Fuɗɗoode 12
12
Habaru lenyol ŋol Alla suɓi
(12–50)
Alla suɓii Abraama
1Ɗon nun Joomiraawo wi'i Abraama: Umma diga leydi maa to dimaɗaa, acca wuro baaba maa, jahaa der leydi ni kolleteemi. 2Mi mawninan lenyol maa. Mi barkiɗinte, mi mawninan inne maa, a laatoto ɓuldude barke. 3Mi barkiɗinan barkiɗinooɓe maa fu, mi yaa'oto bo yaa'otooɓe maa fu. Diga e maa, himɓe lenyi fu heɓan barke. 4Abraama ummii yanti laawol hande no Joomiraawo batiri mo ka, Lootu bo yaadii e makko. Go Abraama wurtoo diga Karani, o wooduno nun duuɓi lasoy tati e sappo e joy (75). 5Abraama ettii debbo mum Saray e Lootu laatiiɗo suka miiraawo mum, e jawdi maɓɓe ni ɓe goodi fu, e gollooɓe ɓe ɓe keɓi Karani fu. Ɓe fu nun yanti laawol go ɓe jottii leydi Kanaana. 6No ɓe jottii, Abraama naati leydi nin faa yottii nokkuure noddeteene Sikemu, to leggal noddeteeŋal More woni. Wakkati mum, Kanaaninkeeɓe nun woni e leydi nin. 7Ɗon nun Alla Joomiraawo hollitanii Abraama, wi'i mo: Lenyol sukaaɓe maa nun kokkanmi leydi nin. Ɗon nun Abraama waɗi hiisirde to o waɗanta Joomiraawo kollitaniiɗo mo kiiseteeɗi. 8Ɓaawo mum nun o ummii diga ɗon, o yahi far to waanne gom, lettugal Beteli, o tiggi ɗon bukaaji makko. O daari Beteli far gorgal, Ayi#12:8 Ayi tawa nun far to soɓɓiire *Urusaliima, jaka kilooji sappo e joy (15) bo far lettugal. O mahii ɗon kade hiisirde o waɗani Alla kiiseteeɗi. 9Abraama ummii kade yanti laawol, yawti far hoore fuɗo, far to Negebu.
Abraama yahii leydi Misira
10No Abraama yottii der leydi nin, rafo yottii der leydi nin fu. O ummii o dilli faa leydi Misira gam o jooɗo ton, gam rafo ŋon mawnii der leydi nin sanne. 11No ɓe ɓattii naatugo leydi Misira, Abraama wi'i debbo mum Saray: Nani aa laatii debbo booɗɗo. 12To ɓe Misira yi'ii maa, ɓe bi'an, a laati nun debbo am, den ɓe barammi, ɓe accee. 13Mi eelete nun, bi'aa a laati nun sakiike am, gam waraa himɓe Misira toorammi gam sabbu maa, heɓa coodaa yonki am. 14No ɓe jottii Misira, ɓe Misira yi'i no debbo on e wooɗi sanne. 15Aahiiɓe Firawna bo yi'ii debbo on, ɓe jahi ɓe pillanii Firawna haala ŋari makko, laamiiɗo wi'i debbo on waddee wuro mum. 16Laamiiɗo waɗanii Abraama ko wooɗi gam sabbu debbo on. O hokki mo baali e na'i, e babbi, e babbi debbi, e jeeloobi, e maccuɓe worɓe e rewɓe. 17Amma Alla Joomiraawo faɗɗii Firawna e himɓe wuro mum fu ɓuuwe mawɗe gam sabbu Saray, debbo Abraama. 18Ɗon nun Firawna noddi Abraama wi'i mo: Gam ume nun acci gaɗanɗaa am ninnii? Gam ume acci a batay am no debbo maa nun. 19Ume acci bi'uɗaa sakiike maa nun, go accuɗaa ettu moo mi o laati debbo am? Jooni, debbo maa nani, ettu mo jawtaa. 20Ɗon nun laamiiɗo wi'i Aahiiɓe mum acca Abraama yawta e debbo mum e ko o woodi fu.
Iliyochaguliwa sasa
Fuɗɗoode 12: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Fuɗɗoode 12
12
Habaru lenyol ŋol Alla suɓi
(12–50)
Alla suɓii Abraama
1Ɗon nun Joomiraawo wi'i Abraama: Umma diga leydi maa to dimaɗaa, acca wuro baaba maa, jahaa der leydi ni kolleteemi. 2Mi mawninan lenyol maa. Mi barkiɗinte, mi mawninan inne maa, a laatoto ɓuldude barke. 3Mi barkiɗinan barkiɗinooɓe maa fu, mi yaa'oto bo yaa'otooɓe maa fu. Diga e maa, himɓe lenyi fu heɓan barke. 4Abraama ummii yanti laawol hande no Joomiraawo batiri mo ka, Lootu bo yaadii e makko. Go Abraama wurtoo diga Karani, o wooduno nun duuɓi lasoy tati e sappo e joy (75). 5Abraama ettii debbo mum Saray e Lootu laatiiɗo suka miiraawo mum, e jawdi maɓɓe ni ɓe goodi fu, e gollooɓe ɓe ɓe keɓi Karani fu. Ɓe fu nun yanti laawol go ɓe jottii leydi Kanaana. 6No ɓe jottii, Abraama naati leydi nin faa yottii nokkuure noddeteene Sikemu, to leggal noddeteeŋal More woni. Wakkati mum, Kanaaninkeeɓe nun woni e leydi nin. 7Ɗon nun Alla Joomiraawo hollitanii Abraama, wi'i mo: Lenyol sukaaɓe maa nun kokkanmi leydi nin. Ɗon nun Abraama waɗi hiisirde to o waɗanta Joomiraawo kollitaniiɗo mo kiiseteeɗi. 8Ɓaawo mum nun o ummii diga ɗon, o yahi far to waanne gom, lettugal Beteli, o tiggi ɗon bukaaji makko. O daari Beteli far gorgal, Ayi#12:8 Ayi tawa nun far to soɓɓiire *Urusaliima, jaka kilooji sappo e joy (15) bo far lettugal. O mahii ɗon kade hiisirde o waɗani Alla kiiseteeɗi. 9Abraama ummii kade yanti laawol, yawti far hoore fuɗo, far to Negebu.
Abraama yahii leydi Misira
10No Abraama yottii der leydi nin, rafo yottii der leydi nin fu. O ummii o dilli faa leydi Misira gam o jooɗo ton, gam rafo ŋon mawnii der leydi nin sanne. 11No ɓe ɓattii naatugo leydi Misira, Abraama wi'i debbo mum Saray: Nani aa laatii debbo booɗɗo. 12To ɓe Misira yi'ii maa, ɓe bi'an, a laati nun debbo am, den ɓe barammi, ɓe accee. 13Mi eelete nun, bi'aa a laati nun sakiike am, gam waraa himɓe Misira toorammi gam sabbu maa, heɓa coodaa yonki am. 14No ɓe jottii Misira, ɓe Misira yi'i no debbo on e wooɗi sanne. 15Aahiiɓe Firawna bo yi'ii debbo on, ɓe jahi ɓe pillanii Firawna haala ŋari makko, laamiiɗo wi'i debbo on waddee wuro mum. 16Laamiiɗo waɗanii Abraama ko wooɗi gam sabbu debbo on. O hokki mo baali e na'i, e babbi, e babbi debbi, e jeeloobi, e maccuɓe worɓe e rewɓe. 17Amma Alla Joomiraawo faɗɗii Firawna e himɓe wuro mum fu ɓuuwe mawɗe gam sabbu Saray, debbo Abraama. 18Ɗon nun Firawna noddi Abraama wi'i mo: Gam ume nun acci gaɗanɗaa am ninnii? Gam ume acci a batay am no debbo maa nun. 19Ume acci bi'uɗaa sakiike maa nun, go accuɗaa ettu moo mi o laati debbo am? Jooni, debbo maa nani, ettu mo jawtaa. 20Ɗon nun laamiiɗo wi'i Aahiiɓe mum acca Abraama yawta e debbo mum e ko o woodi fu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.