Rroman Mbaa naaituruku
Mbaa naaituruku
Kore apa ana palai ee Rroman naa keigero ꞉lkipaaret Paulo matejo ta lari le 57, eidipaki aatiuu Yeso. Keigero ꞉ninye ana palai ebikito to Korinto tanaa te lkerenket oji Kenkerea otii nkalo mpaso. Ketabaka apa ꞉Paulo nkiting'oto e lototo enye e uni etii nkoitiei aloito Yerusalem, neata nkichoorot ee ropiyiani naaicho ꞉nkanisani naatii nkop ee Lgirriki. Netanape sii aitoki ninye, payie eng'asu lototo enye e ong'uan e likoroto ee Lomon Supati, naa kore yieunoto enye naa payie elo nkop e Sipein, eimaa lkerenket le Rrom. Kore taatua ana palai, naa ketilika ꞉Paulo nkanisa e Rrom, natii le Kristo loo Lyiaudi o loo Lgirriki ajo ng'ae era, naaku ketodua ajo ketii mbaa naapaacha ee lkerretin o nee nduaat.
Kore ana palai taatua mpala naaigero Paulo, naa keipidari, neitodolu ajo kore nkurukoto naata ꞉ltung'ana ooiruko Kristo naa nchere, kore Yeso naa ninye ilo Aitejeunoni oanyutae apa te Lning'o Musana. Keisudoro apa ilo kilikuai ta naibon ee loibonok le Nkai, kake keibalunyieki taata te likoroto e Paulo. Kore abaki ta nkanisa e Rrom naa keatae ake mbaa naatuwuana naatii nkulie anisani kumo. Kore le Kristo loo Lyiaudi naa kepuoito ake kue neibung'uta mbaa e lwuenet lenche, neany sii eing'uaa lkerreti o nkitanapat enche. Ketereka Paulo nchere kore lolo le Kristo naa keyiere newueni eyanyitita Nkai nerikoo ꞉Ltau Sinyati. Merekure ake aa payie eibung kitanapat, eji payie eiting'id Nkai. Kore tanaa Ltau Sinyati orikito ltung'ani, naaku keyieu ake neirukurukore nkitanapat e Ltau Sinyati. Kore to motua e sapa ketilimua Paulo neikunaki payie elakuni le Kristo loo Lyiaudi taatua nkitanapat e Lning'o Musana. Kore to motua e isiet keigero mirichoi e nkichon ele Kristo eutaa Ltau Sinyati.
Iliyochaguliwa sasa
Rroman Mbaa naaituruku: saq
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2021, Bible Translation and Literacy