ABALAWI 19
19
Amachiko igoro y’obochenu na oboronge
1Omonene agakwana na Musa, akamotebia, 2“Tebia omoganda bwonsi bw’Abaisraeli: Mobe abachenu, ekiagera inche Omonene, Nyasae oino, nigo inde omochenu, 3Kera oyomo oino asike ng’ina na ise, naende morende Chisabato chiane. Inche ninche Omonene, Nyasae oino.” 4“Timontiga na koonchokera emegwekano y’ogosasimwa, gose timwekorera chinyasae korwa ase ebioma binyititoire na kobombwa. Inche ninche Nyasae oino.
5“Onye moganetie korua ekeng’wanso ki’omorembe asende inche Omonene, mobwate emeroberio yachikirwe, erio nario ekeng’wanso ekio kerancherwe. 6Chinyama chi’ekengw’anso ekio chiriegwe ase rituko erio erio eng’iti yanyenywa, gose rituko ria kabere, korende echiratigare ase rituko ria gatato chisambwe nomorero. 7Chiise koriegwa ase rituko ria gatato, ekeng’wanso ekio inakebe okogechia, tikegwancherwa. 8Monto onde bwensi orakerie ekero ekio nabarerwe obobe bwaye, ekiagera okorire egento giatananetwe asende kebe egetari egechenu. Omonto oyio naatananwe korwa ase abanto baye.
9“Ekero mokogesa emegondo yaino, timogesa moikie ase chingito kegima, gose timoirana gochora ebitigari ase emegondo. 10Timobaisa gochora amasabibu atigarete, gose agwete inse, ase emegondo yaino y’emesabibu; ayio motigere abataka na abamenyi. Inche ninche Omonene Nyasae oino.
11“Timoiba, gose timong’ainana, gose timotebania oborimo. 12Timobaisa gotiana ogotiana kw’oborimo ase erieta riane. Moise gokora igo, nigo morarentere erieta riane obosooku. Inche ninche Omonene.
13“Tobaisa korianania omogisangio oo, gose komourereria. Tobaisa gotanga eng’eria y’omonto origete okogokorera emeremo, tebeera asore goika mambia. 14Tobaisa koragereria omonto omotino, gose kobeka ekegocha bosio bw’omonto omouko, korende omoiroke Nyasae oo. Inche ninche Omonene.
15“Timokora ayatari boronge ekero ebina bikogambwa; timobaisa gwanchereria omotaka, gose koiroka omonda, korende monache ebina ebironge ase abagisangio baino. 16Tobaisa goeta‐eta ase egati y’abanto bamino gokwana obogenki; tobaisa kogera oyomino aitwe ase okoba kirori bw’oborimo. Inche ninche Omonene.
17“Tobaisa kogecha oyomino ime ase enkoro yao, korende omokurere maiso marore, erinde tokora ebibe ase engencho yaye. 18Tobaisa kweruseria egesiomba, gose kogenderera kogecha monto onde bwensi ase egesaku kiao, korende ancha omogisangio oo buna bweanchete aye omonyene. Inche ninche Omonene.
19“Mobwate amachiko aane. Timobaisa gotiga chitugo chiaino chieenane amarieme ne chitari egesaku ekemo. Timobaisa kobusura chimbusuro chi’ebisaku bibere ase omogondo oyomo, timobeka chianga chiroisirie korwa ase chiusi ao ao.
20“Omonto aise korara nomoiseke ore omosomba na oriereirwe boko nomonto omoao, na omoiseke oria taraboorigwa, gose taranyora obosibore, barabwo babere nigo baraegwe egesusuro, ko tibagoitwa, ekiagera omoiseke oyio taranyora obosibore. 21Omonto oyio arente emingichi eyemo asende inche Omonene, agwo ase egesoero ki’Eema y’Omosangererekano, ebe ekeng’wanso gi’okomocha kwaye. 22Ase okorua emingichi eria y’ekeng’wanso gi’okomocha, omokuani akore okobwatanigwa ase omonto oyio ase obosio bwane, ase engencho y’ebibe biria akorire, na omonto oyio naaberwe ase ebibe ebio akorire.
23“Ekero moraike ase ense ya Kanani na mosimeke emete y’ebisaku ao ao ekwama amatunda, timobaisa koria amatunda ’emete eyio ase engaki y’emiaka etato ye ritang’ani, korende moyebare ng’a nekanire.#19:23 19:23 Ekeibirania nigo kegoteba “tiyarogeti” 24Ase omwaka o kane amatunda ’emete eyio aatananwe abe amachenu asende inche Omonene, moyang’e ase okong’iraneria ng’a mbuya mono na gontogia. 25Korende ase omwaka o gatano inamorie amatunda ’emete eyio. Komorakore igo, emete inayame amatunda amange asemore. Inche ninche Omonene, Nyasae oino.
26“Timobaisa koria enyama ende yonsi ebwate amanyinga ime yaye. Timobaisa gwancha oboragori, gose oborogi bonde bwonsi. 27Timobaisa konacha chitukia chiaino, gose chinderu chiaino mesia. 28Timobaisa gwesaraga emebere yaino ase okoreera abakure, gose gwesamba kobeka ekemanyererio kende gionsi. Inche ninche Omonene.
29“Tobaisa korentera omoiseke oo obosooku ase okomoira abe omotayayi ase chihekalu, ense yonsi nigo erabaise gokora obotayayi na goichorwa nobonyaka. 30Morende Chisabato chiane, naende mosike Obomenyo bwane Obochenu. Inche ninche Omonene.
31“Timorigia ogosemigwa korwa ase abanto abakoboria amang’ana korwa ase emeika y’abanto bakwete, gose timogenda ase abaragori. Moise gokora igo, nigo morabe abatachenegeti goetera asebare. Inche ninche Omonene, Nyasae oino.
32“Otenene ase omonto omogotu ore ne chimbuche, ase okomosika; omoiroke Nyasae oo. Inche ninche Omonene.
33“Timobaisa kobakorera bobe abamenyi bamenyete ase ense yaino. 34Mokorere abamenyi bamenyete ase egati yaino buna mogokorera ababiare, mobanche buna mweanchete inwe abanyene, ekiagera nainwe nabo mwarenge abamenyi ase ense ya Misiri. Inche ninche Omonene, Nyasae oino.
35“Timokorerana oborianania ase ebirengo binde bionsi, ebi’obotambe, gose ebi’oborito, gose ebi’obonge. 36Mokorere ekerengo kia boronge; motware amagena ay’okorenga a boronge, na ebimunu bi’okorenga bia boronge, na ebituba bi’okorenga bia boronge. Inche ninche Omonene, Nyasae oino, nabarusetie korwa ase ense ya Misiri. 37Mobwate amachiko aane onsi aya nabachikire. Inche ninche Omonene.”
Iliyochaguliwa sasa
ABALAWI 19: EKEGUSIIBBLE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
OLD EKEGUSII BIBLE PROTESTANT EDITION
©Bible Society of Kenya, 2020
ABALAWI 19
19
Amachiko igoro y’obochenu na oboronge
1Omonene agakwana na Musa, akamotebia, 2“Tebia omoganda bwonsi bw’Abaisraeli: Mobe abachenu, ekiagera inche Omonene, Nyasae oino, nigo inde omochenu, 3Kera oyomo oino asike ng’ina na ise, naende morende Chisabato chiane. Inche ninche Omonene, Nyasae oino.” 4“Timontiga na koonchokera emegwekano y’ogosasimwa, gose timwekorera chinyasae korwa ase ebioma binyititoire na kobombwa. Inche ninche Nyasae oino.
5“Onye moganetie korua ekeng’wanso ki’omorembe asende inche Omonene, mobwate emeroberio yachikirwe, erio nario ekeng’wanso ekio kerancherwe. 6Chinyama chi’ekengw’anso ekio chiriegwe ase rituko erio erio eng’iti yanyenywa, gose rituko ria kabere, korende echiratigare ase rituko ria gatato chisambwe nomorero. 7Chiise koriegwa ase rituko ria gatato, ekeng’wanso ekio inakebe okogechia, tikegwancherwa. 8Monto onde bwensi orakerie ekero ekio nabarerwe obobe bwaye, ekiagera okorire egento giatananetwe asende kebe egetari egechenu. Omonto oyio naatananwe korwa ase abanto baye.
9“Ekero mokogesa emegondo yaino, timogesa moikie ase chingito kegima, gose timoirana gochora ebitigari ase emegondo. 10Timobaisa gochora amasabibu atigarete, gose agwete inse, ase emegondo yaino y’emesabibu; ayio motigere abataka na abamenyi. Inche ninche Omonene Nyasae oino.
11“Timoiba, gose timong’ainana, gose timotebania oborimo. 12Timobaisa gotiana ogotiana kw’oborimo ase erieta riane. Moise gokora igo, nigo morarentere erieta riane obosooku. Inche ninche Omonene.
13“Tobaisa korianania omogisangio oo, gose komourereria. Tobaisa gotanga eng’eria y’omonto origete okogokorera emeremo, tebeera asore goika mambia. 14Tobaisa koragereria omonto omotino, gose kobeka ekegocha bosio bw’omonto omouko, korende omoiroke Nyasae oo. Inche ninche Omonene.
15“Timokora ayatari boronge ekero ebina bikogambwa; timobaisa gwanchereria omotaka, gose koiroka omonda, korende monache ebina ebironge ase abagisangio baino. 16Tobaisa goeta‐eta ase egati y’abanto bamino gokwana obogenki; tobaisa kogera oyomino aitwe ase okoba kirori bw’oborimo. Inche ninche Omonene.
17“Tobaisa kogecha oyomino ime ase enkoro yao, korende omokurere maiso marore, erinde tokora ebibe ase engencho yaye. 18Tobaisa kweruseria egesiomba, gose kogenderera kogecha monto onde bwensi ase egesaku kiao, korende ancha omogisangio oo buna bweanchete aye omonyene. Inche ninche Omonene.
19“Mobwate amachiko aane. Timobaisa gotiga chitugo chiaino chieenane amarieme ne chitari egesaku ekemo. Timobaisa kobusura chimbusuro chi’ebisaku bibere ase omogondo oyomo, timobeka chianga chiroisirie korwa ase chiusi ao ao.
20“Omonto aise korara nomoiseke ore omosomba na oriereirwe boko nomonto omoao, na omoiseke oria taraboorigwa, gose taranyora obosibore, barabwo babere nigo baraegwe egesusuro, ko tibagoitwa, ekiagera omoiseke oyio taranyora obosibore. 21Omonto oyio arente emingichi eyemo asende inche Omonene, agwo ase egesoero ki’Eema y’Omosangererekano, ebe ekeng’wanso gi’okomocha kwaye. 22Ase okorua emingichi eria y’ekeng’wanso gi’okomocha, omokuani akore okobwatanigwa ase omonto oyio ase obosio bwane, ase engencho y’ebibe biria akorire, na omonto oyio naaberwe ase ebibe ebio akorire.
23“Ekero moraike ase ense ya Kanani na mosimeke emete y’ebisaku ao ao ekwama amatunda, timobaisa koria amatunda ’emete eyio ase engaki y’emiaka etato ye ritang’ani, korende moyebare ng’a nekanire.#19:23 19:23 Ekeibirania nigo kegoteba “tiyarogeti” 24Ase omwaka o kane amatunda ’emete eyio aatananwe abe amachenu asende inche Omonene, moyang’e ase okong’iraneria ng’a mbuya mono na gontogia. 25Korende ase omwaka o gatano inamorie amatunda ’emete eyio. Komorakore igo, emete inayame amatunda amange asemore. Inche ninche Omonene, Nyasae oino.
26“Timobaisa koria enyama ende yonsi ebwate amanyinga ime yaye. Timobaisa gwancha oboragori, gose oborogi bonde bwonsi. 27Timobaisa konacha chitukia chiaino, gose chinderu chiaino mesia. 28Timobaisa gwesaraga emebere yaino ase okoreera abakure, gose gwesamba kobeka ekemanyererio kende gionsi. Inche ninche Omonene.
29“Tobaisa korentera omoiseke oo obosooku ase okomoira abe omotayayi ase chihekalu, ense yonsi nigo erabaise gokora obotayayi na goichorwa nobonyaka. 30Morende Chisabato chiane, naende mosike Obomenyo bwane Obochenu. Inche ninche Omonene.
31“Timorigia ogosemigwa korwa ase abanto abakoboria amang’ana korwa ase emeika y’abanto bakwete, gose timogenda ase abaragori. Moise gokora igo, nigo morabe abatachenegeti goetera asebare. Inche ninche Omonene, Nyasae oino.
32“Otenene ase omonto omogotu ore ne chimbuche, ase okomosika; omoiroke Nyasae oo. Inche ninche Omonene.
33“Timobaisa kobakorera bobe abamenyi bamenyete ase ense yaino. 34Mokorere abamenyi bamenyete ase egati yaino buna mogokorera ababiare, mobanche buna mweanchete inwe abanyene, ekiagera nainwe nabo mwarenge abamenyi ase ense ya Misiri. Inche ninche Omonene, Nyasae oino.
35“Timokorerana oborianania ase ebirengo binde bionsi, ebi’obotambe, gose ebi’oborito, gose ebi’obonge. 36Mokorere ekerengo kia boronge; motware amagena ay’okorenga a boronge, na ebimunu bi’okorenga bia boronge, na ebituba bi’okorenga bia boronge. Inche ninche Omonene, Nyasae oino, nabarusetie korwa ase ense ya Misiri. 37Mobwate amachiko aane onsi aya nabachikire. Inche ninche Omonene.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
OLD EKEGUSII BIBLE PROTESTANT EDITION
©Bible Society of Kenya, 2020