Asat 3
3
Eichiunyie ꞉Petero ltung'ani otigilgile oomonicho
1Kore mparri nabo, neiliep Petero o Yoana aapuo nkaji e Nkai nkata e nkomono saai saal e mparkiji. 2Neyauni inie ltung'ani otiiwuaki etigiligile. Keiteperi chiaake to ltim oji Ltim Supat le nkaji e Nkai mperot pooki, payie etum atoomonu ropiyiani too ltung'ana oojing atua inia aji. 3Kore payie edol ꞉ninye Petero o Yoana etaa keimu ltim aajing nkaji e Nkai, neomon ninche ropiyiani. 4Nekurraki ꞉ninche ninye nkonyek nejoki ꞉Petero, <<Ng'ura iyioo!>> 5Neunoki ninche nkonyek aing'or ejo kebaki naa ntoki eicho.
6Kake nejoki ꞉Petero, <<Maata nanu ropiyiani naaicho, kake kaaicho ntoki naata. Kore ta nkarna e Yeso Kristo le Nasaret, inyuo chomo!>> 7Neibung nkaina enye e tetene neitachayie meinyuo, kore ake inia kata negolu ndapi o nkupulito ee nkejek enyena. 8Nejo chut aitache tee nkejek enyena neng'asu aloolo. Nejing atua nkaji e Nkai tenebo, eloolo, neipirri, neisis Nkai. 9Nedol ninye ꞉ltung'ana eloolo, neisisita Nkai, 10neyielou aajo lochi tung'ani chiaake ele owuon aomonicho to nkutuk e ltim le nkaji e Nkai oji supat. Neing'asia ninche oleng, inia nataase te ninye.
Etilikoyie Petero taatua nkaji e Nkai
11Kore eibung'uta ꞉ilo tung'ani Petero o Yoana, nekuetu ltung'ana eing'asiate pooki inie netii ninche. Kore inie ng'oji naa keji loip le Solomon. 12Kore payie edol ꞉Petero ana nejoki ninche, <<Lotung'ana kulo le Isirael, aanyo payie ing'asiasia tana? Naa aanyo sii payie ing'orng'or iyioo eji atuwuana to ngolon ang anaa tankaraki nikiurie Nkai kindimie ele tung'ani meinyuo alo? 13#Nai 3:15Kore Nkai e Abraam o ne Isaka o ne Yakobo, Nkai ee lmakui lang, naa ninye nayanyita laisiaayiani lenye Yeso aas ana. Ele Yeso inchooitie, nianyiyany tekue Pilato abaki etudung'o ajo kelakuni ninye. 14#Mat 27:15–23; Mrk 15:6–14; Luka 23:13–23; Yoa 19:12–15Kake itanya ntae Ilo Sinyati oara loosipat, nisimaa metalakuni ilo arani. 15Kake kore ilo oing'uaa ꞉nkichui niarar, neitipiu ꞉Nkai ninye taatua lootuata, nikiata iyioo sipata e inia. 16Kore ngolon e nkarna e Yeso naa keitogolo ele tung'ani, liyielolo chiaake nidolitata taata netiu tankaraki nkurukoto e inia arna. Kore inia kurukoto, naa ninye naichiunyie ele tung'ani tekue ng'onyek inchi pooki katukul.
17<<Lalachera, kayielo naa ajo itaasa ana o larikok linchi miyielolo. 18Naa keitabayie Nkai inia natejo apa ewuon eng'or nkata too loibonok lenyena pooki nchere, kore kenya ilo Aitejeunoni le lekutuk lenye naa ketum sina. 19Erriidu naa, niwuatuwuatata, payie ejuti ng'ok inchi, 20nepuonu nkatitin naaing'uaa netii Laitoriani naayeng'iyeng'ie ntae, nerewaki ntae ilo Aitejeunoni otegelua aa ninye Yeso. 21Naa meata ajo meng'amaa ninye ꞉chumata ana metabau kenya inia kata naitaa Nkai ntoki pooki supat ana netiu apake, ana netejo apake too loibonok sinyat lenyena. 22#Nkit 18:15,18Kedede ketejo apa Musa, <Kore Laitoriani Nkai inchi naa kelo aipung'unyie loiboni taatua ltung'ana linchi otuwuana nanu. Entining ninye taa mbaa pooki naaliki kenya ntae. 23#Nkit 18:19Naa kore pooki lemening ilo oiboni, neworieki ltung'ana le Nkai neidaaya.> 24Amu kore lolo oibonok le Nkai pooki oiroro ang'asunyie Samuel o lolo oijipu ninye, naa ketilimutua aajo kepuonu kuna perot. 25#Ng'as 22:18Kore ntae naa irara lootum nana naatejo Nkai aimunyie loibonok lenyena o ne lning'o oitaka ninye loo papa linchi. Amu ketiaka apa ꞉Nkai Abraam, <Te ichoi ino ake amayian loreren pooki le nkop pooki.> 26Ntae apa lekue ooterewaka ꞉Nkai ilo aisiaayiani lenye oipung'okinyie ntae payie emayian ntae. Naa kemayian ntae aiwuatuwuat pooki ng'ae metung'ai ntorrok enyena.>>
Iliyochaguliwa sasa
Asat 3: saq
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2021, Bible Translation and Literacy
Asat 3
3
Eichiunyie ꞉Petero ltung'ani otigilgile oomonicho
1Kore mparri nabo, neiliep Petero o Yoana aapuo nkaji e Nkai nkata e nkomono saai saal e mparkiji. 2Neyauni inie ltung'ani otiiwuaki etigiligile. Keiteperi chiaake to ltim oji Ltim Supat le nkaji e Nkai mperot pooki, payie etum atoomonu ropiyiani too ltung'ana oojing atua inia aji. 3Kore payie edol ꞉ninye Petero o Yoana etaa keimu ltim aajing nkaji e Nkai, neomon ninche ropiyiani. 4Nekurraki ꞉ninche ninye nkonyek nejoki ꞉Petero, <<Ng'ura iyioo!>> 5Neunoki ninche nkonyek aing'or ejo kebaki naa ntoki eicho.
6Kake nejoki ꞉Petero, <<Maata nanu ropiyiani naaicho, kake kaaicho ntoki naata. Kore ta nkarna e Yeso Kristo le Nasaret, inyuo chomo!>> 7Neibung nkaina enye e tetene neitachayie meinyuo, kore ake inia kata negolu ndapi o nkupulito ee nkejek enyena. 8Nejo chut aitache tee nkejek enyena neng'asu aloolo. Nejing atua nkaji e Nkai tenebo, eloolo, neipirri, neisis Nkai. 9Nedol ninye ꞉ltung'ana eloolo, neisisita Nkai, 10neyielou aajo lochi tung'ani chiaake ele owuon aomonicho to nkutuk e ltim le nkaji e Nkai oji supat. Neing'asia ninche oleng, inia nataase te ninye.
Etilikoyie Petero taatua nkaji e Nkai
11Kore eibung'uta ꞉ilo tung'ani Petero o Yoana, nekuetu ltung'ana eing'asiate pooki inie netii ninche. Kore inie ng'oji naa keji loip le Solomon. 12Kore payie edol ꞉Petero ana nejoki ninche, <<Lotung'ana kulo le Isirael, aanyo payie ing'asiasia tana? Naa aanyo sii payie ing'orng'or iyioo eji atuwuana to ngolon ang anaa tankaraki nikiurie Nkai kindimie ele tung'ani meinyuo alo? 13#Nai 3:15Kore Nkai e Abraam o ne Isaka o ne Yakobo, Nkai ee lmakui lang, naa ninye nayanyita laisiaayiani lenye Yeso aas ana. Ele Yeso inchooitie, nianyiyany tekue Pilato abaki etudung'o ajo kelakuni ninye. 14#Mat 27:15–23; Mrk 15:6–14; Luka 23:13–23; Yoa 19:12–15Kake itanya ntae Ilo Sinyati oara loosipat, nisimaa metalakuni ilo arani. 15Kake kore ilo oing'uaa ꞉nkichui niarar, neitipiu ꞉Nkai ninye taatua lootuata, nikiata iyioo sipata e inia. 16Kore ngolon e nkarna e Yeso naa keitogolo ele tung'ani, liyielolo chiaake nidolitata taata netiu tankaraki nkurukoto e inia arna. Kore inia kurukoto, naa ninye naichiunyie ele tung'ani tekue ng'onyek inchi pooki katukul.
17<<Lalachera, kayielo naa ajo itaasa ana o larikok linchi miyielolo. 18Naa keitabayie Nkai inia natejo apa ewuon eng'or nkata too loibonok lenyena pooki nchere, kore kenya ilo Aitejeunoni le lekutuk lenye naa ketum sina. 19Erriidu naa, niwuatuwuatata, payie ejuti ng'ok inchi, 20nepuonu nkatitin naaing'uaa netii Laitoriani naayeng'iyeng'ie ntae, nerewaki ntae ilo Aitejeunoni otegelua aa ninye Yeso. 21Naa meata ajo meng'amaa ninye ꞉chumata ana metabau kenya inia kata naitaa Nkai ntoki pooki supat ana netiu apake, ana netejo apake too loibonok sinyat lenyena. 22#Nkit 18:15,18Kedede ketejo apa Musa, <Kore Laitoriani Nkai inchi naa kelo aipung'unyie loiboni taatua ltung'ana linchi otuwuana nanu. Entining ninye taa mbaa pooki naaliki kenya ntae. 23#Nkit 18:19Naa kore pooki lemening ilo oiboni, neworieki ltung'ana le Nkai neidaaya.> 24Amu kore lolo oibonok le Nkai pooki oiroro ang'asunyie Samuel o lolo oijipu ninye, naa ketilimutua aajo kepuonu kuna perot. 25#Ng'as 22:18Kore ntae naa irara lootum nana naatejo Nkai aimunyie loibonok lenyena o ne lning'o oitaka ninye loo papa linchi. Amu ketiaka apa ꞉Nkai Abraam, <Te ichoi ino ake amayian loreren pooki le nkop pooki.> 26Ntae apa lekue ooterewaka ꞉Nkai ilo aisiaayiani lenye oipung'okinyie ntae payie emayian ntae. Naa kemayian ntae aiwuatuwuat pooki ng'ae metung'ai ntorrok enyena.>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2021, Bible Translation and Literacy