɗo Roma mawɗo.»
13No Pilaatu nani haalaaji ɗii, o wurtini Yeesu o joonni mo dow kittaal kiita, e nokkuure bi'eteene to kaaƴe yowyowtiri. E ne wi'ee e Iburaninkoore: ‹Gabbata›. 14Nyalaane ciriyaaki *Paska nun, caka nyalooma. Pilaatu wi'i *Yahuduuɓe: «Nani laamiiɗo mooɗon!» 15Ɓee boola: «Waru mo! Waru mo! Tiggu mo dow leggal palaaŋal!» Pilaatu toontii: «Mi tigga laamiiɗo mooɗon dow *leggal palaaŋal na?» Hooreeɓe *Liimaamiiɓe wi'i: «Min galaa laamiiɗo to hinaa laamiiɗo Roma.» 16Den o hokki ɓe Yeesu, ɓe tiggaa dow *leggal palaaŋal.
Yeesu tiggaama dow *leggal palaaŋal
(Matiye 27:32-44, Marku 15:21-32, Luka 23:26-43)
Ɓe kocci Yeesu. 17O wurtii oo roonii *leggal palaaŋal makko faa o yottii nokkuure noddeteene ‹Le'al hoore.› E ne wi'e e Iburaninkoore ‹Golgota›. 18Ɗon ɓe tiggidi mo dow *leggal palaaŋal e worɓe ɗiɗo, oo ɗo far to juunŋo nano, oo ɗo far to juunŋo nyaamo, Yeesu e tummii caka.
19Pilaatu waɗi alluwal winnaa wi'aa: «YEESU MO NASARATU, LAAMIIƊO *YAHUDUUƁE,» o wi'i ŋal takkee e *leggal palaaŋal ŋal. 20*Yahuduuɓe ɗuuɓɓe janŋii binni nin gam to Yeesu tiggaa woɗɗidaa e siire. Alluwal ŋal winniraama e Iburaninkoore e Romankoore e Yunaninkoore. 21Hooreeɓe *Liimaamiiɓe bati Pilaatu: «Taa winnu ‹Laamiiɗo *Yahuduuɓe›, amma winnu: ‹Kanko wi'i o laamiiɗo *Yahuduuɓe›.» 22Pilaatu toontii: «Ko binnumi, winnake.»
23No soogeeji ɗin tiggidi Yeesu, ɓe kocci gineeji makko ɓe ceenni ukke naay. Moy fu etti to mum. Horii gulunfaare ne lefol gootol, cannyaane diga dow faa ley, ne walaa nyoogol. 24Soogeeji ɗin baddi wi'i: «To en cerkitee ne, en piɗanee ne tete, daaren keɓanɗo ne,» gam ko bataa e dewte goonɗa: «Ɓe ceennii gineeji am hakkune maɓɓe, ɓe piɗani gulunfaare am tete.» Non bo soogeeji ɗin waɗi.
25Inna Yeesu, e miiraawo mum, e Mariyama debbo Kolopasi, e Mariyama mo Magadala e darii takkol *leggal palaaŋal ŋal Yeesu tiggaa e mum. 26Yeesu yi'i inna muuɗum e aahiijo mum mo ɓuri yiɗugo e darodii, wi'i inna muuɗum: «Inna, suka maa nani!» 27Ɓaawo mum, o wi'i aahiijo on: «Inna maa nani.» Diga nyalaane nee ɗon, aahiijo on hoori Mariyama wuro muuɗum.
Maayde Yeesu
(Matiye 27:45-56, Marku 15:33-41, Luka 23:44-49)
28Ɓaawo Yeesu anni no goɗɗum horaaki, gam ko winnaa e Dewte goonɗa, o wi'i: «Ɗonka e woodimmi.» 29Loone kebbune innabojam lammuɗam e wonunoo ɗon. Ɓe cuuwi soosuuji e innabojam ɗam, ɓe kaɓɓi e loocol, ɓe ɓattini e hunnuko makko. 30No Yeesu ɓiccinii innabojam ɗam, o wi'i: «Ɗum fu ɗum hebbii!» O jimminii, o maayi.
Soogeeru yuwii wuttudu Yeesu
31Nyalaane ciriyaaki juulɗe nun. Hooreeɓe *Yahuduuɓe eeli Pilaatu acca koyɗe tiggaaɓe heltee, ɓe ɓiltee. Ɓe jiɗaa ɓalli tiggaaɓe tawee e leɗɗe nyalaane siwteteene, gam nyalaane siwteteene nen laati nun nyalaane mawne. 32Soogeeji ɗin wari, helti koyɗe arandeejo e ɗiɗaɓo, tiggidaaɓe e Yeesu ɓen. 33Amma no ɓe jottii to Yeesu, ɓe tawi o maayii. Gam majjum, ɓe keltay koyɗe makko. 34Amma soogeeji ɗin gooto mum yuwi wuttudu Yeesu e labbo. Ɗon ƴiiƴam e diyam wurtii. 35Ji'uɗo nun seedii, seedaaku makko bo gooŋa nun. Oo anni o batii gooŋa gam onon bo, goonɗinon. 36Ɗum fu ɗum waɗii gam ko bataa der Dewte goonɗa: «Baa ƴi'al makko gootal heltataake.» 37Aayaare wonne der Dewtere bo wi'ii: «Ɓe daaran mo ɓe juwi.»
Yeesu uwaama
(Matiye 27:57-61, Marku 15:42-47, Luka 23:50-56)
38Ɓaawo mum, Yusufu mo Arimatiya, eeli Pilaatu hokka mo ɓannu Yeesu. Yusufu on e laatinoo aahiijo Yeesu e cuuccukka gam oo hulannoo *Yahuduuɓe. Pilaatu nootii, Yusufu wari etti ɓannu ŋol. 39Nikodemu, jahunooɗo to Yeesu der jemmaare gom, kanun bo warii, waddi urdiiji bi'eteeɗi, miir, e alowesi jillontiraaɗi, ko waɗata kilooji laso e sappo (30). 40Ɓe etti ɓannu Yeesu ŋol, ɓe piili ŋol leppi baanjaaɗi wardi hande no *Yahuduuɓe woowi waɗugo to ɓee uwa maayɗo. 41To Yeesu tigganoo, gesa e wonunoo ɗon. Der gesa ŋan e woodunoo yanaane heyre ne baa goɗɗo uwaakano e muuɗum. 42Ɗon ɓe gatti Yeesu gam sabbu ciriyaaki juulɗe *Yahuduuɓe, yanaane nen bo e ɓattii ɗon.
Iliyochaguliwa sasa
Yuhaana 19: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Yuhaana 19
19
1Den Pilaatu wi'i ɓe nanŋa Yeesu ɓe piya mo looci. 2Soogeeji ɗin sanyi gi'e, ɓe kuunini mo, go ɓe ɓornini mo toggowa boɗeya. 3Ɓe ɓattii mo, ɓee bi'a: «Foofo, laamiiɗo *Yahuduuɓe!» Ɓee piya mo meenye.
4Pilaatu wurtii kade, wi'i *Yahuduuɓe: «Mi wurtinanan on mo, heɓa annon mi heɓay fu gacce ɗe nanŋiran moo mi.» 5Yeesu wurtii e huunii huuneere gi'e, e ɓornii toggowa boɗeya. Pilaatu wi'i ɓe: «Nani neɗɗo on.» 6No hooreeɓe *Liimaamiiɓe e reenooɓe suudu Joomiraawo yi'i mo, ɓe bati e semme ɓe bi'i: «Tiggu mo! Tiggu mo!» Pilaatu wi'i ɓe: «Nanŋee mo onon bo, tiggon mo, gam min kan, mi heɓay gacce e makko.» 7*Yahuduuɓe toontii mo: «Emen goodi ooda, ooda kan nun hokki laawol o waree gam o laatinii hoore makko Ɓii Alla.»
8Kulol Pilaatu ɓeydii no nani haala kan. 9O naati der laamorde, o wi'i Yeesu: «An, toy ƴiwuɗaa?» Amma Yeesu toontaaki baa goota. 10Den Pilaatu wi'i mo: «A toontataako na? A annaa mii woodi baawɗe yoofugo maa, mii woodi bo baawɗe tiggugo maa na?» 11Yeesu toontii mo: «Walaa fu ko baawuɗaa e am, to hinaa Alla hokku maa baawɗe majjum. Gam majjum gattuɗo am e juunŋo maa, e ɓuri maa hakke.»
12Diga wakkati oo ɗon Pilaatu e daarta yoofitingo mo. Amma *Yahuduuɓe e bata e semme, e wi'a: «To ni a yoofitii mo, a laataaki beldiijo laamiiɗo Roma. Gam neɗɗo gaɗuɗo hoore mum laamiiɗo, laati nun ganyo laamiiɗo Roma mawɗo.»
13No Pilaatu nani haalaaji ɗii, o wurtini Yeesu o joonni mo dow kittaal kiita, e nokkuure bi'eteene to kaaƴe yowyowtiri. E ne wi'ee e Iburaninkoore: ‹Gabbata›. 14Nyalaane ciriyaaki *Paska nun, caka nyalooma. Pilaatu wi'i *Yahuduuɓe: «Nani laamiiɗo mooɗon!» 15Ɓee boola: «Waru mo! Waru mo! Tiggu mo dow leggal palaaŋal!» Pilaatu toontii: «Mi tigga laamiiɗo mooɗon dow *leggal palaaŋal na?» Hooreeɓe *Liimaamiiɓe wi'i: «Min galaa laamiiɗo to hinaa laamiiɗo Roma.» 16Den o hokki ɓe Yeesu, ɓe tiggaa dow *leggal palaaŋal.
Yeesu tiggaama dow *leggal palaaŋal
(Matiye 27:32-44, Marku 15:21-32, Luka 23:26-43)
Ɓe kocci Yeesu. 17O wurtii oo roonii *leggal palaaŋal makko faa o yottii nokkuure noddeteene ‹Le'al hoore.› E ne wi'e e Iburaninkoore ‹Golgota›. 18Ɗon ɓe tiggidi mo dow *leggal palaaŋal e worɓe ɗiɗo, oo ɗo far to juunŋo nano, oo ɗo far to juunŋo nyaamo, Yeesu e tummii caka.
19Pilaatu waɗi alluwal winnaa wi'aa: «YEESU MO NASARATU, LAAMIIƊO *YAHUDUUƁE,» o wi'i ŋal takkee e *leggal palaaŋal ŋal. 20*Yahuduuɓe ɗuuɓɓe janŋii binni nin gam to Yeesu tiggaa woɗɗidaa e siire. Alluwal ŋal winniraama e Iburaninkoore e Romankoore e Yunaninkoore. 21Hooreeɓe *Liimaamiiɓe bati Pilaatu: «Taa winnu ‹Laamiiɗo *Yahuduuɓe›, amma winnu: ‹Kanko wi'i o laamiiɗo *Yahuduuɓe›.» 22Pilaatu toontii: «Ko binnumi, winnake.»
23No soogeeji ɗin tiggidi Yeesu, ɓe kocci gineeji makko ɓe ceenni ukke naay. Moy fu etti to mum. Horii gulunfaare ne lefol gootol, cannyaane diga dow faa ley, ne walaa nyoogol. 24Soogeeji ɗin baddi wi'i: «To en cerkitee ne, en piɗanee ne tete, daaren keɓanɗo ne,» gam ko bataa e dewte goonɗa: «Ɓe ceennii gineeji am hakkune maɓɓe, ɓe piɗani gulunfaare am tete.» Non bo soogeeji ɗin waɗi.
25Inna Yeesu, e miiraawo mum, e Mariyama debbo Kolopasi, e Mariyama mo Magadala e darii takkol *leggal palaaŋal ŋal Yeesu tiggaa e mum. 26Yeesu yi'i inna muuɗum e aahiijo mum mo ɓuri yiɗugo e darodii, wi'i inna muuɗum: «Inna, suka maa nani!» 27Ɓaawo mum, o wi'i aahiijo on: «Inna maa nani.» Diga nyalaane nee ɗon, aahiijo on hoori Mariyama wuro muuɗum.
Maayde Yeesu
(Matiye 27:45-56, Marku 15:33-41, Luka 23:44-49)
28Ɓaawo Yeesu anni no goɗɗum horaaki, gam ko winnaa e Dewte goonɗa, o wi'i: «Ɗonka e woodimmi.» 29Loone kebbune innabojam lammuɗam e wonunoo ɗon. Ɓe cuuwi soosuuji e innabojam ɗam, ɓe kaɓɓi e loocol, ɓe ɓattini e hunnuko makko. 30No Yeesu ɓiccinii innabojam ɗam, o wi'i: «Ɗum fu ɗum hebbii!» O jimminii, o maayi.
Soogeeru yuwii wuttudu Yeesu
31Nyalaane ciriyaaki juulɗe nun. Hooreeɓe *Yahuduuɓe eeli Pilaatu acca koyɗe tiggaaɓe heltee, ɓe ɓiltee. Ɓe jiɗaa ɓalli tiggaaɓe tawee e leɗɗe nyalaane siwteteene, gam nyalaane siwteteene nen laati nun nyalaane mawne. 32Soogeeji ɗin wari, helti koyɗe arandeejo e ɗiɗaɓo, tiggidaaɓe e Yeesu ɓen. 33Amma no ɓe jottii to Yeesu, ɓe tawi o maayii. Gam majjum, ɓe keltay koyɗe makko. 34Amma soogeeji ɗin gooto mum yuwi wuttudu Yeesu e labbo. Ɗon ƴiiƴam e diyam wurtii. 35Ji'uɗo nun seedii, seedaaku makko bo gooŋa nun. Oo anni o batii gooŋa gam onon bo, goonɗinon. 36Ɗum fu ɗum waɗii gam ko bataa der Dewte goonɗa: «Baa ƴi'al makko gootal heltataake.» 37Aayaare wonne der Dewtere bo wi'ii: «Ɓe daaran mo ɓe juwi.»
Yeesu uwaama
(Matiye 27:57-61, Marku 15:42-47, Luka 23:50-56)
38Ɓaawo mum, Yusufu mo Arimatiya, eeli Pilaatu hokka mo ɓannu Yeesu. Yusufu on e laatinoo aahiijo Yeesu e cuuccukka gam oo hulannoo *Yahuduuɓe. Pilaatu nootii, Yusufu wari etti ɓannu ŋol. 39Nikodemu, jahunooɗo to Yeesu der jemmaare gom, kanun bo warii, waddi urdiiji bi'eteeɗi, miir, e alowesi jillontiraaɗi, ko waɗata kilooji laso e sappo (30). 40Ɓe etti ɓannu Yeesu ŋol, ɓe piili ŋol leppi baanjaaɗi wardi hande no *Yahuduuɓe woowi waɗugo to ɓee uwa maayɗo. 41To Yeesu tigganoo, gesa e wonunoo ɗon. Der gesa ŋan e woodunoo yanaane heyre ne baa goɗɗo uwaakano e muuɗum. 42Ɗon ɓe gatti Yeesu gam sabbu ciriyaaki juulɗe *Yahuduuɓe, yanaane nen bo e ɓattii ɗon.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.