MATEO 1
1
Jesuuquidiito adai’chomo’jödö
1Edä yää jajeeda imennaajä, Jesuuquidiito adai’chomo’jödö eetöcoomo. Jesuuquidiito cönä’jaacä Dawà weichö, Aawadán weichö mmaja.
2Aawadán nnedö cönä’jaacä Isaaca. Isaaca nnedö cönä’jaacä Jacoowo. Jacoowo nnacoomo cönä’ja’to Judhá, yuichomo mmaja, dhacoono mmaja. 3Judhá nnacoomo cönä’ja’to Jaade, Saada mmaja; yeenötoncomo cönä’jaacä Tamaada. Jaade nnedö cönä’jaacä Eesedón. Eesedón nnedö cönä’jaacä Adaama. 4Adaama nnedö cönä’jaacä Amiinadhaawa. Amiinadhaawa nnedö cönä’jaacä Naasón. Naasón nnedö cönä’jaacä Saadamón. 5Saadamón nnedö cönä’jaacä Wooso; Wooso dhenö cönä’jaacä Dajaawa. Wooso nnedö cönä’jaacä Oweede; Oweede dhenö cönä’jaacä Duuti. Oweede nnedö cönä’jaacä IsaÃ. 6Isaà nnedö cönä’jaacä cajiichaana DawÃ. Cajiichaana Dawà nnedö cönä’jaacä Saadomón; Saadomón dhenö cönä’jaacä UdÃa jiñamomjödö.
7Saadomón nnedö cönä’jaacä Doowowán. Doowowán nnedö cönä’jaacä AwÃa. AwÃa nnedö cönä’jaacä Aasa. 8Aasa nnedö cönä’jaacä Joosajaata. Joosajaata nnedö cönä’jaacä Jodaama. Jodaama nnedö cönä’jaacä UsÃa. 9UsÃa nnedö cönä’jaacä Jotaama. Jotaama nnedö cönä’jaacä Acaasa. Acaasa nnedö cönä’jaacä EesequÃa. 10EesequÃa nnedö cönä’jaacä Maanaseesa. Maanaseesa nnedö cönä’jaacä Amón. Amón nnedö cönä’jaacä JosÃa. 11JosÃa nnacoomo cönä’ja’to JeeconÃa, dhacontomo mmaja. Ñäädä JeeconÃa cönennui Waawidooniya ña jedeesoje iisadaaediitacoomo wataadojoodawäiñe.
12Yää ’jeje JeeconÃa nnedö cönennui, Sadaatiyeedeje töwö chäatö. Sadaatiyeede nnedö cönä’jaacä Sodoowaweede. 13Sodoowaweede nnedö cönä’jaacä Aawiyuudu. Aawiyuudu nnedö cönä’jaacä EediyaquÃn. EediyaquÃn nnedö cönä’jaacä Asoodo. 14Asoodo nnedö cönä’jaacä Sadhooco. Sadhooco nnedö cönä’jaacä AquÃn. AquÃn nnedö cönä’jaacä Eediyuudu. 15Eediyuudu nnedö cönä’jaacä Edeeasaada. Edeeasaada nnedö cönä’jaacä Matán. Matán nnedö cönä’jaacä Jacoowo. 16Jacoowo nnedö cönä’jaacä José. Ñäädä José cönä’jaacä MadÃa ño, Jesuuquidiito dhenö ño, ñäädä Äwaanacaaneije tä’täämö.
17Mädä wa’cä cönä’ja’to ñanno Aawadán atöödö; amoojadooto de’wä aacäichea iju’jä cönä’ja’to Aawadán jonno Dawà jona tödööene. Amoojadooto de’wä aacäichea iju’jä mmaja cönä’ja’to Dawà jonno Waawidooniya ña iisadaaediitacoomo wataadojo’jocoomo jona tödööene. Waawidooniya ña yaatadoojo’jocoomo jonno Jesuuquidiito wennudu jona tödööene cönä’ja’to amoojadooto de’wä aacäichea iju’jä mmaja.
Jesuuquidiito wennu’jödö
18Edääje Jesuuquidiito cönennui: Yeenö MadÃa cönä’jaacä José jadä töwä’döeemöje, töwäätäcamma’jo’jocoomo weijäcä. Yö’tä ä’dö’dadä MadÃa cönwensu’täi, EpÃiditu Santo woije. 19Dhanwa aashichaato José cönä’jaacä, ñäädä iiño; MadÃa cone’da ecaademe’jo’se’da cönä’jaacä. Tacaade’da mmaane e’nomja’se cönä’jaacä. 20E’nomjadö jäcä chö’tajäätödaawä Cajiichaana amoodedö cönäänejoi chäwwä, iwäänetöödö ai; cönä’döaacä:
—Amäädä José, Dawà weichö, ajiiñamooje MadÃa tödöödö mma monnontäi. EpÃiditu Santo woijato wamoodetaajä ñäädä iiñedö, töwennueemöje naadö. 21Iiñedö nennua’de, dhanwa’cä, Jesuuquidiitoje e’täcä’de. Töwö mädääje nätä’täja’de choone’nadiiyöcoomo jonno tösootoi ewaanacaaneichomooje töweiyemööje töweijäcä; quee cönä’döaacä amoode.
22Tameedä yää cönä’jaacä Cajichaana a’deddu nönge yeichö wetä, yää Wanaadi wa’deuwödö ecammanei cöneecammaichö:
23Dhanwa acä eijönö niwensu’ta’de; iiñedo nennua’de;
Emanweedaje nätä’täja’de; quee cöneecammaichö.
Wanaadi cöjaadäiñe na; quee töwä’dö’se yeichö mädä Emanweeda, quee naadö.
24Tönöcöödö jonno José wä’jäa’jäcä, töwö töjiiñamooje MadÃa cönnöi, Cajiichaana amoodedö wa’deuwö’jödö nönge. 25Chäänawä ei’cha töweiye cönä’jaacä yaawä iiñedö awa’deeto wennudu wa’cä. Jesuuquidiitoje cöne’täi yaawä.
Iliyochaguliwa sasa
MATEO 1: MCH
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014 Reservados todos los derechos