Asat 9
9
Nkibelekenyata e Saulo
1Kore apa Saulo, naa ewuon ake etipide eituria, netumuta ar metuata looiteng'eni la Laitoriani. Nelo netii laitainoni kitok la lasar, 2neomon ninye meigeroki mpala naaya Sinagogini pooki e lkerenket le Damasikas, metaa tenetum ꞉ninye ltung'ana ooirukurukore nkoitiei e Yeso, pee era lewa anaa ntomonok, neibung aya Yerusalem. 3Kore eloito etinyikaka Damasikas, newong'aki wong'an naing'uaa chumata taa mbat pooki. 4Nenang nkop, nening ltoilo ojo, <<Saulo, Saulo, aanyo payie kintamita sina?>> 5Newoliki ajoki, <<Ng'ae dei ira iyie, Laitoriani?>> Nejoki ilo ꞉toilo, <<Kara nanu Yeso, ilo lintamita sina. 6Kake inyuo ntacho, nilo ilo kerenket liloito duo, amu ikilikini ntoki nilo aas.>>
7Kore lboitieii le Saulo, neitachoo mebol nkutukie ening'ito ake ltoilo, neitu edol ilo tung'ani oirorita. 8Neinyuototo Saulo to nkop, kake kore payie ebol nkonyek enyena, naaku merokure edolicho. Neibung ꞉ninche ninye nkaina, nerik Damasikas. 9Newuon mperot uni medolicho, nemenya ndaa, nemeitoki emat.
10Kore taatua Damasikas neatae loiteng'eni obo oji nkarna Anania. Kore etuwuana keidetdetita nedol Laitoriani eipot ajoki, <<Anania.>> Neng'amaa ajo, <<Lele nanu Laitoriani.>> 11Nejoki ꞉Laitoriani, <<Inyuo chomo lketiketi oji Nkoitiei naipida. Kore iti inie, chomo nkaji e Yuda, niyiaya Saulo lo lkerenket le Tarso amu keomonito teinie. 12Ketoduaa ninye to nduata ltung'ani oji Anania elotu netii aiteleki ninye nkaik payie eitoki adolichoi.>> 13Nejo Anania, <<Laitoriani katining'o too ltung'ana kumo lomon lele tung'ani. Ketilimutua newua ntorno naitaasa ꞉ninye sinyat linono te Yerusalem. 14Kore taata ninye naa keyewuo eata nkitoria naing'uaa laitainok kutuaa la lasar naibung'ie lolo pooki oipot nkarna ino.>> 15Kake nejoki ꞉Laitoriani ninye, <<Chomo, amu kore ele tung'ani naa kategelua ꞉nanu ninye payie elikoo nkarna ai too tung'ana le Isirael o too lkulie oreren o lkinkii. 16Naa kaitodol nanu ninye newua sina laa meata ajo metum tankaraki nkarna ai.>>
17Nelo Anania nejing inia aji, neiteleki Saulo nkaik nejoki, <<Lalache lai Saulo, kore Laitoriani Yeso likimpung'oka apa to nkoitiei ilotuta, naa kaaterewaka iyie payie itum aitoki atodolicho, nikimput ꞉Ltau Sinyati.>> 18Kore ake inia kata, nerrarrunye ntokitin naatuwuana sigat too nkonyek e Saulo, neitoki ninye adolichoi. Neinyuototo neipatisi, 19kore payie enya ndaa negolu.
Etilikoyie Saulo ta Damasikas o te Yerusalem
Nebik Saulo nkuti perot tenebo o looiteng'eni otii Damasikas. 20Kore ake inia kata, neng'asu alikoo tee Sinagogini nchere kore Yeso naa Nkerai e Nkai. 21Kore pooki ootining'o ninye neing'asia nejo, <<Mara dei lapa tung'ani ele oyieu neidakie ltung'ana ooipot ana arna te Yerusalem, neyewuo taata ene payie etum aibung'a ninche ayaki laitainok kutuaa la lasar?>> 22Keidimie ꞉Nkai Saulo mechomo kue aicho ngolon, neitigir Lyiaudi oaamanya Damasikas metala nejo, eitededeyie nchere kore Yeso naa ilo Aitejeunoni apa oanyutae. 23#2Lkor 11:32,33Kore eima mperot kumo, nechamaa Lyiaudi payie ear ninye metua, 24kake nekurru Saulo mbaa enche. Kore kuarie o parkiji neitirrichaki lolo Yiaudi aairrita oleng ltim le ilo kerenket, payie etum aatar ninye metua. 25Kake neya ꞉looiteng'eni lenyena ninye kuarie, nepik atua nkikapu, neitodoyio aimie long'u le suntai e ilo kerenket too lgiitani.
26Kore payie elotu ninye Yerusalem, nenyok ajo taa tenebo o looiteng'eni le Yeso, naaku keurie pooki ninye, neitu eiruk nchere ketaa ninye loiteng'eni. 27Neyau ꞉Barnabas ninye netii lkipaareta, neliki ninche neikuna Saulo eloito to nkoitiei payie edol Laitoriani, o inia natiaka ꞉Laitoriani ninye. Neitoki aliki neikuna Saulo payie elikoo ta Damasikas meata ngureticho ta nkarna e Yeso. 28Naaku, newuon Saulo tenebo o ninche te Yerusalem eata lakunoto, elikoo ta nkarna e Laitoriani meata ngureticho. 29Neirorie eichankarrare lolo Yiaudi ooiro nkutuk ee Lgirriki, kake kore ninche, nenyok aajo entar ninye metua. 30Kore naa payie eyielou lolo oiruko Yeso inia, nerik ninye aaitodoyio aya lkerenket le Kaisaria, neduaya mechomo Tarso ilo kerenket oing'uaa apake.
31Kore apa inia kata, keata nkanisa seriani ta mbata e Yudea o ne Galilaya o ne Samaria pooki. Nelo kue ebulu to uriata e Laitoriani eitogol neitarriyian ꞉Ltau Sinyati, neaku ltung'ana kumo.
Eichiunyie ꞉Petero Aenea
32Kore emanaa Petero aim ng'oji pooki aisabaki sinyat le Nkai, nebaki sii lolo oaamanya lkerenket oji Lida. 33Netum teinie ltung'ani obo oji nkarna Enea, otigilgile netepero eitu einyuototo larin isiet. 34Nejoki ꞉Petero, <<Enea, ikinchiunyie ꞉Yeso Kristo taata, inyuo tigila lchoni lino.>> Neinyuototo nabokata aitache. 35Kore lolo tung'ana pooki oaamanya lkerenket le Lida o ang'ata e Charon, nedol ilo tung'ani otigilgile eichiwua, neibelekenya aairuk Laitoriani.
Eitipiwua ꞉Petero Tabita too lootuata
36Kore apa te Yopa naa keatae nabo e naaiteng'eni naji Tabita, naa kore ana arna to nkutuk ee Lgirriki naa keji Dorkas. Ketaasa apa ninye asat kumo supati, neret loomena nkata pooki. 37Kore ake ewuon etii Petero Lida, nemuai Tabita neper, neituki sesen lenye nepiki lgilata le nkaji e keper. 38Naa kore amu ketaanikino apa lkerenket le Lida o Yopa nening looiteng'eni aajo ketii Petero inie, Neirruaaya ltung'ana oare meteleja aajoki, <<Wou matesioi aapuo tenebo Yopa.>>
39Neinyuototo Petero neirukurukore ninche. Kore payie ebau, neitidiri lgilata le nkaji e keper. Nepuonu nkoilia pooki nkalo ninye, eichirita neitoduaaya nankan naapaapaacha naaitibira Tabita ewuon apa etii tenebo o ninche.
40Neipung'ie ꞉Petero ninche pooki mechomo boo, negil kung neomon Nkai. Neiwuatuwuatakino ilo sesen nejo, <<Tabita, inyuo!>> Nebolu ninye nkonyek, kore payie edol Petero neinyuototo awuon. 41Neirruaki ꞉Petero ninye nkaina neret meinyuo aitache. Neipotu sinyat le Nkai etii nenia oilia, neitodol ninche Tabita eichu. 42Nening ltung'ana pooki le Yopa inia nataase, neiruk ꞉lkumo Laitoriani. 43Nebik Petero mperot kumo te Yopa ta nkang e lpayian oji Simon oara lakitoni loo lchonito o ndapan.
Iliyochaguliwa sasa
Asat 9: saq
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2021, Bible Translation and Literacy
Asat 9
9
Nkibelekenyata e Saulo
1Kore apa Saulo, naa ewuon ake etipide eituria, netumuta ar metuata looiteng'eni la Laitoriani. Nelo netii laitainoni kitok la lasar, 2neomon ninye meigeroki mpala naaya Sinagogini pooki e lkerenket le Damasikas, metaa tenetum ꞉ninye ltung'ana ooirukurukore nkoitiei e Yeso, pee era lewa anaa ntomonok, neibung aya Yerusalem. 3Kore eloito etinyikaka Damasikas, newong'aki wong'an naing'uaa chumata taa mbat pooki. 4Nenang nkop, nening ltoilo ojo, <<Saulo, Saulo, aanyo payie kintamita sina?>> 5Newoliki ajoki, <<Ng'ae dei ira iyie, Laitoriani?>> Nejoki ilo ꞉toilo, <<Kara nanu Yeso, ilo lintamita sina. 6Kake inyuo ntacho, nilo ilo kerenket liloito duo, amu ikilikini ntoki nilo aas.>>
7Kore lboitieii le Saulo, neitachoo mebol nkutukie ening'ito ake ltoilo, neitu edol ilo tung'ani oirorita. 8Neinyuototo Saulo to nkop, kake kore payie ebol nkonyek enyena, naaku merokure edolicho. Neibung ꞉ninche ninye nkaina, nerik Damasikas. 9Newuon mperot uni medolicho, nemenya ndaa, nemeitoki emat.
10Kore taatua Damasikas neatae loiteng'eni obo oji nkarna Anania. Kore etuwuana keidetdetita nedol Laitoriani eipot ajoki, <<Anania.>> Neng'amaa ajo, <<Lele nanu Laitoriani.>> 11Nejoki ꞉Laitoriani, <<Inyuo chomo lketiketi oji Nkoitiei naipida. Kore iti inie, chomo nkaji e Yuda, niyiaya Saulo lo lkerenket le Tarso amu keomonito teinie. 12Ketoduaa ninye to nduata ltung'ani oji Anania elotu netii aiteleki ninye nkaik payie eitoki adolichoi.>> 13Nejo Anania, <<Laitoriani katining'o too ltung'ana kumo lomon lele tung'ani. Ketilimutua newua ntorno naitaasa ꞉ninye sinyat linono te Yerusalem. 14Kore taata ninye naa keyewuo eata nkitoria naing'uaa laitainok kutuaa la lasar naibung'ie lolo pooki oipot nkarna ino.>> 15Kake nejoki ꞉Laitoriani ninye, <<Chomo, amu kore ele tung'ani naa kategelua ꞉nanu ninye payie elikoo nkarna ai too tung'ana le Isirael o too lkulie oreren o lkinkii. 16Naa kaitodol nanu ninye newua sina laa meata ajo metum tankaraki nkarna ai.>>
17Nelo Anania nejing inia aji, neiteleki Saulo nkaik nejoki, <<Lalache lai Saulo, kore Laitoriani Yeso likimpung'oka apa to nkoitiei ilotuta, naa kaaterewaka iyie payie itum aitoki atodolicho, nikimput ꞉Ltau Sinyati.>> 18Kore ake inia kata, nerrarrunye ntokitin naatuwuana sigat too nkonyek e Saulo, neitoki ninye adolichoi. Neinyuototo neipatisi, 19kore payie enya ndaa negolu.
Etilikoyie Saulo ta Damasikas o te Yerusalem
Nebik Saulo nkuti perot tenebo o looiteng'eni otii Damasikas. 20Kore ake inia kata, neng'asu alikoo tee Sinagogini nchere kore Yeso naa Nkerai e Nkai. 21Kore pooki ootining'o ninye neing'asia nejo, <<Mara dei lapa tung'ani ele oyieu neidakie ltung'ana ooipot ana arna te Yerusalem, neyewuo taata ene payie etum aibung'a ninche ayaki laitainok kutuaa la lasar?>> 22Keidimie ꞉Nkai Saulo mechomo kue aicho ngolon, neitigir Lyiaudi oaamanya Damasikas metala nejo, eitededeyie nchere kore Yeso naa ilo Aitejeunoni apa oanyutae. 23#2Lkor 11:32,33Kore eima mperot kumo, nechamaa Lyiaudi payie ear ninye metua, 24kake nekurru Saulo mbaa enche. Kore kuarie o parkiji neitirrichaki lolo Yiaudi aairrita oleng ltim le ilo kerenket, payie etum aatar ninye metua. 25Kake neya ꞉looiteng'eni lenyena ninye kuarie, nepik atua nkikapu, neitodoyio aimie long'u le suntai e ilo kerenket too lgiitani.
26Kore payie elotu ninye Yerusalem, nenyok ajo taa tenebo o looiteng'eni le Yeso, naaku keurie pooki ninye, neitu eiruk nchere ketaa ninye loiteng'eni. 27Neyau ꞉Barnabas ninye netii lkipaareta, neliki ninche neikuna Saulo eloito to nkoitiei payie edol Laitoriani, o inia natiaka ꞉Laitoriani ninye. Neitoki aliki neikuna Saulo payie elikoo ta Damasikas meata ngureticho ta nkarna e Yeso. 28Naaku, newuon Saulo tenebo o ninche te Yerusalem eata lakunoto, elikoo ta nkarna e Laitoriani meata ngureticho. 29Neirorie eichankarrare lolo Yiaudi ooiro nkutuk ee Lgirriki, kake kore ninche, nenyok aajo entar ninye metua. 30Kore naa payie eyielou lolo oiruko Yeso inia, nerik ninye aaitodoyio aya lkerenket le Kaisaria, neduaya mechomo Tarso ilo kerenket oing'uaa apake.
31Kore apa inia kata, keata nkanisa seriani ta mbata e Yudea o ne Galilaya o ne Samaria pooki. Nelo kue ebulu to uriata e Laitoriani eitogol neitarriyian ꞉Ltau Sinyati, neaku ltung'ana kumo.
Eichiunyie ꞉Petero Aenea
32Kore emanaa Petero aim ng'oji pooki aisabaki sinyat le Nkai, nebaki sii lolo oaamanya lkerenket oji Lida. 33Netum teinie ltung'ani obo oji nkarna Enea, otigilgile netepero eitu einyuototo larin isiet. 34Nejoki ꞉Petero, <<Enea, ikinchiunyie ꞉Yeso Kristo taata, inyuo tigila lchoni lino.>> Neinyuototo nabokata aitache. 35Kore lolo tung'ana pooki oaamanya lkerenket le Lida o ang'ata e Charon, nedol ilo tung'ani otigilgile eichiwua, neibelekenya aairuk Laitoriani.
Eitipiwua ꞉Petero Tabita too lootuata
36Kore apa te Yopa naa keatae nabo e naaiteng'eni naji Tabita, naa kore ana arna to nkutuk ee Lgirriki naa keji Dorkas. Ketaasa apa ninye asat kumo supati, neret loomena nkata pooki. 37Kore ake ewuon etii Petero Lida, nemuai Tabita neper, neituki sesen lenye nepiki lgilata le nkaji e keper. 38Naa kore amu ketaanikino apa lkerenket le Lida o Yopa nening looiteng'eni aajo ketii Petero inie, Neirruaaya ltung'ana oare meteleja aajoki, <<Wou matesioi aapuo tenebo Yopa.>>
39Neinyuototo Petero neirukurukore ninche. Kore payie ebau, neitidiri lgilata le nkaji e keper. Nepuonu nkoilia pooki nkalo ninye, eichirita neitoduaaya nankan naapaapaacha naaitibira Tabita ewuon apa etii tenebo o ninche.
40Neipung'ie ꞉Petero ninche pooki mechomo boo, negil kung neomon Nkai. Neiwuatuwuatakino ilo sesen nejo, <<Tabita, inyuo!>> Nebolu ninye nkonyek, kore payie edol Petero neinyuototo awuon. 41Neirruaki ꞉Petero ninye nkaina neret meinyuo aitache. Neipotu sinyat le Nkai etii nenia oilia, neitodol ninche Tabita eichu. 42Nening ltung'ana pooki le Yopa inia nataase, neiruk ꞉lkumo Laitoriani. 43Nebik Petero mperot kumo te Yopa ta nkang e lpayian oji Simon oara lakitoni loo lchonito o ndapan.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2021, Bible Translation and Literacy