Habakuku 2
2
1Mi eencii dow biriniwol,
mi joɗoo dow reenirde am,
gam mi reena mi nana ka Joomiraawo batatammi,
e ka o toontotoo am gam sabbu elgal am.
No Joomiraawo toontorii Habakuku
2Ɗon nun Alla Joomiraawo toontii am wi'i:
Winnu ka batan maa mi.
Winnu ka dow alluwaaje kaaƴe faa ka laaɓa,
gam himɓe waawa janŋugo ka.
3Gam ka laati nun haala ka wakkati mum yesaa.
Ka ɓattake waɗugo,
ka accitintaa.
Baa to ɓooyii,
aa munyi,
aa heɗii, gam ka waɗan nun,
accitere walaa.
4Mawnitiiɗo tokkitaaki laawol poonnitiiŋol,
amma gooŋaajo wuuriran e hoolaare mum.
5Jawdi e halli.
Mawnitiiɗo jooɗataako seese.
O haaɓan nun hunnuko hande joonne maayɓe.
O haarataa hande maaydere.
O fooɗan nun lenyi takkol makko,
gam o laamanoo ɗi.
6Himɓe lenyi ɗin fu ummantaako mo hinaa,
jaanca mo e ballaaji,
e maanaaji ɓe bi'a:
Jaa'ooje joy
Bone laatanii kawritoowo jawdi ni laatanaaki ɗum,
go e etta gineeji woɓɓe e hokka himɓe,
gam heɓugo goɗɗum.
Faa balɗe noy nun o waɗata ɗum?
7Ɓe o joganii nyamaane
ummantaako mo e juhuki hinaa?
Den ɓe teeta jawdi makko?
8Gam sabbu o teetii jawdi himɓe woɓɓe e semme,
hande non non kanko bo himɓe woɓɓe teetirta jawdi makko,
gam o reƴƴitii ƴiiƴam himɓe ɗuuɓɓe,
go o holli leydi e himɓe wanŋarɗe mum fu semme.
9Bone laatanii teetoowo jawdi woɓɓe,
e hawritana hoore mum,
gam heɓa jooɗoo e joonne ne tedduŋal,
gam to bone heɓu ɗum.
10Wuro makko nun o siriyantoo ɗon bone,
gam sabbu o warii himɓe ɗuuɓɓe.
Hoore makko nun o fooɗanta ɗon bone.
11Gam baa kaaƴe mahiraaɗe bombooji e wulla,
e gaccoo mo,
go bilorɗi e toontanoo ɗe.
12Bone laatanii mahiroowo wanŋarde mum
e ƴiiƴam,
go e waɗa daɗɗa wanŋarde mum e jamma.
13Ko himɓe waɗata fu, yiite nyaaman ɗum.
Ɓe cominan nun ko'e maɓɓe gam baanji.
Gam ɗum fu,
diga to Alla Joomum dow e leydi nun ɗum ƴiwata.
14Gam leydi hebban
annal tedduŋal Joomiraawo,
hande no maayo hebbiri diyam.
15Bone laatanii kokkoowo banniraawo mum
bagi ki tooke.
To joomum yarii faa yani, woppi kolte mum,
den oo daari funtu makko.
16Joomum, senteene nun tawi ɗum ɗon e miili tedduŋal nun heɓi.
Kanko bo,
o yaran bagi kin faa o daroo funtu.
Alla Joomiraawo doolan mo yarugo jaram mone mum fu,
den tedduŋal mum wayloo senteene.
17Gam kalluɗum ko gaɗanɗaa Libanon
yanan dow hoore maa.
Mareefuuji ɗi baruɗaa hulnete.
Ɗum ɗon fu tawete,
gam sabbu a reƴƴitii ƴiiƴam,
e gam sabbu a hollii leydi e wanŋarɗe
e himɓe mum fu semme.
18Ume ɗum nafata,
to neɗɗo waɗii tooruuje ceɓaaɗe, na bo gaɗiraaɗe e janni?
Ɗe laati nun tooruuje gaɗiraaɗe e janni,
go ɗe acci neɗɗo e hooloo fewre.
Ume acci ko neɗɗo e hooloo tooruuje ɗe waawataa batugo,
ɗe o waɗani hoore makko?
19Bone laatanto baddoowo rubiire leggal e wi'a:
Umma!
Naa bo baddoowo hayre ne batataa e wi'a: Finu!
Ɗe baawan hinaa ko ekkitini mo goɗɗum?
E gooŋa, ɗe takkana nun kanŋeeri e cardi,
amma ɗe galaa yonki.
20Amma Joomiraawo na'on der suudu mum ceniiŋol
himɓe fu jeeɗoo yeeso makko.
Iliyochaguliwa sasa
Habakuku 2: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.