LUKAS 1
1
Men Lebok Yuba
1Teofilus, perob senenggomnya o! Nimi nauba adya nu gangganek an yokaĘľ-yokaĘľ nidyaĘľ unulumokaĘľ ara, pe yana lelewoka bolowoka momnya dobnob senewoka dulumak. 2Ban nidyaĘľ yokaĘľ-yokaĘľ unulumokaĘľ anyek, men ek ab okoka eiyiboka kemek nang edya, anya onoĘľ sikja dara, yok nim ek leb elekdo yabalamak nang edya, nuk lero yeilisik sok, sikda anara lelewoka momnya dolomak. 3Wera anasa, unulumoknya nidyaĘľ ara, nadya anam men unub einimokaĘľ abaĘľ ara seleb pe lelewoka einiro yasakanya, nara neyung anak ban nidyaĘľ ara pe yana lelewoka momnya doboka, beibgunun senewoka ulumna. 4Wera anedya, neyung anak an neklenjek yuba dara, aldib unumokaĘľ ak senewoka ella ululomaĘľ aboka unuwanamna.
Yohanes Pembaptis BeibnemokaĘľ Amba Lebok Yuba
5 #
1Taw. 24:10
Wera Herodes bera Yudea sokok sam wenesin dubnya dangoka ulumok sum enyek, Imik Neyung yuba wa gaknya hnon alja si Zakharia, Abia nang yilaĘľ ak abnya bek ulumok. Alja gel gedya si nera Elisabet, albabya Harun nimi yilaĘľ ak ab gel gek ulumok. 6Dara sik nang penya era, Imik Neyung ganya ak pe hekel eleklereekanya, Imik Neyung adya oruksin yub eb, sobaĘľ amba meemen yub eb dara, meknenaĘľ orokaĘľ anyek, pe unulurek. 7Bok, Elisabet gera seleb me you gel dangamookanya, sik nang penya era seleb yamen dangarek adya, sikda me hnon beibnenggurek.
8Dara yok sum enyek, al nang yilaĘľ adya Imik Neyung ak pama oboka beilin sum dangamok dara, Zakharia bera Imik Neyung saramek ban wa nenyek webe balamok. 9Nenera sik wa nen welemek nanga nidyaĘľ hiboka, or sobaĘľ unulumek sok, ban sum era heknyek wekoka gibnemak do aboka aklenga bomdemek dara, wera Zakharia bedya Imik Neyung e lomok wekoka, unuruwaĘľ ara alja uka daboka gibnamla aboka sekiyimek. 10Wera ban anam Imik Neyung adya mem ek sam uka daboka gibnaĘľ salek dok dara, beiyek sam ara nimi nauba longowoka diri uboka, heng uboka mololemek.
11Dara ban unulumok salek, Wenelesilnya bedya lero era uka daboka gibnaʾ oulyanga sirik ek sam alak lanawoka sekok. 12Alda anyek eillilimok dara, alja ganya eb menegoka loka dabok. 13Bok lero enedya alak, ”Zakharia o, anda lok ganya bonggom mem! Imik Neyung ara anja molonaʾ seleb kenggel. Anja gel Elisabet gera me bobnamlakanya, nengma ak beibnamla. Dara, me si ara Yohanes aboka sibnelam. 14Dara, anda perob senewoka ganya eiya dabnenggel. Anya onoʾ yok nimi nauba adyaʾ anaba, ban al beiblyaʾ amba leboka hyak perob anasa, eiya dabnesil. 15#Bil. 6:3Anasa alda, Wenelesilnya bedyaʾ saramek ab senenggomnya danamlakanya, yu mek gom, anggur dok mek ab dara, denggulumnamla. Anya alda anam beiblya salek ebaʾ ara moruwoka, Imik Neyung Geisinya adyok deknewoka ulumnamla. 16Dara al adya, nim Israeli nimi nauba sikjaʾ Wenelesilnya Imik Neyung bek sam saaboka doboka bo yanasil. 17#Mal. 4:5-6Anya alda Wenelesilnya bek ab dara, alak men yuba lero bokol yangganya danamla. Dara alda Elia be ulumok sok, eili bera alaʾ me ak ganya dangawoka, ganya malya nim era pelemak nimi ganya ak dangawoka unuwanokaʾ aboka, hyak migibnya senenggomnya ulumnamla. Ban unuwanamlaʾ adya, Wenelesilnya bemba nimi nauba orowek meewoka beibnamla,” hyok.
18Wenyek Zakharia bera lero ak, ”Ban leblam yub era, nara aldib dib danamlaʾ anyaʾ aboka dara, hekaʾ huboka ella danamna do? Nera nara seleb yamen dasakanya, onoʾ nadya gel geneba nonga kaboka, seleb yamen anasa lebna,” hyok. 19#Dan. 8:16, 9:21Dara onoʾ on lero enedya Zakharia bek, ”Na anera Gabriel, Imik Neyung al dam uboka aranaʾanya ulumna. Dara Imik Neyung adya Zakharia bek wenyal bilom aboka bokdo dorogonelaʾ ak, ban perob yub enera wenyal yeilinggen. 20Wera hekaʾ ak nadya nidyaʾ lebnaʾ ara, anda dib senewanggublam anasa, anda yuba goma dangamenaʾ ara, ban nidyaʾ lebnanya nen pe gigiwalya sum era, anda onoʾ yuba sab einiwanelam,” hyok.
21Dara ban salek era, nimi nauba Zakharia bek diri ubdibigemek. Dara Zakharia bera Imik Neyung e lomok ara, hekasa mandemla do senewoka ganya lokja senemek. 22Bok Zakharia bera seleb beiyek goboka yibok dara, anyagan alak diri ulumek nim ek sam yuba hnon sab eleganggubsuk dara, alda Wenelesilnya bedya e lomok ara yokaĘľ hnon eiyimla senewoka ella ubek. Anya alda seleb yuba sibamaĘľ leboka, yuba goma dangamokaĘľ anasa, soruk adya ok gwakdewoka lelemok. 23Dara Wenelesilnya bedyaĘľ ek sam alja webnesonya wa nera seleb webdakok dara, alda ek sam byuk.
24Wera ubdabla henggonggom, alaʾ gel Elisabet gera me bobok. Dara, ek ab gobnaʾ orok anyek, walaʾ lambadya mabok. 25Anya lebokja, ”Wera Wenelesilnya bedya nasamba yokaʾ unuwanelaʾ ara an. Anya wera, onoʾ alja nak eiyiba darawanyoknya nera, nimi hougung ak ab dara gebdebnenel anyaʾ,” wenhyok.
Yesus Beibnamla Wenyal Yok Yuba
26Wera seleb hnab walaʾ yenewok dara, Imik Neyung lero si Gabriel ak, anda Galilea sokok, hnon heik si ara Nazaret heikek, binilam aboka orugok. 27#Mat. 1:18Dara nenya mekaʾ salanaʾ orok gel, goubenenya be hnon, Yusuf alameknya, alda Daud nang yilaʾ ak abnya bedya molob lomok gel, alja si nera Maria gek, alak binilam aboka orugok. 28Wera lero era Maria gedyaʾ ek sam wekel yeiniboka, ”Wei perob, anak perob senelenggel gel o! Wenelesilnya bera anab neikaʾ ulurum,” hyok.
29Dara Maria gera ban wenhyokaʾ anyek kebookanya, alda hyak lok ganya boboka, ganya lomok, wera ban unuro gibnelaʾ ara, damok ara hekaʾ amba lebla do senewoka seiniwok. 30Bok an lero enedya saaboka Maria gek, ”Wei Maria o, Imik Neyung hogung ak ara anak perob senenggelaʾ anasa, anda lok ganya bonaʾ ara mem. 31#Mat. 1:21Aldib, anda me bobnelamakanya, nengma hnon beibnelam. Dara alja si nera Yesus aboka sibnelam. 32#2Sam. 7:12, 13, 16; Yes. 9:7Alda hyak imiknya danamlakanya, Imik Neyung imik ululanya bedya me aboka si silimnemak. Anya Wenelesilnya Imik Neyung adya, aljabo Daud bek dubnya bulumok ekla bunaʾ enyek, alak eleganamla. 33Anya alda Yakub nang yilaʾ ak wenesin dubnya dangoka, hyak sob-sobaʾ ulumnamlakanya, alja wenelemnesilaʾ ara hyak denghenggunumla,” hyok.
34Bok Maria gedya lero enyek an, ”Nara nenya adya hnon mekaʾ salanenaʾ orok bok anasa, ban leblamnya nera har so huboka nak ara dib danamla do?” hyok. 35Wenyek lero enedya saaboka, ”Imik Neyung Geisinya ara an nong ak yanamlakanya, Imik Neyung hyak imik migibaʾ ululanya bedya migib era anak golul yanenggel. Anesemba, anja eimik beibnelam me nera, alda Imik Neyung bedyaʾ geisa me alamnemak. 36Anya hnonda an dogol Elisabet gera, albabya yamen dib me bobnamlakanya, nengma ak beibnamla. Anya me you gel aboka silimaknya nera, wera alsamba dara, seleb walaʾ hnabnya mabla. 37#Kej. 18:14Anasa wera, Imik Neyung ak dara, yokaʾ hnon unuwanggunusonya nera mekaʾ hnon unggulumla,” hyok. 38Danyek Maria gedya, ”Nara aldib Imik Neyung adya wa wenya ulumna; anasa or anja leblamaʾ sunuwoka or nak an unuwonulul,” hyok. Dara lero era, Maria gek lobonggookanya byuk.
Maria Geb Elisabet Geb Eibdarek Yuba
39Li wen maboka ubok dara, Maria gera lanawoka balamokaʾ ara, Yudea sokok mek meinik sam heikek byuk. 40Wera lanel byuk dara, alda Zakharia bedyaʾ ek wekel byuukanya, Elisabet gek perob aboka men gibok. 41Dara Elisabet gera, Maria gedya gibel yabokaʾ anyek kel yabok sab-sab, alja mon lomok bomok me nera nauba ebegookanya, Elisabet gera Imik Neyung Geisinya adyok deknero lobok. 42Anasa alda yuba nauba yeiriwoka lebokaʾ ara, ”Nimi gelewa nauba ulumakaʾ gangganek ara, anak danyek Imik Neyung adya perobaʾ lebnenggelekanya, anja me bolamaʾ anaba pewanamla,” hyok. 43”Wera nara hurub so gel gek anasa, Wenelesilnya eilinggera nak an kemel yanel do? 44Nera anja nak gibel yabenelem sab-sab, nadya ok an kel yaban dara, nadya monok an me nera, perob anasa nonggo aboka eiya hlabla. 45Dara Wenelesilnya bek ab alak wenyalenya nera dib dangalamlaʾ anasa, seleb unuwanamlaʾ anyaʾ dib senemeija nim era pe ulumak,” hyok.
Maria Gedya Seboka Gibok Ber Yuba
46 #
1Sam. 2:1-10
Dara Maria gedya lebokaĘľ ara,
”Nadya nong unaʾ era Wenelesilnya bek giblamla.
47Anya nadya ganya era Imik Neyung ara nadya bleblenelnya ulumla anasa, hyak eiya dablenel.
48 #
1Sam. 1:11
Nera nara alja aranaĘľ gel gedya, nadya dolbalek seneldininaĘľ anyek, alda keeboka pewanel anasa, aldib wenyok ab mouruwoka, nimi nidyaĘľ soko dubuk an ulumak nim edya dara, gel gera alak or pebok wenyalamnenyak.
49Nera hyak imik migibaĘľ senenggom ululanya bedya, yokaĘľ-yokaĘľ senenggom damok era, nak an unuwanelaĘľ anasa, alja si nera, hyak geisa nong ak ulumla.
50Anya alja angoo yadyek senenaĘľ ara nimi nidyaĘľ lunu-lunu nebgiga balamnamak nim, Imik Neyung ak alak lok ulumak nim ek ulumnamla.
51Imik Neyung alja migib era alja soruk pik ab laga amalamlakanya, senenggom nong soruk goukwa edya, ganya lomok dengdang ganya boboka imik neneldalamak nang era doluwoka bokol goklamla.
52 #
Ayb. 5:11, 12:19 Sokok an senenggomaĘľ dub nang era, sikja bulumak ekla bunaĘľ ak sam boulenglesilikanya, sokok so nim ek danyek, imik nenelesil.
53Alda denaĘľ garan ulumak nim ek, perob ok salyaĘľ goklaboka eleklesilikanya, bonaĘľ dub ulumak nim ek dara, malya nenewoka soruk dem bululum aboka yaklesil.
54Alda alja ganya angoo yadyek senenaĘľ anyek seiniwoka, alda alja wa wenya Israel bek aralamla.
55 #
Kej. 17:7
Nenera alda nunjaʾ youmaʾ nauba nim, Abraham bemba hnon, alja mengerob nang yilaʾ amba hyak dibaʾ unulumnesin wenyamokaʾ sunuwoka unulamla,”
wenyaboka gibok.
56Dara Maria gera, Elisabet geb walaĘľ winilya ubdeekanya, wera onoĘľ alja ek byuk.
Yohanes Pembaptis Beibok Yuba
57Wera Elisabet gera me bomokaĘľ ara, me beilin salek era oka dok. Dara Elisabet gera nengma ak beibok. 58Dara, aljaĘľ neik heikek nim eb, al nimi yilaĘľ ab dara, Wenelesilnya bedya alak angoo yadyek senewoka arawal an yuba kemek dara, alab sikeneb neikaĘľ hyak perob aboka eiya hlaboka lelemek.
59 #
Im. 12:3
Wera me nera seleb li linbadya mabok dara, me nera bokaʾ garawanokaʾ aboka sikda yeiniboka, me nera aljaʾ neyung bedya si hema Zakharia aboka si sibnemab senemek. 60Bok, alja genong gedya danyek, ”Mem! Alda Yohanes aboka sibnemab,” aboka lebok. 61Dara sikja alak, ”An si nera an nimi yilaʾ gangganek ara Yohanes aboka si sinaʾ orok bok anasa lemab,” hyek. 62Dara onoʾ, sikja soruk adya gwakdewoka Zakharia bek, alja alaʾ me ak ara hek si nek sib eleganemla do aboka heilimek. 63Danyek Zakharia bera girik lagasa adya momnya don go nenyek molowookanya, ban wenyaro webok, ”Alja si nera Yohanes,” aboka momnya dobok dara, nimi nidyaʾ banasa salyeknya senemek. 64Dara al ban sab-sab eneba, alja si bakookanya, silyuma daramokaʾ ara glogokanya, alda yuba goboka saboka, Imik Neyung ak perob aboka gibel yabok.
65Anasa, sik ok berem ulumek heik nimi nidyaʾ ab, anya ban anaso unuwal an yub era, Yudea moka meina nidyaʾ ara oboka lelewok. 66Dara nimi nidyaʾ ban unuwal an yuba kemek nim edya dara, ”Wenelesilnya bedya alja soruk alak aralemokaʾ anasa, eimik era hekaʾ danamla me do?” aboka unu seiniwoka heibdangdo balamek.
Zakharia Bedya Seboka Gibuk Ber Yuba
67Dara Zakharia, Yohanes eili bera, Imik Neyung Geisinya adya deknewoka ubookanya, anaso unuwanamla aboka ununumnaĘľ lebokaĘľ ara,
68”Alda alja nim ek yeiniboka, siksamba heng lobnaʾ deknaʾ bo yal anasa, Israeli nim edya Imik Neyung sikja Wenelesilnya bek ara giblenok e.
69Alja wa wenya Daud be pik nang yilaĘľ ak ab uboka, alda nusamba blebsinaĘľ bonga hnon sekiyiwal.
70Wenelesilnya bedya youmaĘľ enyek moruwoka, alja geisa ununumnaĘľ lelemek nang edya si bamaĘľ pik uboka orowek wenyasuk sok, sunuwoka wera unuweisil.
71Nera nunja malya nenelesak nang ek ab hnon, nunja isaĘľ nang ek ab hnon, blebsil.
72Hnonda angoo yadyek senewoka arasinaĘľ alja geisa unuwanasin aboka lemoknya nera, hyak munaĘľ dib unuwanamna amokaĘľ anasa, bekoka unuwal.
73NunjaĘľ neyung youmaĘľanya Abraham bek, alja perob eleknaĘľ nuk eleganesin amokaĘľ ara, bekoka unuwal.
74Anedya nunda lok ganya bonaĘľ orokaĘľ anyek, Imik Neyung ak arawoka webnokaĘľ aboka, nunjaĘľ isaĘľ nang ek ab blebnesil amok anasa, unuwal.
75Nera aljaĘľ saramek ara nunda geisa uboka, pe ulunokaĘľ aboka, unuweisil.
76 #
Mal. 3:1
Anya anda najab o, anak dara, Wenelesilnya bedya pika meewoka yarawalom aboka, anda men mengewanelam anasa, Imik Neyung hyak imik ululanya bedya ununumnaĘľ lenya aboka si silimnenjak.
77Imik Neyung ara alja nim ek, sikja malya unaĘľ era sikenek ab meewoka, anara blebnesilaĘľ ak ulusil aboka, an ganya enyek mablulaĘľ aboka ubla.
78NunjaĘľ Imik Neyung bek ab ganya sanganaĘľ ab, angoo yadyek senenaĘľ ab dadya, alda nuk kemel yeisilikanya, alja heng era lugunaĘľ nonga dorogal.
79 #
Yes. 9:2
Nera sik lok ganya hwam uboka, gunaʾ hnoum ulumak nimi gong enyek yeblesilyekanya, nunja yan era hyak perob pik, ganya pe namenaʾ un heklesil pik eboka bo binisil amba,”
wenyaboka lebok.
80Dara me nera, nauba nebgiga balamookanya, ganya lomok anaba nauba kaboka nebgiga balamok. Anya alda hwalek ok ulwenelemokaĘľ ara, nim ak laga danamok sum era geknewok dara, ban sum ok wera laga nenebdok.
Iliyochaguliwa sasa
LUKAS 1: LAINLC
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
