Amosu 1
1
1Nani ɗo haala Amosu. Der durooɓe Teko'a gooto mum nun o laatii. Alla hollii mo der jiiki haala ka o batata himɓe Isira'iila. O batu mo ka nun wakkati Osiyaasi laamanii leydi Yahuuda, Yerobo'amu ɓii Yo'asi bo e laamanii leydi Isira'iila. Den mum e horii duuɓi ɗiɗi go leydi dimmoo. 2O wi'i:
Joomiraawo e falma diga Siyon,
daane makko e nanee diga *Urusaliima.
Fuɗo heennyii to durooɓe durata,
dow hoore waanne Karmel yoorii.
Joomiraawo hiitoto himɓe
3Joomiraawo bati wi'i:
Himɓe Damasi waɗii boofi ɗuuɗɗi.
Ɓe jaaɓii Galaadi e janni fiyirdi alkamaari ɓe pusi,
gam majjum, seko walaa, mi hiitoto ɓe.
4Mi lildaan yiite der wuro Hajayel,
den laamorde Beni Hadadi jaɓa yiite.
5Mi biisan janɗe palirteeɗe dammuɗe wanŋarde Damasi,
mi halkan jooɗiiɓe der Bikati Afeni,
mi waran laamiiɗo Beti Edeni.
Himɓe Siriya happete maccuŋaaku yaaree faa Kiri.
Min Joomiraawo nun bati ka.
6Joomiraawo wi'i kade:
Himɓe Gaaja waɗii boofi ɗuuɗɗi,
gam majjum seko walaa mi hiitoto ɓe,
gam ɓe nanŋii himɓe Isira'iila ɓe kokkitiri himɓe Edomu.
7Mi lildaan yiite dow biriniiji Gaaja,
den cuuɗi maɓɓe cemmiɗinɗi jaɓa yiite.
8Mi halkan jooɗiiɓe Asidodu fu,
e laamiiɗo Asikaloni
Mi wittan mi yanta Ekuroni,
den mi halka Filisitinkeeɓe horiiɓe.
Min Alla Joomiraawo nun bati ka.
9Joomiraawo wi'i kade:
Himɓe Tiri waɗii boofi ɗuuɗɗi,
gam majjum seko walaa mi hiitoto ɓe,
ɓe nanŋii himɓe Isira'iila ɓe kokkitiri himɓe Edomu.
Ɓe ciwtoray alkawal accunooŋal ɓee beldi e himɓe Isira'iila.
10Mi lildaan yiite dow biriniiji Tiri,
den cuuɗi maɓɓe cemmiɗinɗi jaɓa yiite.
11Joomiraawo wi'i kade:
Himɓe Edomu waɗii boofi ɗuuɗɗi,
gam majjum seko walaa mi hiitoto ɓe,
gam ɓe diiwii banniraaɓe maɓɓe himɓe Isira'iila e kaafaaje.
Ɓe jurumaaki ɓe.
Mone maɓɓe bo deƴƴay.
Ɓee jogorii ɓe gayŋu wakkati fu.
12Mi lildaan yiite der wanŋarde Teman,
den cuuɗi Bosura cemmiɗinɗi jaɓa yiite.
13Joomiraawo wi'i kade:
Himɓe Ammon waɗii boofi ɗuuɗɗi,
gam majjum seko walaa mi hiitoto ɓe,
gam ɓe peccii deeɗi gamɓe Galaadi,
wakkati ɓe teetata leydi Galaadi, gam ɓe ɓeyda yaajugo leydi maɓɓe.
14Mi sunnyan biriniwol Rabba yiite,
den cuuɗi maɓɓe cemmiɗinɗi fu jaɓa.
Nyanne mum himɓe wullan bojji konu, ɗi nanee hande rimmo hennu cattuŋol.
15Laamiiɗo maɓɓe e ardiiɓe leydi mum fu happete, yaaree maccuŋaaku.
Min Joomiraawo nun bati ka.
Iliyochaguliwa sasa
Amosu 1: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.