Haggay 1
1
Mahitaago suudu Joomiraawo fotii
1Der laamaare Dariyusu laamiiɗo Peresiya, duuɓol mum ɗiɗaɓol, der lewru jeego'aɓol nyalaane mum arandeere, Joomiraawo baddi annabi Haggay. O wi'i mo o bata Jorobabiila ɓii Salaatiyel hooreejo leydi Yahuuda, e Yoosuwa ɓii Yosadaki hooreejo *liimaamiiɓe, o wi'a, 2Alla Joomiraawo Joom huune fu wi'ii: Himɓe ɓen wi'an nun wakkati kaanuki ɓe mahitoo suudu am yottaaki taw. 3Annabi Haggay bati ɓe ka Joomiraawo bati kan, wi'i: 4Onon himɓe am, eɗum fottani on oon goni der cuuɗi booɗɗi juraaɗi, den accon suudu am kan e laatii bille? 5Gam mum, min Joomiraawo Joom huune fu, mii wi'a on, miijanee ko woni e tawa on. 6Oon aawa nafa ɗuukka, amma seɗɗa gom tan nun duggoton. Oon nyaama, amma on kaarataa. Oon jara, amma on ɗonkitintaa. Oon ɓornoo kolte, amma ɗe keennyantaa on peewol. Der mon, gollotooɓe to jaɓii joddi mum, ɗum nandan nun hande der jiibaaji juluɗi nun ɓe gattata ɗe. 7Min Joomiraawo Joom huune fu, mi wi'ii, miijanee ko woni e tawa on. 8Eencee dow baalle, peƴƴon leɗɗe gaddon, mahitoɗon suudu am. Den mum ɗum welan am. Ɗum teddinan bo inne am. Min Joomiraawo nun bati ka. 9Oon miilunoo on duggan nafa ɗuukka, amma seɗɗa gom tan nun dugguɗon. On gartirii nafa ka dugguɗon, amma mi fuufii ka ka sankitii. Min Joomiraawo Joom huune fu, mii ƴama on gam ume nun ɗum waɗiri non non? Ɗum waɗu nun gam sabbu on accii suudu am laatii bille go moy mon fu e tinnii e waɗi ka suudu mum tan. 10Kanjum nun acci yoone salii toɓugo. Leydi bo salii rimingo goɗɗum. 11Mi waddii hokkere der leydi mon. Go baalle, e alkamaari, e innabooje, e jaytuuje, e ko fuɗata e leydi fu yoori. Accumi hokkere nen toori himɓe, e mareefuuji. Go golle mon fu waɗi baanji.
12Jorobabiila ɓii Salaatiyel, e Yoosuwa ɓii Yosadaki hooreejo *liimaamiiɓe, e himɓe horiiɓe fu jaɓi haala kan. Ɓe jaɓi ka hande no Alla Joomiraawo maɓɓe wi'iri annabi Haggay batira ɓe ka. Non non Haggay bo waɗiri golle ɗe Alla wi'i o waɗa. Go himɓe ɓen huli Joomiraawo. 13Haggay laatiiɗo lilaaɗo Joomiraawo bati ɓe haala ka Joomiraawo bati wi'i: Mii wondi e mon. Min Joomiraawo nun bati ka. 14Joomiraawo meemi ɓerne Jorobabiila ɓii Salaatiyel hooreejo leydi Yahuuda, e ɓerne Yoosuwa ɓii Yosadaki hooreejo *liimaamiiɓe, e ɓerɗe himɓe horiiɓe fu. Go ɓe ummii, ɓe puɗɗi mahitaago suudu Alla maɓɓe laatiiɗo Joomiraawo Joom huune fu. 15Ɓe puɗɗu nun mahitaago suudu ŋol der laamaare Dariyusu duuɓol mum ɗiɗaɓol, der lewru jeego'aɓol balɗe mum laso e naay.
Iliyochaguliwa sasa
Haggay 1: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Haggay 1
1
Mahitaago suudu Joomiraawo fotii
1Der laamaare Dariyusu laamiiɗo Peresiya, duuɓol mum ɗiɗaɓol, der lewru jeego'aɓol nyalaane mum arandeere, Joomiraawo baddi annabi Haggay. O wi'i mo o bata Jorobabiila ɓii Salaatiyel hooreejo leydi Yahuuda, e Yoosuwa ɓii Yosadaki hooreejo *liimaamiiɓe, o wi'a, 2Alla Joomiraawo Joom huune fu wi'ii: Himɓe ɓen wi'an nun wakkati kaanuki ɓe mahitoo suudu am yottaaki taw. 3Annabi Haggay bati ɓe ka Joomiraawo bati kan, wi'i: 4Onon himɓe am, eɗum fottani on oon goni der cuuɗi booɗɗi juraaɗi, den accon suudu am kan e laatii bille? 5Gam mum, min Joomiraawo Joom huune fu, mii wi'a on, miijanee ko woni e tawa on. 6Oon aawa nafa ɗuukka, amma seɗɗa gom tan nun duggoton. Oon nyaama, amma on kaarataa. Oon jara, amma on ɗonkitintaa. Oon ɓornoo kolte, amma ɗe keennyantaa on peewol. Der mon, gollotooɓe to jaɓii joddi mum, ɗum nandan nun hande der jiibaaji juluɗi nun ɓe gattata ɗe. 7Min Joomiraawo Joom huune fu, mi wi'ii, miijanee ko woni e tawa on. 8Eencee dow baalle, peƴƴon leɗɗe gaddon, mahitoɗon suudu am. Den mum ɗum welan am. Ɗum teddinan bo inne am. Min Joomiraawo nun bati ka. 9Oon miilunoo on duggan nafa ɗuukka, amma seɗɗa gom tan nun dugguɗon. On gartirii nafa ka dugguɗon, amma mi fuufii ka ka sankitii. Min Joomiraawo Joom huune fu, mii ƴama on gam ume nun ɗum waɗiri non non? Ɗum waɗu nun gam sabbu on accii suudu am laatii bille go moy mon fu e tinnii e waɗi ka suudu mum tan. 10Kanjum nun acci yoone salii toɓugo. Leydi bo salii rimingo goɗɗum. 11Mi waddii hokkere der leydi mon. Go baalle, e alkamaari, e innabooje, e jaytuuje, e ko fuɗata e leydi fu yoori. Accumi hokkere nen toori himɓe, e mareefuuji. Go golle mon fu waɗi baanji.
12Jorobabiila ɓii Salaatiyel, e Yoosuwa ɓii Yosadaki hooreejo *liimaamiiɓe, e himɓe horiiɓe fu jaɓi haala kan. Ɓe jaɓi ka hande no Alla Joomiraawo maɓɓe wi'iri annabi Haggay batira ɓe ka. Non non Haggay bo waɗiri golle ɗe Alla wi'i o waɗa. Go himɓe ɓen huli Joomiraawo. 13Haggay laatiiɗo lilaaɗo Joomiraawo bati ɓe haala ka Joomiraawo bati wi'i: Mii wondi e mon. Min Joomiraawo nun bati ka. 14Joomiraawo meemi ɓerne Jorobabiila ɓii Salaatiyel hooreejo leydi Yahuuda, e ɓerne Yoosuwa ɓii Yosadaki hooreejo *liimaamiiɓe, e ɓerɗe himɓe horiiɓe fu. Go ɓe ummii, ɓe puɗɗi mahitaago suudu Alla maɓɓe laatiiɗo Joomiraawo Joom huune fu. 15Ɓe puɗɗu nun mahitaago suudu ŋol der laamaare Dariyusu duuɓol mum ɗiɗaɓol, der lewru jeego'aɓol balɗe mum laso e naay.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.