Haggay 2
2
Tedduŋal suudu Joomiraawo kesol
1Der laamaare Dariyusu duuɓol mum ɗiɗaɓol, der lewru jeeɗiɗaɓol balɗe mum laso e go'o, Joomiraawo baddi kade annabi Haggay. 2O wi'i mo o yaha o bata Jorobabiila ɓii Salaatiyel hooreejo leydi Yahuuda, e Yoosuwa ɓii Yosadaki hooreejo *liimaamiiɓe, e himɓe horiiɓe fu, o wi'a: 3Der mooɗon, moy nun siwtori no suudu Joomiraawo woodirnoo tedduŋal denno? Jooni, noy nun ji'irton ŋol? On ji'ay baa no ŋol walaa kade tedduŋal? 4Gam mum, min Joomiraawo, mii wi'a on: Semmiɗin ɓerne maa an Jorobabiila. Semmiɗin ɓerne maa an Yoosuwa ɓii Yosadaki hooreejo *liimaamiiɓe. Cemmiɗinee ɓerɗe mon onon himɓe leydi nin fu. Ummee mahitoɗon suudu am. Mi wondan e mon. Min Joomiraawo Joom huune fu nun bati ka. 5Mi hunanike on no mi wondan e mon diga wakkati burtinmi on diga der leydi Misira. Ruuhu am e wondi e mon. To on kulee. 6Min Joomiraawo Joom huune fu, mi wi'ii wakkati seɗɗa gom tan horii go mi dimma kammu e leydi. Wakkati seɗɗa gom tan horii go mi dimma maayo e leydi jorni. 7Mi dimman lenyi duuniyaaru fu. Mi accan jawdi majji ɓuruni wooɗugo fu waddee der suudu am ɗo. Den mi acca suudu am ŋol waɗa tedduŋal sanne. Min Joomiraawo Joom huune fu nun bati ka. 8Min nun jeyi cardi. Min nun bo jeyi kanŋeeri. Min Joomiraawo Joom huune fu nun bati ka. 9Suudu am kesol ŋol waɗan tedduŋal ɓura no ŋol woodirnoo tedduŋal arande. Min Joomiraawo Joom huune fu nun bati ka. Mi accan jooɗoɗon e jam e nokkuure nen.
Himɓe ɓe laataaki seniiɓe
10Der laamaare Dariyusu duuɓol mum ɗiɗaɓol, der lewru jeenayaɓol balɗe mum laso e naay, Joomiraawo Joom huune fu baddi kade annabi Haggay. 11O wi'i mo o wi'a *liimaamiiɓe jittana mo haala kaa ɗo: 12To goɗɗo e haɓɓi e gawargal toggoore mum taƴere mareefu ŋu Joomiraawo waɗiranaa kiiseteeɗi, go gawargal ŋal meemi peen, naa bo li'o, naa bo innabojam, naa bo nebbam, naa bo nafa feereha gom, ko meemaa on laatoto cuttaaɗum feere gam Joomiraawo naa? *Liimaamiiɓe ɓen toontii wi'i: Aawo! 13Haggay ƴami ɓe kade wi'i: To goɗɗo laatake coɓuɗo gam sabbu o meemii maayɗo, ɓaawo mum to o meemii nafaali ɗin gooto mum, nafa kan bo laatoto nun coɓuka naa? Ɓe toontii mo ɓe bi'i: Ee, nafa kan bo laatoto nun coɓuka. 14Haggay wi'i ɓe, nani ɗo ka Joomiraawo bati wi'i: Non non laatiɗon yeeso am onon himɓe leydi Yahuuda. Non non bo golle mon laatii yeeso am. Ko gaddanton am fu laati nun coɓuɗum.
Gaɗee hakkillo diga hanne
15Joomiraawo wi'i kade: Jooni, miijanee ko waɗata diga hanne. Diga on puɗɗayno yooyontirgo kaaƴe gam mahugo suudu am, 16ume nun tawannoo on? To goɗɗo mon yahiino dartoygo etorɗe alkamaari laso (20) der beemal, etorɗe sappo tan nun o heɓata. To goɗɗo mon yahiino dartoygo innabojam liitiriiji lasoy ɗiɗi e sappo (50) der to innabojam ɓiɗɗetee, liitiriiji laso (20) tan nun o heɓata. 17Mi accii golle mon fu waɗi baanji. Mi yoorinii nafaali ɗi aawuɗon. Mi accii ɗi nyoli. Mi accii malamalluuje toɓi der gese mon biisi ko aawuɗon fu. Amma on bittay to am. Min Joomiraawo nun bati ka. 18Miijanee ko waɗata diga hanne faa e baadey. Ciwtoree no hanne der lewru jeenayaɓol balɗe mum laso e naay (24) nun gaɗuɗon daɗɗa suudu am. 19On kororaaki kade nafa der beeme mon. Innabooje mon, e ibbe mon, e leɗɗe mon bi'eteeɗe gerenadiye, e jaytuuje mon rimay goɗɗum. Amma diga hanne, mi barkiɗinan on.
Joomiraawo haɓɓanii Jorobabiila alkawal
20Der lewru jeenayaɓol balɗe mum laso e naay ɗen, Joomiraawo baddi Haggay de ɗiɗawre wi'i: 21Batu Jorobabiila hooreejo leydi Yahuuda, bi'aa mo, mi dimman kammu e leydi. 22Mi doƴƴan laamaare laamiiɓe. Mi heennyan semme laamaareeji leyɗe. Mi accan laanaaji pucci konu e waɗɗiiɓe ɗum fu yana tallitoo. Mi accan pucci e waɗɗiiɓe ɗum fu yana. Mi accan waɗɗotooɓe pucci warontira e kaafaaje. 23Nyanne mum, an maccuɗo am Jorobabiila ɓii Salaatiyel, mi laatinte hande takkirɗum lamba am gam an nun cuɓumi gam gollanoɗaa am. Min Joomiraawo Joom huune fu nun bati ka.
Iliyochaguliwa sasa
Haggay 2: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Haggay 2
2
Tedduŋal suudu Joomiraawo kesol
1Der laamaare Dariyusu duuɓol mum ɗiɗaɓol, der lewru jeeɗiɗaɓol balɗe mum laso e go'o, Joomiraawo baddi kade annabi Haggay. 2O wi'i mo o yaha o bata Jorobabiila ɓii Salaatiyel hooreejo leydi Yahuuda, e Yoosuwa ɓii Yosadaki hooreejo *liimaamiiɓe, e himɓe horiiɓe fu, o wi'a: 3Der mooɗon, moy nun siwtori no suudu Joomiraawo woodirnoo tedduŋal denno? Jooni, noy nun ji'irton ŋol? On ji'ay baa no ŋol walaa kade tedduŋal? 4Gam mum, min Joomiraawo, mii wi'a on: Semmiɗin ɓerne maa an Jorobabiila. Semmiɗin ɓerne maa an Yoosuwa ɓii Yosadaki hooreejo *liimaamiiɓe. Cemmiɗinee ɓerɗe mon onon himɓe leydi nin fu. Ummee mahitoɗon suudu am. Mi wondan e mon. Min Joomiraawo Joom huune fu nun bati ka. 5Mi hunanike on no mi wondan e mon diga wakkati burtinmi on diga der leydi Misira. Ruuhu am e wondi e mon. To on kulee. 6Min Joomiraawo Joom huune fu, mi wi'ii wakkati seɗɗa gom tan horii go mi dimma kammu e leydi. Wakkati seɗɗa gom tan horii go mi dimma maayo e leydi jorni. 7Mi dimman lenyi duuniyaaru fu. Mi accan jawdi majji ɓuruni wooɗugo fu waddee der suudu am ɗo. Den mi acca suudu am ŋol waɗa tedduŋal sanne. Min Joomiraawo Joom huune fu nun bati ka. 8Min nun jeyi cardi. Min nun bo jeyi kanŋeeri. Min Joomiraawo Joom huune fu nun bati ka. 9Suudu am kesol ŋol waɗan tedduŋal ɓura no ŋol woodirnoo tedduŋal arande. Min Joomiraawo Joom huune fu nun bati ka. Mi accan jooɗoɗon e jam e nokkuure nen.
Himɓe ɓe laataaki seniiɓe
10Der laamaare Dariyusu duuɓol mum ɗiɗaɓol, der lewru jeenayaɓol balɗe mum laso e naay, Joomiraawo Joom huune fu baddi kade annabi Haggay. 11O wi'i mo o wi'a *liimaamiiɓe jittana mo haala kaa ɗo: 12To goɗɗo e haɓɓi e gawargal toggoore mum taƴere mareefu ŋu Joomiraawo waɗiranaa kiiseteeɗi, go gawargal ŋal meemi peen, naa bo li'o, naa bo innabojam, naa bo nebbam, naa bo nafa feereha gom, ko meemaa on laatoto cuttaaɗum feere gam Joomiraawo naa? *Liimaamiiɓe ɓen toontii wi'i: Aawo! 13Haggay ƴami ɓe kade wi'i: To goɗɗo laatake coɓuɗo gam sabbu o meemii maayɗo, ɓaawo mum to o meemii nafaali ɗin gooto mum, nafa kan bo laatoto nun coɓuka naa? Ɓe toontii mo ɓe bi'i: Ee, nafa kan bo laatoto nun coɓuka. 14Haggay wi'i ɓe, nani ɗo ka Joomiraawo bati wi'i: Non non laatiɗon yeeso am onon himɓe leydi Yahuuda. Non non bo golle mon laatii yeeso am. Ko gaddanton am fu laati nun coɓuɗum.
Gaɗee hakkillo diga hanne
15Joomiraawo wi'i kade: Jooni, miijanee ko waɗata diga hanne. Diga on puɗɗayno yooyontirgo kaaƴe gam mahugo suudu am, 16ume nun tawannoo on? To goɗɗo mon yahiino dartoygo etorɗe alkamaari laso (20) der beemal, etorɗe sappo tan nun o heɓata. To goɗɗo mon yahiino dartoygo innabojam liitiriiji lasoy ɗiɗi e sappo (50) der to innabojam ɓiɗɗetee, liitiriiji laso (20) tan nun o heɓata. 17Mi accii golle mon fu waɗi baanji. Mi yoorinii nafaali ɗi aawuɗon. Mi accii ɗi nyoli. Mi accii malamalluuje toɓi der gese mon biisi ko aawuɗon fu. Amma on bittay to am. Min Joomiraawo nun bati ka. 18Miijanee ko waɗata diga hanne faa e baadey. Ciwtoree no hanne der lewru jeenayaɓol balɗe mum laso e naay (24) nun gaɗuɗon daɗɗa suudu am. 19On kororaaki kade nafa der beeme mon. Innabooje mon, e ibbe mon, e leɗɗe mon bi'eteeɗe gerenadiye, e jaytuuje mon rimay goɗɗum. Amma diga hanne, mi barkiɗinan on.
Joomiraawo haɓɓanii Jorobabiila alkawal
20Der lewru jeenayaɓol balɗe mum laso e naay ɗen, Joomiraawo baddi Haggay de ɗiɗawre wi'i: 21Batu Jorobabiila hooreejo leydi Yahuuda, bi'aa mo, mi dimman kammu e leydi. 22Mi doƴƴan laamaare laamiiɓe. Mi heennyan semme laamaareeji leyɗe. Mi accan laanaaji pucci konu e waɗɗiiɓe ɗum fu yana tallitoo. Mi accan pucci e waɗɗiiɓe ɗum fu yana. Mi accan waɗɗotooɓe pucci warontira e kaafaaje. 23Nyanne mum, an maccuɗo am Jorobabiila ɓii Salaatiyel, mi laatinte hande takkirɗum lamba am gam an nun cuɓumi gam gollanoɗaa am. Min Joomiraawo Joom huune fu nun bati ka.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.