ABALAWI 20
20
Ebisusuro ase ogotaigwera
1Omonene agatebia Musa,
2“Kwana n’Abaisraeli, obatebie: Monto onde bwensi oino, gose omomenyi omenyete ase egati yaino, orarue omwana onde oye ase enyasae Moleki, goika aitwe akwe. Omoganda oino bwonsi omoake amagena. 3Inche omonyene nimbe nendamwamu ase omonto oyio, ekiagera orure omwana onde oye ase enyasae Moleki. Nimwatanane korwa ase abanto baye, ekiagera ogerire Obomenyo bwane Obochenu bobe obotachenegeti, na orenteire erieta riane richenu obosooku. 4Onye abanto b’ense yaino bakoombia, tibaita omonto oyio orure oyomo bw’abana baye ase enyasae Moleki, 5erio inche omonyene nimbe nendamwamu ase omonto oyio na eamate yaye. Nimwatanane amo nabanto bonsi bamobwatirie, ekiagera bakoonchokera enyasae eria Moleki, ase okoyesasima, bakaba abatari abegenwa asende; nimbasirie korwa ase abanto baye.
6“Onye omonto okorigia ogosemigwa korwa ase abanto bakoboria amang’ana korwa ase emeika y’abanto bakwete, gose kogenda ase abarogi, taba omwegenwa asende, korende abe ogosasima emeika eyio, inche nimbe nendamwamu ase omonto oyio, na imwatanane korwa ase abanto baye. 7Eatanane, mwerue mobe abachenu, ekiagera inche ninche Omonene, Nyasae oino. 8Mobwate amachiko aane na koyakora; inche ninche Omonene, nkobachena.
9“Kera omonto okoragereria ise gose ng’ina, oyio goika akwe. Ekiagera oragereirie ise na ng’ina, okomocha kw’ogoiteka kw’amanyinga aye nigo korabe okwaye.
10“Onye omonto ogotomana nomokungu bw’omonto onde, abwo babere, omosacha oria amo nomokungu oria, goika baitwe bakwe. 11Onye omonto okorara nomokungu ore moga ise, igo orenteire ise obosooku; abwo bonsi babere goika baitwe bakwe. Okomocha kw’ogoiteka kw’amanyinga abo nigo korabe okwabo. 12Onye omonto okorara na moka momura oye, abwo bonsi babere goika baitwe bakwe; bakorire okogechia. Okomocha kw’ogoiteka kw’amanyinga abo nigo korabe okwabo. 13Onye omosacha okorara nomosacha onde buna akorara nomokungu, abwo bonsi babere bakorire okogechia okobe; goika baitwe bakwe, na okomocha kw’ogoiteka kw’amanyinga abo nigo korabe okwabo. 14Onye omonto okonyuoma omokungu aire na ng’ina biara abasang’ananie, obwo nobonyaka obobe. Omosacha oria amo nabakungu baria babere basambwe nomorero bakwe, erinde obonyaka buna obwo tiboba ase egati yaino. 15Onye omonto okorara neng’iti, omonto oyio aitwe akwe, na eng’iti eyio eitwe ekwe. 16Onye omokungu ogoika eng’iti ende yonsi ang’e, na korara nero, omokungu oyio goika aitwe akwe, na eng’iti eyio eitwe ekwe. Okomocha kw’ogoiteka kw’amanyiga abo nigo korabe okwabo.
17“Onye omonto okoira omoiseke omwabo, oyo o ise gose o ng’ina, nabwo barorerane bare getirianda, obwo nobosooku obonene. Barabwo goika baatananwe barusigwe ase amasio ’abanto b’egesaku kiabo. Omonto oyio orenteire omoiseke omwabo obosooku. Obobe bw’ogosaria okwo nigo borabe igoro y’omonto oyio. 18Onye omonto omosacha okorara nomokungu ekero abwate omotienyi, omonto oyio orenteire omokungu oyio obosooku ase okorora ensoko y’amanyinga aye, nere oorokirie ase amanyinga agoiteka korwa; abwo babere baatananwe korwa ase abanto b’egesaku kiabo.
19“Tobaisa korara nomoiseke omwabo nyoko, gose omoiseke omwabo iso; obwo nobonyaka obobe, ekiagera abwo nabanyako moke. Obobe bw’ogosaria okwo nigo borabe igoro yabo. 20Onye omonto okorara na moga ise moke, omwabo ise, igo orenteire ise moke obosooku. Egesusuro ki’ogosaria kw’ebibe biabo nigo kerabe ekiabo, na barabwo nigo barakwe bataiboreti bana. 21Onye omonto okoira moka momura omwabo, okwo nogosaria, ere orenteire momura omwabo obosooku. Barabwo nigo baragombae.
22“Ase ayio mobwate amachiko aane na emeroberio yonsi nabachikire, na moyakore, erio ense eria ase nkobaira mogochia komenya tebaanga gose tebaseria korwa aroro. 23Timochia kobwatia chingencho chi’abanto b’egesaku keria ngochia goseria kerue ase amasio aino; barabwo nigo bakorete amang’ana ayio onsi, na ase engencho y’ayio nkagechigwa nabarabwo. 24Korende inabarierete inwe eira ng’a nimbae ense yabo ebe omwando oino, ense entenenku ere namabeere na amooke. Inche ninche Omonene, Nyasae oino, nabaatananire inwe korwa ase ebisaku binde. 25Inwe goika momanye gwatanana ching’iti chichenegete korwa ase echitachenegeti, ne chinyoni chichenegete korwa ase echitachenegeti. Timobaisa gwesoyia ase ogotacheneka ase okoria ching’iti gose chinyoni chitachenegeti, gose timoria ching’iti chinde chionsi chikwagura ase ense, echi naatananire chibe chitachenegeti asemore. 26Inwe mobe abachenu baane, ekiagera inche Omonene nigo inde omochenu, nabaatananire korwa ase ebisaku binde, erinde mobe abaane.
27“Omosacha, gose omokungu, orarigie ogosemigwa korwa ase emeika y’abanto bakwete, gose oyore omorogi, goika aitwe akwe. Abanto abwo baakwe amagena bakwe; okomocha kw’ogoiteka kw’amanyinga abo nakobe okwabo.”
Iliyochaguliwa sasa
ABALAWI 20: EKEGUSIIBBLE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
OLD EKEGUSII BIBLE PROTESTANT EDITION
©Bible Society of Kenya, 2020
ABALAWI 20
20
Ebisusuro ase ogotaigwera
1Omonene agatebia Musa,
2“Kwana n’Abaisraeli, obatebie: Monto onde bwensi oino, gose omomenyi omenyete ase egati yaino, orarue omwana onde oye ase enyasae Moleki, goika aitwe akwe. Omoganda oino bwonsi omoake amagena. 3Inche omonyene nimbe nendamwamu ase omonto oyio, ekiagera orure omwana onde oye ase enyasae Moleki. Nimwatanane korwa ase abanto baye, ekiagera ogerire Obomenyo bwane Obochenu bobe obotachenegeti, na orenteire erieta riane richenu obosooku. 4Onye abanto b’ense yaino bakoombia, tibaita omonto oyio orure oyomo bw’abana baye ase enyasae Moleki, 5erio inche omonyene nimbe nendamwamu ase omonto oyio na eamate yaye. Nimwatanane amo nabanto bonsi bamobwatirie, ekiagera bakoonchokera enyasae eria Moleki, ase okoyesasima, bakaba abatari abegenwa asende; nimbasirie korwa ase abanto baye.
6“Onye omonto okorigia ogosemigwa korwa ase abanto bakoboria amang’ana korwa ase emeika y’abanto bakwete, gose kogenda ase abarogi, taba omwegenwa asende, korende abe ogosasima emeika eyio, inche nimbe nendamwamu ase omonto oyio, na imwatanane korwa ase abanto baye. 7Eatanane, mwerue mobe abachenu, ekiagera inche ninche Omonene, Nyasae oino. 8Mobwate amachiko aane na koyakora; inche ninche Omonene, nkobachena.
9“Kera omonto okoragereria ise gose ng’ina, oyio goika akwe. Ekiagera oragereirie ise na ng’ina, okomocha kw’ogoiteka kw’amanyinga aye nigo korabe okwaye.
10“Onye omonto ogotomana nomokungu bw’omonto onde, abwo babere, omosacha oria amo nomokungu oria, goika baitwe bakwe. 11Onye omonto okorara nomokungu ore moga ise, igo orenteire ise obosooku; abwo bonsi babere goika baitwe bakwe. Okomocha kw’ogoiteka kw’amanyinga abo nigo korabe okwabo. 12Onye omonto okorara na moka momura oye, abwo bonsi babere goika baitwe bakwe; bakorire okogechia. Okomocha kw’ogoiteka kw’amanyinga abo nigo korabe okwabo. 13Onye omosacha okorara nomosacha onde buna akorara nomokungu, abwo bonsi babere bakorire okogechia okobe; goika baitwe bakwe, na okomocha kw’ogoiteka kw’amanyinga abo nigo korabe okwabo. 14Onye omonto okonyuoma omokungu aire na ng’ina biara abasang’ananie, obwo nobonyaka obobe. Omosacha oria amo nabakungu baria babere basambwe nomorero bakwe, erinde obonyaka buna obwo tiboba ase egati yaino. 15Onye omonto okorara neng’iti, omonto oyio aitwe akwe, na eng’iti eyio eitwe ekwe. 16Onye omokungu ogoika eng’iti ende yonsi ang’e, na korara nero, omokungu oyio goika aitwe akwe, na eng’iti eyio eitwe ekwe. Okomocha kw’ogoiteka kw’amanyiga abo nigo korabe okwabo.
17“Onye omonto okoira omoiseke omwabo, oyo o ise gose o ng’ina, nabwo barorerane bare getirianda, obwo nobosooku obonene. Barabwo goika baatananwe barusigwe ase amasio ’abanto b’egesaku kiabo. Omonto oyio orenteire omoiseke omwabo obosooku. Obobe bw’ogosaria okwo nigo borabe igoro y’omonto oyio. 18Onye omonto omosacha okorara nomokungu ekero abwate omotienyi, omonto oyio orenteire omokungu oyio obosooku ase okorora ensoko y’amanyinga aye, nere oorokirie ase amanyinga agoiteka korwa; abwo babere baatananwe korwa ase abanto b’egesaku kiabo.
19“Tobaisa korara nomoiseke omwabo nyoko, gose omoiseke omwabo iso; obwo nobonyaka obobe, ekiagera abwo nabanyako moke. Obobe bw’ogosaria okwo nigo borabe igoro yabo. 20Onye omonto okorara na moga ise moke, omwabo ise, igo orenteire ise moke obosooku. Egesusuro ki’ogosaria kw’ebibe biabo nigo kerabe ekiabo, na barabwo nigo barakwe bataiboreti bana. 21Onye omonto okoira moka momura omwabo, okwo nogosaria, ere orenteire momura omwabo obosooku. Barabwo nigo baragombae.
22“Ase ayio mobwate amachiko aane na emeroberio yonsi nabachikire, na moyakore, erio ense eria ase nkobaira mogochia komenya tebaanga gose tebaseria korwa aroro. 23Timochia kobwatia chingencho chi’abanto b’egesaku keria ngochia goseria kerue ase amasio aino; barabwo nigo bakorete amang’ana ayio onsi, na ase engencho y’ayio nkagechigwa nabarabwo. 24Korende inabarierete inwe eira ng’a nimbae ense yabo ebe omwando oino, ense entenenku ere namabeere na amooke. Inche ninche Omonene, Nyasae oino, nabaatananire inwe korwa ase ebisaku binde. 25Inwe goika momanye gwatanana ching’iti chichenegete korwa ase echitachenegeti, ne chinyoni chichenegete korwa ase echitachenegeti. Timobaisa gwesoyia ase ogotacheneka ase okoria ching’iti gose chinyoni chitachenegeti, gose timoria ching’iti chinde chionsi chikwagura ase ense, echi naatananire chibe chitachenegeti asemore. 26Inwe mobe abachenu baane, ekiagera inche Omonene nigo inde omochenu, nabaatananire korwa ase ebisaku binde, erinde mobe abaane.
27“Omosacha, gose omokungu, orarigie ogosemigwa korwa ase emeika y’abanto bakwete, gose oyore omorogi, goika aitwe akwe. Abanto abwo baakwe amagena bakwe; okomocha kw’ogoiteka kw’amanyinga abo nakobe okwabo.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
OLD EKEGUSII BIBLE PROTESTANT EDITION
©Bible Society of Kenya, 2020