1 Corintios 1
1
Ja spatulab'il sk'ujolali
1-3Jmoj aljel jumasa b'a Corinto:
Wax jekatikon spatulab'il a k'ujolex sok ja jmojtik Sostenesi.
Ja ke'n Pablo'on, sok spetsanil k'ujol wax k'ana yi ja Jtatik Dyos sok ja Kajwaltik Jesús a ya' wi'ex jitsan lek ja syajal sk'ujoli, sok a cho ya'wex laman.
Ye'n stsa'awon ja Dyos b'a oj ochkon sjekab'anumil ja Kajwaltik Jesusi, cho jach'ni ja we'nlexi, cho stsa'awex b'a lajan oj ajyanik sok, b'a jach' oj ochanik kwenta sok ja yuntikil b'a stsa'uneji. B'a jach' ti oj ajyuke tsoman jmoktik ja Ye'n sok spetsanil ja ma'tik wa stoyo sok ja ma' wa sts'eb'ojta ja Kajwaltik Jesús b'a spetsanil ja lu'um iti.
Ja Pablo sk'uman ja Dyosi
4Petsanil k'ak'u wax ka'yi ts'akatal ja Dyos yuj ja we'nlexi. Ja jtatik Dyosi, jel lek, ja'yuj ya'wi'ex ja Kajwaltik Jesusi, 5Mi kechanuka, cho skoltayex b'a oj a wabyex sb'ej ja yab'ali, b'a jach' jel tsamal oj a k'umukex. 6Ja we'nlexi, a k'u'anexni sok spetsanil a k'ujolex ja yab'al ja Kajwaltik Jesusi. 7Ja'yuj, yuj ja ja' wa'nex smajlajel oj kumxuk ja Kajwaltik Jesusi, mini jas oj sk'u'luk a wujilex palta ja slekil sk'ujol ja Dyosi. 8Yuj ja jachuki mini jastal oj a ch'ay a k'ujolex ja Dyosi, jaxa yajnix jak ja Jesusi mini jun ma' oj sle' yi smula. 9Ja'ni ja Dyos ja ma stsa'awex ja we'nlex b'a lajan oj ajyanik sok ja Kajwaltik Jesusi, ja ye'ni mix lo'lani, wani sk'u'lan ja jas wax yala'a.
Tsoman la ajyukotik
10-11Jmoj aljel jumasa wax k'ana a wi'ex jun pabor sok ja sb'i'il ja Kajwaltik Jesusi, laja a b'ajik a petsanilex mok ma' spiltala'uk sb'aj a wujilex. Ja ni slekila, tsoman ajyanik le'awik jastal oj slaj sok ja jas oj ja k'u'lukexi.
Yuj ja ay chab' oxe ja yuntikil a Cloeji, yalawe kab'i ay jujuntik jastik jel wa'nex ab'al k'umal sok. 12Jaxa tuk jumasa wax cho yalawe: —Ja ke'n ja nochanon sok ja Pablo—, jaxa tuki, wax yala: —Ja ke'n miyuk, ja nochanon sok ja Apolo—. Sok ay tuk ma' wax yalawe: —Jaxa ke'n ja nochanon sok ja Pedro—, jaxa tuk jumasa wax yalawe: —Ja ke'n ja nochanon sok ja Kajwaltik Jesusi—. 13—Jaxa ja Kajwaltik Jesusi, mi pilan pilanuk ay—. Sok mi ke'nuk chamyon ja b'a Cruz b'a jkoltayexi. Cho mini ja'uk a wi'ajex ja' sok ja jb'i'il ke'n. Ja'yuj mey sb'ej b'a oj ajyanik jun k'ole ja b'a ke'n oj ja nochonexi. 14-16Sts'akatal ja Dyosi, kechan ja ka yi' ja' ja Crispo, ja Gayo, ja yuntikil jumasa ja Estefanasi. Mix na'a ta jel ay ma' ka yi' ja', a'nima mini ma oj b'ob' yal yi'aj ja' sok ja jb'i'il ke'na. 17Yuj ja Kajwaltik Jesusi, mi sjekawon b'a oj ka a wi'ex ja', sjekawon b'a oj kal a wabyex ja tsamal yab'ali. Mi cho sjekawon b'a oj kal a wabyex, b'a kechan oj toy jb'aj jel wax na'a. Ta yuj k'a jach' oj k'u'l b'a ke'n niwan oj yil'one ja kristyano jumasa yuj ja Jesusi, b'a mini jas oj makunuk ja cham b'a Cruza.
Ja Jesusi jel ja yipi
18Ay ma wan ek'el sk'ujol ta yuj k'a wax ta'xi ti' ja jastal cham b'a Cruz ja Jesusi, yuja mi sna'a k'inali. Jaxa ma jach' wa sna'a jastal jawi, mini oj sta' skoltajele'a, yuj ja mini t'un lek ja jas wajel sk'ujol'ei, b'a' ja wila, ja ma' oj sta' skoltajeli, la kaltik ja ke'ntik ja ab'al jawi, tey tiw ja yip ja Dyosi. 19Ja b'a ts'ijb'anub'al ja yab'al ja Dyosi, jach' wax yala, jastal iti:
—Oj jomyi s'olome ja ma wax yala jel wa sna'awe'i.
20Ja Dyosi sje'ata yi ja swinkil ja lu'um it mi chink'inal ayuke, yuj ja lom wa sk'ana oj ch'ak sna'e spetsanili. Ja smeranili mini jun ma jel oj b'ob' sna' yuj ja jas ts'ijb'anub'al ja b'a yab'al ja Dyosi, ma' ay ma' oj yal wax ch'ak sna' spetsanil ja jastik jumasa. 21Ja Dyosi, jel wa sna'a, ja'yuj mi sk'ana oj na'juk sb'aj yuj ja kristyano b'a lu'um iti yuj ja wax yalawe jel sna'awe'i. Ja'yuj mas lek sna'awe ja oj skoltan ja ma ojto sk'u'uk ja tsamal ab'al wax kalatikoni, a'nima mini jun sb'ej wax yabye ja ab'al ita.
22B'a oj k'u'axuk ja ab'al it wa'ntikon yaljeli, ja judio jumasa wa sk'ana oj yil'e' milagro, jaxa griego jumasa wa sk'ana oj smaklaye jun lo'il b'a ay sb'ej ma b'a wax na'xi lek jasyuj. 23Jaxa ke'ntikoni, wax kalatikon ja Jesusi, ye'nani ja Mesiasi, —cho Ye'n ja cham b'a Cruzi— Jitsan judio mi lek xyabye ja jastal iti; Jaxa ma'tik mi judio'uki wax yalawe sonso'il ja jastal jawi. 24Jaxa ma stsa'jiyeta yuj ja Dyosi, a'nima judio ma mi judio'uk, ja Dyosi, sje'a ja yip sok ja jas wa sna'a, ja'yuj sjekakon ja Mesias, jak cham b'a Cruz. 25Ja'yuj ja ma mi gusto'uk yila ja jas k'u'lan ja Dyosi, yujni mi sna'a k'inal ta ay ja ma wax ek' sk'ujol jastal jawa, ja Dyosi, mini ma oj slaj ja jastal wa sna'a ja ye'na. Oj b'ob' pensaraxuk ke ja Dyosi mey yip, jaxa smeranili, mini ma oj slaj ja jastal jel ja yip ye'na.
26Na'awik t'usan jastal ayex ja k'ak'u stsa'awex ja Dyosi. Ja kristyano jumasa wax yala jel t'usan ja ma chink'inal ay a wujilexi, cho jach'ni jel t'usan ja ma' ay jun ya'tel a wujilexi, sok jel t'usan ja ma' tey b'a jun na'its b'a niwan wax ilji. 27-28A'nima wa ek'el sk'ujole ja kristyano jumasa ja b'a lu'um iti mi sna'awe k'inal, jaxa Dyosi, stsa'awex ja we'nlex b'a jach' oj jak sk'ujole ja ma'tik wa sje'a sb'aj jel wa sna'a, mini ja swa sna'a we'a. Ja'yuj ja Dyosi, ja stsa'a ja ma jel ko'el wax ilji sok ja ma mix kisji, b'a jach' oj sna'e ja ma jel niwan wax ya'a sb'aji, ja smeranili mini jas oj makunuke'a. Ja smeranili, jach' wa sje'a ja Dyosi, ja kristyano jumasa jastal jawi mini jas ya'tele'a. 29Ja'yuj ja b'a sti sat ja Dyosi, mi ma oj b'ob' ya' sb'aj niwana. 30Ye'n ja Dyos ja ma' ya' ta'a ta a b'ajex sok ja Kajwaltik Jesusi, sok sts'akatal yuj ja ya' a ta'a ab'ejexi, ja'yuj ja ya'n jel ja jas waxa na'awexi. Ja Dyosi, ya'ta ochanik kwenta sok ja yuntikil jumasa, sok a ta'awexta ja wa sak'anilex b'a mini oj ch'akuki. 31Jach'ni wax yala ja b'a yab'al ja Dyosi, ta ay k'a ma wa sk'ana oj stoy sb'aj, mas lek ja' stoyo ja Kajwaltik Jesusi.
Iliyochaguliwa sasa
1 Corintios 1: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
1 Corintios 1
1
Ja spatulab'il sk'ujolali
1-3Jmoj aljel jumasa b'a Corinto:
Wax jekatikon spatulab'il a k'ujolex sok ja jmojtik Sostenesi.
Ja ke'n Pablo'on, sok spetsanil k'ujol wax k'ana yi ja Jtatik Dyos sok ja Kajwaltik Jesús a ya' wi'ex jitsan lek ja syajal sk'ujoli, sok a cho ya'wex laman.
Ye'n stsa'awon ja Dyos b'a oj ochkon sjekab'anumil ja Kajwaltik Jesusi, cho jach'ni ja we'nlexi, cho stsa'awex b'a lajan oj ajyanik sok, b'a jach' oj ochanik kwenta sok ja yuntikil b'a stsa'uneji. B'a jach' ti oj ajyuke tsoman jmoktik ja Ye'n sok spetsanil ja ma'tik wa stoyo sok ja ma' wa sts'eb'ojta ja Kajwaltik Jesús b'a spetsanil ja lu'um iti.
Ja Pablo sk'uman ja Dyosi
4Petsanil k'ak'u wax ka'yi ts'akatal ja Dyos yuj ja we'nlexi. Ja jtatik Dyosi, jel lek, ja'yuj ya'wi'ex ja Kajwaltik Jesusi, 5Mi kechanuka, cho skoltayex b'a oj a wabyex sb'ej ja yab'ali, b'a jach' jel tsamal oj a k'umukex. 6Ja we'nlexi, a k'u'anexni sok spetsanil a k'ujolex ja yab'al ja Kajwaltik Jesusi. 7Ja'yuj, yuj ja ja' wa'nex smajlajel oj kumxuk ja Kajwaltik Jesusi, mini jas oj sk'u'luk a wujilex palta ja slekil sk'ujol ja Dyosi. 8Yuj ja jachuki mini jastal oj a ch'ay a k'ujolex ja Dyosi, jaxa yajnix jak ja Jesusi mini jun ma' oj sle' yi smula. 9Ja'ni ja Dyos ja ma stsa'awex ja we'nlex b'a lajan oj ajyanik sok ja Kajwaltik Jesusi, ja ye'ni mix lo'lani, wani sk'u'lan ja jas wax yala'a.
Tsoman la ajyukotik
10-11Jmoj aljel jumasa wax k'ana a wi'ex jun pabor sok ja sb'i'il ja Kajwaltik Jesusi, laja a b'ajik a petsanilex mok ma' spiltala'uk sb'aj a wujilex. Ja ni slekila, tsoman ajyanik le'awik jastal oj slaj sok ja jas oj ja k'u'lukexi.
Yuj ja ay chab' oxe ja yuntikil a Cloeji, yalawe kab'i ay jujuntik jastik jel wa'nex ab'al k'umal sok. 12Jaxa tuk jumasa wax cho yalawe: —Ja ke'n ja nochanon sok ja Pablo—, jaxa tuki, wax yala: —Ja ke'n miyuk, ja nochanon sok ja Apolo—. Sok ay tuk ma' wax yalawe: —Jaxa ke'n ja nochanon sok ja Pedro—, jaxa tuk jumasa wax yalawe: —Ja ke'n ja nochanon sok ja Kajwaltik Jesusi—. 13—Jaxa ja Kajwaltik Jesusi, mi pilan pilanuk ay—. Sok mi ke'nuk chamyon ja b'a Cruz b'a jkoltayexi. Cho mini ja'uk a wi'ajex ja' sok ja jb'i'il ke'n. Ja'yuj mey sb'ej b'a oj ajyanik jun k'ole ja b'a ke'n oj ja nochonexi. 14-16Sts'akatal ja Dyosi, kechan ja ka yi' ja' ja Crispo, ja Gayo, ja yuntikil jumasa ja Estefanasi. Mix na'a ta jel ay ma' ka yi' ja', a'nima mini ma oj b'ob' yal yi'aj ja' sok ja jb'i'il ke'na. 17Yuj ja Kajwaltik Jesusi, mi sjekawon b'a oj ka a wi'ex ja', sjekawon b'a oj kal a wabyex ja tsamal yab'ali. Mi cho sjekawon b'a oj kal a wabyex, b'a kechan oj toy jb'aj jel wax na'a. Ta yuj k'a jach' oj k'u'l b'a ke'n niwan oj yil'one ja kristyano jumasa yuj ja Jesusi, b'a mini jas oj makunuk ja cham b'a Cruza.
Ja Jesusi jel ja yipi
18Ay ma wan ek'el sk'ujol ta yuj k'a wax ta'xi ti' ja jastal cham b'a Cruz ja Jesusi, yuja mi sna'a k'inali. Jaxa ma jach' wa sna'a jastal jawi, mini oj sta' skoltajele'a, yuj ja mini t'un lek ja jas wajel sk'ujol'ei, b'a' ja wila, ja ma' oj sta' skoltajeli, la kaltik ja ke'ntik ja ab'al jawi, tey tiw ja yip ja Dyosi. 19Ja b'a ts'ijb'anub'al ja yab'al ja Dyosi, jach' wax yala, jastal iti:
—Oj jomyi s'olome ja ma wax yala jel wa sna'awe'i.
20Ja Dyosi sje'ata yi ja swinkil ja lu'um it mi chink'inal ayuke, yuj ja lom wa sk'ana oj ch'ak sna'e spetsanili. Ja smeranili mini jun ma jel oj b'ob' sna' yuj ja jas ts'ijb'anub'al ja b'a yab'al ja Dyosi, ma' ay ma' oj yal wax ch'ak sna' spetsanil ja jastik jumasa. 21Ja Dyosi, jel wa sna'a, ja'yuj mi sk'ana oj na'juk sb'aj yuj ja kristyano b'a lu'um iti yuj ja wax yalawe jel sna'awe'i. Ja'yuj mas lek sna'awe ja oj skoltan ja ma ojto sk'u'uk ja tsamal ab'al wax kalatikoni, a'nima mini jun sb'ej wax yabye ja ab'al ita.
22B'a oj k'u'axuk ja ab'al it wa'ntikon yaljeli, ja judio jumasa wa sk'ana oj yil'e' milagro, jaxa griego jumasa wa sk'ana oj smaklaye jun lo'il b'a ay sb'ej ma b'a wax na'xi lek jasyuj. 23Jaxa ke'ntikoni, wax kalatikon ja Jesusi, ye'nani ja Mesiasi, —cho Ye'n ja cham b'a Cruzi— Jitsan judio mi lek xyabye ja jastal iti; Jaxa ma'tik mi judio'uki wax yalawe sonso'il ja jastal jawi. 24Jaxa ma stsa'jiyeta yuj ja Dyosi, a'nima judio ma mi judio'uk, ja Dyosi, sje'a ja yip sok ja jas wa sna'a, ja'yuj sjekakon ja Mesias, jak cham b'a Cruz. 25Ja'yuj ja ma mi gusto'uk yila ja jas k'u'lan ja Dyosi, yujni mi sna'a k'inal ta ay ja ma wax ek' sk'ujol jastal jawa, ja Dyosi, mini ma oj slaj ja jastal wa sna'a ja ye'na. Oj b'ob' pensaraxuk ke ja Dyosi mey yip, jaxa smeranili, mini ma oj slaj ja jastal jel ja yip ye'na.
26Na'awik t'usan jastal ayex ja k'ak'u stsa'awex ja Dyosi. Ja kristyano jumasa wax yala jel t'usan ja ma chink'inal ay a wujilexi, cho jach'ni jel t'usan ja ma' ay jun ya'tel a wujilexi, sok jel t'usan ja ma' tey b'a jun na'its b'a niwan wax ilji. 27-28A'nima wa ek'el sk'ujole ja kristyano jumasa ja b'a lu'um iti mi sna'awe k'inal, jaxa Dyosi, stsa'awex ja we'nlex b'a jach' oj jak sk'ujole ja ma'tik wa sje'a sb'aj jel wa sna'a, mini ja swa sna'a we'a. Ja'yuj ja Dyosi, ja stsa'a ja ma jel ko'el wax ilji sok ja ma mix kisji, b'a jach' oj sna'e ja ma jel niwan wax ya'a sb'aji, ja smeranili mini jas oj makunuke'a. Ja smeranili, jach' wa sje'a ja Dyosi, ja kristyano jumasa jastal jawi mini jas ya'tele'a. 29Ja'yuj ja b'a sti sat ja Dyosi, mi ma oj b'ob' ya' sb'aj niwana. 30Ye'n ja Dyos ja ma' ya' ta'a ta a b'ajex sok ja Kajwaltik Jesusi, sok sts'akatal yuj ja ya' a ta'a ab'ejexi, ja'yuj ja ya'n jel ja jas waxa na'awexi. Ja Dyosi, ya'ta ochanik kwenta sok ja yuntikil jumasa, sok a ta'awexta ja wa sak'anilex b'a mini oj ch'akuki. 31Jach'ni wax yala ja b'a yab'al ja Dyosi, ta ay k'a ma wa sk'ana oj stoy sb'aj, mas lek ja' stoyo ja Kajwaltik Jesusi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021