Marcos 13
13
Ja snajtsil tsomjeli, oj ch'ak jomuk
(Mt 24:1-2; Lc 21:5-6)
1Yajni el ja Jesús b'a snajtsil ja tsomjeli, ti alji yab' yuj june ja sneb'umani:
—Je'uman, —K'elawil ja niwak ton ocheli, sok jel tsamal tojb'el, x'utji.
2Ti alji yab' yuj ja Jesusi:
—Merani'a, ¿Wanixa wila jastal jel niwan ja na'itsa? mini jun ton oj kan latsana. Spetsanil polvo oj ch'ak wajuk, —xchi ja Jesusi.
Chapa a b'ajik ja b'a stik'anali
(Mt 24:3-28; Lc 21:7-24; 17:22-24)
3Tsa'an ja Jesús sok ja sneb'uman jumasa ti wajye b'a wits Olivos, ja wits jawi, tey b'a spunto ja snajtsil tsomjeli. Ti och kulan ja Jesusi, yajni stuch'ilxa aye'i, ja Pedro, ja Santiago, ja Juan sok ja Andresi, ti sjob'owe yi ja Jesusi:
4—¿Ala kab'tikon jas k'ak'u oj ch'ak jomuk ja snajtsil tsomjel it a wala kab'tikon b'a? ¿Ja yajni oj ek' spetsanil ja jastal jawi, oj ma kiltikon jun senya? —xchiye.
5Ti alji yabye yuj ja Jesusi:
—Talna lek a b'ajex— Mok a wa'a b'ajex lo'lajel. 6Jasyuj jel jitsan ja ma' oj jak yi' majan ja jb'i'ili, ti oj yalwe yab' ja kristyano'i: Ke'non ja Mesiasi. Oj chi'uke, oj yi'e majan ja jb'i'ili, ja'yuj jel jitsan ja ma' oj slo'laye'i.
7—Ja'yuj ja we'nlexi, mok xiwanik ta yuj k'a waxa wabyex yab'alil ay guerra ja b'a tuktukil niwak chonab' jumasa, a'nima xa wabyex ja tuk niwak chonab' jumasa lajan sok ye'nxa oj ch'ak syamtala'uk sb'aje. Ja jastal jawi yujni oj ch'ak k'ot smeranila, mito ja'uk ja stik'anali. 8Ja niwak chonab' jumasa, oj ch'ak och k'e'uke tiro'anel, jel oj ajyuk ja wa'ini, oj nijkuk ja lu'um b'a tuktukil chonab' jumasa. Ja wokol jumasa jawi, ja'to ja sk'e'ub'i.
9—Talna lek a b'ajex, oj k'otuk ja k'ak'u oj a'janik b'a sk'ab' ja ma' ay ya'tele'i, ja b'a yoj snajtsil tsomjeli, oj yajb'es janik lek. Oj i'janik b'a sti' sat ja mandaranum jumasa, sok b'a sti' sat ja niwak mandaranum b'a niwak chonab' jumasa, b'a sti' sat ja ye'nle'i, ti oj a wal'ex ja jastal waxa k'u'anonexi, yuj ja we'nlexi yujni jneb'umanexa. 10Ja mitox k'ot ja stik'anali, jel t'ilan oj ch'ak alxuk b'a spetsanil ja slechanal ja lu'um ja yab'al ja Dyosi.
11—Yajni la i'ji yex och b'a sk'ab ja ma' ay ya'tel b'a ay jas oj sjob' a wi'exi, mi lomx cham a k'ujolex yuj ja jas oj ja wal'exi. Ja k'ak'u jawi, ye'n oj yal a wabyex ja Dyos jasunk'a oj a wal'exi. Mi we'nuk oj a na'ex jasunk'a oj a wal'exi, ja oj k'umanuk ja Espiritu Santo yuj ja we'nlexi, —xchi ja Jesusi.
12—Ja wa moj alijelexi, oj snak'ul satukex. Chikanxta ma' oj syam'ex b'a oj ya'we miljanik. Ja nanal tatal jumasa, oj ya'e libre ja yuntikile b'a oj miljuke, jaxa untikal jumasa oj snol k'ab'uke ja snan state'i, man oj smil'e. 13—Spetsanil ja kristyano jumasa koraja oj yil'ex yuj ja lom jneb'umanexi— Jaxa ma' oj sk'u'ukon man b'a stik'anali, ke'nani oj koltana.
Ja senya b'a oj paktik ajneli
(Mt 24:15-28; Lc 17:22-24)
14—Ja ma' oj sk'umuk ja jas ts'ijb'anub'al b'a ju'un iti, a yab' lek sb'ej ja jas wax kala. Ja yajnixa wilawex ay ma' oj waj stsik jun kistal chante ja b'a snajtsil tsomjeli, mas lek pakawik ajnel. Ja ma'tik tey b'a lugar jumasa b'a Judea, a ch'ak spak e' ajnel b'a yoj yaxk'ul; 15ja ma' tey b'a olom na'itsi, mokxa ko'uk b'a ayto jas oj ya' eluk ja b'a yoj snaji; 16jaxa ma' tey b'a witsi, mokxa kumxuk b'a snaj b'a oj waj yi' ja sk'u' swexi. 17Ja k'ak'u jawi, ja ixuke jumasa ma' kuchan yuj niwak chameli, jel oj yi'e ja wokoli. —Jel ajula sb'aj ja ma' ay yi'oj yawal alats ja k'ak'u jawi—. 18K'umanik ja Dyosi, k'anawik yi ke mis tiempo uk' che'e ja oj a pak ex ajneli, 19yuj ja k'ak'u jumasa jawi, jel oj yi'e ja wokol ja kristyano jumasa. Man kujlaji ja satk'inal sok ja lu'umi, man ya'n, mini b'a wax ajyi jun niwan wokol ja jastal oj ajyuk ja k'ak'u jawi, sok mini oj cho ajyuk pilan majke'a. 20Ja Dyosi, jel yaj wax yab' ja ma' Ye'n stsa'uneji, ja'yuj ja k'ak'u jumasa b'a wokoli, mi jel najatuk oj wajuk. Lek yuj mi jachukuk jastal jawi, oj ch'ak cham spetsanil ja kristyano jumasa.
21—Ja k'ak'u jumasa jawi, ay k'a ma wax yala wabyex: K'elawilex tey il ja Mesiasi, Mik'a oj yal'e tey tiw ja Mesiasi, mok lom a k'u'ukex yi'e. 22Yuj ay ma' oj jak yal ye'n ja Mesiasi, aluman Dyos b'i, mi meranuk, jel tsamal ja jas oj sk'u'luke b'a oj slo'laye ja kristyano jumasa. Asta ja ma'tik tsa'ub'al yuj ja Dyosi, oj b'ob' lo'lajuke. 23—Talna lek a b'ajex— Ja ke'n b'ajtanxa lek kaloj a wabyex spetsanil ja jas oj ek'uki.
Ja jastal oj kumxuk ja Yunin ja winiki
(Mt 24:29-35,42-44; Lc 21:25-36)
24—Yajnix ch'ak ek'uk ja wokol jumasa iti,
ja k'ak'u oj tupuk;
ja nan ixawi oj ch'akuk.
25Ja k'anal jumasa oj mok' koni,
jaxa Dyosi, oj syo'pes ja yip ja satk'inali.
26—Ti'xa oj yil'one ti jakumon b'a yoj ason ja ke'n ja yunin ja winiki, sok spetsanil kip sok jel tsamal oj jakon. 27Ti oj jek ja kanjel jumasa b'a spetsanil ja lu'um b'a oj wa stsom'e ja jneb'uman jumasa.
Ja lo'il yuj ja ste'il ja igo
(Mt 24:32-36,42,44; Lc 21:29-36)
28—Na'awik t'unuk ja jastal wa sje'a ja ste'il ja igo. Yajni ya'awxta wa'n jakel ja yal xol jumasa, ya'awxta ja spo'wil jumasa, ja we'nlexi, wanxa xa na'awex ke mojanxa jakum ja stiempo ja'i. 29Cho jach'ni yajni waxa wilawex wa'n k'otel smeranil ja jas kaluneji, ti'xa oj ja na'ex yuj jelxa mojan oj jakoni. 30Ja smeranili, oj kala wabyex, ja ma' sak'anto ja k'ak'u jawi, mi oj chamuke man oj ch'ak ek' spetsanil ja jaw jumasa. 31Ja satk'inal sok ja lu'umi, ojni ch'akuka, ja jas wax kala, mini oj ch'akuka.
32—Ja k'ak'u oj jakoni, mini jun ma' oj sna'a; mini ja anjel jumasa b'a satk'inali. Mini ja ke'n oj na' ja sk'ak'u'il. Kechan ja Dyos wa sna'a ja sk'ak'u'il.
33—Ja'yuj talna lek a b'ajex, sok chapan ajyanik, yuj ja mixa na'awex jas ora oj kumxukoni.
34—Ja' lajan sok ja jastal yala jun winik oj waj b'a najtil lugar, yal yab' ja ya'tijum jumasa, a talnajuk yi ja snaji. B'a kada jujune ya'kan yi ya'tel, jaxa ma' wa stalna ja puerta yal yab' a stalna lek. 35Jaxa a'tijum jumasa jawi, chapanxta aye, yuj ja mi sna'awe ta b'a och k'ak'u, ma b'a sakb'el, ma b'a nalan a'kwal, ma' b'a sajto sakb'el oj kumxuk ja swinkil ja na'itsi. Jachuk, jach' chapan oj ajyanik ja we'nlexi, 36ja ke'n jun ita ch'ay k'ujol oj jakon, jaxa ta lek wa'nukex wayel oj ta'ex b'a. 37Ja jas wax kala wabyex ja we'nlexi, jach' wax cho kal yab' spetsanil ja swinkil ja lu'um iti: —Chapanxta ajyanik, k'elan jakan ajyani b'a spetsanil k'ak'u, xchi ja Jesusi.
Iliyochaguliwa sasa
Marcos 13: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
Marcos 13
13
Ja snajtsil tsomjeli, oj ch'ak jomuk
(Mt 24:1-2; Lc 21:5-6)
1Yajni el ja Jesús b'a snajtsil ja tsomjeli, ti alji yab' yuj june ja sneb'umani:
—Je'uman, —K'elawil ja niwak ton ocheli, sok jel tsamal tojb'el, x'utji.
2Ti alji yab' yuj ja Jesusi:
—Merani'a, ¿Wanixa wila jastal jel niwan ja na'itsa? mini jun ton oj kan latsana. Spetsanil polvo oj ch'ak wajuk, —xchi ja Jesusi.
Chapa a b'ajik ja b'a stik'anali
(Mt 24:3-28; Lc 21:7-24; 17:22-24)
3Tsa'an ja Jesús sok ja sneb'uman jumasa ti wajye b'a wits Olivos, ja wits jawi, tey b'a spunto ja snajtsil tsomjeli. Ti och kulan ja Jesusi, yajni stuch'ilxa aye'i, ja Pedro, ja Santiago, ja Juan sok ja Andresi, ti sjob'owe yi ja Jesusi:
4—¿Ala kab'tikon jas k'ak'u oj ch'ak jomuk ja snajtsil tsomjel it a wala kab'tikon b'a? ¿Ja yajni oj ek' spetsanil ja jastal jawi, oj ma kiltikon jun senya? —xchiye.
5Ti alji yabye yuj ja Jesusi:
—Talna lek a b'ajex— Mok a wa'a b'ajex lo'lajel. 6Jasyuj jel jitsan ja ma' oj jak yi' majan ja jb'i'ili, ti oj yalwe yab' ja kristyano'i: Ke'non ja Mesiasi. Oj chi'uke, oj yi'e majan ja jb'i'ili, ja'yuj jel jitsan ja ma' oj slo'laye'i.
7—Ja'yuj ja we'nlexi, mok xiwanik ta yuj k'a waxa wabyex yab'alil ay guerra ja b'a tuktukil niwak chonab' jumasa, a'nima xa wabyex ja tuk niwak chonab' jumasa lajan sok ye'nxa oj ch'ak syamtala'uk sb'aje. Ja jastal jawi yujni oj ch'ak k'ot smeranila, mito ja'uk ja stik'anali. 8Ja niwak chonab' jumasa, oj ch'ak och k'e'uke tiro'anel, jel oj ajyuk ja wa'ini, oj nijkuk ja lu'um b'a tuktukil chonab' jumasa. Ja wokol jumasa jawi, ja'to ja sk'e'ub'i.
9—Talna lek a b'ajex, oj k'otuk ja k'ak'u oj a'janik b'a sk'ab' ja ma' ay ya'tele'i, ja b'a yoj snajtsil tsomjeli, oj yajb'es janik lek. Oj i'janik b'a sti' sat ja mandaranum jumasa, sok b'a sti' sat ja niwak mandaranum b'a niwak chonab' jumasa, b'a sti' sat ja ye'nle'i, ti oj a wal'ex ja jastal waxa k'u'anonexi, yuj ja we'nlexi yujni jneb'umanexa. 10Ja mitox k'ot ja stik'anali, jel t'ilan oj ch'ak alxuk b'a spetsanil ja slechanal ja lu'um ja yab'al ja Dyosi.
11—Yajni la i'ji yex och b'a sk'ab ja ma' ay ya'tel b'a ay jas oj sjob' a wi'exi, mi lomx cham a k'ujolex yuj ja jas oj ja wal'exi. Ja k'ak'u jawi, ye'n oj yal a wabyex ja Dyos jasunk'a oj a wal'exi. Mi we'nuk oj a na'ex jasunk'a oj a wal'exi, ja oj k'umanuk ja Espiritu Santo yuj ja we'nlexi, —xchi ja Jesusi.
12—Ja wa moj alijelexi, oj snak'ul satukex. Chikanxta ma' oj syam'ex b'a oj ya'we miljanik. Ja nanal tatal jumasa, oj ya'e libre ja yuntikile b'a oj miljuke, jaxa untikal jumasa oj snol k'ab'uke ja snan state'i, man oj smil'e. 13—Spetsanil ja kristyano jumasa koraja oj yil'ex yuj ja lom jneb'umanexi— Jaxa ma' oj sk'u'ukon man b'a stik'anali, ke'nani oj koltana.
Ja senya b'a oj paktik ajneli
(Mt 24:15-28; Lc 17:22-24)
14—Ja ma' oj sk'umuk ja jas ts'ijb'anub'al b'a ju'un iti, a yab' lek sb'ej ja jas wax kala. Ja yajnixa wilawex ay ma' oj waj stsik jun kistal chante ja b'a snajtsil tsomjeli, mas lek pakawik ajnel. Ja ma'tik tey b'a lugar jumasa b'a Judea, a ch'ak spak e' ajnel b'a yoj yaxk'ul; 15ja ma' tey b'a olom na'itsi, mokxa ko'uk b'a ayto jas oj ya' eluk ja b'a yoj snaji; 16jaxa ma' tey b'a witsi, mokxa kumxuk b'a snaj b'a oj waj yi' ja sk'u' swexi. 17Ja k'ak'u jawi, ja ixuke jumasa ma' kuchan yuj niwak chameli, jel oj yi'e ja wokoli. —Jel ajula sb'aj ja ma' ay yi'oj yawal alats ja k'ak'u jawi—. 18K'umanik ja Dyosi, k'anawik yi ke mis tiempo uk' che'e ja oj a pak ex ajneli, 19yuj ja k'ak'u jumasa jawi, jel oj yi'e ja wokol ja kristyano jumasa. Man kujlaji ja satk'inal sok ja lu'umi, man ya'n, mini b'a wax ajyi jun niwan wokol ja jastal oj ajyuk ja k'ak'u jawi, sok mini oj cho ajyuk pilan majke'a. 20Ja Dyosi, jel yaj wax yab' ja ma' Ye'n stsa'uneji, ja'yuj ja k'ak'u jumasa b'a wokoli, mi jel najatuk oj wajuk. Lek yuj mi jachukuk jastal jawi, oj ch'ak cham spetsanil ja kristyano jumasa.
21—Ja k'ak'u jumasa jawi, ay k'a ma wax yala wabyex: K'elawilex tey il ja Mesiasi, Mik'a oj yal'e tey tiw ja Mesiasi, mok lom a k'u'ukex yi'e. 22Yuj ay ma' oj jak yal ye'n ja Mesiasi, aluman Dyos b'i, mi meranuk, jel tsamal ja jas oj sk'u'luke b'a oj slo'laye ja kristyano jumasa. Asta ja ma'tik tsa'ub'al yuj ja Dyosi, oj b'ob' lo'lajuke. 23—Talna lek a b'ajex— Ja ke'n b'ajtanxa lek kaloj a wabyex spetsanil ja jas oj ek'uki.
Ja jastal oj kumxuk ja Yunin ja winiki
(Mt 24:29-35,42-44; Lc 21:25-36)
24—Yajnix ch'ak ek'uk ja wokol jumasa iti,
ja k'ak'u oj tupuk;
ja nan ixawi oj ch'akuk.
25Ja k'anal jumasa oj mok' koni,
jaxa Dyosi, oj syo'pes ja yip ja satk'inali.
26—Ti'xa oj yil'one ti jakumon b'a yoj ason ja ke'n ja yunin ja winiki, sok spetsanil kip sok jel tsamal oj jakon. 27Ti oj jek ja kanjel jumasa b'a spetsanil ja lu'um b'a oj wa stsom'e ja jneb'uman jumasa.
Ja lo'il yuj ja ste'il ja igo
(Mt 24:32-36,42,44; Lc 21:29-36)
28—Na'awik t'unuk ja jastal wa sje'a ja ste'il ja igo. Yajni ya'awxta wa'n jakel ja yal xol jumasa, ya'awxta ja spo'wil jumasa, ja we'nlexi, wanxa xa na'awex ke mojanxa jakum ja stiempo ja'i. 29Cho jach'ni yajni waxa wilawex wa'n k'otel smeranil ja jas kaluneji, ti'xa oj ja na'ex yuj jelxa mojan oj jakoni. 30Ja smeranili, oj kala wabyex, ja ma' sak'anto ja k'ak'u jawi, mi oj chamuke man oj ch'ak ek' spetsanil ja jaw jumasa. 31Ja satk'inal sok ja lu'umi, ojni ch'akuka, ja jas wax kala, mini oj ch'akuka.
32—Ja k'ak'u oj jakoni, mini jun ma' oj sna'a; mini ja anjel jumasa b'a satk'inali. Mini ja ke'n oj na' ja sk'ak'u'il. Kechan ja Dyos wa sna'a ja sk'ak'u'il.
33—Ja'yuj talna lek a b'ajex, sok chapan ajyanik, yuj ja mixa na'awex jas ora oj kumxukoni.
34—Ja' lajan sok ja jastal yala jun winik oj waj b'a najtil lugar, yal yab' ja ya'tijum jumasa, a talnajuk yi ja snaji. B'a kada jujune ya'kan yi ya'tel, jaxa ma' wa stalna ja puerta yal yab' a stalna lek. 35Jaxa a'tijum jumasa jawi, chapanxta aye, yuj ja mi sna'awe ta b'a och k'ak'u, ma b'a sakb'el, ma b'a nalan a'kwal, ma' b'a sajto sakb'el oj kumxuk ja swinkil ja na'itsi. Jachuk, jach' chapan oj ajyanik ja we'nlexi, 36ja ke'n jun ita ch'ay k'ujol oj jakon, jaxa ta lek wa'nukex wayel oj ta'ex b'a. 37Ja jas wax kala wabyex ja we'nlexi, jach' wax cho kal yab' spetsanil ja swinkil ja lu'um iti: —Chapanxta ajyanik, k'elan jakan ajyani b'a spetsanil k'ak'u, xchi ja Jesusi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021