2 VAKORINZO LITANGILIRA
LITANGILIRA
Ibarwa yiyi yang'odwa himbi mu muhiga gwa 55 A.D. mieli mikekeeke vuzwa kutura ibarwa yukutanga niyaakang'odwa.
Ibarwa yakaviri ya Paolo yaahilira vandu Vakorinzo yang'odwa mu ing'inga lwa yaali nu vudinyu kigira livula kuhulirizana ni likanisa liali ha Korinzo. Valala ku vasangi vi likanisa vaali nivingiliyi Paolo havulavu, navuzwa lienya lilie linene liali vasamiihane nukwilana harara. Yamanyia vusangali vonene lwayaga gekoleka.
Mu kedonye chukutanga chi ibarwa yiyi Paolo yamoloma kuli uvuhambani vwivwe ni likanisa lia Korinzo vwali mu limoloma lilie, yiivara kivuni chagira navang'odera ibarwa induru kuli ndio kuturana ku amanyego ni lihing'ana mu likanisa. Uvusangari vwivwe vwali ndi, lwa yaali mululu, avandu va Korinzo vamanya ni viganira kandi ni vasamiihana nukwilana harara. Kunangwa yagoonya avasangi vahane isadaka yu vwihaani indahi ekoonye Avakristayo vaali ni lienya mu Vuyuda.
Mu miliango ju kumaliriza yakinga uvutumwa vwivwe lwa yagaya avandu valala vaali ha Korinzo avaari niveekoli kuva avatumwa vagiligali, ni vavoola Paolo aveeye umutumwa wu vugadi.
Agaveeye mu kitabu yiki
Litangilira 1:1-11
Paolo harara ni likanisa ha Korinzo 1:12—7:16
Isadaka ya Vakrisitayo vaveeye Ivuyuda 8:1—9:15
Liekinga lia Paolo liu vunyali vwivwe kuli mutumwa 10:1—13:10
Limaliriza 13:11-13
Iliyochaguliwa sasa
2 VAKORINZO LITANGILIRA: LOGOOLI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©Bible Society of Kenya, 2019