1 Corintios 14
14
Ja a'tel jumasa b'a jel t'ilani
1Ja'yuj tsatsal k'ujolan ab'ajex b'a oj ja yajta ab'ajex toj lek, sok k'anawik yi ja Espiritu Santo a sje'a wi'ex jastal oj k'umananik sb'a ja Dyosi, 2-4Yajni wala k'umaniyex sok ja tuk ab'ali, kechani we'n waxa na'awex ja sb'eja. Jach'ni ja Dyosi, wanix cho yab' sb'eja, yuj ja jas wa'nex yaljeli, kechani ye'n wa sna'a, ta mik'a ja'uk ja Espiritu Santo mini jun ma' oj yab' sb'ej ja jas waxa walawexa. Kechan ja yajni Ye'n wax yala ja Dyos ja jas oj alxuki, ojni yab' sb'ej ja kristyano'a. Ja jachuki ja we'nlexi, wanixa koltayex spetsanil ja moj aljeltik jumasa b'a mas oj sk'u'uke ja Kajwaltik Jesusi, b'a jach' oj ajyuke lek sok jel gusto oj ajyuke.
5Jelni tsamal ja lek a petsanilukex oj k'umananik sok tuk ab'ali, ja mas lek wax kab'i, ja oj k'umananik sb'a ja Dyosi. Ja smeranil ja mas t'ilani, ja oj tax ti' ja jastal ay ja Dyos yuj ja k'umal b'a mix yab' sb'e ja tuk jumasa, kechan oj yabye sb'ej ta yuj k'a ay ma' oj aljuk yabye yuj jas sb'eji. Ja jachuki ojni koltajuk yuj ja moj aljeltik jumasa'a.
6Moj aljel jumasa, ta wan k'ax waj kulatayex sok oj och k'umanukon sok tuk ab'al, ¿oj a ma a wabyex sb'ej b'a? Ja b'a oj makunuk a wujilexi, ja oj je'a wi'ex ja jas mitoxa na'awexi, ma yuj ay jas oj ka'a na'ex, ma yuj ay jas oj kal a wabyex ja jas wax yala ja Dyosi, ma yuj ay jas pilan oj je'a wi'ex.
7K'elawilex ja k'in jumasa ta yuj k'a junxta ja yok'eli, ¿jastalxa oj na'xuk b'ay ajmay sok ja arpa'i? 8Cho jach'ni b'a jun tiro'aneli, mi ma oj b'ob' stukb'es ja yok'el ja kacho b'a tiro'aneli, ta yuj k'a tukb'i ja yok'eli, mi ma oj schap sb'aj ja b'a tiro'aneli. 9Jach'ni wax ek' sok ja we'nlex ja yajni ay ma' wax k'umani a wujilex sok tuk ab'ali. Ta mik'a ma' xyab' sb'ej ja jas wa'nex yaljeli, lajan sok lomni wa'nex k'umala.
10Ja b'a lu'um iti, jel jitsan ja k'umal jumasa, jasa kada jujune ja k'umal jumasa jawi, nakani ay sb'eja. 11Ta ay k'a ma wa sk'umanon sok mix kab' sb'ej ja jas wax yala, ay jastal oj ek' sk'ujol ja kristyano jaw ke tuk chonab' jakelon. Cho jach'ni oj ek' jk'ujol ja ke'n ta mik'ax cho yab' ja ye'n jas wax kala. 12Ja'yuj ja we'nlexi, yuj ja jelxa tsamal ja jastal wax ya'a jcholtik ja Espiritu Santo, le'awik jastal oj a koltayex spetsanil ja jmoj aljeltik jumasa.
13Ja'yuj ja we'nlexi yajni oj k'umananik sok tuk ab'ali, k'anawik yi ja Dyos a ya'a na'ex jastal oj b'ob' a wal'ex ja sb'ej ja jas wa'nex yaljeli. 14K'elawilex ja ke'n, ta yuj k'a oj jk'umuk ja Dyos sok tuk ab'al, mi ke'nuk ja wa'non sk'umajel ja Dyosi, jani ja kespiritu, yuj ja jas wa'non yaljeli, ke'nani mix k'ab' sb'ej. 15¿Jasunk'a oj k'u'luk ta jachuki? Oj k'umuk ja Dyosi, oj ts'eb'anukon sok ja Espiritu, cho jach'ni, ojni k'umuk ja Dyosi, oj cho ts'eb'anukon sok ja b'a oj kab' sb'eji. 16Ta yuj k'a waxa wa'yi ts'akatal ja Dyos sok ja wa wespiritu, sok ta ti k'a wa smakla jun winik b'a pilan chonab', mi oj b'ob' a mojta a b'aj sok ta yuj k'a mix yab' sb'ej ja jas wa'na yaljeli. Mi jas oj b'ob' sk'u'luk ja ye'n yuj ja mix yab' sb'eji. 17Ja jastal waxa k'uman ja Dyosi, b'ob'ta jelni leka, jasa mini ma wa'na skoltajela.
18Ja ke'n wax ka'yi ts'akatal ja Dyos yuj ja mas wala k'umaniyon sok tuk ab'al ke yuj ja wa petsanil ja we'nlexi. 19Jaxa yajni ti ayon a mokex b'a yoj snajtsil ja tsomjeli, jel lek wax kab' ja oj k'umanukon chab' oxe palabra b'a oj ab'xuk sb'ej sok oj cho koltajuk ja tuk jumasa, yuj ja lom oj k'umanukon lajune mil palabra sok jun k'umal b'a mi ma oj yab' sb'eji.
20Moj aljel jumasa, jach' ajyanik jastal ja yal untiki. Kechan mok jach' a pensarukex jastal yal untik. Pensaranik jastal jun winik ayxa sk'ujol. 21Ja Dyosi, jach' wax yala jastal it ja b'a ts'ijb'anub'al ja yab'ali:
—Ja kuntikil jumasa iti, Oj k'umuke
b'a sti' winik jakel b'a pilan chonab'
sok b'a tuktukil k'umal jumasa.
—Jasa mini sok ja jachuki, mi oj kis'one—.
22Ja'yuj ja yajni oj k'umanan sok tuk ab'ali, mi ja'uk sb'aj ja ma wanxa sk'u'an ja Dyosi, ja ni sb'aj ja ma mito sk'u'ani; jaxa ma wax i'ji majan ja sti' b'a oj yal ja jas wax alji yab' yuj ja Dyosi, ja' sb'aj ja ma wanxa sk'u'an ja Dyosi, mi ja'uk sb'aj ja ma mi wa sk'u'an ja Dyosi.
23K'elawilex spetsanil ja moj aljeltik jumasa wa stsomo sb'aje b'a snajtsil ja tsomjeli, wax och k'umanuk sok tuktukil ab'al. Jaxa ora jawi ta ay k'a ma' och k'ot ja ma mito sk'u'ane ja Kajwaltik Jesusi, oj ek' sk'ujole yuj loko ayex. 24Ta yuj k'a a petsanilex oj ja ta'ex ti' ja jastal ay ja Dyosi, ja kristyano jumasa ojni jak sk'ujole ayni smule'a, 25oj sniwan k'ujolukex asta jas wan ek'el sk'ujole mas nak'uli, oj a na'ex. Tsa'an oj ko'uke mek'an b'a sti' sat ja Dyosi, oj stoy'e, sok oj sna'e ja smeranil ja Dyosi, ti'ni aya mokexa.
Ja kulto jumasa b'a snajtsil tsomjeli
26Moj aljel jumasa, yajni waxa tsomo a b'ajexi, spetsanil ja jas oj ja k'u'lukexi, k'u'lanik b'a a lekilal a petsanilex. Ay ma oj b'ob' ts'eb'anuk, ja tuki, oj b'ob' sje'e ma' oj b'ob' yal'e ja jas wax je'ji yi'e yuj ja Dyosi, ja tuki oj b'ob' k'umanuke sok tuk ab'al, ma oj b'ob' yal ja sb'ej ja jas wax yala ja ab'al jawi. 27Ta ay k'a ma wax k'umani sok tuk ab'al, malan sok chab'e ma oxe, sok a smajla jas ora oj elk'ot ja schol oj k'umanuki. Sok jel t'ilan ay ma' oj yal jas sb'ej ja jas wa'ne yaljeli. 28Kechan ta yuj mey jun moj aljeltik ja ma' oj yal ja sb'eji, ja'yuj mas lek a ch'ab'anuke, ma a sna' ye'nle ita sok ja Dyos ja jas oj yal'e'i.
29Ta ay k'a chab' oxe ma' oj sta ti ja jastal ay ja Dyosi, malan sok chawane ma oxwane. Jaxa tuk jumasa kechan a smaklaye, b'a jach' ti oj ilxuk ta ja sb'a Dyos ja ab'al jawi. 30Ja ma'tik kulan ek'i, ay k'a jas wax alji yab' yuj ja Dyosi, a ch'ajb'ajuk ja ma wa'n k'umali, ye'nxa oj k'umanuk ja ma kulan ek'i, a ya'yi tiempo b'a oj yal ja jas t'ilan oj yali. 31B'a jach' a petsanilex oj a ta'ex tiempo b'a oj a wal'ex ja jas wax yala wabyex ja Dyosi, spetsanil ja ma wa smaklani oj sneb'e' sok oj stsatsal k'ujoluk sb'aje. 32Ja ma was sta'a ti' jastal ay ja Dyosi, t'ilani oj sna' ta oj k'umanuki, sok t'ilan oj sna' ta oj ch'ajb'ajuki. 33Ja Dyosi, mi oj yi lek ja ta yuj k'a mi'oj i'xuk sb'ejlali, sok ja ojxta wo'oljukotiki, wa sk'ana laman, sok oj ki'tik schojlal.
Yujni jach' wax k'u'lantik ja b'a na'its wax tsomo jb'ajtika, 34Ja ixuke jumasa mi sb'ejuk oj k'umanuke ja b'a tsomjel jumasa. Me'y permiso b'a oj k'umanuke ja ye'nle'i; ja ye'nle'i, a sje'e wanix kiswaniye jastal wax yala ja smandar ja b'a Moisesi. 35Ta yuj k'a ay jas wa sk'ana oj sneb'e t'usani, a sjob' e yi ja statame ja yajni ti'xa aye b'a snaje'i. Yuj ja mi lek oj iljuk ta yuj k'a ti oj sjob' yi b'a yoj snajtsil tsomjeli.
36Mi we'n a walawex jastal oj yal ja yab'al ja Dyosi, cho mi kechanuk we'nlex a k'u'anex ja yab'al ja Dyosi. 37Ta yuj k'a ay ma wax yala ke oj b'ob' sta' ti' ja jastal ay ja Dyosi, ma yuj wax yala wax ch'ak sk'u'uk spetsanil ja jas wax yala ja Espiritu Santo, oj jak sk'ujol ja jas wa'non sts'ijb'ajeli, yujni jun ab'al ye'n wa'n ya'jel ja Dyosi. 38Kechan ta yuj mi sk'ana oj sk'u'uke, jaxa we'nlexi, mok a maklayex ja jas oj yal'e'i.
39Ja'yuj moj alijel jumasa, jel t'ilan oj ja tsatsal k'ujoluk a b'ajex b'a oj tax ti' ja jastal ay ja Dyosi, mok cho a kom'ex ja ma wax k'umani sok tuk k'umali. 40Kechani k'u'lanik ja jastal ni ja sb'eji, sok ja b'a stojoli.
Iliyochaguliwa sasa
1 Corintios 14: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021