Hechos 10
10
Ja Pedro sok ja Cornelio
1Ja b'a chonab' Cesarea ti ajyi jun winik Cornelio sb'i'il, ja ye'ni wa sk'u'lan mandar jo' tajb'e (100) soldado Italiano, jach' sb'i'ile yuj ja ti jakele b'a Italia. 2Jaxa Cornelio, sok spetsanil ja swinkil snaji, wani sk'u'ane ja Dyosi, sok jel wa skolta ja judio jumasa ma jel ajula sb'aji, sok wanix cho sk'uman ja Dyosi.
3Jun k'ak'u ja Cornelio mojan oxe ora b'a och k'ak'u, snaj satin jun yanjel ja Dyosi, yila ti k'ot ja b'ayi, ti alji yab'a: —Cornelio, —x'utji. 4Jaxa Cornelio, ti tojxta och sk'el ja anjeli, wa'n lek xiwel, ti yala'a: ¿Jasunka Kajwal? —xchi.
Ti yala ja anjeli:
—Ja Dyosi smaklanta ja jas waxa k'ana yi'i, cho jach'ni jel lek wax yila ja jastal waxa kolta ja ma jel ajula sb'aji. 5Ja'yuj ja ya'n jeka chab' winik oj wajuke b'a Jope. Al yabye ti oj sle'e tiw jun winik sb'i'il Pedro. 6Tey b'a snaj jun winik sb'i'il Simon ak'a och yajnal ts'u'um, ja snaji tey b'a sti' ja niwan paman ja', —xchi ja anjeli.
7Kechan ch'ak yal ja jastal it ja anjeli ti waja, ti'xa spaya jan chab'e ja ya'tijum ja Cornelio sok jun soldado ja ma wax yila wa sk'u'an ja Dyosi, 8ti ch'ak yal spetsanil ja jas ek' yuji, yajni ch'ak yali, ti'xa sjeka b'a Jope ja winik jumasa jawi.
Ja Pedro k'umaji yuj ja Dyosi
9Jaxa otro k'ak'u, mojan kulan k'ak'u ojxa k'otuke b'a Jope ja ya'tijum it sjeka ja Cornelio, ja Pedro ti k'e b'a s'olom ja na'its k'e sk'umuk ja Dyosi. 10Wego och wa'in yab'i, lajan sok wego oj wa'uk.
Yajni wa'n tojb'el ja swa'eli, ay jas naj satin. 11Yila sjama sb'aj ja satk'inali, sok ti wa'n ko'el kon b'a lu'um jun niwan sakal k'u'uts mochan schanil schikin. 12Ja b'a yojol ja k'u'uts jawi, ay spetsanil tik'e chante, ay b'a chane yok sk'ab', ay b'its'il chan, sok ay jupjup chan. 13Jaxa Pedro ti yab' ja sk'umal ja Dyosi, ti alji yab'a: —K'e'an Pedro, mila ja chante jumasa iti, k'uxan, —x'utji.
14Ti yala ja Pedro: —Miyuk, Kajwal. Ja jmandartikoni, wax yala mi oj kab'tikon ja chante jumasa iti, jach'ni ja ke'n mini k'ajyeluk wax kab' jastik kistala, —xchi ja Pedro.
15Ti cho alji yab' pilan majke yuj ja Dyosi: —Pedro, ta yuj k'a ke'n wax kala ke lek oja wab' ja chante jumasa iti, mok a wal ja we'n yuj kistal.
16Ox majke alji yab' jachuk ja Pedro. Ti'xa cho i'ji k'e b'a satk'inal ja k'u'uts jawi. 17Jaxa Pedro jel cham k'ujol kani, wa sk'ana oj naj ja sb'e ja jas najsatini.
Yajni k'otye ja winike jumasa it sjeka och ja Cornelio. 18Ti sjob'owe'a: —¿Ti' ma' ay il ja winik Pedro sb'i'ili? —xchiye.
19Jaxa Pedro ja'toni wa'n sna'jel ja jas yila'a, ti alji yab' yuj ja Yespiritu ja Kajwaltiki: —Ti wa sle' a wa chab' oxe winike'a. 20Tulu a b'aj, ko'an ja ya'n, ka'ax soke. Mix cham a k'ujol ke'n jekunej oche, x'utji.
21Ja'yuj ti ko' ja Pedro ti yal yab' ja winike jumasa jawi:
—Ke'n ja Pedro'oni. ¿Jas jchol ja waxa le'awonexi?
22Jaxa ye'nle'i, ti yalawe'a:
—Sjekawotikon ja mandaranum Cornelio, ja ye'n jun lekil winik wa sk'u'an ja Dyosi. Spetsanil ja judio jumasa jel wax kisji yuj. Jun yanjel ja Dyosi, je'ji sb'aj yi', ti alji yab'a: —Jeka spayjel b'a wa naj ja Pedro, maklan lek ja jas oj yal a wab'i, —x'utji.
23Ti yala ja Pedro:
—Ochanik b'a na'its, tila kanyex il ja ya'an a'kwali.
Yajni el ja k'ak'u ti schapa sb'aj ja Pedro sok ja winike jumasa jawi, ti'xa wajye ja b'a Cesarea'a. Cho wajni soke chab' oxe ja moj aljeltik jumasa ja ma' ti aye b'a sti' ja' b'a Jope.
Ja jastal k'umani ja Pedro b'a snaj ja Cornelio
24B'a schab'il k'ak'u k'otye b'a Cesarea. Jaxa Cornelio sok ja smoj alijel jumasa, sok jun nole ja ma lek wax yila sb'aj soki, slokonej b'a wa'ne smajlanel ja Pedro. 25Yajni k'ot ja Pedro ja b'a sti' snaji, ti el ja Cornelio waj sta'e, ti ko mek'an ja b'a sti sati. 26Ti yala ja Pedro: —K'e'an Cornelio, ja ke'n jun winikon jastal ja we'n, —xchi ja Pedro.
27Ti'xa ochye lo'ila, lajan xa ochye ja b'a yoj na'itsi. Jel jitsan stsomonej sb'aj ja kristyano jumasa sta'a ja Pedro wa'ne majlajel, 28Ti yala'a:
—Ja we'nlexi waxa na'awex, ja mandar wax yala jun judio mi oj b'ob' yulatan sb'aj sok kristyano b'a mi judio'uk, mi oj b'ob' ajyukotikon a mokex. Ja Dyosi sje'a ki mi ma chin oj kile. 29Ja' yuj, mi kala mi oj jakon ja b'a na'its iti. Alawik kab'i, ¿Jas b'ej ja a payawonexi? —xchi ja Pedro.
30Ti jak'ji yuj ja Cornelio:
—Ayxa chane k'ak'u, mojan oxe ora b'a och k'ak'u ja ke'n ti ayon il b'aj naj, wa'non sk'umajel ja Dyosi. Junta ch'ay k'ujol sje'a sb'aj ki jun winik jelx lijpi ja sk'u'i, 31ti yala kab'a: Cornelio, ja Dyosi smaklanta ja jas waxa k'ana, sok wax ch'ak sna' spetsanil ja jastal waxa koltan ja ma'tik jel ajula sb'aji. 32Jeka chab' oxuk winik b'a Jope, b'a oj waj sle'e jun winik sb'i'il Pedro, tey b'a snaj jun winik Simon sb'i'il, tey ja snaj b'a mojan sti' paman ja', —xyutajon.
33—Ja'yuj ti jeka ja jwinik b'a waj sle'a jani. Jaxa we'n jel lek jawa k'ujoli jak ya'ni'a. Ti aytikon jpetsaniltikon ili, b'a oj maklantikon ja jas yalunej a wab' ja Dyos b'a oj ja wal kab'tikoni, wax k'u'antikon ti wax yilawotik ja yani, —xchi ja Cornelio.
34Jaxa Pedro ti och yala:
—Ja ya'n wax k'u'an, ja Dyosi, junxta wax yilawotik jpetsaniltik. 35Ja Dyosi wa syajtan spetsanil ja ma'tik wax k'u'aji yuji, jach'ni ja ma wa sk'u'lanyi lek ja smoji cho jach'ni ja ma' spetsanil k'ak'u ja wajel sk'ujol oj sk'u'luk ja b'a leki, a'nima mina b'a schonab'il sb'aja. 36Cho ja'ni je'ji yi'e yuj ja Dyos ja israelenio jumasa, b'a ye'n ja Jesús Mesias Kajwaltik it ye'n wax ya'a ja yab'ali; jachuk yuj ye'na ja'yuj laman oj ajyukotik jpetsaniltik sok ja Dyosi.
37—Ja we'nlexi, waxa na'awex lek ja jas ch'ak ek'uk ja b'a slujmal ja Judea. Spetsanil ti k'e stulyi b'a Galilea, ja iti tsa'an yuj ja yajni a'ji yi ja' 38ja Jesús sb'a Nazaret yuj ja Juani, jaxa Dyosi, ye'n ya' yi ja yip ja Espiritu Santo. Yuj ja ti'ni ay sok ja Dyos ja Jesusi, ja'yuj jel lek ja jas sk'u'lani, cho ch'ak ya' tojb'uk spetsanil ja ma'tik ixta wax ilji yuj ajyi ja tan pukuji. 39Ja ke'ntiki, kilatik spetsanil ja jas k'u'lan ja Jesús b'a chonab' Jerusalen sok spetsanil ja chonab' jumasa sb'a judio jumasa. Cho kilatikni ja yajni smilawe b'a Cruzi. 40Jaxa Dyosi, b'a yoxil k'ak'u ya sak'wuk b'a oj cho ya kiltik pilan majke 41Mixa spetsaniluk ja kristyano jumasa yila, kechanxta ke'ntik ja ma' stsa'unejotik b'a oj kaltik sak'wini merana, yuj ja wa'tik sok pilan majke ja yajni sak'wita.
42—Ja Kajwaltik Jesusi, yalunej kab'tik oj kaltik ek' ye'n ak'ub'al b'a sk'ab oj sk'el spetsanil ja lu'um iti, sok ye'nani oj sk'el ja smul ja ma' sak'anto cho jach'ni ja ma' chamelxa.
43—Ja aluman Dyos jumasa ja'ni slo'iltaye ja jas k'u'lan ja Jesusi, yalawe oj sch'ay sna'jel ja smule yuj ja Dyos ja ma'tik wa sk'u'ane ja ye'n. Kechani yuj ja ye'n oj b'ob' jta'tik perdon ja b'a sti' sat ja Dyosi—.
44Ti'to wa'n lo'il ja Pedro sok ja kristyano jumasa, junta ch'ay k'ujol ko sb'aje ja Espiritu Santo spetsanil ja ma'tik wa'n smaklajel ja jas wax yala ja Pedro. 45Ja ma'tik jakele b'a Jope sok ja Pedro, jel cham sk'ujole ja yilawe ch'ak ko' sb'aje ja Espiritu Santo ja ma'tik judio. 46Wax cho smaklaye wa'ne k'umal sok wa'ne stoyjel ja Dyos sok pilan k'umal.
47Ti yal yab' ja smoj jumasa ja Pedro: —Ja Dyosi sjekata ja Espiritu Santo b'a oj stoj ja jastal ja kristyano jumasa b'a tuktukil chonab'i, b'a jastal sjeka ki'tik ja ke'ntiki. Ja ya'n mini ma oj b'ob' yal, mi oj b'ob' ka'tik yi'e ja'a.
48Yajni ch'ak yal jastal it ja Pedro, ti'xa yala oj ch'ak yi'e ja' spetsanile b'a sb'i'il ja Jesús Mesiasi. Yajni ch'ak yi'e' ja'i, ti sk'anawe yi pavor ja Pedro ta mi oj kan soke chab' oxe k'ak'u mas.
Iliyochaguliwa sasa
Hechos 10: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
Hechos 10
10
Ja Pedro sok ja Cornelio
1Ja b'a chonab' Cesarea ti ajyi jun winik Cornelio sb'i'il, ja ye'ni wa sk'u'lan mandar jo' tajb'e (100) soldado Italiano, jach' sb'i'ile yuj ja ti jakele b'a Italia. 2Jaxa Cornelio, sok spetsanil ja swinkil snaji, wani sk'u'ane ja Dyosi, sok jel wa skolta ja judio jumasa ma jel ajula sb'aji, sok wanix cho sk'uman ja Dyosi.
3Jun k'ak'u ja Cornelio mojan oxe ora b'a och k'ak'u, snaj satin jun yanjel ja Dyosi, yila ti k'ot ja b'ayi, ti alji yab'a: —Cornelio, —x'utji. 4Jaxa Cornelio, ti tojxta och sk'el ja anjeli, wa'n lek xiwel, ti yala'a: ¿Jasunka Kajwal? —xchi.
Ti yala ja anjeli:
—Ja Dyosi smaklanta ja jas waxa k'ana yi'i, cho jach'ni jel lek wax yila ja jastal waxa kolta ja ma jel ajula sb'aji. 5Ja'yuj ja ya'n jeka chab' winik oj wajuke b'a Jope. Al yabye ti oj sle'e tiw jun winik sb'i'il Pedro. 6Tey b'a snaj jun winik sb'i'il Simon ak'a och yajnal ts'u'um, ja snaji tey b'a sti' ja niwan paman ja', —xchi ja anjeli.
7Kechan ch'ak yal ja jastal it ja anjeli ti waja, ti'xa spaya jan chab'e ja ya'tijum ja Cornelio sok jun soldado ja ma wax yila wa sk'u'an ja Dyosi, 8ti ch'ak yal spetsanil ja jas ek' yuji, yajni ch'ak yali, ti'xa sjeka b'a Jope ja winik jumasa jawi.
Ja Pedro k'umaji yuj ja Dyosi
9Jaxa otro k'ak'u, mojan kulan k'ak'u ojxa k'otuke b'a Jope ja ya'tijum it sjeka ja Cornelio, ja Pedro ti k'e b'a s'olom ja na'its k'e sk'umuk ja Dyosi. 10Wego och wa'in yab'i, lajan sok wego oj wa'uk.
Yajni wa'n tojb'el ja swa'eli, ay jas naj satin. 11Yila sjama sb'aj ja satk'inali, sok ti wa'n ko'el kon b'a lu'um jun niwan sakal k'u'uts mochan schanil schikin. 12Ja b'a yojol ja k'u'uts jawi, ay spetsanil tik'e chante, ay b'a chane yok sk'ab', ay b'its'il chan, sok ay jupjup chan. 13Jaxa Pedro ti yab' ja sk'umal ja Dyosi, ti alji yab'a: —K'e'an Pedro, mila ja chante jumasa iti, k'uxan, —x'utji.
14Ti yala ja Pedro: —Miyuk, Kajwal. Ja jmandartikoni, wax yala mi oj kab'tikon ja chante jumasa iti, jach'ni ja ke'n mini k'ajyeluk wax kab' jastik kistala, —xchi ja Pedro.
15Ti cho alji yab' pilan majke yuj ja Dyosi: —Pedro, ta yuj k'a ke'n wax kala ke lek oja wab' ja chante jumasa iti, mok a wal ja we'n yuj kistal.
16Ox majke alji yab' jachuk ja Pedro. Ti'xa cho i'ji k'e b'a satk'inal ja k'u'uts jawi. 17Jaxa Pedro jel cham k'ujol kani, wa sk'ana oj naj ja sb'e ja jas najsatini.
Yajni k'otye ja winike jumasa it sjeka och ja Cornelio. 18Ti sjob'owe'a: —¿Ti' ma' ay il ja winik Pedro sb'i'ili? —xchiye.
19Jaxa Pedro ja'toni wa'n sna'jel ja jas yila'a, ti alji yab' yuj ja Yespiritu ja Kajwaltiki: —Ti wa sle' a wa chab' oxe winike'a. 20Tulu a b'aj, ko'an ja ya'n, ka'ax soke. Mix cham a k'ujol ke'n jekunej oche, x'utji.
21Ja'yuj ti ko' ja Pedro ti yal yab' ja winike jumasa jawi:
—Ke'n ja Pedro'oni. ¿Jas jchol ja waxa le'awonexi?
22Jaxa ye'nle'i, ti yalawe'a:
—Sjekawotikon ja mandaranum Cornelio, ja ye'n jun lekil winik wa sk'u'an ja Dyosi. Spetsanil ja judio jumasa jel wax kisji yuj. Jun yanjel ja Dyosi, je'ji sb'aj yi', ti alji yab'a: —Jeka spayjel b'a wa naj ja Pedro, maklan lek ja jas oj yal a wab'i, —x'utji.
23Ti yala ja Pedro:
—Ochanik b'a na'its, tila kanyex il ja ya'an a'kwali.
Yajni el ja k'ak'u ti schapa sb'aj ja Pedro sok ja winike jumasa jawi, ti'xa wajye ja b'a Cesarea'a. Cho wajni soke chab' oxe ja moj aljeltik jumasa ja ma' ti aye b'a sti' ja' b'a Jope.
Ja jastal k'umani ja Pedro b'a snaj ja Cornelio
24B'a schab'il k'ak'u k'otye b'a Cesarea. Jaxa Cornelio sok ja smoj alijel jumasa, sok jun nole ja ma lek wax yila sb'aj soki, slokonej b'a wa'ne smajlanel ja Pedro. 25Yajni k'ot ja Pedro ja b'a sti' snaji, ti el ja Cornelio waj sta'e, ti ko mek'an ja b'a sti sati. 26Ti yala ja Pedro: —K'e'an Cornelio, ja ke'n jun winikon jastal ja we'n, —xchi ja Pedro.
27Ti'xa ochye lo'ila, lajan xa ochye ja b'a yoj na'itsi. Jel jitsan stsomonej sb'aj ja kristyano jumasa sta'a ja Pedro wa'ne majlajel, 28Ti yala'a:
—Ja we'nlexi waxa na'awex, ja mandar wax yala jun judio mi oj b'ob' yulatan sb'aj sok kristyano b'a mi judio'uk, mi oj b'ob' ajyukotikon a mokex. Ja Dyosi sje'a ki mi ma chin oj kile. 29Ja' yuj, mi kala mi oj jakon ja b'a na'its iti. Alawik kab'i, ¿Jas b'ej ja a payawonexi? —xchi ja Pedro.
30Ti jak'ji yuj ja Cornelio:
—Ayxa chane k'ak'u, mojan oxe ora b'a och k'ak'u ja ke'n ti ayon il b'aj naj, wa'non sk'umajel ja Dyosi. Junta ch'ay k'ujol sje'a sb'aj ki jun winik jelx lijpi ja sk'u'i, 31ti yala kab'a: Cornelio, ja Dyosi smaklanta ja jas waxa k'ana, sok wax ch'ak sna' spetsanil ja jastal waxa koltan ja ma'tik jel ajula sb'aji. 32Jeka chab' oxuk winik b'a Jope, b'a oj waj sle'e jun winik sb'i'il Pedro, tey b'a snaj jun winik Simon sb'i'il, tey ja snaj b'a mojan sti' paman ja', —xyutajon.
33—Ja'yuj ti jeka ja jwinik b'a waj sle'a jani. Jaxa we'n jel lek jawa k'ujoli jak ya'ni'a. Ti aytikon jpetsaniltikon ili, b'a oj maklantikon ja jas yalunej a wab' ja Dyos b'a oj ja wal kab'tikoni, wax k'u'antikon ti wax yilawotik ja yani, —xchi ja Cornelio.
34Jaxa Pedro ti och yala:
—Ja ya'n wax k'u'an, ja Dyosi, junxta wax yilawotik jpetsaniltik. 35Ja Dyosi wa syajtan spetsanil ja ma'tik wax k'u'aji yuji, jach'ni ja ma wa sk'u'lanyi lek ja smoji cho jach'ni ja ma' spetsanil k'ak'u ja wajel sk'ujol oj sk'u'luk ja b'a leki, a'nima mina b'a schonab'il sb'aja. 36Cho ja'ni je'ji yi'e yuj ja Dyos ja israelenio jumasa, b'a ye'n ja Jesús Mesias Kajwaltik it ye'n wax ya'a ja yab'ali; jachuk yuj ye'na ja'yuj laman oj ajyukotik jpetsaniltik sok ja Dyosi.
37—Ja we'nlexi, waxa na'awex lek ja jas ch'ak ek'uk ja b'a slujmal ja Judea. Spetsanil ti k'e stulyi b'a Galilea, ja iti tsa'an yuj ja yajni a'ji yi ja' 38ja Jesús sb'a Nazaret yuj ja Juani, jaxa Dyosi, ye'n ya' yi ja yip ja Espiritu Santo. Yuj ja ti'ni ay sok ja Dyos ja Jesusi, ja'yuj jel lek ja jas sk'u'lani, cho ch'ak ya' tojb'uk spetsanil ja ma'tik ixta wax ilji yuj ajyi ja tan pukuji. 39Ja ke'ntiki, kilatik spetsanil ja jas k'u'lan ja Jesús b'a chonab' Jerusalen sok spetsanil ja chonab' jumasa sb'a judio jumasa. Cho kilatikni ja yajni smilawe b'a Cruzi. 40Jaxa Dyosi, b'a yoxil k'ak'u ya sak'wuk b'a oj cho ya kiltik pilan majke 41Mixa spetsaniluk ja kristyano jumasa yila, kechanxta ke'ntik ja ma' stsa'unejotik b'a oj kaltik sak'wini merana, yuj ja wa'tik sok pilan majke ja yajni sak'wita.
42—Ja Kajwaltik Jesusi, yalunej kab'tik oj kaltik ek' ye'n ak'ub'al b'a sk'ab oj sk'el spetsanil ja lu'um iti, sok ye'nani oj sk'el ja smul ja ma' sak'anto cho jach'ni ja ma' chamelxa.
43—Ja aluman Dyos jumasa ja'ni slo'iltaye ja jas k'u'lan ja Jesusi, yalawe oj sch'ay sna'jel ja smule yuj ja Dyos ja ma'tik wa sk'u'ane ja ye'n. Kechani yuj ja ye'n oj b'ob' jta'tik perdon ja b'a sti' sat ja Dyosi—.
44Ti'to wa'n lo'il ja Pedro sok ja kristyano jumasa, junta ch'ay k'ujol ko sb'aje ja Espiritu Santo spetsanil ja ma'tik wa'n smaklajel ja jas wax yala ja Pedro. 45Ja ma'tik jakele b'a Jope sok ja Pedro, jel cham sk'ujole ja yilawe ch'ak ko' sb'aje ja Espiritu Santo ja ma'tik judio. 46Wax cho smaklaye wa'ne k'umal sok wa'ne stoyjel ja Dyos sok pilan k'umal.
47Ti yal yab' ja smoj jumasa ja Pedro: —Ja Dyosi sjekata ja Espiritu Santo b'a oj stoj ja jastal ja kristyano jumasa b'a tuktukil chonab'i, b'a jastal sjeka ki'tik ja ke'ntiki. Ja ya'n mini ma oj b'ob' yal, mi oj b'ob' ka'tik yi'e ja'a.
48Yajni ch'ak yal jastal it ja Pedro, ti'xa yala oj ch'ak yi'e ja' spetsanile b'a sb'i'il ja Jesús Mesiasi. Yajni ch'ak yi'e' ja'i, ti sk'anawe yi pavor ja Pedro ta mi oj kan soke chab' oxe k'ak'u mas.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021