Yenesis 35
35
Yekọb Atịmme Akaa Beteel
1Akema Abasi amaabo Yekọb, “Dọọk kaa Beteel nyʌñ kedʌñ do, nyʌñ bọp itieukpono do nọ Abasi, a-akeyaarake idem unọọ fiin ke ini afo akefegheke abọkkọ ayịneka mfo Isọ.”
2Ndin Yekọb amaabo mbon ufọk amọ ye afịd mbon se ikiba ye anye, “Isịññe mme isen abasi ifep ke atu ndufo, inyʌñ inam idem ndufo asana inyʌñ ikpuuño afọñidem ndufo. 3Ndin idi, yak ñnyịn idọọk ika Beteel, ke itie a-ami ñyemme ibọp itieukpono nnọọ Abasi, a-akembọọrọke miin ke ini ami ñkebaaha ke nnananyen, a-akenyʌññọ aba ye ami ke afịd itie se ami ñkekaa.” 4Ndin ammọ emaeyaak afịd isen abasi a-ammọ ekenieghe ye mme ñkpannuun utọñ a-ammọ ekesịneke enọ Yekọb, ndin Yekọb amaabuuk ammọ ke idak eto afriyo ke Sekem. 5Akema Yekọb ye ubon amọ emaedakka isañ, ndin ndịk Abasi amaamʌm afịd abio e-ekekannake ammọ ekʌk, ndin awo ndomokeed ikibịneke ammọ.
6Yekọb ye afịd mbon se ikiba ye anye emaediwuọ Luus (a-adooho Beteel) ke isọñ Kenan. 7Ke ndo ke anye akebọp itieukpono, anyʌñ akoot itie ado El Beteel,#35:7 El Beteel awuọñọ Abasi Beteel sia akedo ke itie ado ke Abasi akeyaara idem anọ anye ke ini anye akefegheke abọkkọ ayịneka amọ.
8Ndin Debọra, adeb Ribeka, amaakpa emaenyʌñ ebuuk anye ke idak eto afriyo a-awuọhọ akpọñ Beteel. Ndin ekekoot itie ado Alon Bakud.
9Yekọb akenyọñ ato Padan Aram#35:9 A-adooho Adoro usobutịn Mesopotemia; se ñko ke Yenesis 35:26 adi, Abasi amaatịmme ayaara idem awọt anye anyʌñ adiọñ anye. 10Abasi amaabo anye, “Anyịñ mfo ado Yekọb,#35:10 Yekọb awuọñọ amʌm itịghitịghi ke usem Hibru ado anye abiaña. ado afo uduukereke aba Yekọb; anyịñ mfo adiido Isrel.#35:10 Akeme ido Isrel awuọñọ anye anwana ye Abasi” Ndin anye amaanọ anye anyịñ, Isrel.
11Ndin Abasi amaabo anye ate, “Ami ndo Abasi Andikponñkan;#35:11 Ke usem Hibru Abasi Andikponñkan ado El-Sadai nwịm mfịd nyʌñ tọt ke ibad. Idịd keed ye abio ke atu mme idịd eyaewuọ uto fiin, ndidem eyaenyʌñ ewuọñọ ke ubon mfo. 12Isọñ a-ami ñkenọọhọ Ebraham ye Aisik mmenyʌñ unọ fiin, ami ñyaanyʌñ nnọ ubon mfo u-ukeeneke fiin.” 13Akema Abasi amaadakka akpọñ anye ke itie a-anye aketañña ikọ ye anye.
14Yekọb amaawuuk adaaha itiad ke itie A-Abasi aketañña ikọ ye anye, anye amaanyʌñ aduọk uwa ukọd ke itiad ado, anyʌñ aduọk adan akọrọ. 15Yekọb amaakoot itie A-Abasi aketañña ikọ ye anye Beteel.#35:15 Beteel awuọñọ ufọk Abasi
Ñkpa Ratiel ye Aisik
16Akema ammọ emaedakka ekpọñ Beteel. Ke ini ammọ ekesañake ekpere Efrad, uman amaatuuk Ratiel ndin anye amaakop akpọsọñ ubiak. 17Ndin naña anye akenieghe akpọsọñ mfịna ke uman ayịn, abiauman amaabo anye, “Kuukop ndịk, sia afo amenie ayịn awodeen mfen.” 18Ke ini anye akenweeghe akpatre sia anye amaakpere ñkpa, anye amaasio ayịn amọ anyịñ Ben-Oni.#35:18 Ben-Oni awuọñọ ayịn mfịna mmi Ado ete amọ akesio anye Benyamin.#35:18 Benyamin awuọñọ ayịn awodeen ubọk nnasia mmi
19Ndin Ratiel amaakpa emaenyʌñ ebuuk anye ke usʌñ e-ekaaha Efrad (ado ado, Betlehem). 20Ndin ke anyọñ udi amọ Yekọb amaawuuk adaaha, ndin tutu mfịn ami adaaha ado asʌk awọwọt udi Ratiel.
21Isrel amaamaana atọọñọ isañ anyʌñ akewuuk atayad amọ ke emaebọhọ Mikdal Eda. 22Ke ini Isrel akesʌkkọ adʌñ ke isọñ ado, Rubịn amaakaa akena ye anwaan esa ete amọ a-akekereke Bilha, ndin Isrel amaakop se anye akenam.
Yekọb akenie nditọ ideen duob mme iba:
23Nditọ ideen Lia:
Rubịn akpan Yekọb,
Simiọn, Lifai, Yuda, Isaka ye Sebulọn.
24Nditọ ideen Ratiel:
Yosef ye Benyamin.
25Nditọ ideen ayịnufọk Ratiel Bilha:
Daan ye Naftali.
26Nditọ ideen ayịnufọk Lia Silpa:
Kad ye Asaa
Mbon ami ekedo nditọ ideen Yekọb, e-ekemanna enọ anye ke Padan Aram.
27Yekọb amaanyʌñ adiwuọ ufọk ete amọ ke Mamre, a-akpereke Kiriad Aaba (a-adooho Hibrọn), itie E-Ebraham ye Aisik ekedʌñọke. 28Aisik akedu uwem isua ikie keed mme anaañ. 29Akema Aisik amaanweek akpatre ibifịk anyʌñ akpa, ndin amaanyọñ abịne mbon amọ, ke ini anye amaakesọñ, isua uwem amọ anyʌñ ayọhọ. Ndin nditọ amọ, Isọ ye Yekọb, emaebuuk anye.
Iliyochaguliwa sasa
Yenesis 35: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.