Mataji 28
28
1-10: Mal. 16, 1-10; Luk. 24, 1-10; Joh. 20, 1-18.
1Neke lino pe jivye jidzumbile ińwabaha, pe kwikya ikigono ikilongodzi ikya mulungu ugungi, neke baho na Malija uva mu-Magadala na Malija ujungi jula neke vahelelage mukujilola imombwe.
2Neke baho vatinukage ikilindima ikikomi, kwe kilindima, pakuva umuńa-mwandza va mutwa āhumile kukyâńa adzile mukulibilusa iliganga lya pamombwe, neke akoṅomalage baho piganga.
3Neke umwene pakuvoneka mumîho avonekaga ngita lumuli lwa libalamusi, nimyenda gyakwe, gye afwalile, gyali mivalafu ngita maseve. 17, 2; Apos. 1, 10.
4Neke pe valuvwene, avimililaga imombwe, neke baho vuvagwilage uvogofi mbandu neke vagwidzage pańi.
5Neke baho umuńa-mwandza avalongelage avakiṅinavo neke atigilage: uńeńe mutane ukogopa, ndivwene ndivadzelye unene ukuta mukumusakula Jesu umupindulihidzwa.
6Sipwali apa, ndivwene adzulubwike, ndevye alongile, mungadza mukilole ikivungu, kye akalambalye. 12, 40; 16, 21; 17, 23; 20, 19; Apos. 2, 36.
7Neke atigilage: muhelelage mugendanidzage, mukavalongele avańigendwa vakwe mukatigilage: adzulubwike kumombwe, akuvalongolela ukukola mu-Galilaja, kwe kwene kwe mudzikumuvona; lolage ndivalongye ṅani. 26, 32.
8Neke baho vagendanidzage ukuhuma pamobwe neke vahandzage nulwa kogopa nulwa kukēla mbandu neke vagendanidzage ukuhelela mukuvavula avańigendwa vakwe. Neke pikasi, pe vihelela mukuvalongela avańigendwa vakwe
9neke vatinukage huju Jesu akuvataṅanidza; neke baho alongage navo atigilage: ndi ku vahungila! Neke avene vahegēlelage neke vamukolelage mumagulu neke valapangilage ukwakwe.
10Neke baho Jesu atigilage: mutane ukogopa, fino muhelelage mukavalongele avańa-ṅolo visu, vahelelage mu-Galilaja, kwe kwene kwe mudzikumbona unene. Heb. 2, 11.
11Neke vavye vahelye neke baho avasilikali avangi, avajilindaga imombwe, neke vahelelage mu-Jelusaleme neke vakagotolage kuvatekedzi avavina dzonda, dze vadzivwene.
12Neke baho avene neke valundanage navandzagila ikisina neke valonganage; neke baho avene vahombage mbandu kuvasilikali ulupija ulolofu.
13Neke vavafundage vatigilage: mutigilage avańigendwa vakwe vadzile vamuhidzile pakilo, pe unefwe dzitutolile itulo. 27, 64.
14Ngana tuvwene apulike uguvaneli, apo tuladza tumukongakonge jufwe, uńeńe mwilya fīke.
15Neke baho avene neke vanukilage ulupija neke vagendelage lulo, lwe vafundilwe; neke lino kuva-Juda lupulise uludzovo lulo na kulino, lwe vikululonga na li lino lulo.
16Neke avene avańi-kyumi na jumwinga neke vahelelage mu-Galilaja kukidunda, kye avalagye ju Jesu, kye kyene kye atigye, kwe tukataṅanilage. v. 7.
17Neke pe vamuvwene, neke baho valapangilage. Neke avangi viganisage munumbula.
18Neke baho Jesu ahegēlelage neke alongage atigilage: uvutavulilwe vonda nuvwa kukyâna nuvwa pańi ndipelilwe june. 11, 27; Ef. 1, 20-22.
19Neke lino nditigila: muhelelage ku-ńi jonda, mukavadzusage vańigendwa vangu ifipelela fya vanu vonda pakuvadzabikila mwitavwa lya Nguluvi udadye nilya muswamuve nilya Mubepo umwîmike. Mal. 16, 15. 16.
20Mukavadalikilage, vagendelage lulo, lwe mupulike ukwangu, pe ndikuvavūla. Lolage ndilavedza apeńo mbêpali hela ukudzifika, na ku kwe jidugye ińi. 18, 20.
Iliyochaguliwa sasa
Mataji 28: II
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Bena © Bible Society of Tanzania, 1958.
