Yenesis 23
23
Ñkpa Sera
1Sera amaadu uwem asọñ ayọhọ isua ikie mme edịb mme itiaba. 2Anye akekpa ke Kiriad Aaba (a-adooho Hibrọn) ke abio Kenan, ndin Ebraham amaakaa akefʌhọ anyʌñ atua abaña Sera.
3Akema Ebraham amaadakka akpọñ akpo anwaan amọ aketañ ikọ ye mbon Hed,#23:3 Akeme ido ubom Hed; se ñko Yenesis 23:5, 10, 16, 18 ye 20 ate, 4“Ami ndo awo asenidịd ye asenawo ke atu ndufo. Inyam isọñ innọ nọ ñkama mbuuk mme akpañkpa mmi.”
5Mbon Hed emaebọọrọ Ebraham, 6“Abọọñ awo, kpañ utọñ inọ ñnyịn. Afo ado akpọsọñ ayịn abọọñ ke atu ñnyịn. Buuk mme akpañkpa mfo ke uyaiya udi ñnyịn akeedodo a-afo amaaha. Awo ñnyịn ndomokeed iduukpanna fiin adibuuk mme akpañkpa mfo ke udi ñnyịn.”
7Ndin Ebraham amaadakka ada anyuuk iwuod ke iso mbon Hed. 8Anye amaabo ammọ, “Adieke ndufo emaaha nọ ami mbuuk mme akpañkpa mmi, ikpañ utọñ innọ miin inyʌñ itañ ikọ ke iwuod mmi ye Efrọn ayịn Soha 9nọ anye anyam abaitiad Makpela, a-anye anieghe a-anyʌññọ aba ke adaña inwañ amọ. Ibo anye anyam annọ miin ke ayọhọ udua a-adotto nte itie ubuuk awo ke atu ndufo.”
10Efrọn awo Hed mmọdo aketie ke atu mbon amọ, ndin anye amaabọọrọ Ebraham ke iso afịd mbon Hed e-eketieghe ke inuaatob abio ate, 11“Iyoo abọọñ mmi. Kpañ utọñ nnọ miin; ami mmunọ fiin inwañ ado, mmenyʌñ unọ fiin abaitiad a-abaaha ke esịd. Ami unọ fiin ke iso mbon mmi. Buuk mme akpañkpa mfo.”
12Ini keed mfen Ebraham amaanyuuk iwuod ke iso mbon abio 13anyʌñ abo Efrọn ke iso ammọ ate, “Kop se ami ntañ, adieke afo anyịmmeke, ami ñyaakpe ekọmudua isọñ ado. Nyịmme nnọ miin nọ ado se ami ñkama mbuuk mme akpañkpa mmi.”
14Efrọn amaabọọrọ Ebraham ate, 15“Kop se ntañ, abọọñ mmi; isọñ ado adot se ekpedep sekel silfa ikie inaañ,#23:15 Ñkpọ nte kilokram 4.6 ado akʌk ado idooho ñkpọ ndomokeed ke ufọọd mmi ye afo. Buuk mme akpañkpa mfo.”
16Ebraham amaanyịmme se Efrọn akebo. Anye amaanyʌñ adomo ekọmudua se Efrọn akesiak ke iso mbon Hed anọ anye. Akedo Sekel silfa ikie inaañ, akeene udomo naña mme anyam udua ekesidomo ñkpọ idaha ntoro.
17Ndin emaenọ Ebraham inwañ Efrọn, ye abaitiad a-akebaaha ke esịd, ye afịd eto e-ekebaaha ke adaña inwañ ado ke Makpela akekpereke Mamre. Emaeyaak afịd ado enọ 18Ebraham nte inie amọ ke iso mbon Hed e-ekewuọhọ edi inuaatob abio. 19Akema Ebraham amaabuuk Sera anwaan amọ ke abaitiad ke inwañ Makpela a-akpereke Mamre (a-abaaha ke Hibrọn) ke isọñ Kenan. 20Ke ntoro, mbon Hed emaeyaak inwañ ado ye abaitiad ado enọ Ebraham nte itie ubuuk mme akpañkpa.
Iliyochaguliwa sasa
Yenesis 23: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yenesis 23
23
Ñkpa Sera
1Sera amaadu uwem asọñ ayọhọ isua ikie mme edịb mme itiaba. 2Anye akekpa ke Kiriad Aaba (a-adooho Hibrọn) ke abio Kenan, ndin Ebraham amaakaa akefʌhọ anyʌñ atua abaña Sera.
3Akema Ebraham amaadakka akpọñ akpo anwaan amọ aketañ ikọ ye mbon Hed,#23:3 Akeme ido ubom Hed; se ñko Yenesis 23:5, 10, 16, 18 ye 20 ate, 4“Ami ndo awo asenidịd ye asenawo ke atu ndufo. Inyam isọñ innọ nọ ñkama mbuuk mme akpañkpa mmi.”
5Mbon Hed emaebọọrọ Ebraham, 6“Abọọñ awo, kpañ utọñ inọ ñnyịn. Afo ado akpọsọñ ayịn abọọñ ke atu ñnyịn. Buuk mme akpañkpa mfo ke uyaiya udi ñnyịn akeedodo a-afo amaaha. Awo ñnyịn ndomokeed iduukpanna fiin adibuuk mme akpañkpa mfo ke udi ñnyịn.”
7Ndin Ebraham amaadakka ada anyuuk iwuod ke iso mbon Hed. 8Anye amaabo ammọ, “Adieke ndufo emaaha nọ ami mbuuk mme akpañkpa mmi, ikpañ utọñ innọ miin inyʌñ itañ ikọ ke iwuod mmi ye Efrọn ayịn Soha 9nọ anye anyam abaitiad Makpela, a-anye anieghe a-anyʌññọ aba ke adaña inwañ amọ. Ibo anye anyam annọ miin ke ayọhọ udua a-adotto nte itie ubuuk awo ke atu ndufo.”
10Efrọn awo Hed mmọdo aketie ke atu mbon amọ, ndin anye amaabọọrọ Ebraham ke iso afịd mbon Hed e-eketieghe ke inuaatob abio ate, 11“Iyoo abọọñ mmi. Kpañ utọñ nnọ miin; ami mmunọ fiin inwañ ado, mmenyʌñ unọ fiin abaitiad a-abaaha ke esịd. Ami unọ fiin ke iso mbon mmi. Buuk mme akpañkpa mfo.”
12Ini keed mfen Ebraham amaanyuuk iwuod ke iso mbon abio 13anyʌñ abo Efrọn ke iso ammọ ate, “Kop se ami ntañ, adieke afo anyịmmeke, ami ñyaakpe ekọmudua isọñ ado. Nyịmme nnọ miin nọ ado se ami ñkama mbuuk mme akpañkpa mmi.”
14Efrọn amaabọọrọ Ebraham ate, 15“Kop se ntañ, abọọñ mmi; isọñ ado adot se ekpedep sekel silfa ikie inaañ,#23:15 Ñkpọ nte kilokram 4.6 ado akʌk ado idooho ñkpọ ndomokeed ke ufọọd mmi ye afo. Buuk mme akpañkpa mfo.”
16Ebraham amaanyịmme se Efrọn akebo. Anye amaanyʌñ adomo ekọmudua se Efrọn akesiak ke iso mbon Hed anọ anye. Akedo Sekel silfa ikie inaañ, akeene udomo naña mme anyam udua ekesidomo ñkpọ idaha ntoro.
17Ndin emaenọ Ebraham inwañ Efrọn, ye abaitiad a-akebaaha ke esịd, ye afịd eto e-ekebaaha ke adaña inwañ ado ke Makpela akekpereke Mamre. Emaeyaak afịd ado enọ 18Ebraham nte inie amọ ke iso mbon Hed e-ekewuọhọ edi inuaatob abio. 19Akema Ebraham amaabuuk Sera anwaan amọ ke abaitiad ke inwañ Makpela a-akpereke Mamre (a-abaaha ke Hibrọn) ke isọñ Kenan. 20Ke ntoro, mbon Hed emaeyaak inwañ ado ye abaitiad ado enọ Ebraham nte itie ubuuk mme akpañkpa.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.