IONA 2
2
MOKUNA II.
1 Ka pule a Iona. 10 Luaʻi ka iʻa iā Iona ma luna o ka ʻāina maloʻo.
1¶ A pule akula ʻo Iona iā Iēhova i kona Akua mai ka ʻōpū aku o ka iʻa,
2a ʻī akula,
“Ua kāhea aku au, mai koʻu wahi pilikia, iā Iēhova, a hoʻolohe mai ia iaʻu.
Mai ka ʻōpū o ka pō i kāhea aku ai au, a hoʻolohe mai ʻoe i kuʻu leo.
3“No ka mea, ua kiola aku ʻoe iaʻu i ka hohonu, i waenakonu o ke kai;
Ua hoʻopuni ʻia au e ke kai;
ʻO kou mau nalu a pau, a me kou mau ʻale, ua kaʻa ihola ia ma luna oʻu.
4“A laila, ʻī ihola au, ‘Ua hoʻolei ʻia aku au mai kou alo aku,
Akā, e nānā hou aku au i kou luakini hoʻāno.’
5“Ua hoʻopuni nā wai iaʻu, a i ke ola,
Ua hoʻopuni ka hohonu iaʻu;
Ua kāʻei ʻia koʻu poʻo i ka limu.
6“Iho ihola au i lalo i nā kumu o nā mauna;
Ua pōʻai mau ʻia au e ka honua, a me kona mau kaola,
Akā, ua lawe mai ʻoe i kuʻu ola mai ka lua mai, e Iēhova kuʻu Akua.
7“I ka wā i maʻule ai kuʻu ʻuhane i loko oʻu,
Hoʻomanaʻo ihola au iā Iēhova;
A hele aʻela kaʻu pule i ou lā
I kou luakini hoʻāno.
8“ʻO nā mea mālama i nā mea lapuwale,
Ua haʻalele lākou i ko lākou pōmaikaʻi.
9“Akā, e mōhai aku au iā ʻoe
Me ka leo hoʻomaikaʻi;
E hoʻokō aku au i ka mea aʻu i hoʻohiki ai.
No Iēhova mai ke ola.”
10¶ A ʻōlelo mai ʻo Iēhova i ka iʻa, a luaʻi aku ia iā Iona i ka ʻāina maloʻo.
Iliyochaguliwa sasa
IONA 2: KBH
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ka Baibala Hemolele © Partners Development Foundation, 2018.