Okhuma 4
4
Ineneero aavahiwe Moisesi
1Moisesi aamwaakhula: “Ankha awosa yaahikaakhulelasa hata yaahitthuna okiiwa ni yeera: ‘Yave khookhumelenleni?’” 2Vano Yave aamukoha: “Eri mmatatanimwanyu mmo eheeni?” Owo aamwaakhula: “Ekopo ela.” 3Yave aamweerela: “Mmoroxele vathi ekopwaanyu.” Vano Moisesi aamoroxa, enathatuwa eyo enowa, anatthawa Moisesi. 4Yave aamweerela: “Mookole moonowaanyu ni mvareke waamwiila.” Moisesi aahookola moonowaawe anavara enowa ni yaathatuwa ekopo mmatatanimwawe. 5Yave aamweerela: “Eyo keerenle weera awo yaakhulele weera Muluku a atithaya, Muluku a Abrahaamu, a Isaki ni a Yakobe ohookhumelelani nyuwo.” 6Yave aamweerelatho: “Mwiikaathi ntatananyu vakakasani.” Moisesi aahiiwelela ni avenxakaru, nno naakhalihiwa maleepela naari noosareyaxa. Naari nootteela ntoko etthabwe. 7Vahoolowaya aamulamulela: “Muhokoloxeretho ntatananyu vakakasani.” Aapaka yeeyo ni avenxakaru, nno naahokoleela ntoko neerenlaaya! 8Yave aapwaherera eeraka: “Awosa yaahiwaakhulelani ehipwatthelaka eneneero yoopacera, eniyaakhulele yanaaveeli. 9Ni nlelo awosa yaahaakhulela ineneero piili iyo hata yaahipwatthela, mwarike maahi vakhaani a muNilu ni mwiitthele vatthayani yoowuuma. Mwiitthela maahi awo vatthayani yoowuuma, eniithatuwe ephome.” 10Moisesi aamweerela Yave: “Ii! Adonai, wuulumawaka onkhala woohaawano, hata khalayeene, naari vaanaano vaava Nyuwo munuulumaanyu ni murumeiyaanyu. Nkingwera wuuluma nnenesene.” 11Yave aamwaakhula: “Taani omvanghe eyano mutthu? Taani onkhalinghe oohiiwa naari oohuuluma? Taani onimvaha woona hoye hoye ohoona? Ti Yoomi, Yave! 12Vanonto muroweke. Miyo nkikhale ni nyuwo kooxuttihakani yeeyo muneeraanyu mweereke.” 13Mene Moisesi aamwaakhula: “Ii! Apwiya, kinoovekelani weera munrumihe mutthu mukina.” 14Vano Yave aamunyoonyeriwa Moisesi, anamweerela: “Nyuwo khamunono munninyu Aharoni, muLeevi? Koosuwela weera owo onuuluma nnenesene. Owo aneera arwaaka weera oociceereni ni anaahakalale woowoonani. 15Nyuwo mmuulume ni yoowo munleelaka yeeyo aneeraawe ahimeke. Miyo kinookhala ni nyuwosa muulumaka ni kinimooleelani yooweera. 16Owo anuulume ni muloko wa mpattaanyu. Onuukhale ntoko ereene eyanowaanyu ni nyuwo mureene Mulukwaawe. 17Mukuxe mmatatanimwanyu ekopo ela weera mwapake sootikhiniha ni yeela.”
Ohokoleela wa Moisesi wExipitu
18Vano Moisesi aahokoleela wa Yethero, atatawe oowaathelela, anaweerela: “Kintthuna ohokoleela wExipitu weera kasuwele amusaaka yaakhanle.” Vano Yethero aamwaakhula: “Muroweke mmuretteleni.” 19Moisesi nlelo areene oMidiyani, Yave aamweerela: “Muhokoleele wExipitu, niwoko ootheene yaale yaasaasa owiivani ahookhwa.” 20Vano Moisesi aahaakuxa amwaariye ni anamwanaawe, anaawelihasa vabuuruni, anahokoleela wExipitu. Aakuxatho ekopo ya Muluku mmatatanimwawe. 21Yave aamweerela Moisesi: “Mwaahokoleelaka wExipitu, mwiipasoope woopaka ohoolo wa Farawu* sootikhiniha sootheene koovanghaakani owera opaka. Vaheera Miyo kinimuumiha murimaawe moota wooweera kharwa atthunihera muloko okhuma. 22Vahoolowaya mwamuleele Farawu*: ‘Yave eenre ha: ‘Yixrayeli ti ntthaaranaka 23ni Miyo koomuleela: ‘Omuhiyeke mwanaka arowaka okilapa. Mene weyo khoomuhingye arowaka. Tivawo kineeraaka kiive ntthaaranawo.’” 24Waakoneliwa ephiro eriyari, Yave aarowa okumana ni Moisesi atthunaka omwiiva. 25Vano, Zipora aakuxa nluku noowiitha, anamwiinela mwanawe, anavonyera aathikinlaawe mmettoni mwa Moisesi amweerelaka: ‘Vano nyuwo ti aiyaka a ephome. 26Owo aaheera: ‘Aiyaka a ephome,’ athoonyeraka wiineliwa. Vanonto ehuhuweene yeele Yave aamuhiya Moisesi. 27Yave aamweerela Aharoni: “Murowe onikareni weera munciceerewo Moisesi.” Hiiho owo aarowa, anakumana ni Moisesi vamwaakoni wa Muluku, anamuulumiha ni ebeecu. 28Vano Moisesi aamuthalihera Aharoni sootheene Yave aatthunaawe weera amuleele Farawu* nitho sa sootikhiniha sootheene Muluku aamulamulenlaawe opaka. 29Hiiho Moisesi ni Aharoni yaarowasa ni yaahaathukumanyiha asitokweene ootheene a aYixrayeli. 30Aharoni aahaathalihera sootheene Yave aamuleenlaawe Moisesi. Woottharelana Moisesitho aapaka sootikhiniha sootheene vamaithoniwaya ni 31awo yaaroromela. Muloko osuwelakaru weera Yave oonitthukuruwela ni ohoona ohasuliwawahu, waahuurama omulapaka Muluku.
Iliyochaguliwa sasa
Okhuma 4: VMK2021
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.
Okhuma 4
4
Ineneero aavahiwe Moisesi
1Moisesi aamwaakhula: “Ankha awosa yaahikaakhulelasa hata yaahitthuna okiiwa ni yeera: ‘Yave khookhumelenleni?’” 2Vano Yave aamukoha: “Eri mmatatanimwanyu mmo eheeni?” Owo aamwaakhula: “Ekopo ela.” 3Yave aamweerela: “Mmoroxele vathi ekopwaanyu.” Vano Moisesi aamoroxa, enathatuwa eyo enowa, anatthawa Moisesi. 4Yave aamweerela: “Mookole moonowaanyu ni mvareke waamwiila.” Moisesi aahookola moonowaawe anavara enowa ni yaathatuwa ekopo mmatatanimwawe. 5Yave aamweerela: “Eyo keerenle weera awo yaakhulele weera Muluku a atithaya, Muluku a Abrahaamu, a Isaki ni a Yakobe ohookhumelelani nyuwo.” 6Yave aamweerelatho: “Mwiikaathi ntatananyu vakakasani.” Moisesi aahiiwelela ni avenxakaru, nno naakhalihiwa maleepela naari noosareyaxa. Naari nootteela ntoko etthabwe. 7Vahoolowaya aamulamulela: “Muhokoloxeretho ntatananyu vakakasani.” Aapaka yeeyo ni avenxakaru, nno naahokoleela ntoko neerenlaaya! 8Yave aapwaherera eeraka: “Awosa yaahiwaakhulelani ehipwatthelaka eneneero yoopacera, eniyaakhulele yanaaveeli. 9Ni nlelo awosa yaahaakhulela ineneero piili iyo hata yaahipwatthela, mwarike maahi vakhaani a muNilu ni mwiitthele vatthayani yoowuuma. Mwiitthela maahi awo vatthayani yoowuuma, eniithatuwe ephome.” 10Moisesi aamweerela Yave: “Ii! Adonai, wuulumawaka onkhala woohaawano, hata khalayeene, naari vaanaano vaava Nyuwo munuulumaanyu ni murumeiyaanyu. Nkingwera wuuluma nnenesene.” 11Yave aamwaakhula: “Taani omvanghe eyano mutthu? Taani onkhalinghe oohiiwa naari oohuuluma? Taani onimvaha woona hoye hoye ohoona? Ti Yoomi, Yave! 12Vanonto muroweke. Miyo nkikhale ni nyuwo kooxuttihakani yeeyo muneeraanyu mweereke.” 13Mene Moisesi aamwaakhula: “Ii! Apwiya, kinoovekelani weera munrumihe mutthu mukina.” 14Vano Yave aamunyoonyeriwa Moisesi, anamweerela: “Nyuwo khamunono munninyu Aharoni, muLeevi? Koosuwela weera owo onuuluma nnenesene. Owo aneera arwaaka weera oociceereni ni anaahakalale woowoonani. 15Nyuwo mmuulume ni yoowo munleelaka yeeyo aneeraawe ahimeke. Miyo kinookhala ni nyuwosa muulumaka ni kinimooleelani yooweera. 16Owo anuulume ni muloko wa mpattaanyu. Onuukhale ntoko ereene eyanowaanyu ni nyuwo mureene Mulukwaawe. 17Mukuxe mmatatanimwanyu ekopo ela weera mwapake sootikhiniha ni yeela.”
Ohokoleela wa Moisesi wExipitu
18Vano Moisesi aahokoleela wa Yethero, atatawe oowaathelela, anaweerela: “Kintthuna ohokoleela wExipitu weera kasuwele amusaaka yaakhanle.” Vano Yethero aamwaakhula: “Muroweke mmuretteleni.” 19Moisesi nlelo areene oMidiyani, Yave aamweerela: “Muhokoleele wExipitu, niwoko ootheene yaale yaasaasa owiivani ahookhwa.” 20Vano Moisesi aahaakuxa amwaariye ni anamwanaawe, anaawelihasa vabuuruni, anahokoleela wExipitu. Aakuxatho ekopo ya Muluku mmatatanimwawe. 21Yave aamweerela Moisesi: “Mwaahokoleelaka wExipitu, mwiipasoope woopaka ohoolo wa Farawu* sootikhiniha sootheene koovanghaakani owera opaka. Vaheera Miyo kinimuumiha murimaawe moota wooweera kharwa atthunihera muloko okhuma. 22Vahoolowaya mwamuleele Farawu*: ‘Yave eenre ha: ‘Yixrayeli ti ntthaaranaka 23ni Miyo koomuleela: ‘Omuhiyeke mwanaka arowaka okilapa. Mene weyo khoomuhingye arowaka. Tivawo kineeraaka kiive ntthaaranawo.’” 24Waakoneliwa ephiro eriyari, Yave aarowa okumana ni Moisesi atthunaka omwiiva. 25Vano, Zipora aakuxa nluku noowiitha, anamwiinela mwanawe, anavonyera aathikinlaawe mmettoni mwa Moisesi amweerelaka: ‘Vano nyuwo ti aiyaka a ephome. 26Owo aaheera: ‘Aiyaka a ephome,’ athoonyeraka wiineliwa. Vanonto ehuhuweene yeele Yave aamuhiya Moisesi. 27Yave aamweerela Aharoni: “Murowe onikareni weera munciceerewo Moisesi.” Hiiho owo aarowa, anakumana ni Moisesi vamwaakoni wa Muluku, anamuulumiha ni ebeecu. 28Vano Moisesi aamuthalihera Aharoni sootheene Yave aatthunaawe weera amuleele Farawu* nitho sa sootikhiniha sootheene Muluku aamulamulenlaawe opaka. 29Hiiho Moisesi ni Aharoni yaarowasa ni yaahaathukumanyiha asitokweene ootheene a aYixrayeli. 30Aharoni aahaathalihera sootheene Yave aamuleenlaawe Moisesi. Woottharelana Moisesitho aapaka sootikhiniha sootheene vamaithoniwaya ni 31awo yaaroromela. Muloko osuwelakaru weera Yave oonitthukuruwela ni ohoona ohasuliwawahu, waahuurama omulapaka Muluku.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.