Yenesis 37
37
Mme Ndab Yosef
1Yekọb akedʌñ ke Kenan, a-adooho isọñ e-ete amọ akedʌññọ.
2Ami ado mbʌk ubon Yekọb.
Yosef, akparawa isua duob mme itiaba, akesʌk abọọk ufene ye nditọete amọ, mme nditọ ideen Bilha ye nditọ ideen Silpa, mme ibaan ete amọ, ndin anye amaaben idiọọk etob a-akebañake ammọ asọk ete amọ.
3Ndin Isrel amaama Yosef akan afịd nditọ ideen amọ, sia ekemanna anye ke ini usọñ amọ; anye amaanyʌñ anam uyaiya afọñidem anọ anye. 4Nditọete amọ ekekịt ke ete ammọ amaama anye akan afịd ammọ, ammọ emaesua anye, inyʌññọ itañ ikọ emem-emem ye anye.
5Akema Yosef amaadappa ndab, ndin anye amaaketañ ndab ado anọ nditọete amọ, ammọ emaenenekke esua anye. 6Anye amaabo ammọ ate, “Ikpañ utọñ ikop ndab a-ami ñkedappake: 7Ñnyịn ikisʌk ibọọp mme abek akpọ abakpa ke inwañ, ndin inikeed abek mmi amaadakka ada anyʌñ atuak ada nnen-nnen, ke ini abek ndufo ekannake ake mmi ekʌk, enyʌñ enyuuk iwuod enọ anye.”
8Ndin nditọete amọ emaebo anye, “Nte afo aduak adikara ñnyịn? Nte afo akpaasọñ esịd ayem adikara ñnyịn?” Ndin ammọ emaenenekke esua anye ke ntak ndab amọ ye se anye aketañ.
9Akema anye amaatịmme adappa ndab mfen, anye amaanyʌñ atañ anọ nditọete amọ. Anye amaabo, “Ikpañ utọñ. Ami mmaadappa ndab mfen, ndin ini anye ami utịn ye afiọñ ye ntantaafiọñ duob mme keed emaetuak iwuod ennọ miin.”
10Ke ini anye aketañña anọ ete amọ ye nditọete amọ, ete amọ amaasua anọ anye anyʌñ abo anye, “Nsoo ndab ke afo akedappa ami? Nte eka mfo ye ami ye nditọete mfo iyaidituak iwuod unọ fiin?” 11Ndin nditọete amọ emaefịbe ufịb ebaña anye, ado ete amọ amaasịn ikọ ami ke esịd amọ.
Nditọeka Yosef Enyam Anye
12Akema nditọete amọ emaekaa adibọọk udịmedọñ ete ammọ ke ñkpere Sekem, 13ndin Isrel amaabo Yosef, “Nte afo adiọọñọke, nditọete mfo esʌk ebọọk edọñ ke ñkpere Sekem. Di, ami ñyaudọñ fiin nọ abịne ammọ.”
Anye amaabọọrọ ate, “A-afọn.”
14Ndin Isrel amaabo Yosef, “Kaa ke se me afịd ñkpọ a-afọn ye nditọete mfo ye udịmedọñ, nyʌñ tịmme dindọkkọ miin.” Ndin anye amaanam Yosef adakka ato Abedeñ Hibrọn.
Ke ini Yosef amaakesịm Sekem, 15awodeen keed amaakịt anye nte adutịn akanna ikọd, anyʌñ abịp anye ate, “Nsoo ke afo ayem?”
16Anye amaabọọrọ, “Ami ñyem nditọete mmi ideen. Afo akpaakan andọkkọ miin itie nte ammọ eben mme edọñ ammọ eka nọ eketa mbịd?”
17Awo ado amaabọọrọ ate, “Ammọ emaedakka ekpọñ itie ami. Mmaakop naña ammọ ekebo, ‘Yak ñnyịn ika Dotan.’ ”
Ndin Yosef amaadakka abịne nditọete amọ, anyʌñ akekịt ammọ ke ñkpere Dotan. 18Ado ammọ emaeda ekịt anye ke anyan usʌñ, ndin mbemiso anye adiwuọ ammọ idem, ammọ emaedʌk edioomo adiwot anye.
19Ammọ emaetañ ye emọ-emọ ete, “Adappa ndab ado asʌk adi! 20Idi, yak ñnyịn iwot anye, inyʌñ itop anye isịn ke ube keed ke atu mbon ebaññake mi ndin ñnyịn iyaibo ke idiọọk unam aketa anye. Ndin iyaikịt se idiwuọ ito mme ndab amọ.”
21Ke ini Rubịn akekoppo ami, anye amaanwana adifak Yosef nsio ke ubọk ammọ. Ke ntoro anye amaabo ammọ, “Yak ñnyịn ikiiwot anye; 22ikiiduọk iyiib ndomokeed. Itop anye isịn ke ube ke anaan ami, ado ikiiyak ubọk ndufo ndomokeed atuuk anye.” Rubịn aketañ ami nọ anyaaña anye asio ke ubọk ammọ, anyʌñ atịmme aben anye asọk ete amọ.
23Ndin ke Yosef amaakediwuọ nditọete amọ idem, ammọ emaemʌm anye esịññe afọñ ke idem, ataa asaña-asaña uyaiya afọñidem a-anye akesịneke, 24enyʌñ eben anye eketop esịn ke ube. Ube ami akedo ukpọk, sia mmọọñ ikisịneke ke esịd.
25Ndin ammọ ekesuuk etie eyem edidia ñkpọ, ammọ emaebenne anyen ekịt atu mbon Ismeel naña eto Kilied edi. Mme kamel ammọ emaenyʌñ ebiom mme anemufịk mfiọññọ, asọñufịk adan ye mfịd udat nnam nsọñudua adan, ndin ammọ ekeba ke usʌñ adiben mme ñkpọ ami ñkaa Iyib.
26Ndin Yuda amaabịp nditọete amọ abo, “Nsoo udod ke ñnyịn idiidia adieke ñnyịn iwotto ayịnete ñnyịn inyʌñ ifʌk iyiib amọ? 27Idi, yak ñnyịn inyam anye inọ mbon Ismeel, ikiinyʌñ iyak ubọk ñnyịn atuuk anye, sia anye asʌk ado ayịnete ñnyịn ke abʌk ye iyiib.” Mme nditọete ammọ emaenyịmme.
28Ndin ke ini mme anyam udua mbon Midian eketooho edisịm, nditọete amọ emaedʌt Yosef esio ke ube, enyʌñ enyam anye ke mbaak silfa edịb enọ mbon Ismeel, e-ekebenne anye eka Iyib.
29Rubịn amaaketịmme akaa ube akekịt ke Yosef isịneke do, anye amaawai afọñ amọ ke idem. 30Anye amaatịmme abịne nditọete amọ anyʌñ akebo ammọ ate, “Akparawa ado isịneke do! Nnam die idahado?”
31Akema ammọ emaeben afọñidem Yosef, ewot ebod keed enyʌñ enyiin afọñ ado ke iyiib ebod. 32Ammọ ndin emaeben asaña-asaña afọñ ado esọk ete ammọ, enyʌñ ebo anye, “Se se ñnyịn ikikịt mi. Nekke se ise me ado afọñidem ayịn mfo.”
33Ndin anye amaadiọọñọ anyʌñ abo, “Afọñ ayịn mmi ke ado! Mme ndiọi unam e-eta anye. Ke akpanikọ, emaewai Yosef mbai-mbai.”
34Ndin Yekọb amaawai afọñidem amọ, anyʌñ aben afọñikpo asịne, afʌhọ abaña ayịn amọ ke uwak usen. 35Afịd nditọ amọ ideen ye ibaan emaedi edidọñ anye esịd, ado anye ikikoppo ndọñesịd. Anye amaabọọrọ, “Iyoo. Ñyaakaa iso ntua tutu ami ñkeene ayịn mmi ke udi.” Ndin ete amọ amaatua ke ntak Yosef.
36Ke ufọọd ini ami, mbon Midian emaeben Yosef ekenyam ke Iyib enọ Pọtifa, keed ke atu mme adaidaha ke ufọkutom Fero, adaiso mbon ukpeme.
Iliyochaguliwa sasa
Yenesis 37: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yenesis 37
37
Mme Ndab Yosef
1Yekọb akedʌñ ke Kenan, a-adooho isọñ e-ete amọ akedʌññọ.
2Ami ado mbʌk ubon Yekọb.
Yosef, akparawa isua duob mme itiaba, akesʌk abọọk ufene ye nditọete amọ, mme nditọ ideen Bilha ye nditọ ideen Silpa, mme ibaan ete amọ, ndin anye amaaben idiọọk etob a-akebañake ammọ asọk ete amọ.
3Ndin Isrel amaama Yosef akan afịd nditọ ideen amọ, sia ekemanna anye ke ini usọñ amọ; anye amaanyʌñ anam uyaiya afọñidem anọ anye. 4Nditọete amọ ekekịt ke ete ammọ amaama anye akan afịd ammọ, ammọ emaesua anye, inyʌññọ itañ ikọ emem-emem ye anye.
5Akema Yosef amaadappa ndab, ndin anye amaaketañ ndab ado anọ nditọete amọ, ammọ emaenenekke esua anye. 6Anye amaabo ammọ ate, “Ikpañ utọñ ikop ndab a-ami ñkedappake: 7Ñnyịn ikisʌk ibọọp mme abek akpọ abakpa ke inwañ, ndin inikeed abek mmi amaadakka ada anyʌñ atuak ada nnen-nnen, ke ini abek ndufo ekannake ake mmi ekʌk, enyʌñ enyuuk iwuod enọ anye.”
8Ndin nditọete amọ emaebo anye, “Nte afo aduak adikara ñnyịn? Nte afo akpaasọñ esịd ayem adikara ñnyịn?” Ndin ammọ emaenenekke esua anye ke ntak ndab amọ ye se anye aketañ.
9Akema anye amaatịmme adappa ndab mfen, anye amaanyʌñ atañ anọ nditọete amọ. Anye amaabo, “Ikpañ utọñ. Ami mmaadappa ndab mfen, ndin ini anye ami utịn ye afiọñ ye ntantaafiọñ duob mme keed emaetuak iwuod ennọ miin.”
10Ke ini anye aketañña anọ ete amọ ye nditọete amọ, ete amọ amaasua anọ anye anyʌñ abo anye, “Nsoo ndab ke afo akedappa ami? Nte eka mfo ye ami ye nditọete mfo iyaidituak iwuod unọ fiin?” 11Ndin nditọete amọ emaefịbe ufịb ebaña anye, ado ete amọ amaasịn ikọ ami ke esịd amọ.
Nditọeka Yosef Enyam Anye
12Akema nditọete amọ emaekaa adibọọk udịmedọñ ete ammọ ke ñkpere Sekem, 13ndin Isrel amaabo Yosef, “Nte afo adiọọñọke, nditọete mfo esʌk ebọọk edọñ ke ñkpere Sekem. Di, ami ñyaudọñ fiin nọ abịne ammọ.”
Anye amaabọọrọ ate, “A-afọn.”
14Ndin Isrel amaabo Yosef, “Kaa ke se me afịd ñkpọ a-afọn ye nditọete mfo ye udịmedọñ, nyʌñ tịmme dindọkkọ miin.” Ndin anye amaanam Yosef adakka ato Abedeñ Hibrọn.
Ke ini Yosef amaakesịm Sekem, 15awodeen keed amaakịt anye nte adutịn akanna ikọd, anyʌñ abịp anye ate, “Nsoo ke afo ayem?”
16Anye amaabọọrọ, “Ami ñyem nditọete mmi ideen. Afo akpaakan andọkkọ miin itie nte ammọ eben mme edọñ ammọ eka nọ eketa mbịd?”
17Awo ado amaabọọrọ ate, “Ammọ emaedakka ekpọñ itie ami. Mmaakop naña ammọ ekebo, ‘Yak ñnyịn ika Dotan.’ ”
Ndin Yosef amaadakka abịne nditọete amọ, anyʌñ akekịt ammọ ke ñkpere Dotan. 18Ado ammọ emaeda ekịt anye ke anyan usʌñ, ndin mbemiso anye adiwuọ ammọ idem, ammọ emaedʌk edioomo adiwot anye.
19Ammọ emaetañ ye emọ-emọ ete, “Adappa ndab ado asʌk adi! 20Idi, yak ñnyịn iwot anye, inyʌñ itop anye isịn ke ube keed ke atu mbon ebaññake mi ndin ñnyịn iyaibo ke idiọọk unam aketa anye. Ndin iyaikịt se idiwuọ ito mme ndab amọ.”
21Ke ini Rubịn akekoppo ami, anye amaanwana adifak Yosef nsio ke ubọk ammọ. Ke ntoro anye amaabo ammọ, “Yak ñnyịn ikiiwot anye; 22ikiiduọk iyiib ndomokeed. Itop anye isịn ke ube ke anaan ami, ado ikiiyak ubọk ndufo ndomokeed atuuk anye.” Rubịn aketañ ami nọ anyaaña anye asio ke ubọk ammọ, anyʌñ atịmme aben anye asọk ete amọ.
23Ndin ke Yosef amaakediwuọ nditọete amọ idem, ammọ emaemʌm anye esịññe afọñ ke idem, ataa asaña-asaña uyaiya afọñidem a-anye akesịneke, 24enyʌñ eben anye eketop esịn ke ube. Ube ami akedo ukpọk, sia mmọọñ ikisịneke ke esịd.
25Ndin ammọ ekesuuk etie eyem edidia ñkpọ, ammọ emaebenne anyen ekịt atu mbon Ismeel naña eto Kilied edi. Mme kamel ammọ emaenyʌñ ebiom mme anemufịk mfiọññọ, asọñufịk adan ye mfịd udat nnam nsọñudua adan, ndin ammọ ekeba ke usʌñ adiben mme ñkpọ ami ñkaa Iyib.
26Ndin Yuda amaabịp nditọete amọ abo, “Nsoo udod ke ñnyịn idiidia adieke ñnyịn iwotto ayịnete ñnyịn inyʌñ ifʌk iyiib amọ? 27Idi, yak ñnyịn inyam anye inọ mbon Ismeel, ikiinyʌñ iyak ubọk ñnyịn atuuk anye, sia anye asʌk ado ayịnete ñnyịn ke abʌk ye iyiib.” Mme nditọete ammọ emaenyịmme.
28Ndin ke ini mme anyam udua mbon Midian eketooho edisịm, nditọete amọ emaedʌt Yosef esio ke ube, enyʌñ enyam anye ke mbaak silfa edịb enọ mbon Ismeel, e-ekebenne anye eka Iyib.
29Rubịn amaaketịmme akaa ube akekịt ke Yosef isịneke do, anye amaawai afọñ amọ ke idem. 30Anye amaatịmme abịne nditọete amọ anyʌñ akebo ammọ ate, “Akparawa ado isịneke do! Nnam die idahado?”
31Akema ammọ emaeben afọñidem Yosef, ewot ebod keed enyʌñ enyiin afọñ ado ke iyiib ebod. 32Ammọ ndin emaeben asaña-asaña afọñ ado esọk ete ammọ, enyʌñ ebo anye, “Se se ñnyịn ikikịt mi. Nekke se ise me ado afọñidem ayịn mfo.”
33Ndin anye amaadiọọñọ anyʌñ abo, “Afọñ ayịn mmi ke ado! Mme ndiọi unam e-eta anye. Ke akpanikọ, emaewai Yosef mbai-mbai.”
34Ndin Yekọb amaawai afọñidem amọ, anyʌñ aben afọñikpo asịne, afʌhọ abaña ayịn amọ ke uwak usen. 35Afịd nditọ amọ ideen ye ibaan emaedi edidọñ anye esịd, ado anye ikikoppo ndọñesịd. Anye amaabọọrọ, “Iyoo. Ñyaakaa iso ntua tutu ami ñkeene ayịn mmi ke udi.” Ndin ete amọ amaatua ke ntak Yosef.
36Ke ufọọd ini ami, mbon Midian emaeben Yosef ekenyam ke Iyib enọ Pọtifa, keed ke atu mme adaidaha ke ufọkutom Fero, adaiso mbon ukpeme.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.