Fuɗɗoode 11
11
Suudu towŋol mahaama faa Babeeli
1Wakkati mum, himɓe fu batanno nun ɗenŋal gootal. Boliiɗe goote nun bo ɓe batannoo 2Ɗon nun ɓe ummii ɓe jawti diga lettugal, ɓe tawi jayri der leydi Sine'aa, go ɓe jooɗii ɗon. 3Ɗon nun ɓe batontiri ɓe bi'i, accee taƴen birikiiji, buuɗen ɗi ɗi joora. Birikiiji ɗin nun ɓe mahiri gam ɓe galaa kaaƴe. Ɓe etti bo kontaa ɓe gaɗiri simaari. 4Ɓe bi'i kade: Accee gaɗen wanŋarde, mahen ɗon suudu towŋol ŋol soppoodu mum meemata dow kammu, gam gaɗen inne, to en cankita der duuniyaaru fu. 5Joomiraawo Alla jippake gam daara wanŋarde e suudu towŋol ŋol himɓe mahata ɗon. 6Joomiraawo wi'i: Himɓe ɓen laati nun lenyol gootol, ɓee bata ɗenŋal gootal, go ɓe miili waɗugo ko ɓe gaɗata ɗo. Jooni, goɗɗum haɗataa ɓe waɗugo ko ɓe desi waɗugo fu. 7Gam sabbu mum, garee jippoɗen, jiiɓen ɗelle maɓɓe gam to ɓe nannantiri kade. 8Ɗon nun Alla Joomiraawo sankiti ɓe der duuniyaaru fu, ɓe boɗɗodii nokkuure nen, den ɓe acci mahugo wanŋarde nen. 9Wanŋarde nen noddaama Babeeli, gam ɗon nun Alla Joomiraawo jiiɓii ɗelle himɓe, kade bo diga ɗon nun o sankiti himɓe der duuniyaaru fu.
Lenyol Seemu faa yottii Iburaahiima
10Nani ɗo haala lenyol Semu. No waɗi duuɓi ɗiɗi, ɓaawo no puttiri diyam mawɗam ɗam waɗi, tawi Seemu e woodi duuɓi hewre (100), o rimi Arapasadi. 11Ɓaawo no Arapasadi rimaa, Seemu rimii sukaaɓe worɓe e rewɓe faa o yottorii duuɓi keme joy (500).
12No Arapasadi waɗi duuɓi laso e sappo e joy, o rimi Sela. 13Ɓaawo no Sela rimaa, Arapasadi rimii sukaaɓe worɓe e rewɓe o yottorii duuɓi keme naay e tati (403).
14No Sela waɗi duuɓi laso e sappo, o rimi Eber. 15Ɓaawo no Eber rimaa, Sela rimii sukaaɓe worɓe e rewɓe o yottorii duuɓi keme naay e tati (403).
16No Eber waɗi duuɓi laso e sappo e naay, o rimi Pelegi. 17Ɓaawo no Pelegi rimaa, Eber rimii sukaaɓe worɓe e rewɓe o yottorii duuɓi keme naay e laso e sappo (430).
18No Pelegi waɗi duuɓi laso e sappo, o rimi Rehu. 19Ɓaawo no Rehu rimaa, Pelegi rimii sukaaɓe worɓe e rewɓe o yottorii duuɓi keme ɗiɗi e jeenay (209).
20No Rehu waɗi duuɓi laso e sappo e ɗiɗi, o rimi Serugu. 21Ɓaawo no Serugu rimaa, Rehu rimii sukaaɓe worɓe e rewɓe o yottorii duuɓi keme ɗiɗi e jeeɗiɗi (207).
22No Serugu waɗi duuɓi laso e sappo, o rimi Nahori. 23Ɓaawo no Nahori rimaa, Serugu rimii sukaaɓe worɓe e rewɓe o yottorii duuɓi keme ɗiɗi (200).
24No Nahori waɗi duuɓi laso e jeenay (29), o rimi Tera. 25Ɓaawo no Tera rimaa, Nahori rimii sukaaɓe worɓe e rewɓe o yottorii duuɓi hewre e sappo e jeenay (119).
26No Tera waɗi duuɓi lasoy tati e sappo, o rimi Abraama, e Nahori, e Harani.
27Nani ɗo haala lenyol Tera. Tera rimi Abraama, e Nahori, e Harani. Harani bo rimi Lootu. 28Harani maayi faa wanŋarde Uru to o rimaa, der leydi Kaldiya, baabiiko Tera e jooɗii. 29Abraama, e Nahori ɓaŋii rewɓe. Inne debbo Abraama woni Saray, inne debbo Nahori bo Milika. Kanko e Jisika ɓe laati nun sukaaɓe Harani. 30Saray laati nun dimaro, o rimay. 31Tera ettii suka mum Abraama e Saray debbo Abraama laatiiɗo esiraawo makko, e Lootu suka Harani, laatiiɗo taaniragel makko, ɓe burtodii Uru der leydi Kaldiya, ɓe jawti faa leydi Kanaana. No ɓe jottii genni noddeteeni Karani, ɓe jooɗii ton. 32No Tera waɗi duuɓi keme ɗiɗi e joy (205), o maayi Karani ɗon.
Iliyochaguliwa sasa
Fuɗɗoode 11: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Fuɗɗoode 11
11
Suudu towŋol mahaama faa Babeeli
1Wakkati mum, himɓe fu batanno nun ɗenŋal gootal. Boliiɗe goote nun bo ɓe batannoo 2Ɗon nun ɓe ummii ɓe jawti diga lettugal, ɓe tawi jayri der leydi Sine'aa, go ɓe jooɗii ɗon. 3Ɗon nun ɓe batontiri ɓe bi'i, accee taƴen birikiiji, buuɗen ɗi ɗi joora. Birikiiji ɗin nun ɓe mahiri gam ɓe galaa kaaƴe. Ɓe etti bo kontaa ɓe gaɗiri simaari. 4Ɓe bi'i kade: Accee gaɗen wanŋarde, mahen ɗon suudu towŋol ŋol soppoodu mum meemata dow kammu, gam gaɗen inne, to en cankita der duuniyaaru fu. 5Joomiraawo Alla jippake gam daara wanŋarde e suudu towŋol ŋol himɓe mahata ɗon. 6Joomiraawo wi'i: Himɓe ɓen laati nun lenyol gootol, ɓee bata ɗenŋal gootal, go ɓe miili waɗugo ko ɓe gaɗata ɗo. Jooni, goɗɗum haɗataa ɓe waɗugo ko ɓe desi waɗugo fu. 7Gam sabbu mum, garee jippoɗen, jiiɓen ɗelle maɓɓe gam to ɓe nannantiri kade. 8Ɗon nun Alla Joomiraawo sankiti ɓe der duuniyaaru fu, ɓe boɗɗodii nokkuure nen, den ɓe acci mahugo wanŋarde nen. 9Wanŋarde nen noddaama Babeeli, gam ɗon nun Alla Joomiraawo jiiɓii ɗelle himɓe, kade bo diga ɗon nun o sankiti himɓe der duuniyaaru fu.
Lenyol Seemu faa yottii Iburaahiima
10Nani ɗo haala lenyol Semu. No waɗi duuɓi ɗiɗi, ɓaawo no puttiri diyam mawɗam ɗam waɗi, tawi Seemu e woodi duuɓi hewre (100), o rimi Arapasadi. 11Ɓaawo no Arapasadi rimaa, Seemu rimii sukaaɓe worɓe e rewɓe faa o yottorii duuɓi keme joy (500).
12No Arapasadi waɗi duuɓi laso e sappo e joy, o rimi Sela. 13Ɓaawo no Sela rimaa, Arapasadi rimii sukaaɓe worɓe e rewɓe o yottorii duuɓi keme naay e tati (403).
14No Sela waɗi duuɓi laso e sappo, o rimi Eber. 15Ɓaawo no Eber rimaa, Sela rimii sukaaɓe worɓe e rewɓe o yottorii duuɓi keme naay e tati (403).
16No Eber waɗi duuɓi laso e sappo e naay, o rimi Pelegi. 17Ɓaawo no Pelegi rimaa, Eber rimii sukaaɓe worɓe e rewɓe o yottorii duuɓi keme naay e laso e sappo (430).
18No Pelegi waɗi duuɓi laso e sappo, o rimi Rehu. 19Ɓaawo no Rehu rimaa, Pelegi rimii sukaaɓe worɓe e rewɓe o yottorii duuɓi keme ɗiɗi e jeenay (209).
20No Rehu waɗi duuɓi laso e sappo e ɗiɗi, o rimi Serugu. 21Ɓaawo no Serugu rimaa, Rehu rimii sukaaɓe worɓe e rewɓe o yottorii duuɓi keme ɗiɗi e jeeɗiɗi (207).
22No Serugu waɗi duuɓi laso e sappo, o rimi Nahori. 23Ɓaawo no Nahori rimaa, Serugu rimii sukaaɓe worɓe e rewɓe o yottorii duuɓi keme ɗiɗi (200).
24No Nahori waɗi duuɓi laso e jeenay (29), o rimi Tera. 25Ɓaawo no Tera rimaa, Nahori rimii sukaaɓe worɓe e rewɓe o yottorii duuɓi hewre e sappo e jeenay (119).
26No Tera waɗi duuɓi lasoy tati e sappo, o rimi Abraama, e Nahori, e Harani.
27Nani ɗo haala lenyol Tera. Tera rimi Abraama, e Nahori, e Harani. Harani bo rimi Lootu. 28Harani maayi faa wanŋarde Uru to o rimaa, der leydi Kaldiya, baabiiko Tera e jooɗii. 29Abraama, e Nahori ɓaŋii rewɓe. Inne debbo Abraama woni Saray, inne debbo Nahori bo Milika. Kanko e Jisika ɓe laati nun sukaaɓe Harani. 30Saray laati nun dimaro, o rimay. 31Tera ettii suka mum Abraama e Saray debbo Abraama laatiiɗo esiraawo makko, e Lootu suka Harani, laatiiɗo taaniragel makko, ɓe burtodii Uru der leydi Kaldiya, ɓe jawti faa leydi Kanaana. No ɓe jottii genni noddeteeni Karani, ɓe jooɗii ton. 32No Tera waɗi duuɓi keme ɗiɗi e joy (205), o maayi Karani ɗon.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.