1 Corintios 2
2
Ja jas, kechan ye'n wa sna'a ja Dyosi
1Jmoj aljel jumasa yuj ja Kajwaltik Jesusi, ja k'ak'u waj kal a wabyex ja jas kechan Ye'n wa sna'a ajyi ja Dyosi, mi kala b'a mi oj a wabyex sb'eja, xcho me'x jt'enawex b'a t'ilan oj ka a wabyex sb'ej. 2Ja smeranili, kala b'a k'echan oj kala a wabyex ja yab'al ja Kajwaltik Jesusi, ja mas t'ilan wax kab' oj kal a wabyexi, ja'yuj ja jastal cham b'a Cruzi. 3Yajni ochyon mojan a mokex b'a oj kal a wabyex ja yab'al ja Dyosi, ch'ak kab' ja kipi, lom och k'itk'unukon sok jel och ja jxiweli. 4Ja'yuj mi je'a jb'aj a wi'ex jel ja jas wax na'a, sok me' xle'a jastal tsamal oj k'umanukon b'a ti oj a k'u'ukexa. Kechan ja ka'a b'a sk'ab' ja Yespiritu ja Dyos a sje'a wi'ex ja yip b'a oj a k'u'ukexi. 5Jach' a k'u'anex ja Dyos ja we'nlexi, mi ja'uk yuj ja jas wa sna'a ja winiki, ja'ni yuj ja yip ja Dyosi.
Ja Dyosi, wax ya jna'tik ja jas chapan yuji
6Ja'yuj ja yajni lo'lanitikon sok ja ma'tik wanxax yab' sb'ej ja yab'al ja Dyosi, wax na'atikon lek ja jas kalatikon yabye'i. Sok mi ja'uk je'atikon yi'e ja jas wax na'atikon ja ke'ntikon jastal wa sk'u'lan ja kristyano'i, ma ja jastal wa sje'a ja ma' jel niwan ja ya'teli. Ja yip yi'oj ja kristyano jumasa jawi, ojni ch'ay sna'jela. 7Ja jas wax je'a ja ke'ntikoni, yujni wax na'atikona, yuj ja ye'nani wax cho ya jna'tikon ja Dyosi. Ja jas wax kalatikoni, ja ab'al jawi ja wax yala ja jas kechan Ye'n wa sna'a ajyi ja Dyos ja yajni me' xkujlaji ja satk'inal sok ja lu'umi, ja ye'n wa sk'ana oj na'atik b'a jach' oj pil jb'ajtik ja stsamalili. 8Ja jastal jel wa sna'a ja Dyosi, mini jun ma' yab' sb'e ja ma'tik jel niwan ja ya'teli. Ja lek yab'uke'xta sb'ej ja ye'nle'i, mi ya'we k'e lokan b'a Cruz ja Kajwaltik ma' ye'n swinkil ja jsak'aniltiki. 9Ja b'a ts'ijb'anub'al ja yab'al ja Dyosi, jach' wax yala jastal iti:
—Ja jaw jumasa ma'tik wa xyajtani,
ja Dyosi, ay jas chapan yuj
mini jun ma' b'ob' yila,
mi ma' smakla mini ma ek' sk'ujol,
—xchi ja yab'al ja Dyosi.
10Ja Dyosi, ch'ak ya jna'tik spetsanil ja iti, ja'ni sok ja Espiritu Santo, yuj ja Yespiritu ja Dyosi, wanix ch'ak sna' spetsanila, mini jun cosa ma mi oj sna'a, asta wa sna'a ja mas niwan b'a kechan ye'n wa sna'a ja Dyosi.
11Mini jun ma oj sna' ja jas wa'n pensar ja pilan kristyano. Kechani ye'n sok ja yaltsil oj sna' ja jas wa'n pensar ja winik jawi. Ja'yuj cho jachuk ja Dyosi, kechani ja Yespiritu oj sna' ja jas wa'n pensar ja Dyosi. 12Jaxa ke'ntiki, yuj ja ya'unej ki'tik ja Yespiritu ja Dyosi, ja'yuj wax na'atik ja jas jel tsamal sk'ulunej ki'tiki.
13Yajni wax ta'atik ti ja jas jel tsamal sk'u'lunej ki'tik ja Dyosi, mi ti'uk wax el b'a olomtik ke'ntik ja jas wax kalatiki, ja'ni wala k'umanitik sok ja ab'al it wa sje'a ki'tik ja Yespiritu ja Dyosi.
14Ja ma'tik me yi'oj ja Yespiritu ja Dyosi, mi xyi'aje lek ta wax je'xi yi'e' ja jas wax yala ja Espiritu, ja ye'nle'i wax yalawe yuj ja mix na'atik k'inali. Cho mini xyabye sb'eja, yuj ja mey yi'oj je ja Yespiritu ja Dyosi. 15Jaxa ja ma'tik ay yi'oj ja Yespiritu ja Dyosi, wanix ch'ak sk'el spetsanila, sok spetsanil wax yabye sb'ej. Jaxa ja ma me yi'oj ja Yespiritu ja Dyosi, mini sna'a jas oj sk'u'luke'a, cho minix yabye sb'ej ja jas wax yala ja ma yi'oj ja Yespiritu ja Dyosi. 16Ja b'a ts'ijb'anub'al ja yab'al ja Dyosi, jach' wax yala jastal iti: ¿Machunk'a oj sna' ja jas wa'n xchapjel ja Kajwaltiki? ¿Machunk'a oj b'ob' yal yab' jasunk'a oj sk'u'luki? Jaxa ke'ntiki yuj ja ti'xa ki'ojtik ja Yespiritu ja Dyosi, ja'yuj wanxax na'atik jastal ay ja Kajwaltik Jesusi.
Iliyochaguliwa sasa
1 Corintios 2: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
1 Corintios 2
2
Ja jas, kechan ye'n wa sna'a ja Dyosi
1Jmoj aljel jumasa yuj ja Kajwaltik Jesusi, ja k'ak'u waj kal a wabyex ja jas kechan Ye'n wa sna'a ajyi ja Dyosi, mi kala b'a mi oj a wabyex sb'eja, xcho me'x jt'enawex b'a t'ilan oj ka a wabyex sb'ej. 2Ja smeranili, kala b'a k'echan oj kala a wabyex ja yab'al ja Kajwaltik Jesusi, ja mas t'ilan wax kab' oj kal a wabyexi, ja'yuj ja jastal cham b'a Cruzi. 3Yajni ochyon mojan a mokex b'a oj kal a wabyex ja yab'al ja Dyosi, ch'ak kab' ja kipi, lom och k'itk'unukon sok jel och ja jxiweli. 4Ja'yuj mi je'a jb'aj a wi'ex jel ja jas wax na'a, sok me' xle'a jastal tsamal oj k'umanukon b'a ti oj a k'u'ukexa. Kechan ja ka'a b'a sk'ab' ja Yespiritu ja Dyos a sje'a wi'ex ja yip b'a oj a k'u'ukexi. 5Jach' a k'u'anex ja Dyos ja we'nlexi, mi ja'uk yuj ja jas wa sna'a ja winiki, ja'ni yuj ja yip ja Dyosi.
Ja Dyosi, wax ya jna'tik ja jas chapan yuji
6Ja'yuj ja yajni lo'lanitikon sok ja ma'tik wanxax yab' sb'ej ja yab'al ja Dyosi, wax na'atikon lek ja jas kalatikon yabye'i. Sok mi ja'uk je'atikon yi'e ja jas wax na'atikon ja ke'ntikon jastal wa sk'u'lan ja kristyano'i, ma ja jastal wa sje'a ja ma' jel niwan ja ya'teli. Ja yip yi'oj ja kristyano jumasa jawi, ojni ch'ay sna'jela. 7Ja jas wax je'a ja ke'ntikoni, yujni wax na'atikona, yuj ja ye'nani wax cho ya jna'tikon ja Dyosi. Ja jas wax kalatikoni, ja ab'al jawi ja wax yala ja jas kechan Ye'n wa sna'a ajyi ja Dyos ja yajni me' xkujlaji ja satk'inal sok ja lu'umi, ja ye'n wa sk'ana oj na'atik b'a jach' oj pil jb'ajtik ja stsamalili. 8Ja jastal jel wa sna'a ja Dyosi, mini jun ma' yab' sb'e ja ma'tik jel niwan ja ya'teli. Ja lek yab'uke'xta sb'ej ja ye'nle'i, mi ya'we k'e lokan b'a Cruz ja Kajwaltik ma' ye'n swinkil ja jsak'aniltiki. 9Ja b'a ts'ijb'anub'al ja yab'al ja Dyosi, jach' wax yala jastal iti:
—Ja jaw jumasa ma'tik wa xyajtani,
ja Dyosi, ay jas chapan yuj
mini jun ma' b'ob' yila,
mi ma' smakla mini ma ek' sk'ujol,
—xchi ja yab'al ja Dyosi.
10Ja Dyosi, ch'ak ya jna'tik spetsanil ja iti, ja'ni sok ja Espiritu Santo, yuj ja Yespiritu ja Dyosi, wanix ch'ak sna' spetsanila, mini jun cosa ma mi oj sna'a, asta wa sna'a ja mas niwan b'a kechan ye'n wa sna'a ja Dyosi.
11Mini jun ma oj sna' ja jas wa'n pensar ja pilan kristyano. Kechani ye'n sok ja yaltsil oj sna' ja jas wa'n pensar ja winik jawi. Ja'yuj cho jachuk ja Dyosi, kechani ja Yespiritu oj sna' ja jas wa'n pensar ja Dyosi. 12Jaxa ke'ntiki, yuj ja ya'unej ki'tik ja Yespiritu ja Dyosi, ja'yuj wax na'atik ja jas jel tsamal sk'ulunej ki'tiki.
13Yajni wax ta'atik ti ja jas jel tsamal sk'u'lunej ki'tik ja Dyosi, mi ti'uk wax el b'a olomtik ke'ntik ja jas wax kalatiki, ja'ni wala k'umanitik sok ja ab'al it wa sje'a ki'tik ja Yespiritu ja Dyosi.
14Ja ma'tik me yi'oj ja Yespiritu ja Dyosi, mi xyi'aje lek ta wax je'xi yi'e' ja jas wax yala ja Espiritu, ja ye'nle'i wax yalawe yuj ja mix na'atik k'inali. Cho mini xyabye sb'eja, yuj ja mey yi'oj je ja Yespiritu ja Dyosi. 15Jaxa ja ma'tik ay yi'oj ja Yespiritu ja Dyosi, wanix ch'ak sk'el spetsanila, sok spetsanil wax yabye sb'ej. Jaxa ja ma me yi'oj ja Yespiritu ja Dyosi, mini sna'a jas oj sk'u'luke'a, cho minix yabye sb'ej ja jas wax yala ja ma yi'oj ja Yespiritu ja Dyosi. 16Ja b'a ts'ijb'anub'al ja yab'al ja Dyosi, jach' wax yala jastal iti: ¿Machunk'a oj sna' ja jas wa'n xchapjel ja Kajwaltiki? ¿Machunk'a oj b'ob' yal yab' jasunk'a oj sk'u'luki? Jaxa ke'ntiki yuj ja ti'xa ki'ojtik ja Yespiritu ja Dyosi, ja'yuj wanxax na'atik jastal ay ja Kajwaltik Jesusi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021