KORINTUS HOM Meijouhw
Meijouhw
Paulus ouman dag leng Krisden se cinogo Korintus ingga, kaba, len lemen dougwo lusud se meren goucimdeb sug len lebesesarero. Doba lamsoho len dara leimiman lenin meroho an gin namcir. Dara en ouman dag len merdoc emebdebin an Krisdus dag mohon toua deitero. Doba len lei merums naugb areg gembala areibahau lebedbed dou len. Dara en emowun len, anai len lekebem touohob. Dangga hang, Paulus og men surad gin dou len, dauntoba en en dougwo len an meren geicara gecgu. Dara en ens dau areg len leija meruwesa meijouhw asesa dou len toua deit. Anai cinogo Korintus gin, kaba, beimes moho agas se leng Akeiya meren hancob. Hang leng leigtou se cinogo ingga, kaba, len merdoc agas namcir. Dara len merisirebsa dara laimo areg gecgu augwan. Dara len lamsoho lusud sug len lesijaresa seiseij einyana. Dara len merdoc ebdebin an aremougb einyana naugb len lohwaresa toua terimda. Hang en en dougwo len naugb len lemekebim dara lemamsoho leng lebesesar se goucimdeb len touwero. Doba len locirma len dau namcir. Dara ens dau sug lusud laimom dara leicim dou len.
Dauwohob, kaba, en esulou len dauntoba lusud lemetob dau Krisdus icira meren geicara. Dara len lemenara augwougb sug len leisa Ari touwero, doba len laimo augwan aududi dous. Hanoba en ens dau mou ouforoho dara goubesa areg Mena Gogoufu eic dou len, dara eisaugb len leisa dau gomom.
Se pasal 13, kaba, Paulus ens dau meren geicara sug len merdoc gororougb lusud dag misen meijouhw augwan asesa dou len toua. Pasal gini, kaba, lusud lecinaga gini edreg dau pasal gus se Korintus augwan namcir.
Hancob Aududi:
Paulus ou leng Korintus dara en sijo dou Allah naugb len. 1:1-9
En en dougwo len naugb len lemekebimero. 1:10—4:21
En esulou len naugb len lemamsoho leng merisirebsemero. 5:1—6:20
En ens dau sug len leicim era lemeicimero meijouhw augwan. 7:1-40
En esulou len naugb len lemet mog gedig lusud lesijaresa dou seiseijero. 8:1—9:27
En en dougwo len naugb len lemesijaresa seiseij deitero. 10:1—11:1
Ligida meren geicara se tuari. 11:1-16
Ucina misen eisaugb Sogo Mera Mohu. 11:17-34
Eisaugb mou ouforoho dara goubesa areg Mena Gogoufu eic dou maman. 12:1-31
En esulou len naugb len merdoc gogorougwim. 13:1-13
Gesai Mer Geigouhw eisaugb Krisdus eigouhw edreg dau sug len lec merir susugb. 14:1-40
Meijouhw dau sug Krisdus dara maman Krisden eisa dau gomom ucugb. 15:1-58
En acgeij len dauntoba len lesedeb aregoufu naugb leng sireber se Yerusalem. 16:1-4
En ens dau areg en esedebohob meijouhw asesa dou len. 16:5-12
Paulus esulou dara ou len sug ouwedoc. 16:13-24
Iliyochaguliwa sasa
KORINTUS HOM Meijouhw: INOSOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
ALLAH MEN GOS DOU MENAU © Indonesian Bible Society 1996, 2016