Asat 10
10
Eisabaka lmalaika le Nkai Kornelio
1Keatae apa ta Kaisaria ltung'ani oji Kornelio, lkitok loo sikarini loo Rroman, oitore lturrur oji loo Ltalian. 2Nera ltung'ani ourie Nkai, nesai ꞉ninye Nkai e Isirael tenebo o nkang enye pooki. Neret tung'ana pooki oomena loo Lyiaudi, neomon sii Nkai nkata pooki. 3Kore mparri nabo matejo saai saal e mparkiji, etuwuana keidetdetita nedol asipu lmalaika le Nkai oyewuo netii ninye ajoki, <<Kornelio.>> 4Nekurraki lmalaika nkonyek to ngureticho nejoki, <<Lkitok, nyo sa nikiyewua natii?>> Nejoki, <<Kore nkomono o nkichoorot inono naa ketang'amayie netaparrua ꞉Nkai. 5Rruai taata ltung'ana mechomo Yopa, meipotu ltung'ani oji Simon oitokini aajo Petero. 6Kore ninye naa kera lomoni obikito ta nkang e Simon ilo akitoni loo lchonito o ndapan oamanya nchepata e mpaso.>>
7Kore eidipa lmalaika oirorie ninye achomo, neipotu laisiaayiak le nkang enye oare o sikarii obo ourie Nkai, nera lobo loo lolo aisiaayiak oretito nkata pooki Kornelio. 8Kore payie enyaki ninche ntoki pooki, neirruaaya mechomo Yopa.
Eitoduaa ꞉Nkai Petero nduata
9Kore mparri naijipu inia etinyikayie saai ile e mparkiji, eibung'uta laaduo aisiaayiak nkoitiei netaa kebaki ilo kerenket, neiliep Petero aomon te nkeper e nkaji naiperere. 10Near ninye sumach neyieuu ndaa nanya, naa kore eitibiritae ndaa neikonyi atuwuana keidetdet, 11nedol chumata ebolo o ntoki nadouta nkop. Kore ana toki naa ketuwuana nanka sapuk naitodoutae nkop eibung'utae sarkuda pukura oong'uan. 12Kore atua inia anka netii nkajijik pooki ee suom o nee ng'uesi naaju o naasipa netii mpukunot pooki ee nkueeny. 13Nening ltoilo ejoki, <<Petero inyuo, tara tama.>>
14Nejoki, <<Laitoriani manya hooyia! Amu eitu aikata anya nanu ntoki nemeichiaakino nenyae, nemeisupat te lkerreti lang.>>
15Neitoki ilo ltoilo ajoki ninye nkata e are ejo, <<Kore ntoki pooki naitaa ꞉Nkai supat, naa mijo mera supat.>> 16Neasai ana nkatitin uni, nerrinyi nabokata inia anka aaya chumata.
17Kore ake inia kata eomonito Petero, neiparu laapa ꞉tung'ana ooirriwuayie Kornelio nkaji e Simon ana metumo. Naa kore ake nochi naiting'ie inia duata, nebau ninche nkutuk e ltim ewuon ake erere Petero ayielou ntoki naipirita nduata.
18Neipoticho eiparu aajo <<Ene sa etii lomoni oji Simon oitokini aajo Petero?>>
19Kore enyokita Petero arere ayielou ntoki naipirita inia duata, nejoki ꞉Ltau Sinyati ninye, <<Lo lolo ltung'ana okuni likiyieita. 20Inyuo todoi chomo irukurukore miata lng'ach, amu nanu oirriwua ninche.>>
21Nedou ꞉Petero alo netii ninche nejoki, <<Lele nanu liyietata. Nyo nayewua ntae?>>
22Nejoki ꞉ninche, <<Kornelio oara lkitok loo sikarini oterewua iyioo. Naa kore ninye naa kera ltung'ani loosipat ourie Nkai, nerrepita ꞉Lyiaudi pooki. Naa lmalaika sinyati otiaka ninye payie kimpoti chomo nkang enye payie ening inia nilo ajo.>> 23Neitoomon ꞉Petero ninche inia kuarie ana lomon lenyena. Kore mparri naijipu inia, neirukurukore ninche, neitoki sii lkulikae alachera le nkanisa e Yopa aapuo tenebo o ninye Kaisaria.
24Kore echomo ninche mparri nabo, nebaki Kaisaria. Neanyuta apa Kornelio ninche, neipoto sii ltung'ana lenyena o sotuatin meotu inie. 25Kore payie ebaki Petero inia ang, nelo Kornelio atumore ninye, neirrabalakino nkop tekue nkejek enyena, nesai ninye. 26Neinyoyie Petero ninye meitacho nejoki, <<Inyuo! Ltung'ani ake ara nanu otuwuana iyie.>> 27Kore ake ewuon eirorie ꞉Petero Kornelio, nejing atua nkaji, netum ltung'ana kumo oleng ootuo tenebo inie. 28Nejoki ninche, <<Mara iyielolo naa ntae aajo meichiaakino te lkerreti lang loo Lyiaudii teneata nchula lpayian lang tanaa eisabaki ilo lamara loo Lyiaudi? Kake Kaaitodua nanu ꞉Nkai payie majo ltung'ani keitorruno tanaa mecho ta ntasim. 29Naaku kore payie aaipotuni, neitu aany alotu. Kayieu naa nayielou mbae nikimpoitie.>>
30Nejoki ꞉Kornelio ninye, <<Kore mperot uni naaima, nkata natuwuana ana, saai saal e mparkiji naa katii nkaji ai aomonito. Nejo pang ltung'ani oata nankan naitintil 31nejo, <Kornelio, ketining'o Nkai nkomono ino, netaparrua nkichoorot inono too loomena. 32Rruai ltung'ana Yopa meeipotu Simon oitokini aajo Petero, oara lomoni le Simon, lakitoni loo nchonito o ndapan oamanya nchepata e mpaso.> 33Naaipotu naa iyie wou nabokata, naa itaasa ntoki supat iyewuo. Naaku naa ikiotuo pooki tekue Nkai, payie kitum aatining inia nikitiaka Laitoriani.>>
Etang'amayie Kornelio o lkulikae Lomon Supati
34 #
Nkit 10:17
Neng'asu Petero airo ajo, <<Kateyielo taa ajo, meata Nkai ngela, 35kake keng'amaa pooki ng'ae ourie ninye, neas sipat menya ajo le alo orere ninye. 36Iyielolo apa lomon oichoo ꞉Nkai ltung'ana lang lee Isirael elikoo Lomon Supati le sotua ooicharu Yeso Kristo, oara Laitoriani loo pooki. 37Ketilikoyieki kulo omon too lubot pooki e Yudea, ang'asunyie Galilaya, eidipe nkipatisare natilikoyie Yoana. 38Kore ana likoroto nitining'o naa keipirita Yeso le Nasaret, neikuna Nkai payie egelu ninye to ngolon e Ltau Sinyati. Ketamanayie apa ninye aas mbaa supati, neichiunyie lolo pooki ooitoria ꞉Chitani, amu ketii Nkai tenebo o ninye.
39<<Kore iyioo naa ikiata sipata ee nenia pooki naataasa ninye te Yerusalem o taatua ltung'ana laa nkang'itie e inia kop pooki e Yudea. Ketechoki ninye too lmusalaba neri metua, 40Kake neitipiwua Nkai ninye taatua lootuata ta mparri e uni, neicharu ninye metodoli. 41Eitu eicho ꞉Nkai ninye metoduaa ꞉ltung'ana pooki le Isirael, mara ake lolo ootegelua apake payie etum aatilikoi sipata naipirita ninye. Naa iyioo taa lolo, oaatamata nikitama ndaa tenebo o ninye eidipa atipiu taatua lootuata. 42Neitanapa iyioo payie kiliki ltung'ana lang nikintemioki nchere ninye taa etegelua Nkai metaa laiguanani loo loichu o lootuata. 43Ninye etilimutua loibonok le Nkai pooki aajo, kore pooki ng'ae oiruk Yeso naa kepalikini ng'ok ta nkarna enye.>>
44Kore ake ewuon eirorita Petero, nedoki Ltau Sinyati lolo ooning'ito ilo rerei. 45-46Kore tankaraki natining'o lolo Lyiaudi ooiruko Yeso ootuo tenebo o Petero ltung'ana lamara loo Yiaudi eiro too nkulie kutukie eisis Nkai, neing'asia payie edol aajo keichooki abaki ninche Ltau Sinyati ana nkichooroto. Nejo Petero, 47<<Mara meatae hoo ltung'ani oany eipatisi ninche ta nkare etaa ketumo Ltau Sinyati ana iyioo?>> 48Neitanapicho meipatisi ninche ta nkarna e Yeso Kristo. Neomon ꞉lolo tung'ana Petero metowuana tenebo o ninche nkuti perot.
Iliyochaguliwa sasa
Asat 10: saq
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2021, Bible Translation and Literacy
Asat 10
10
Eisabaka lmalaika le Nkai Kornelio
1Keatae apa ta Kaisaria ltung'ani oji Kornelio, lkitok loo sikarini loo Rroman, oitore lturrur oji loo Ltalian. 2Nera ltung'ani ourie Nkai, nesai ꞉ninye Nkai e Isirael tenebo o nkang enye pooki. Neret tung'ana pooki oomena loo Lyiaudi, neomon sii Nkai nkata pooki. 3Kore mparri nabo matejo saai saal e mparkiji, etuwuana keidetdetita nedol asipu lmalaika le Nkai oyewuo netii ninye ajoki, <<Kornelio.>> 4Nekurraki lmalaika nkonyek to ngureticho nejoki, <<Lkitok, nyo sa nikiyewua natii?>> Nejoki, <<Kore nkomono o nkichoorot inono naa ketang'amayie netaparrua ꞉Nkai. 5Rruai taata ltung'ana mechomo Yopa, meipotu ltung'ani oji Simon oitokini aajo Petero. 6Kore ninye naa kera lomoni obikito ta nkang e Simon ilo akitoni loo lchonito o ndapan oamanya nchepata e mpaso.>>
7Kore eidipa lmalaika oirorie ninye achomo, neipotu laisiaayiak le nkang enye oare o sikarii obo ourie Nkai, nera lobo loo lolo aisiaayiak oretito nkata pooki Kornelio. 8Kore payie enyaki ninche ntoki pooki, neirruaaya mechomo Yopa.
Eitoduaa ꞉Nkai Petero nduata
9Kore mparri naijipu inia etinyikayie saai ile e mparkiji, eibung'uta laaduo aisiaayiak nkoitiei netaa kebaki ilo kerenket, neiliep Petero aomon te nkeper e nkaji naiperere. 10Near ninye sumach neyieuu ndaa nanya, naa kore eitibiritae ndaa neikonyi atuwuana keidetdet, 11nedol chumata ebolo o ntoki nadouta nkop. Kore ana toki naa ketuwuana nanka sapuk naitodoutae nkop eibung'utae sarkuda pukura oong'uan. 12Kore atua inia anka netii nkajijik pooki ee suom o nee ng'uesi naaju o naasipa netii mpukunot pooki ee nkueeny. 13Nening ltoilo ejoki, <<Petero inyuo, tara tama.>>
14Nejoki, <<Laitoriani manya hooyia! Amu eitu aikata anya nanu ntoki nemeichiaakino nenyae, nemeisupat te lkerreti lang.>>
15Neitoki ilo ltoilo ajoki ninye nkata e are ejo, <<Kore ntoki pooki naitaa ꞉Nkai supat, naa mijo mera supat.>> 16Neasai ana nkatitin uni, nerrinyi nabokata inia anka aaya chumata.
17Kore ake inia kata eomonito Petero, neiparu laapa ꞉tung'ana ooirriwuayie Kornelio nkaji e Simon ana metumo. Naa kore ake nochi naiting'ie inia duata, nebau ninche nkutuk e ltim ewuon ake erere Petero ayielou ntoki naipirita nduata.
18Neipoticho eiparu aajo <<Ene sa etii lomoni oji Simon oitokini aajo Petero?>>
19Kore enyokita Petero arere ayielou ntoki naipirita inia duata, nejoki ꞉Ltau Sinyati ninye, <<Lo lolo ltung'ana okuni likiyieita. 20Inyuo todoi chomo irukurukore miata lng'ach, amu nanu oirriwua ninche.>>
21Nedou ꞉Petero alo netii ninche nejoki, <<Lele nanu liyietata. Nyo nayewua ntae?>>
22Nejoki ꞉ninche, <<Kornelio oara lkitok loo sikarini oterewua iyioo. Naa kore ninye naa kera ltung'ani loosipat ourie Nkai, nerrepita ꞉Lyiaudi pooki. Naa lmalaika sinyati otiaka ninye payie kimpoti chomo nkang enye payie ening inia nilo ajo.>> 23Neitoomon ꞉Petero ninche inia kuarie ana lomon lenyena. Kore mparri naijipu inia, neirukurukore ninche, neitoki sii lkulikae alachera le nkanisa e Yopa aapuo tenebo o ninye Kaisaria.
24Kore echomo ninche mparri nabo, nebaki Kaisaria. Neanyuta apa Kornelio ninche, neipoto sii ltung'ana lenyena o sotuatin meotu inie. 25Kore payie ebaki Petero inia ang, nelo Kornelio atumore ninye, neirrabalakino nkop tekue nkejek enyena, nesai ninye. 26Neinyoyie Petero ninye meitacho nejoki, <<Inyuo! Ltung'ani ake ara nanu otuwuana iyie.>> 27Kore ake ewuon eirorie ꞉Petero Kornelio, nejing atua nkaji, netum ltung'ana kumo oleng ootuo tenebo inie. 28Nejoki ninche, <<Mara iyielolo naa ntae aajo meichiaakino te lkerreti lang loo Lyiaudii teneata nchula lpayian lang tanaa eisabaki ilo lamara loo Lyiaudi? Kake Kaaitodua nanu ꞉Nkai payie majo ltung'ani keitorruno tanaa mecho ta ntasim. 29Naaku kore payie aaipotuni, neitu aany alotu. Kayieu naa nayielou mbae nikimpoitie.>>
30Nejoki ꞉Kornelio ninye, <<Kore mperot uni naaima, nkata natuwuana ana, saai saal e mparkiji naa katii nkaji ai aomonito. Nejo pang ltung'ani oata nankan naitintil 31nejo, <Kornelio, ketining'o Nkai nkomono ino, netaparrua nkichoorot inono too loomena. 32Rruai ltung'ana Yopa meeipotu Simon oitokini aajo Petero, oara lomoni le Simon, lakitoni loo nchonito o ndapan oamanya nchepata e mpaso.> 33Naaipotu naa iyie wou nabokata, naa itaasa ntoki supat iyewuo. Naaku naa ikiotuo pooki tekue Nkai, payie kitum aatining inia nikitiaka Laitoriani.>>
Etang'amayie Kornelio o lkulikae Lomon Supati
34 #
Nkit 10:17
Neng'asu Petero airo ajo, <<Kateyielo taa ajo, meata Nkai ngela, 35kake keng'amaa pooki ng'ae ourie ninye, neas sipat menya ajo le alo orere ninye. 36Iyielolo apa lomon oichoo ꞉Nkai ltung'ana lang lee Isirael elikoo Lomon Supati le sotua ooicharu Yeso Kristo, oara Laitoriani loo pooki. 37Ketilikoyieki kulo omon too lubot pooki e Yudea, ang'asunyie Galilaya, eidipe nkipatisare natilikoyie Yoana. 38Kore ana likoroto nitining'o naa keipirita Yeso le Nasaret, neikuna Nkai payie egelu ninye to ngolon e Ltau Sinyati. Ketamanayie apa ninye aas mbaa supati, neichiunyie lolo pooki ooitoria ꞉Chitani, amu ketii Nkai tenebo o ninye.
39<<Kore iyioo naa ikiata sipata ee nenia pooki naataasa ninye te Yerusalem o taatua ltung'ana laa nkang'itie e inia kop pooki e Yudea. Ketechoki ninye too lmusalaba neri metua, 40Kake neitipiwua Nkai ninye taatua lootuata ta mparri e uni, neicharu ninye metodoli. 41Eitu eicho ꞉Nkai ninye metoduaa ꞉ltung'ana pooki le Isirael, mara ake lolo ootegelua apake payie etum aatilikoi sipata naipirita ninye. Naa iyioo taa lolo, oaatamata nikitama ndaa tenebo o ninye eidipa atipiu taatua lootuata. 42Neitanapa iyioo payie kiliki ltung'ana lang nikintemioki nchere ninye taa etegelua Nkai metaa laiguanani loo loichu o lootuata. 43Ninye etilimutua loibonok le Nkai pooki aajo, kore pooki ng'ae oiruk Yeso naa kepalikini ng'ok ta nkarna enye.>>
44Kore ake ewuon eirorita Petero, nedoki Ltau Sinyati lolo ooning'ito ilo rerei. 45-46Kore tankaraki natining'o lolo Lyiaudi ooiruko Yeso ootuo tenebo o Petero ltung'ana lamara loo Yiaudi eiro too nkulie kutukie eisis Nkai, neing'asia payie edol aajo keichooki abaki ninche Ltau Sinyati ana nkichooroto. Nejo Petero, 47<<Mara meatae hoo ltung'ani oany eipatisi ninche ta nkare etaa ketumo Ltau Sinyati ana iyioo?>> 48Neitanapicho meipatisi ninche ta nkarna e Yeso Kristo. Neomon ꞉lolo tung'ana Petero metowuana tenebo o ninche nkuti perot.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2021, Bible Translation and Literacy