JAKARIA 14
14
Yerusalemu wau babaa-ngusawalo
1Dulahee pomutoaĚ’a lo Eeya malembidei. Yi Yerusalemu maa lambatolio, wau tilapulio mataya-tayadulio totalu lomatomu. 2Eeya mamongambu ngoaĚ’amila bangusa u moluhu Yerusalemu. Kota boito mahamaalio, bebee-leelio lambatolio, wau mongobualio polokosaalio. Ngotayadu lo ulipulio mabintaoĚ’lio ode playahu, bo lebelio mamo tibiluloaĚ’ tokota boito. 3LapataoĚ’ Eeya mamomaju wau mopaatea moluwali babaa-ngusawalo boito, debo odelo u pilohutu-Lio tojamani muloololio mai. 4To dulahee boito Eeya matimihula to Huludu Jaitun, to ambahu tiimuru lo Yerusalemu. Yi Huludu Jaitun mamobutaoĚ’ sababu lumbaya u luasi, tumulalo mai monto tiimuru, demola otolopa. Ngotayadu lohuludu boito mauĚ’moliyooĚ’ ode tilayo, wau ngotayade poli ode huliaalio. 5Timongoli matumeteoĚ’ molibaya lumbaya u molayade huludu boito mowali duluo. Timongoli matumeteoĚ’ debo odelo tinenemoyaamu touĚ’ lotoduo mai liluhu to maasa pamalenta lei Ujia, olongia lo Yehuda. LapataoĚ’ dungga-dunggaalo mai Eeya Allahu TaaĚ’alauĚ’, tilunuhe lo ngoaĚ’amila malaiĚ’kati.
6Wonu dulahee boito meidungga, diilalo woluo dulente mohuhulo meaalo esi. 7To dulahee boito diilalo woluo u modioĚ’lomo. Mato lodulahu maadebo mobaango, wau olo touĚ’ hui. Bo Eeya wambaoĚ’ tamotota omolua dulahee boito meidungga.
8To dulahee boito, taluhu seehati matumolohe monto Yerusalemu; ngotayadu monto taluhee boito matumolohe ode Lau Mati wau ngotayadio poli ode Lau Tenga. Taluhee boito matumolohe ngohilayaaĚ’ lotaunu, mopio tosembo lodidi meaalo tosembo lo polodulahu. 9Yi Eeya mamo malenta odelo olongia to ngoilanggubu tudu lodunia; timiiĚ’du tau mamolubo o-Lio odelo Allahu TaaĚ’ala wau motota o-Lio wolo tanggulo u tutuuwauwa.
10Ngoilanggubu lipu monto Geba totilayo demola Rimon to huliaalio, mamowali datahu. Bo Yerusalemu mabihe-biheela molanggato, lebe molanggato wolo huta topalitio; kota boito mamolauasi monto Huhebu Hulubangi Benyamin tunggula ode Huhebu Hulubangi Tutulio, deuĚ’yito-yito tambati hulubangi Bohulio wau monto Monala Hananel tunggula ode tambati pomitodelo angguru miliki li olongia. 11Tau-tauwalo mamo tibiluloaĚ’ wolo aamani tokota boito, diaaluo aanjamu obobinasa.
12 Eeya mamopo dungga mai ngongoto u mooĚ’tihela hapato ode yitaato ngoaĚ’amila bangusa tamaa lopaatea loluwali Yerusalemu. Mato wau dila limongolio, tumbaoĚ’ ngangaawaaĚ’lo maoĚ’ limongolio mamo hutodu touĚ’ timongolio donggo hitumula.
13To dulahee boito Eeya mamohutu mai babaa-ngusawalo boito molingu daa wau moohe tilinggula timiiĚ’du tau mamoheuĚ’upa tamanilio tawoluo to ngotualilio wau moluhu olio. 14Tau-tauwalo mongo lolai to Yehuda mamopaatea u mopoduulua Yerusalemu. Odelo balangi yilambato, timongolio mamohama ngoaĚ’amila halata lo babaa-ngusawalo to palitio debo odelo hulawa, talaaĚ’ wau pakeeangi u hihuntu-huntua.
15Hitua-tuawua ngongoto u mooĚ’tihela hapato olo mamolemba to wadala, bagal, unta wau kolodai, boli ngoaĚ’amila binatangi tokema lomusu.
16LapataoĚ’ ngoaĚ’amila taa udonggo tumu-tumulo towolota lo babaa-ngusawalo taloluhu Yerusalemu, mamonaoĚ’ ode kota boito u molubo li Olongia, Eeya Taa Laba-labaalo kawasa, wau u moporame Potihunggu Wombohe Duungo. 17Wonubolo woluo bangusa tadiila mohuto monaoĚ’ ode Yerusalemu u molubo li Olongia, Eeya Taa Laba-labaalo kawasa, yi tolipulio diila tamolaahei didi. 18Wau wonu tau lo Masiri diila mohuto moporame Potihunggu Wombohe Duungo, yi timongolio olo matembaa lo ngongoto u pilopo dungga lo Eeya ode timiiĚ’du bangusa tadiila mohuto monaoĚ’ motabia. 19Ui-uitolo hukuumani ode Masiri wau ode ngoaĚ’amila bangusa tadiila mohuto moporame Potihunggu Wombohe Duungo.
20To dulahee boito bebee-liyaalo to pakeyangi lowadala mapaisakalo wolo tataa-heyaalo, “Pilopo tolomodu ode Eeya”. Papaa-njiyaalo to Bele lo Eeya mahalagaalo debo odelo mamaa-nggowaalo dewo totalu lomesba. 21Ngoa̒amila panji to Yerusalemu wau to ngoilanggubu lo Yehuda mapo tolomodulo mowali miliki lo Eeya Taa Laba-labaalo kawasa. Ulipu tamopodewo bake mamomake mao̒ u molahee tapu lopodewo. Wonubolo maasa boito meidungga, diilalo woluo tamoo-dahangia to Bele lo Eeya Taa Laba-labaalo kawasa.
Iliyochaguliwa sasa
JAKARIA 14: LAIGOR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia