Asat 4
4
Petero o Yoana tekue nkiguana ee larikok loo Lyiaudi
1Kore eirorie ꞉Petero o Yoana ltung'ana, nepuonu laitainok la lasar o lkitok loo sikarini le nkaji e Nkai o Sadukayo netii ninche. 2Kore amu keiteng'enita ꞉lkipaareta ltung'ana aajoki keatae mpiunoto ee lootuata too lolo ooiruk Yeso, negoro ninche. 3Neibung ꞉ninche Petero o Yoana, kake kore amu kemuto, neirriki atua jila meteperio ana meikenyu. 4Kake kore lkumo loo lolo ootining'o ilo rerei lenche neiruk, neponunye looiruko Yeso metaa matejo lewa nkalupini imiet.
5Kore payie eikienyu, netumo larikok o lpayiani loo Lyiaudi o laiteng'enak loo Nkitanapat te Yerusalem. 6Netii inie Anas oara laitainoni kitok la lasar o Kayapas o Yoana o Alekisanda o lolo lewa pooki le nkang e ilo aitainoni kitok la lasar. 7Neyauni Petero o Yoana nkiji e inia kiguana neng'asu aiparichiere aajoki, <<Amaa, taa golon anaa taa arna itaasa ntae ana?>>
8Kore inia kata neiput Petero ꞉Ltau Sinyati nejo, <<Larikok o lpayiani loo ltung'ana lang! 9Kore tanaa imparichierere iyioo anapar tankaraki supat naitaasaki ele tardoi o neikunaki payie eichiunyieki ninye, 10enteyielo ntae pooki o ltung'ana le Isirael pooki nchere, ketaase ana ta nkarna e Yeso Kristo le Nasaret litecho ntae neitipiu ꞉Nkai taatua lootuata. Naa ninye oidimie ele tung'ani meitacho tene eichiwua. 11#SNk 118:22Naa ninye soit litanya ntae lachetak, kake ketaa ninye soit le tipat oirichiu nkaji.
12<<Meatae hoo njeunoto te likae mara ake te ninye. Nemeatae ajo mara inia arna ake apeny naichoo ꞉Nkai ltung'ana to nkop pooki, eitejeunyieki iyioo.>>
13Kore payie edol ꞉ninche aajo meata Petero o Yoana ngureticho, neteyielouto aajo meata nkisoma naa lpayiani le nkang ake era, neing'asia. Kake neyielou naa aajo, keboitiere apa ꞉ninche Yeso. 14Naa kore payie edol ꞉ninche ilo tung'ani oichiunyieki eitache tabata ninche, nelau ntoki najo. 15Nebuaaki ninche meipung'o taatua inia aji e nkiguana. Neipara 16aajokino, <<Kaji kinko kulo ltung'ana? Amu kedede keteyieloki aajo ketaase mbae e nking'asia tee ninche, netelie too ltung'ana pooki oamanya Yerusalem, nimikindim aatany. 17Naa kore payie mebulaa ana bae kue taatua ltung'ana, maichoo ninche lomon oome payie meimakinyie ltung'ani toki tana arna.>>
18Neipotu aitoki ninche neitarrap aajoki payie meiro nemeiteng'enicho katukul ta nkarna e Yeso. 19Kake nejoki ꞉Petero o Yoana ninche <<Amaa, kaa naichiaakino tekue Nkai, tinikining ntae ana tinikining Nkai? Entodol ntae niasias, 20amu mikindim aatapal mikilikoo nenia nikitoduaa o nikitining'o.>>
21Kore payie eidip aaichoo ninche lomon oome, nepalaa mechomo. Nelau neiko teneiteme, amu kore ltung'ana pooki naa keisisita Nkai tankaraki inia nataase. 22Kore apa larin le ele tung'ani oichiunyieki tana mbae e nking'asia naitodolu ajo keidim Nkai aichiunyie ltung'ana, naa kerepaa larin artam.
Etoomonutua looiteng'eni mpijan nalikorie rerei le Nkai
23Kore payie elakuni Petero o Yoana, nechuko aapuo netii lboitieii lenche, neliki ntoki pooki natiakita ꞉laitainok kutuaa la lasar o lpayiani. 24#Nai 20:11; Neem 9:6; SNk 146:6Kore payie ening ninche inia, neapaa ltoilochi lenche aomon Nkai tanaboicho ejo, <<Laitoriani lopeny pooki toki, iyie oitibira chumata o nkop o mpaso o ntokitin pooki naatii. 25#SNk 2:1,2Niroro aimu akuyia lang Daudi, ta Ltau Sinyati ajo,
<Aanyo payie etogorete ltung'ana lemeirruk Nkai e Isirael,
nechetu ꞉ltung'ana mbaa nemeitoki?
26Neinyuoto lkinkii le nkop pooki,
netama larikok nabo,
aarare Laitoriani
o Laitejeunoni otegelua ꞉ninye.>
27 #
Luka 23:7–11,
Mat 27:1,2; Mrk 15:1; Luka 23:1; Yoa 18:28,29 <<Naa kedede kore Erode o Pontio Pilato o lorere le Isirael o lkulie oreren sii, ketama nabo te ele kerenket aarare Yeso ilo aisiaayiani lino sinyati litegelua iyie. 28Ketaasa ninche ana payie ebaya nitegelua apake iyie to golon o yieuna ino. 29Kore naa taata Laitoriani, ng'ura ja neiko teneicho iyioo lomon oome, nincho laisiaayiak linono nkidimata nalikorie rerei lino te mpijan. 30Ntorioi nkaina ino aichiunyie, nintodolu nkitoo ino, nias mbaa e nking'asia ta nkarna e laisiaayiani lino sinyati Yeso.>>
31Kore payie eidip aatoomon neikirikiro inie netumore ninche, neiput ninche ꞉Ltau Sinyati nelikoo rerei le Nkai meata ngureticho.
Etang'ara looiteng'eni ntokitin enche
32 #
Asat 2:44,45 Kore lolo pooki ooiruko Yeso, neaku nabo taa ltauja o taa mparrunot. Nemeatae hoo ltung'ani oiken ntokitin naata ajo nenyena aapeny, kake ketang'ara ntokitin enche pooki tenebo. 33Naa kore to ngolon kitok nelimu ꞉lkipaareta sipata naipirita mpiunoto e Laitoriani Yeso, neichoo ꞉Nkai ninche pooki munyani kitok. 34Nemeatae lobo taatua inia chula ee looiruko Yeso otong'orika toki, amu kore ꞉lolo pooki oaata lchampai o nkajijik, nemir neyau ropiyiani naaitamita, 35nepik nkaik ee lkipaareta. Neorikini kuna ropiyiani pooki ng'ae ana nairirikino yieuna naata.
36Netii apa ltung'ani la lmarei laa Lawi oing'uaa lkuran oji Saipiras, oji nkarna Yosep. Kejo apa ꞉lkipaareta ninye Barnabas, laa keji laitogoloni. 37Naa kore tankaraki naata ninye lchampa, nemir ilo champa neyau nenia ropiyiani naatumo, nepik nkaik ee lkipaareta.
Iliyochaguliwa sasa
Asat 4: saq
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2021, Bible Translation and Literacy
Asat 4
4
Petero o Yoana tekue nkiguana ee larikok loo Lyiaudi
1Kore eirorie ꞉Petero o Yoana ltung'ana, nepuonu laitainok la lasar o lkitok loo sikarini le nkaji e Nkai o Sadukayo netii ninche. 2Kore amu keiteng'enita ꞉lkipaareta ltung'ana aajoki keatae mpiunoto ee lootuata too lolo ooiruk Yeso, negoro ninche. 3Neibung ꞉ninche Petero o Yoana, kake kore amu kemuto, neirriki atua jila meteperio ana meikenyu. 4Kake kore lkumo loo lolo ootining'o ilo rerei lenche neiruk, neponunye looiruko Yeso metaa matejo lewa nkalupini imiet.
5Kore payie eikienyu, netumo larikok o lpayiani loo Lyiaudi o laiteng'enak loo Nkitanapat te Yerusalem. 6Netii inie Anas oara laitainoni kitok la lasar o Kayapas o Yoana o Alekisanda o lolo lewa pooki le nkang e ilo aitainoni kitok la lasar. 7Neyauni Petero o Yoana nkiji e inia kiguana neng'asu aiparichiere aajoki, <<Amaa, taa golon anaa taa arna itaasa ntae ana?>>
8Kore inia kata neiput Petero ꞉Ltau Sinyati nejo, <<Larikok o lpayiani loo ltung'ana lang! 9Kore tanaa imparichierere iyioo anapar tankaraki supat naitaasaki ele tardoi o neikunaki payie eichiunyieki ninye, 10enteyielo ntae pooki o ltung'ana le Isirael pooki nchere, ketaase ana ta nkarna e Yeso Kristo le Nasaret litecho ntae neitipiu ꞉Nkai taatua lootuata. Naa ninye oidimie ele tung'ani meitacho tene eichiwua. 11#SNk 118:22Naa ninye soit litanya ntae lachetak, kake ketaa ninye soit le tipat oirichiu nkaji.
12<<Meatae hoo njeunoto te likae mara ake te ninye. Nemeatae ajo mara inia arna ake apeny naichoo ꞉Nkai ltung'ana to nkop pooki, eitejeunyieki iyioo.>>
13Kore payie edol ꞉ninche aajo meata Petero o Yoana ngureticho, neteyielouto aajo meata nkisoma naa lpayiani le nkang ake era, neing'asia. Kake neyielou naa aajo, keboitiere apa ꞉ninche Yeso. 14Naa kore payie edol ꞉ninche ilo tung'ani oichiunyieki eitache tabata ninche, nelau ntoki najo. 15Nebuaaki ninche meipung'o taatua inia aji e nkiguana. Neipara 16aajokino, <<Kaji kinko kulo ltung'ana? Amu kedede keteyieloki aajo ketaase mbae e nking'asia tee ninche, netelie too ltung'ana pooki oamanya Yerusalem, nimikindim aatany. 17Naa kore payie mebulaa ana bae kue taatua ltung'ana, maichoo ninche lomon oome payie meimakinyie ltung'ani toki tana arna.>>
18Neipotu aitoki ninche neitarrap aajoki payie meiro nemeiteng'enicho katukul ta nkarna e Yeso. 19Kake nejoki ꞉Petero o Yoana ninche <<Amaa, kaa naichiaakino tekue Nkai, tinikining ntae ana tinikining Nkai? Entodol ntae niasias, 20amu mikindim aatapal mikilikoo nenia nikitoduaa o nikitining'o.>>
21Kore payie eidip aaichoo ninche lomon oome, nepalaa mechomo. Nelau neiko teneiteme, amu kore ltung'ana pooki naa keisisita Nkai tankaraki inia nataase. 22Kore apa larin le ele tung'ani oichiunyieki tana mbae e nking'asia naitodolu ajo keidim Nkai aichiunyie ltung'ana, naa kerepaa larin artam.
Etoomonutua looiteng'eni mpijan nalikorie rerei le Nkai
23Kore payie elakuni Petero o Yoana, nechuko aapuo netii lboitieii lenche, neliki ntoki pooki natiakita ꞉laitainok kutuaa la lasar o lpayiani. 24#Nai 20:11; Neem 9:6; SNk 146:6Kore payie ening ninche inia, neapaa ltoilochi lenche aomon Nkai tanaboicho ejo, <<Laitoriani lopeny pooki toki, iyie oitibira chumata o nkop o mpaso o ntokitin pooki naatii. 25#SNk 2:1,2Niroro aimu akuyia lang Daudi, ta Ltau Sinyati ajo,
<Aanyo payie etogorete ltung'ana lemeirruk Nkai e Isirael,
nechetu ꞉ltung'ana mbaa nemeitoki?
26Neinyuoto lkinkii le nkop pooki,
netama larikok nabo,
aarare Laitoriani
o Laitejeunoni otegelua ꞉ninye.>
27 #
Luka 23:7–11,
Mat 27:1,2; Mrk 15:1; Luka 23:1; Yoa 18:28,29 <<Naa kedede kore Erode o Pontio Pilato o lorere le Isirael o lkulie oreren sii, ketama nabo te ele kerenket aarare Yeso ilo aisiaayiani lino sinyati litegelua iyie. 28Ketaasa ninche ana payie ebaya nitegelua apake iyie to golon o yieuna ino. 29Kore naa taata Laitoriani, ng'ura ja neiko teneicho iyioo lomon oome, nincho laisiaayiak linono nkidimata nalikorie rerei lino te mpijan. 30Ntorioi nkaina ino aichiunyie, nintodolu nkitoo ino, nias mbaa e nking'asia ta nkarna e laisiaayiani lino sinyati Yeso.>>
31Kore payie eidip aatoomon neikirikiro inie netumore ninche, neiput ninche ꞉Ltau Sinyati nelikoo rerei le Nkai meata ngureticho.
Etang'ara looiteng'eni ntokitin enche
32 #
Asat 2:44,45 Kore lolo pooki ooiruko Yeso, neaku nabo taa ltauja o taa mparrunot. Nemeatae hoo ltung'ani oiken ntokitin naata ajo nenyena aapeny, kake ketang'ara ntokitin enche pooki tenebo. 33Naa kore to ngolon kitok nelimu ꞉lkipaareta sipata naipirita mpiunoto e Laitoriani Yeso, neichoo ꞉Nkai ninche pooki munyani kitok. 34Nemeatae lobo taatua inia chula ee looiruko Yeso otong'orika toki, amu kore ꞉lolo pooki oaata lchampai o nkajijik, nemir neyau ropiyiani naaitamita, 35nepik nkaik ee lkipaareta. Neorikini kuna ropiyiani pooki ng'ae ana nairirikino yieuna naata.
36Netii apa ltung'ani la lmarei laa Lawi oing'uaa lkuran oji Saipiras, oji nkarna Yosep. Kejo apa ꞉lkipaareta ninye Barnabas, laa keji laitogoloni. 37Naa kore tankaraki naata ninye lchampa, nemir ilo champa neyau nenia ropiyiani naatumo, nepik nkaik ee lkipaareta.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2021, Bible Translation and Literacy