Fuɗɗoode 6
6
Baadi himɓe bonni
1No himɓe fuɗɗi ɗuuɗugo der leydi, ɓe dimii sukaaɓe rewɓe, 2sukaaɓe ƴiwuɓe dow kammu#6:2 Sukaaɓe ƴiwuɓe dow kammu, himɓe woɓɓe e miili malaykaaɓe nun warii yi'i no sukaaɓe himɓe wooɗiri, ɓe cuɓi woɓɓe maɓɓe ɓe ɓaŋi. 3Ɓe kawtii ɓalli e sukaaɓe himɓe rewɓe ɓen, ɓe dimi sukaaɓe. Sukaaɓe ɓen laatake sukaaɓe juuɓɓe sanne der duuniyaaru, ɓe gaɗii inne, ɓe teddinaama sanne. 4Go Alla Joomiraawo wi'i: Ruuhu am kade wonataako der himɓe faa e baadey, gam neɗɗo laatake ɓannu maayannu. Mi ɓuytan balɗe neɗɗo, mi wartira ɗe duuɓi hewre e laso.
5Alla Joomiraawo yi'ii no hallande himɓe mawniri der duuniyaaru. Ɓerɗe maɓɓe miilanan nun waɗugo ko halli de weeti fu. 6Alla Joomiraawo waɗii alhaanu tagugo himɓe der duuniyaaru. Ɓerne makko biisii sanne. 7O wi'i, o heennyinan nun ko o tagi der duuniyaaru fu. Diga neɗɗo faa mareefuuji, e ko ladata, e colli piiranɗi fu. Gam o waɗii alhaanu ko acci o tagi ɗum ɗon fu. 8Amma Nuuhu heɓii moƴƴere yeeso Alla.
No Nuuhu waɗiri laana diyam
9Nani ɗo habaru lenyol Nuuhu: Nuuhu laatino nun gooŋaajo, o walaa gacce der wakkati makko. O yaadii e Alla. 10Nuuhu rimii sukaaɓe worɓe tato: Kamɓe woni Seemu, e Kaamu e Jafeeti. 11Wakkati mum, duuniyaaru biisake sanne yeeso Alla, bongol reedu mawnii der duuniyaaru. 12Alla daarii duuniyaaru, o yi'ii no nu biisake, gam ko woodi yonki fu biisii laawol mum der duuniyaaru.
13Ɗon nun Alla bati Nuuhu wi'i: Mi yesii halkugo ko woodi yonki fu, gam ɗum hebbinii duuniyaaru ko boni. Mi halkidan ɗum e leydi. 14Waɗan hoore maa laana diyam e leɗɗe cemmiɗinɗe, noddeteeɗe gofiri. Waɗu gaɗaaji ɗuuɗɗi der laana kan. Sukku julanɗe magga e taari, der e yaasi fu. 15No gaɗirtaa laana diyam ŋan woni, juutugo magga waɗa kuule keme tati (300), jaajirka magga bo waɗa kuule lasoy ɗiɗi e sappo (50), towugo magga bo waɗa kuule laso e sappo (30). 16Waɗan laana diyam ŋan fenenti, juuggo e yaajugo maggel waɗa kuulal gootal. Waɗu dammugal e wecco laana diyam ŋan e maɓɓoode mum. Waɗu laana ka e woodi cuuɗi jowjowtiraaɗi tati. 17Mi waddan puttiri diyam mawɗam dow leydi, gam ɗam halka ko woodi yonki der duuniyaaru fu. Ko woni dow leydi fu halkan. 18Amma an, mi haɓɓidan alkawal am e maa. Naatu der laana diyam ŋan, an e sukaaɓe maa worɓe, e debbo maa, e rewɓe sukaaɓe maa. 19Naatidin ko woodi yonki fu der laana diyam ŋan, naannu ɗum ɗiɗi ɗiɗi der lenyol fu, ɗum laato gorum e dewum, gam yonki majjum daɗida e maa. 20Colli e lenyol mum, e mareefuuji e lenyol mum, e ko ladata dow leydi fu e lenyol mum, gorum e dewum nun warata diga e lenyol majji fu gam daɗinaa yonki majji. 21Ettu ko nyaametee fu kawritaa, gattaa e laana kan, ɗum laato nafa maa e nyaamdu mareefuuji ɗin fu. 22Nuuhu waɗii deydey ko Alla wi'i mo o waɗa fu.
Iliyochaguliwa sasa
Fuɗɗoode 6: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.