1 Tesalonicenses 3
3
1Ja'yuj, yajni mixax kuch kujtikon ja wax k'ana oj na'tikon jastal ayexi, ti'xa kalatikona, a'nima ti la kantikon jtuch'iltikon b'a Atenas 2oj jektikon a wi'ex ja Timoteo, yuj ja jel lek wax kila jb'ajtikon soki. Ja ye'n jmoj jb'ajtikon wanix cho ya'telta ja Dyos b'a wax yal'a ek' ja tsamal ab'al b'a Kajwaltik Jesusi. Jekatikon a wi'ex b'a oj stsatsal k'ujolukex sok b'a oj skoltayex b'a toj oj ja k'u'ukex ja Kajwaltik Jesusi; 3b'a jach' mi jas oj ya ek' ak'ujolex ja wokol jumasa oj a ta'exi. Ja we'nlexi, wanixa na'awex yuj t'ilani oj nup satuktik ja ab'al k'umal jumasa jaw'a. 4Mi kechanuka, ja ti'to aytikon a mokexi, kalatikon a wabyex ojni ki'tik wokola, ja'yuj wanixa na'awex ja jas oj ek'uka, sok jach'ni ek'a. 5Yuj ja jawi, mixani kuch kuj ja, ti'xa jeka ja Timoteo, wax k'ana oj cho na', ta wa'nexto sk'u'ajel ja Dyosi. —Ja ke'n wala xiwyon ta lek ko'yexta sk'ab' ja tan pukuji, sok ta lek sch'akta sna'jel spetsanil ja a'tel jk'u'lantikon yuj ja we'nlexi—
6Jaxa ya'n ja Timoteo kumxita jan ja b'a chonab' Tesalonica, ch'akta yal kab'tikon yuj ja we'nlex jel b'i tsamal waxa yajtan a b'ajex, sok me'x cho a wa'wex kan sk'u'ajel ja Dyosi. Cho yala kab'tikon ja' b'i ja we'nlexi jel b'i waxa k'anawotikonex, sok wan b'ixa k'ana oj ja wil'otikonex jastal wax k'ana ja ke'ntikon oj kil'extikoni.
7Jmoj aljel jumasa, b'a spetsanil ja ab'al k'umal sok ja jwokoltikon jumasa, jel gusto wax kab' ja ti'ni wa'nex sk'u'ajel ja Kajwaltik Jesusi. 8Ja ya'n yuj ja wax na'atikon ja iti, wax ta'a lek kiptikon ja b'a jsak'aniltikoni. 9—Mix na'atikon jastal oj ka'tikon yi ts'akatal ja Dyos yuj ja jel gusto wax kab'tikon ja jastal ayexi. 10K'ak'u a'kwal wa'ntikon sk'anjel yi pavor ja Dyos b'a oj kil b'ajtikik satilajel ab'al b'a jach' oj koltayex b'a tsats oj ja k'u'ukex ja ye'n.
Ja Pablo sk'umane ja Dyos sok ja smoj jumasa
11Wax k'anatikon yi ja Tatal Dyos sok ja Kajwaltik Jesús b'a oj sjek otikon oj waj kil'extikon. 12Wax k'anatikon yi ja Kajwaltik ke oj'a yajta a b'ajex lek sok ja tuk jumasa, sok jach' oj ja yajta a b'ajex sok b'a spetsanil. Yujni jach' jyajtanextikon ja we'nlexa. 13Jach'ni wax cho jk'anatikon yi' ja Kajwaltik Jesús a ya' a wipex b'a oj ja k'u'ukex tsats ja Dyosi, sok a ya' jun a waltsilex b'a toj, b'a mey skuxil. B'a jachuk ja yajnix jak ja ye'n sok spetsanil ja yuntikil stsa'uneji, mi ma' oj b'ob' sle' a mulex b'a sti sat ja Dyosi. —Jach'ni'a.
Iliyochaguliwa sasa
1 Tesalonicenses 3: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
1 Tesalonicenses 3
3
1Ja'yuj, yajni mixax kuch kujtikon ja wax k'ana oj na'tikon jastal ayexi, ti'xa kalatikona, a'nima ti la kantikon jtuch'iltikon b'a Atenas 2oj jektikon a wi'ex ja Timoteo, yuj ja jel lek wax kila jb'ajtikon soki. Ja ye'n jmoj jb'ajtikon wanix cho ya'telta ja Dyos b'a wax yal'a ek' ja tsamal ab'al b'a Kajwaltik Jesusi. Jekatikon a wi'ex b'a oj stsatsal k'ujolukex sok b'a oj skoltayex b'a toj oj ja k'u'ukex ja Kajwaltik Jesusi; 3b'a jach' mi jas oj ya ek' ak'ujolex ja wokol jumasa oj a ta'exi. Ja we'nlexi, wanixa na'awex yuj t'ilani oj nup satuktik ja ab'al k'umal jumasa jaw'a. 4Mi kechanuka, ja ti'to aytikon a mokexi, kalatikon a wabyex ojni ki'tik wokola, ja'yuj wanixa na'awex ja jas oj ek'uka, sok jach'ni ek'a. 5Yuj ja jawi, mixani kuch kuj ja, ti'xa jeka ja Timoteo, wax k'ana oj cho na', ta wa'nexto sk'u'ajel ja Dyosi. —Ja ke'n wala xiwyon ta lek ko'yexta sk'ab' ja tan pukuji, sok ta lek sch'akta sna'jel spetsanil ja a'tel jk'u'lantikon yuj ja we'nlexi—
6Jaxa ya'n ja Timoteo kumxita jan ja b'a chonab' Tesalonica, ch'akta yal kab'tikon yuj ja we'nlex jel b'i tsamal waxa yajtan a b'ajex, sok me'x cho a wa'wex kan sk'u'ajel ja Dyosi. Cho yala kab'tikon ja' b'i ja we'nlexi jel b'i waxa k'anawotikonex, sok wan b'ixa k'ana oj ja wil'otikonex jastal wax k'ana ja ke'ntikon oj kil'extikoni.
7Jmoj aljel jumasa, b'a spetsanil ja ab'al k'umal sok ja jwokoltikon jumasa, jel gusto wax kab' ja ti'ni wa'nex sk'u'ajel ja Kajwaltik Jesusi. 8Ja ya'n yuj ja wax na'atikon ja iti, wax ta'a lek kiptikon ja b'a jsak'aniltikoni. 9—Mix na'atikon jastal oj ka'tikon yi ts'akatal ja Dyos yuj ja jel gusto wax kab'tikon ja jastal ayexi. 10K'ak'u a'kwal wa'ntikon sk'anjel yi pavor ja Dyos b'a oj kil b'ajtikik satilajel ab'al b'a jach' oj koltayex b'a tsats oj ja k'u'ukex ja ye'n.
Ja Pablo sk'umane ja Dyos sok ja smoj jumasa
11Wax k'anatikon yi ja Tatal Dyos sok ja Kajwaltik Jesús b'a oj sjek otikon oj waj kil'extikon. 12Wax k'anatikon yi ja Kajwaltik ke oj'a yajta a b'ajex lek sok ja tuk jumasa, sok jach' oj ja yajta a b'ajex sok b'a spetsanil. Yujni jach' jyajtanextikon ja we'nlexa. 13Jach'ni wax cho jk'anatikon yi' ja Kajwaltik Jesús a ya' a wipex b'a oj ja k'u'ukex tsats ja Dyosi, sok a ya' jun a waltsilex b'a toj, b'a mey skuxil. B'a jachuk ja yajnix jak ja ye'n sok spetsanil ja yuntikil stsa'uneji, mi ma' oj b'ob' sle' a mulex b'a sti sat ja Dyosi. —Jach'ni'a.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021