Yenesis 22
22
Edomo Ebraham Idomo
1Akekaa koo, Abasi amaadomo Ebraham idomo. Abasi amaabo anye, “Ebraham!”
Anye amaabọọrọ “Se miin mi.”
2Ndin Abasi amaabo, “Ben ayịn mfo, ukweeñe ayịn mfo Aisik, a-afo anekkeke ama kaa ke utịd ukañ Moria. Kaa kewa anye do nte ufọfọb uwa ke anyọñ abod a-ami nduuwọt fiin.”
3Ke usiere edemusen Ebraham amaadakka ada abeeñe dọñki amọ idem anịm. Anye amaakoot nditọufọk amọ iba ye ayịn amọ Aisik ate esaña ye imọ. Ke anye amaakekpịkke ifia nọ akem se ediinam ufọfọb uwa, anye amaatọọñọ isañ akaa itie A-Abasi akedọkkọke anye. 4Akedo ke ayọhọ usen ita, Ebraham amaabenne anyen ase anyọñ ndin amaada akịt itie ado ke anyan usʌñ. 5Ebraham amaabo nditọufọk amọ, “Itie mi ye dọñki yak ami ye ayịn mmi idọọk ikaa uko, no iyaikikpono Abasi ndin iyaitịmme ibịne ndufo.”
6Ebraham amaadịppe ifia ufọfọb uwa anọ ayịn amọ Aisik abiom; anye ke idem amọ amaanyʌñ akama ikañ ye ikwa. Ke ammọ ekesʌkkọ esaña keed ekaiya, 7Aisik amaasio uyio akoot ete amọ ate, “Ete!”
Ebraham amaabọọrọ, “Ii, ayịn mmi, ado die?”
Aisik amaabịp, “Ifia ye ikañ mmọ mi, ado ayịnedọñ uwa aba ke mmọọ?”
8Ebraham amaabọọrọ, “Ayịn mmi, Abasi ke idem amọ ayaanọ ayịnedọñ se ekama enam uwa.” Ndin ammọ emaekaa iso esaña keed ekaa.
9Ke ammọ emaekedisịm itie A-Abasi akedọkkọke anye abaña, Ebraham amaabọp itie uwa do, anyʌñ aneeñe ifia abono. Anye amaamʌm ayịn amọ Aisik abọp ubọk ye ukod adot ke itie uwa, ke anyọñ ifia. 10Ndin Ebraham amaanyanna ubọk aben ikwa adiwot ayịn amọ. 11Ado enyere Abọọñ amaatie ke anyọñ akoot anye ke akpọsọñ uyio ate, “Ebraham! Ebraham!”
Anye amaabọọrọ, “Se miin mi.”
12Anye amaabo, “Kuuyak ubọk mfo atuuk ayịn ado. Kuunam anye ñkpọ ndomokeed. Idahami ami mmediọọñọ ke afo amebaak Abasi, sia afo uñnyịmme miin ayịn mfo, ukweeñe ayịn mfo.”
13Ebraham amaabenne anyen ase ndin anye amaakịt akukịmedọñ, a-nnʌk amọ akekọbọke ke mfuud ikọd. Ndin anye amaakaa akemʌm akukịmedọñ ado akama anam ufọfọb uwa utu ke ayịn amọ. 14Ke ntoro Ebraham amaakoot itie ado Abọọñ Ayaanọ. Ndin tutu asịm mfịn ami esʌk ebo, “Eyaenọ ke Abod Abọọñ.”
15Enyere Abọọñ amaamaana atie ke hefịn akoot Ebraham ayọhọ akañ iba 16anyʌñ abo, Abọọñ abo “ami mmenwọñọ ke anyịñ mmi, sia afo amenam ami, unyʌññọ uñnyịm miin ayịn mfo, ukweeñe ayịn mfo, 17ami ñyaudiọñ fiin, ñnyʌñ nnam ubon mfo awak nte ntantaafiọñ ke ikpaanyọñ ye nte ntan ke mben akpainyañ. Ubon mfo eyaedat abio mme asua ammọ enie, 18ndin adiito ke ubon mfo ediọñ afịd idịd, sia afo amenam uyio mmi.”
19Ndin Ebraham amaatịmme abịne nditọufọk amọ, enyʌñ ekesaña keed enyọñ Beeseba. Ndin Ebraham amaadʌñ ke Beeseba.
Nditọ Ideen Nahọ
20Akema emaedọkkọ Ebraham ete, “Milka ñko ado eka nditọ; anye a-aman nditọ ideen anọ ayịneka mfo Nahọ:
21Us ado akpan, ayịneka amọ awodeen ado Buus,
Kemuel (ete Aram),
22Kesed, Haso, Pildas, Yidaf ye Betuel.”
23Betuel akedo ete Ribeka.
Milka akeman nditọ ideen itiaita ami anọ Nahọ, ayịneka Ebraham.
24Anwaan esa amọ a-akekereke Ruma amaanyʌñ aman nditọ ideen e-ekedooho:
Teba, Kaham, Tahas ye Maaka.
Iliyochaguliwa sasa
Yenesis 22: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yenesis 22
22
Edomo Ebraham Idomo
1Akekaa koo, Abasi amaadomo Ebraham idomo. Abasi amaabo anye, “Ebraham!”
Anye amaabọọrọ “Se miin mi.”
2Ndin Abasi amaabo, “Ben ayịn mfo, ukweeñe ayịn mfo Aisik, a-afo anekkeke ama kaa ke utịd ukañ Moria. Kaa kewa anye do nte ufọfọb uwa ke anyọñ abod a-ami nduuwọt fiin.”
3Ke usiere edemusen Ebraham amaadakka ada abeeñe dọñki amọ idem anịm. Anye amaakoot nditọufọk amọ iba ye ayịn amọ Aisik ate esaña ye imọ. Ke anye amaakekpịkke ifia nọ akem se ediinam ufọfọb uwa, anye amaatọọñọ isañ akaa itie A-Abasi akedọkkọke anye. 4Akedo ke ayọhọ usen ita, Ebraham amaabenne anyen ase anyọñ ndin amaada akịt itie ado ke anyan usʌñ. 5Ebraham amaabo nditọufọk amọ, “Itie mi ye dọñki yak ami ye ayịn mmi idọọk ikaa uko, no iyaikikpono Abasi ndin iyaitịmme ibịne ndufo.”
6Ebraham amaadịppe ifia ufọfọb uwa anọ ayịn amọ Aisik abiom; anye ke idem amọ amaanyʌñ akama ikañ ye ikwa. Ke ammọ ekesʌkkọ esaña keed ekaiya, 7Aisik amaasio uyio akoot ete amọ ate, “Ete!”
Ebraham amaabọọrọ, “Ii, ayịn mmi, ado die?”
Aisik amaabịp, “Ifia ye ikañ mmọ mi, ado ayịnedọñ uwa aba ke mmọọ?”
8Ebraham amaabọọrọ, “Ayịn mmi, Abasi ke idem amọ ayaanọ ayịnedọñ se ekama enam uwa.” Ndin ammọ emaekaa iso esaña keed ekaa.
9Ke ammọ emaekedisịm itie A-Abasi akedọkkọke anye abaña, Ebraham amaabọp itie uwa do, anyʌñ aneeñe ifia abono. Anye amaamʌm ayịn amọ Aisik abọp ubọk ye ukod adot ke itie uwa, ke anyọñ ifia. 10Ndin Ebraham amaanyanna ubọk aben ikwa adiwot ayịn amọ. 11Ado enyere Abọọñ amaatie ke anyọñ akoot anye ke akpọsọñ uyio ate, “Ebraham! Ebraham!”
Anye amaabọọrọ, “Se miin mi.”
12Anye amaabo, “Kuuyak ubọk mfo atuuk ayịn ado. Kuunam anye ñkpọ ndomokeed. Idahami ami mmediọọñọ ke afo amebaak Abasi, sia afo uñnyịmme miin ayịn mfo, ukweeñe ayịn mfo.”
13Ebraham amaabenne anyen ase ndin anye amaakịt akukịmedọñ, a-nnʌk amọ akekọbọke ke mfuud ikọd. Ndin anye amaakaa akemʌm akukịmedọñ ado akama anam ufọfọb uwa utu ke ayịn amọ. 14Ke ntoro Ebraham amaakoot itie ado Abọọñ Ayaanọ. Ndin tutu asịm mfịn ami esʌk ebo, “Eyaenọ ke Abod Abọọñ.”
15Enyere Abọọñ amaamaana atie ke hefịn akoot Ebraham ayọhọ akañ iba 16anyʌñ abo, Abọọñ abo “ami mmenwọñọ ke anyịñ mmi, sia afo amenam ami, unyʌññọ uñnyịm miin ayịn mfo, ukweeñe ayịn mfo, 17ami ñyaudiọñ fiin, ñnyʌñ nnam ubon mfo awak nte ntantaafiọñ ke ikpaanyọñ ye nte ntan ke mben akpainyañ. Ubon mfo eyaedat abio mme asua ammọ enie, 18ndin adiito ke ubon mfo ediọñ afịd idịd, sia afo amenam uyio mmi.”
19Ndin Ebraham amaatịmme abịne nditọufọk amọ, enyʌñ ekesaña keed enyọñ Beeseba. Ndin Ebraham amaadʌñ ke Beeseba.
Nditọ Ideen Nahọ
20Akema emaedọkkọ Ebraham ete, “Milka ñko ado eka nditọ; anye a-aman nditọ ideen anọ ayịneka mfo Nahọ:
21Us ado akpan, ayịneka amọ awodeen ado Buus,
Kemuel (ete Aram),
22Kesed, Haso, Pildas, Yidaf ye Betuel.”
23Betuel akedo ete Ribeka.
Milka akeman nditọ ideen itiaita ami anọ Nahọ, ayịneka Ebraham.
24Anwaan esa amọ a-akekereke Ruma amaanyʌñ aman nditọ ideen e-ekedooho:
Teba, Kaham, Tahas ye Maaka.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.