Fuɗɗoode 25
25
Sukaaɓe Iburaahiima e Ketura
1Iburaahiima ɓaŋii kade debbo goɗɗo noddeteeɗo Ketura. 2O rimanii Iburaahiima sukaaɓe, kamɓe woni: Simurani, e Yokusani, e Medani, e Madiyan, e Yisubaku, e Suhaku. 3Yokusani bo rimii Seba, e Dedani. Lenyi ɓiɓɓe Dedani woni: Asurinkeeɓe e Letusinkeeɓe, e *Leewinkeeɓe. 4Madiyan bo rimii sukaaɓe, kamɓe woni: Efa, e Efee, e Enoku, e Abila, e Elida. Ɓee ɗon fu nun woni ɓiɓɓe e taaniraaɓe Ketura.
5Isiyaaku tan nun Iburaahiima hokki ko woodi fu. 6Amma ɓiɓɓe rewɓe makko horiiɓe, o hokki ɓe dokke. Go o maaya, o riiwi ɓe diga to Isiyaaku, ɓe jawtiri far to lettugal.
7-8Iburaahiima naywii sanne, o wuurii duuɓi hewre e lasoy tati e sappo e joy (175). O maayi e dottinnaaku booɗuŋu, o tawoy kookiraaɓe makko. 9Sukaaɓe makko, Isiyaaku e Isuma'iilu uwi mo der lowol waanne Mapela der gesa Eforoni ɓii Johari laatiiɗo Hetiyankeejo, takkol Mamure. 10Gesa ŋaa ɗon nun Iburaahiima soodunoo to Hetiyankeeɓe. Ɗon nun bo Saratu deekiiko uwanoo. 11Ɓaawo maayde Iburaahiima, Alla barkiɗinii Isiyaaku ɓiyiiko. Den mum o jooɗino nun takkol ɓunnu noddeteeŋol, Alla e yi'ammi.
12A yi'ii ɗoo lenyol Isuma'iilu, suka Iburaahiima mo Hagaa Misirankeejo, laatiiɗo korɗo Saratu rimani mo. 13No inɗe ɓiɓɓe Isuma'iilu tokkontiriri nani ɗo: Nebayotu woni afo makko. Miiraaɓe Nebayotu woni: Kedar, e Adibeeli, e Mibusamu, 14e Mikima, e Duma, e Masa, 15e Hadadi, e Tema, e Yeturi, e Nafasi, e Kedema. 16Kamɓe laatii ɓiɓɓe Isuma'iilu sappo e ɗiɗo. Moy fu e maɓɓe laatii mawɗo lenyol mum. Ɓe noddiri gureeje maɓɓe e koɗirɗe maɓɓe e inɗe maɓɓe. 17Isuma'iilu wuurii duuɓi hewre e laso e sappo e jeeɗiɗi (137) go o maayi, o tawoy kookiraaɓe makko. 18Ɓiɓɓe Isuma'iilu jooɗii diga Hafila, faa Suri, takkol Misira, dow laawol Asuura Ɓe jooɗii feere maɓɓe, ɓe boɗɗodii e ɓiɓɓe Iburaahiima horiiɓe.
Dingol Isuwa e Yaakubu
19A yi'ii ɗo lenyol Isiyaaku ɓii Iburaahiima. 20Iburaahiima rimi Isiyaaku. No Isiyaaku waɗi duuɓi lasoy ɗiɗi, o ɓaŋi Rebeka ɓii Betuyeeli Araminkeejo. Genni maɓɓe woni Paddan Aramu. O laati nun sakiike Labani Araminkeejo. 21Isiyaaku eeli Alla gam debbo mum Rebeka, gam o laati nun dimaro. Joomiraawo jaɓii elgal makko go Rebeka deekiiko saawi. 22Ɗon nun sukaaɓe ɗiɗo e duruwa e reedu makko. Go o wi'i: Ume acci ɗum ɗo tawimmi? O yahi o ƴami Joomiraawo. 23Joomiraawo Alla bati mo wi'i:
Lenyi ɗiɗi nun woni e reedu maa,
lenyi ɗiɗi ɗin bo seennan diga der reedu maa.
Lenyol gootol ɓuran koriiŋol semme.
Mawniraawo gollanoyto miiraawo.
24No dingol makko yottii, ɗum tawi siwtuɓe nun wonnoo der reedu makko. 25Artuɗo wurtii e laatii boɗeejo, ɓannu makko e woodi leeɓi, o noddaa Isuwa. 26Ɓaawo mum, minnyiiko wurtii, juunŋo mum e jogii teppere Isuwa. Go o noddaa Yaakuubu. Isiyaaku e woodunoo duuɓi lasoy tati (60), wakkati ɓe dimaa.
27Sukaaɓe ɓen mawnii. Isuwa laatii loohoowo mawɗo, daɗey, der ladde nun o woni. Amma Yaakuubu laatii neɗɗo deƴƴitinɗo, kanko kan, daɗey e wuro o woni. 28Isiyaaku ɓuri yiɗugo Isuwa, gam oo waranaa mo tew ladde oo nyaama. Amma Rebeka kan, Yaakuubu nun ɓuri yiɗugo.
29Nyalaane gom, Isuwa warti diga looŋal e somi sanne go tawi Yaakuubu e wubina tew boɗejum. 30Ɗon nun o wi'i Yaakuubu: Mi eelete nun, kokkoraa am tew maa boɗejum ɗum ɗoo mi nyaama, gam mi somii sanne. Gam majjum o noddaa Edomu, ka filliti nun ‹boɗejum›. 31Ɗon nun Yaakuubu wi'i mo: Sippiram taw dondoni manŋaaku maa. 32Isuwa wi'i: Mi ɓattake maayugo gam sabbu rafo, ume dondoni manŋaaku nafatammi? 33Ɗon nun Yaakuubu wi'i mo: Huna taw. O hunii. Go o sippiri Yaakuubu dondoni manŋaaku makko. 34Ɗon nun Yaakuubu etti peen e tew wubinaaɗum e nyebbe, o hokki Isuwa. O nyaami, o yari diyam mum, o ummii o yawti. Non non Isuwa yeeborii dondoni manŋaaku mum.
Iliyochaguliwa sasa
Fuɗɗoode 25: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Fuɗɗoode 25
25
Sukaaɓe Iburaahiima e Ketura
1Iburaahiima ɓaŋii kade debbo goɗɗo noddeteeɗo Ketura. 2O rimanii Iburaahiima sukaaɓe, kamɓe woni: Simurani, e Yokusani, e Medani, e Madiyan, e Yisubaku, e Suhaku. 3Yokusani bo rimii Seba, e Dedani. Lenyi ɓiɓɓe Dedani woni: Asurinkeeɓe e Letusinkeeɓe, e *Leewinkeeɓe. 4Madiyan bo rimii sukaaɓe, kamɓe woni: Efa, e Efee, e Enoku, e Abila, e Elida. Ɓee ɗon fu nun woni ɓiɓɓe e taaniraaɓe Ketura.
5Isiyaaku tan nun Iburaahiima hokki ko woodi fu. 6Amma ɓiɓɓe rewɓe makko horiiɓe, o hokki ɓe dokke. Go o maaya, o riiwi ɓe diga to Isiyaaku, ɓe jawtiri far to lettugal.
7-8Iburaahiima naywii sanne, o wuurii duuɓi hewre e lasoy tati e sappo e joy (175). O maayi e dottinnaaku booɗuŋu, o tawoy kookiraaɓe makko. 9Sukaaɓe makko, Isiyaaku e Isuma'iilu uwi mo der lowol waanne Mapela der gesa Eforoni ɓii Johari laatiiɗo Hetiyankeejo, takkol Mamure. 10Gesa ŋaa ɗon nun Iburaahiima soodunoo to Hetiyankeeɓe. Ɗon nun bo Saratu deekiiko uwanoo. 11Ɓaawo maayde Iburaahiima, Alla barkiɗinii Isiyaaku ɓiyiiko. Den mum o jooɗino nun takkol ɓunnu noddeteeŋol, Alla e yi'ammi.
12A yi'ii ɗoo lenyol Isuma'iilu, suka Iburaahiima mo Hagaa Misirankeejo, laatiiɗo korɗo Saratu rimani mo. 13No inɗe ɓiɓɓe Isuma'iilu tokkontiriri nani ɗo: Nebayotu woni afo makko. Miiraaɓe Nebayotu woni: Kedar, e Adibeeli, e Mibusamu, 14e Mikima, e Duma, e Masa, 15e Hadadi, e Tema, e Yeturi, e Nafasi, e Kedema. 16Kamɓe laatii ɓiɓɓe Isuma'iilu sappo e ɗiɗo. Moy fu e maɓɓe laatii mawɗo lenyol mum. Ɓe noddiri gureeje maɓɓe e koɗirɗe maɓɓe e inɗe maɓɓe. 17Isuma'iilu wuurii duuɓi hewre e laso e sappo e jeeɗiɗi (137) go o maayi, o tawoy kookiraaɓe makko. 18Ɓiɓɓe Isuma'iilu jooɗii diga Hafila, faa Suri, takkol Misira, dow laawol Asuura Ɓe jooɗii feere maɓɓe, ɓe boɗɗodii e ɓiɓɓe Iburaahiima horiiɓe.
Dingol Isuwa e Yaakubu
19A yi'ii ɗo lenyol Isiyaaku ɓii Iburaahiima. 20Iburaahiima rimi Isiyaaku. No Isiyaaku waɗi duuɓi lasoy ɗiɗi, o ɓaŋi Rebeka ɓii Betuyeeli Araminkeejo. Genni maɓɓe woni Paddan Aramu. O laati nun sakiike Labani Araminkeejo. 21Isiyaaku eeli Alla gam debbo mum Rebeka, gam o laati nun dimaro. Joomiraawo jaɓii elgal makko go Rebeka deekiiko saawi. 22Ɗon nun sukaaɓe ɗiɗo e duruwa e reedu makko. Go o wi'i: Ume acci ɗum ɗo tawimmi? O yahi o ƴami Joomiraawo. 23Joomiraawo Alla bati mo wi'i:
Lenyi ɗiɗi nun woni e reedu maa,
lenyi ɗiɗi ɗin bo seennan diga der reedu maa.
Lenyol gootol ɓuran koriiŋol semme.
Mawniraawo gollanoyto miiraawo.
24No dingol makko yottii, ɗum tawi siwtuɓe nun wonnoo der reedu makko. 25Artuɗo wurtii e laatii boɗeejo, ɓannu makko e woodi leeɓi, o noddaa Isuwa. 26Ɓaawo mum, minnyiiko wurtii, juunŋo mum e jogii teppere Isuwa. Go o noddaa Yaakuubu. Isiyaaku e woodunoo duuɓi lasoy tati (60), wakkati ɓe dimaa.
27Sukaaɓe ɓen mawnii. Isuwa laatii loohoowo mawɗo, daɗey, der ladde nun o woni. Amma Yaakuubu laatii neɗɗo deƴƴitinɗo, kanko kan, daɗey e wuro o woni. 28Isiyaaku ɓuri yiɗugo Isuwa, gam oo waranaa mo tew ladde oo nyaama. Amma Rebeka kan, Yaakuubu nun ɓuri yiɗugo.
29Nyalaane gom, Isuwa warti diga looŋal e somi sanne go tawi Yaakuubu e wubina tew boɗejum. 30Ɗon nun o wi'i Yaakuubu: Mi eelete nun, kokkoraa am tew maa boɗejum ɗum ɗoo mi nyaama, gam mi somii sanne. Gam majjum o noddaa Edomu, ka filliti nun ‹boɗejum›. 31Ɗon nun Yaakuubu wi'i mo: Sippiram taw dondoni manŋaaku maa. 32Isuwa wi'i: Mi ɓattake maayugo gam sabbu rafo, ume dondoni manŋaaku nafatammi? 33Ɗon nun Yaakuubu wi'i mo: Huna taw. O hunii. Go o sippiri Yaakuubu dondoni manŋaaku makko. 34Ɗon nun Yaakuubu etti peen e tew wubinaaɗum e nyebbe, o hokki Isuwa. O nyaami, o yari diyam mum, o ummii o yawti. Non non Isuwa yeeborii dondoni manŋaaku mum.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.