1 Tesalonicenses 2
2
Ja ya'tel ja Pablo b'a Tesalonica
1Jmoj aljel jumasa, yuj ja Kajwaltik Jesusi, ja we'nlexi, waxa na'awex lek yuj ja wax kulatayexi mi lomuk waji. 2Wax cho a na'awex ja jastal jel yuta jotikone sok jel ixta yilawotikone ja swinkil ja chonab' b'a Filipo. A'nima jel ki'ajtikon ja wokoli, jaxa Dyosi, stsatsal k'ujolanotikon b'a oj kaltikon ja yab'ali. 3Jaxa yajni och kaltikoni, ja'ni kalatikon ja smeranila: Ja jas wax k'anatikoni, lekni'a, mi jle'atikon ma oj jlo'latikon. 4Ja smeranili, ye'n ja Dyos ja ma' stsa'awotikoni, sok yala kab'tikon oj kaltikon ja yab'ali, sok jach'ni wax k'u'lantikon jastal jawa. Me'x le'atikon ma' oj yil'otikon lek, kechan ja wax toyotikon ja Dyosi, yuj ja ye'n wanix ch'ak sna' petsanil ja jas wa'ntik sna'jel sok ja jas wa'n ek'el jk'ujoltiki. 5Ja we'nlexi, waxa na'awex lek mini b'a kalatikon a wabyex jun tsamal lo'il b'a jach' oj ka'tikon a ak'u'ukex, cho me'x lo'layextikon b'a oj ja wa'wex ki'tikon tak'in. Ja iti, wa sna'a ja Dyos ke smeranil ja jas wa'ntikon yaljeli. 6Mini b'a ki'ajextikon lek ja we'nlexi, sok mini ja tuk jumasa, b'a jel niwan oj ja wil'otikonex ja ke'ntikoni. 7Yuj ja sjekab'anumotikon ja Kajwaltik Jesusi, ja'yuj ojni b'ob' kaltikon a wabyex b'a oj ja koltayotikonexa, mini b'a jk'u'lantikon jachuka. Yuj ja mi jk'u'lantikon jachuki, ja'yuj ja yajni ti ajyitikon a mokexi, jel lek kilawextikon, jel jyajtayextikon, jach' kilawextikon jastal jun nanal wa stalna lek ja yalatsi. 8Jel jyajtanextikon, ja'yuj wax k'anatikon mi kechanuk oj kaltikon a wabyex ja yab'al ja Dyosi, yujni jach' wa sk'ana ja Dyosi, cho kalatikon a'nima ti la miljitikon yuj ja we'nlexi.
9Jmoj aljel jumasa, ja we'nlexi, smeranil wantox jak a k'ujolex ja jastal jel tsats a'tijitikon b'a oj ta'tikon jastal oj ek' kujtikon ja jsak'aniltikoni. Ja k'ak'u wa'ntikon yaljel a wabyex ja yab'al ja Dyosi, k'ak'u a'kwal wala a'tijitikon, b'a jach' mini jun ma' oj ya'ki'tikon tak'in a wujilexa. 10Ja we'nlexi, jani sniwanil a k'ujolex ja Dyosi, jaxa ke'ntikoni, tojni aytikon a mokexa. Ja Dyosi, wa sna'a ke smeranil ja jawi, cho jach'ni ja we'nlexi. Ja'yuj mi ma oj b'ob' sle' jmultikon. 11Kada jujune ja we'nlexi, waxa na'awex, jach' wax kilawextikon jastal jun tatal wa syajta lek ja yuntikili. Wax ka'tikon a tsatsal k'ujoluk ab'ajex, sok wax ka'tikon kulan a k'ujolex, 12Cho kalatikon a wabyex, jach' oj ajyanik jastal sb'ej wax ajyi ja ma' ti'xa ay sok ja Dyosi, sok ja ma'tik payjita ti oj ajyuk ja b'a kulan ja Dyosi.
13Kada k'ak'u wax ka'tikon yi ts'akatal ja Dyosi, b'a miyuka, ja yajni kalatikon a wabyex ja yab'ali, jel lek a wabyex, lajan sok a wilawex ye'n waj yala wabyex ja Dyosi, mi a walawex yuj jun winik ja ma waj yali. Ja smeranil ja ab'al jawi, ja'ni sb'a ja Dyosi, ja'yuj ja ma wa sk'u'an ja Dyosi, sb'ejni oj stukb'es jastal oj ajyuka. 14Ja we'nlex jmoj aljel jumasa, jach' ek' a wujilex ja we'nlex jastal ek' yujile ja jmoj aljeltik jumasa b'a Judea: —Ja' smoj ye'nle'i jel k'e'najiye yuji, cho nol k'ab'ijiye— Jach'ni cho ek' a wujilex ja yajni jel ixta iljiyexi, ja'ita swinkil wa chonab'il awe'nlex ja jel ixta yilawexi. 15Ja judio jumasa ye'n smilawe ja Kajwaltik Jesús sok ja aluman Dyos jumasa, tsa'an snutsuwotikone el ja b'a schonab'ile'i. Ja ye'nle'i, mi sk'u'lane ja jas wa sk'ana ja Dyosi, spetsanil mini jas lek wax yilawe'a, 16Jaxa ke'ntikoni mi sk'anawe oj kaltikon ja ab'al it ay yi'oj skoltajel, ja ma mi judio'uki. Ja jastal jawi, ya'we jelxuk ja smul ja ma' ayxani smuli. Kechan, ojni k'otuk ja k'ak'u oj a'ji stup'e' tsats lek yuj ja Dyosi.
Ja Pablo wa sk'ana oj waj b'a Tesalonica
17Jmoj aljel jumasa, a'nima jpila jb'ajtikon t'usan a mokex, ja smeranili jel wax na'awextikon sok syajal jk'ujoltikon wax k'ana oj waj kil'extikon. 18Jle'atikon jastal oj waj kulatayextikon, ja k'en jitsan majke jle'a jastal oj waj kil'ex, jaxa tan pukuji mi sk'ana oj wajkon. 19Jex k'ana oj kil'extikon, ja yuj ja yajnix kumxi ja Kajwaltik Jesusi, oj sjob' ki'tikon ja ka'teltikoni, jaxa ke'ntikoni jel gusto oj ajyukotikon, yuj ja wax na'atikon mi ch'ayeluk ja ka'teltikon sok ja we'nlexi. 20—Jel lek ayon wax kab'i, sok jel gusto ayon yuj ja we'nlexi.
Iliyochaguliwa sasa
1 Tesalonicenses 2: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
1 Tesalonicenses 2
2
Ja ya'tel ja Pablo b'a Tesalonica
1Jmoj aljel jumasa, yuj ja Kajwaltik Jesusi, ja we'nlexi, waxa na'awex lek yuj ja wax kulatayexi mi lomuk waji. 2Wax cho a na'awex ja jastal jel yuta jotikone sok jel ixta yilawotikone ja swinkil ja chonab' b'a Filipo. A'nima jel ki'ajtikon ja wokoli, jaxa Dyosi, stsatsal k'ujolanotikon b'a oj kaltikon ja yab'ali. 3Jaxa yajni och kaltikoni, ja'ni kalatikon ja smeranila: Ja jas wax k'anatikoni, lekni'a, mi jle'atikon ma oj jlo'latikon. 4Ja smeranili, ye'n ja Dyos ja ma' stsa'awotikoni, sok yala kab'tikon oj kaltikon ja yab'ali, sok jach'ni wax k'u'lantikon jastal jawa. Me'x le'atikon ma' oj yil'otikon lek, kechan ja wax toyotikon ja Dyosi, yuj ja ye'n wanix ch'ak sna' petsanil ja jas wa'ntik sna'jel sok ja jas wa'n ek'el jk'ujoltiki. 5Ja we'nlexi, waxa na'awex lek mini b'a kalatikon a wabyex jun tsamal lo'il b'a jach' oj ka'tikon a ak'u'ukex, cho me'x lo'layextikon b'a oj ja wa'wex ki'tikon tak'in. Ja iti, wa sna'a ja Dyos ke smeranil ja jas wa'ntikon yaljeli. 6Mini b'a ki'ajextikon lek ja we'nlexi, sok mini ja tuk jumasa, b'a jel niwan oj ja wil'otikonex ja ke'ntikoni. 7Yuj ja sjekab'anumotikon ja Kajwaltik Jesusi, ja'yuj ojni b'ob' kaltikon a wabyex b'a oj ja koltayotikonexa, mini b'a jk'u'lantikon jachuka. Yuj ja mi jk'u'lantikon jachuki, ja'yuj ja yajni ti ajyitikon a mokexi, jel lek kilawextikon, jel jyajtayextikon, jach' kilawextikon jastal jun nanal wa stalna lek ja yalatsi. 8Jel jyajtanextikon, ja'yuj wax k'anatikon mi kechanuk oj kaltikon a wabyex ja yab'al ja Dyosi, yujni jach' wa sk'ana ja Dyosi, cho kalatikon a'nima ti la miljitikon yuj ja we'nlexi.
9Jmoj aljel jumasa, ja we'nlexi, smeranil wantox jak a k'ujolex ja jastal jel tsats a'tijitikon b'a oj ta'tikon jastal oj ek' kujtikon ja jsak'aniltikoni. Ja k'ak'u wa'ntikon yaljel a wabyex ja yab'al ja Dyosi, k'ak'u a'kwal wala a'tijitikon, b'a jach' mini jun ma' oj ya'ki'tikon tak'in a wujilexa. 10Ja we'nlexi, jani sniwanil a k'ujolex ja Dyosi, jaxa ke'ntikoni, tojni aytikon a mokexa. Ja Dyosi, wa sna'a ke smeranil ja jawi, cho jach'ni ja we'nlexi. Ja'yuj mi ma oj b'ob' sle' jmultikon. 11Kada jujune ja we'nlexi, waxa na'awex, jach' wax kilawextikon jastal jun tatal wa syajta lek ja yuntikili. Wax ka'tikon a tsatsal k'ujoluk ab'ajex, sok wax ka'tikon kulan a k'ujolex, 12Cho kalatikon a wabyex, jach' oj ajyanik jastal sb'ej wax ajyi ja ma' ti'xa ay sok ja Dyosi, sok ja ma'tik payjita ti oj ajyuk ja b'a kulan ja Dyosi.
13Kada k'ak'u wax ka'tikon yi ts'akatal ja Dyosi, b'a miyuka, ja yajni kalatikon a wabyex ja yab'ali, jel lek a wabyex, lajan sok a wilawex ye'n waj yala wabyex ja Dyosi, mi a walawex yuj jun winik ja ma waj yali. Ja smeranil ja ab'al jawi, ja'ni sb'a ja Dyosi, ja'yuj ja ma wa sk'u'an ja Dyosi, sb'ejni oj stukb'es jastal oj ajyuka. 14Ja we'nlex jmoj aljel jumasa, jach' ek' a wujilex ja we'nlex jastal ek' yujile ja jmoj aljeltik jumasa b'a Judea: —Ja' smoj ye'nle'i jel k'e'najiye yuji, cho nol k'ab'ijiye— Jach'ni cho ek' a wujilex ja yajni jel ixta iljiyexi, ja'ita swinkil wa chonab'il awe'nlex ja jel ixta yilawexi. 15Ja judio jumasa ye'n smilawe ja Kajwaltik Jesús sok ja aluman Dyos jumasa, tsa'an snutsuwotikone el ja b'a schonab'ile'i. Ja ye'nle'i, mi sk'u'lane ja jas wa sk'ana ja Dyosi, spetsanil mini jas lek wax yilawe'a, 16Jaxa ke'ntikoni mi sk'anawe oj kaltikon ja ab'al it ay yi'oj skoltajel, ja ma mi judio'uki. Ja jastal jawi, ya'we jelxuk ja smul ja ma' ayxani smuli. Kechan, ojni k'otuk ja k'ak'u oj a'ji stup'e' tsats lek yuj ja Dyosi.
Ja Pablo wa sk'ana oj waj b'a Tesalonica
17Jmoj aljel jumasa, a'nima jpila jb'ajtikon t'usan a mokex, ja smeranili jel wax na'awextikon sok syajal jk'ujoltikon wax k'ana oj waj kil'extikon. 18Jle'atikon jastal oj waj kulatayextikon, ja k'en jitsan majke jle'a jastal oj waj kil'ex, jaxa tan pukuji mi sk'ana oj wajkon. 19Jex k'ana oj kil'extikon, ja yuj ja yajnix kumxi ja Kajwaltik Jesusi, oj sjob' ki'tikon ja ka'teltikoni, jaxa ke'ntikoni jel gusto oj ajyukotikon, yuj ja wax na'atikon mi ch'ayeluk ja ka'teltikon sok ja we'nlexi. 20—Jel lek ayon wax kab'i, sok jel gusto ayon yuj ja we'nlexi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021