AMarkus 15
15
Ba tse na aYeso ashon aBilatus
(AMatiyu 27:1-2,11-14; ALuka 23:1-5; AYohana 18:28-38)
1Na abop adiding, agbat-agbat àware, nɛ bashɔn, nɛ bafi itees ntsi aMusa, nɛ ngma bafɛ́ azumung ishɔt e moon kanu. Ba rosom aYeso, ba ku ta ashon ba tsɛ ba nabak aBilatus ne.
2ABilatus ku nye irip yɛ, “Ngɔn wu i yet agwɔm baYahuda me yɛ?”
AYeso ku bun ni ifɛ̀ yɛ, “Ngɔn tak kpaf.”
3Bagbat áware me te kukun wu naton nkyɔrɔk gaan. 4ABilatus tɛ a ku rip yɛ, “Ngɔn bi ikyɛng ifɛ̀ awɛ? Di bayɔng ba mi te kukun ngɔn naton nkyɔrɔk dot.”
5Awɛt aYeso sot yuu dang fɛrɛng ikyikak, ikyɛng e te aBilatus yɔɔt.
6Kaakyi izen amok aPasova, aBilatus mi di mɛɛ na te washak afɛ́ ari inyang azining fɛ́ banet e rip. 7Ni izen e yɔng anet akak kin di se fɛ́ ba ku yes aBarabas, a se ari inyang gung nɛ banet bakak fɛ ba kin fɛt anet ni izen fɛ́ ba kin dorok kuhwyɛ. 8Kudyɛng banet tsɛ ba ra awon na aBilatus fok, na ka ba nye nɛ ikyɛng fɛ́ a mi di mɛɛ na nyes.
9ABilatus ka ba rip yɛ, “Iyin shim yin in ki bisik yin agwɔm baYahuda yɛ?” 10Nek a rēn fok, a yet nek ifup de fi i sak bagbat áware nabak aYeso ni bɔk wu. 11Awɛt bagbat áware me, tees kudyɛng banet e fok, na ba rip aBilatus, na ka ba te washak aBarabas aza aYeso.
12ABilatus tɛ a ka ba rip ye, “Yɔkɔnɔng, akyɛ fi in da nye na ayɔng fi iyin ku yes yin agwɔm baYahuda yɛ?”
13Ba ta nkun fok, “Ba ku tegak!”
14ABilatus ka ba rip yɛ, “Akyɛ sak ɛ? Akyɛ inɛn fɛ́ a ra yɛ?”
Ba di ban itang nkun na agap yɛ, “Ba ku tegak!”
15ABilatus nek a shim a tɛrɛk kudyɛng banet e iyɛ, a ka ba bisik mo aBarabas. Ama me, a sak ba nye aYeso ahwyereng, ama ku nabak na ba ku tegak.
Batsom e tonong aYeso ibyɛs
(AMatiyu 27:27-31; AYohana 19:2-3)
16Ama anɔng, batsom e ta aYeso ashon sak na katasa agwɔmna (fɛ́ ba yes ika fok aPiritoriyum) ba ma yes ngma ishɛrɛp batsom e. 17Ba te aYeso kugboo kukpin asiliki kuri kufɛ́ bágwɔm, ba ma bat abong itsitsan, ba ku te ne ni ice. 18Wat ba kpa ku nye ashow ifoos afa yɛ, “Kutset agwɔm baYahuda ni ku sot kusɔɔp!” 19Ba ku tsosok mo ice ni ishɛn, na ba ku cish mo acicɛ. Ba nye gururuk nanu ashon wu, tɛ ba tsin ku nesek mo iratek. 20Ama fɛ́ ba mi gang i ku tonoso ibyɛs, ba tun kugboo kukpin asiliki me, ba ku te mo ku fuu. Ba ku ta ashon nɔng ba da tsɛ ba ku tegak.
Ba tegak aYeso
(AMatiyu 27:32-44; ALuka 23:26-43; AYohana 19:17-27)
21Na ba se ni irèn, ba nyim na anet akak fɛ́ ba ku yes aSiman, anet aSirin, ada Alekzanda nɛ aRufus, na tsin ne na ayit sak i tse na yet iwɔp, batsom e ku te mo gbing-gbing na a sok kukon itegak aYeso. 22Ba ta aYeso ashon sak narɔ fɛ́ ba yes aGolgota fɛ́ a yet, karɔ akup ace banet. 23Azɔng ba ku nɔk ashi anap fɛ́ ba moon ni ikan fɛ́ ba yes ide amur, awɛt a rawu dang sɔ. 24Ama fɛ́ ba mi ku tegak, ba kabasa ares wu ni irèn ibara icang nɔng ba da di ikyɛng fɛ́ kaangan da sɛ.
25Ni itsɔm bɔk agyɛng-ataat afɛ́ diding wu fɛ́ ba ku tegak. 26Naton kukon e, ba kin di jɛk ikyɛng fɛ́ ba di te kukun wu me yɛ, “AGWƆM BAYAHUDA.” 27Ba tegak bakpatang agap bafaa gung ni wu bà, azining ni bɔk iyak wu, na zining ni bɔk imen wu.#15:27 Afumung akak fɛ́ ba kin jɛk ni mbɔk yame bɛ̀ ibyat 28 ane: “Ideng de i yet ishining ibes fi i fɛ̀ ye, ‘Ba ku fa ayɛt bafi inɛn.’ ” 29Banet fɛ́ ba se ni igorok, nye digit ice, na ba tosong aYeso, na ba nye ni wu, “Nya! Ngɔn fi i fɛ̀, da yirik kutu iya Adakunom ntong, ni ma nok iko ayɛt nkɔs ntaat. 30Kɔ tik! Naton kukon itegak kang, da sheshek ice ngɔn.”
31Anɔng bà, bagbat áware, nɛ bafi itees ntsi aMusa ba tonong aYeso ibyɛs, na ba nye ni ice bá yɛ, “A sheshek bakak, awɛt isheshek ice wu ku gaat! 32Won aKristi agwɔm aIsrela yong, na tik naton kukon itegak kang, nɔng in da di yit ni nɔɔk yit atsak!” Bakpatang agap yɔng fɛ́ ba ka ba tegak gung ni wu ku tonong ibyɛs bà.
Iku aYeso
(AMatiyu 27:45-56; ALuka 23:44-49; AYohana 19:28-30)
33Na tetenom, kurin te gip ngma mben e kusum, sak ni itsɔm bɔk itaat ifɛ́ ahwyɛ. 34Ni itsɔm bɔk itaat, aYeso ta kutɔ gbɛrɛy, a fɛ̀, “Eloy, Eloy, lama sabaktani?” Fi itonong fok, “Adakunom hom, Adakunom hom, akyɛ sak fi ngɔn di wobok ɛ?”
35Bakak fɛ́ ba se azɔng ni nyeseng fok anɔng, ba fɛ̀, “Fok yin, ayɔng a tsin yes atan aIliya.”
36Wat azining ayɛt ba, a ta itsi, a tsɛ shumung asoso ayɛt ashi ajatang e, a tubuk ni kukon, a nabak aYeso ne na a sɔ. A ma fɛ̀ ni ba yɛ, “Won yin kyɔn ni in di yit, kɛ atan aIliya me da bɛ́ a ku tik naton kukon itegak kang.”
37AYeso ta kutɔ na agap, a ma kɔrɔk nsong igang e.
38Ama anɔng, kukpin fɛ́ ku tsang fam ni itu iya Adakunom ntong, wat ku sarak asa afaa, itumung naton sak aben. 39Izen fɛ́ agbat afɛ́ batsom fɛ́ a se ni nyeseng bakat azɔng, a di irèn fɛ́ aYeso di ku, a fɛ̀, “Na atsak e, anet yong yet Arim Adakunom!”
40Banyining bakak se ni nyeseng yik-yik na ba yɛrɛ. Ayɛt ba, a kin yet aMarya afɛ́ aMagadala, nɛ aMarya, nggɔ aYakubu a wosong aJoses, nɛ aSalomi. 41Neeme na aGalili, banyining bang kin ku kuus mo na ba ku gbinding kutomong wu. Banyining bakak dot fɛ́ ba kin ne gung ni wu na aRushelima kin se azɔng bà.
Kunɛt aYeso
(AMatiyu 27:57-61; ALuka 23:50-56; AYohana 19:38-42)
42Izen fɛ́ kahwyɛ nye, fɛ́ ba nyes nkyɔrɔk gyam nek akatson e yet kunom aSabat. 43Arum akak fɛ́ ba ku yes aYusufu afɛ́ Arimatiya, azining ayɛt bafɛ́ azumung bashɔn, azɔk, afi ite iyɛ kubɛ́ igwɔm Adakunom. A yit iyɛ, a tse na aBilatus, a ra awon ni wu na a ku nɔk kukom aYeso. 44ABilatus te yɔɔt ni fok fok aYeso mi ku. A ma yes agbat afɛ́ batsom e, a ku rip kɛ a yet atsak e aYeso mi ku yɛ? 45Fɛ́ a fok ifɛ̀ me yet atsak nanu agbat afɛ́ batsom e, a nɔɔk aYusufu me irèn na tsɛ a sok kukom e. 46AYusufu me tsɛ a shan kúrú alinɛn, a bɛ́ tik ni kukom e, a ma kunung iko ni kúrú alinɛn, a tsɛ nɛt iko ni rɛk yɔng fɛ́ ba ta iko na asɔs kuta. A ma bingiring kunyin kuta, a di fam katisi irɛk e. 47AMarya afɛ́ aMagadala, nɛ aMarya nggɔ aJoses, ba se ni yɛrɛ, ba di karɔ fɛ́ ba nɛt kukom aYeso me.
Iliyochaguliwa sasa
AMarkus 15: IbaasNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.
AMarkus 15
15
Ba tse na aYeso ashon aBilatus
(AMatiyu 27:1-2,11-14; ALuka 23:1-5; AYohana 18:28-38)
1Na abop adiding, agbat-agbat àware, nɛ bashɔn, nɛ bafi itees ntsi aMusa, nɛ ngma bafɛ́ azumung ishɔt e moon kanu. Ba rosom aYeso, ba ku ta ashon ba tsɛ ba nabak aBilatus ne.
2ABilatus ku nye irip yɛ, “Ngɔn wu i yet agwɔm baYahuda me yɛ?”
AYeso ku bun ni ifɛ̀ yɛ, “Ngɔn tak kpaf.”
3Bagbat áware me te kukun wu naton nkyɔrɔk gaan. 4ABilatus tɛ a ku rip yɛ, “Ngɔn bi ikyɛng ifɛ̀ awɛ? Di bayɔng ba mi te kukun ngɔn naton nkyɔrɔk dot.”
5Awɛt aYeso sot yuu dang fɛrɛng ikyikak, ikyɛng e te aBilatus yɔɔt.
6Kaakyi izen amok aPasova, aBilatus mi di mɛɛ na te washak afɛ́ ari inyang azining fɛ́ banet e rip. 7Ni izen e yɔng anet akak kin di se fɛ́ ba ku yes aBarabas, a se ari inyang gung nɛ banet bakak fɛ ba kin fɛt anet ni izen fɛ́ ba kin dorok kuhwyɛ. 8Kudyɛng banet tsɛ ba ra awon na aBilatus fok, na ka ba nye nɛ ikyɛng fɛ́ a mi di mɛɛ na nyes.
9ABilatus ka ba rip yɛ, “Iyin shim yin in ki bisik yin agwɔm baYahuda yɛ?” 10Nek a rēn fok, a yet nek ifup de fi i sak bagbat áware nabak aYeso ni bɔk wu. 11Awɛt bagbat áware me, tees kudyɛng banet e fok, na ba rip aBilatus, na ka ba te washak aBarabas aza aYeso.
12ABilatus tɛ a ka ba rip ye, “Yɔkɔnɔng, akyɛ fi in da nye na ayɔng fi iyin ku yes yin agwɔm baYahuda yɛ?”
13Ba ta nkun fok, “Ba ku tegak!”
14ABilatus ka ba rip yɛ, “Akyɛ sak ɛ? Akyɛ inɛn fɛ́ a ra yɛ?”
Ba di ban itang nkun na agap yɛ, “Ba ku tegak!”
15ABilatus nek a shim a tɛrɛk kudyɛng banet e iyɛ, a ka ba bisik mo aBarabas. Ama me, a sak ba nye aYeso ahwyereng, ama ku nabak na ba ku tegak.
Batsom e tonong aYeso ibyɛs
(AMatiyu 27:27-31; AYohana 19:2-3)
16Ama anɔng, batsom e ta aYeso ashon sak na katasa agwɔmna (fɛ́ ba yes ika fok aPiritoriyum) ba ma yes ngma ishɛrɛp batsom e. 17Ba te aYeso kugboo kukpin asiliki kuri kufɛ́ bágwɔm, ba ma bat abong itsitsan, ba ku te ne ni ice. 18Wat ba kpa ku nye ashow ifoos afa yɛ, “Kutset agwɔm baYahuda ni ku sot kusɔɔp!” 19Ba ku tsosok mo ice ni ishɛn, na ba ku cish mo acicɛ. Ba nye gururuk nanu ashon wu, tɛ ba tsin ku nesek mo iratek. 20Ama fɛ́ ba mi gang i ku tonoso ibyɛs, ba tun kugboo kukpin asiliki me, ba ku te mo ku fuu. Ba ku ta ashon nɔng ba da tsɛ ba ku tegak.
Ba tegak aYeso
(AMatiyu 27:32-44; ALuka 23:26-43; AYohana 19:17-27)
21Na ba se ni irèn, ba nyim na anet akak fɛ́ ba ku yes aSiman, anet aSirin, ada Alekzanda nɛ aRufus, na tsin ne na ayit sak i tse na yet iwɔp, batsom e ku te mo gbing-gbing na a sok kukon itegak aYeso. 22Ba ta aYeso ashon sak narɔ fɛ́ ba yes aGolgota fɛ́ a yet, karɔ akup ace banet. 23Azɔng ba ku nɔk ashi anap fɛ́ ba moon ni ikan fɛ́ ba yes ide amur, awɛt a rawu dang sɔ. 24Ama fɛ́ ba mi ku tegak, ba kabasa ares wu ni irèn ibara icang nɔng ba da di ikyɛng fɛ́ kaangan da sɛ.
25Ni itsɔm bɔk agyɛng-ataat afɛ́ diding wu fɛ́ ba ku tegak. 26Naton kukon e, ba kin di jɛk ikyɛng fɛ́ ba di te kukun wu me yɛ, “AGWƆM BAYAHUDA.” 27Ba tegak bakpatang agap bafaa gung ni wu bà, azining ni bɔk iyak wu, na zining ni bɔk imen wu.#15:27 Afumung akak fɛ́ ba kin jɛk ni mbɔk yame bɛ̀ ibyat 28 ane: “Ideng de i yet ishining ibes fi i fɛ̀ ye, ‘Ba ku fa ayɛt bafi inɛn.’ ” 29Banet fɛ́ ba se ni igorok, nye digit ice, na ba tosong aYeso, na ba nye ni wu, “Nya! Ngɔn fi i fɛ̀, da yirik kutu iya Adakunom ntong, ni ma nok iko ayɛt nkɔs ntaat. 30Kɔ tik! Naton kukon itegak kang, da sheshek ice ngɔn.”
31Anɔng bà, bagbat áware, nɛ bafi itees ntsi aMusa ba tonong aYeso ibyɛs, na ba nye ni ice bá yɛ, “A sheshek bakak, awɛt isheshek ice wu ku gaat! 32Won aKristi agwɔm aIsrela yong, na tik naton kukon itegak kang, nɔng in da di yit ni nɔɔk yit atsak!” Bakpatang agap yɔng fɛ́ ba ka ba tegak gung ni wu ku tonong ibyɛs bà.
Iku aYeso
(AMatiyu 27:45-56; ALuka 23:44-49; AYohana 19:28-30)
33Na tetenom, kurin te gip ngma mben e kusum, sak ni itsɔm bɔk itaat ifɛ́ ahwyɛ. 34Ni itsɔm bɔk itaat, aYeso ta kutɔ gbɛrɛy, a fɛ̀, “Eloy, Eloy, lama sabaktani?” Fi itonong fok, “Adakunom hom, Adakunom hom, akyɛ sak fi ngɔn di wobok ɛ?”
35Bakak fɛ́ ba se azɔng ni nyeseng fok anɔng, ba fɛ̀, “Fok yin, ayɔng a tsin yes atan aIliya.”
36Wat azining ayɛt ba, a ta itsi, a tsɛ shumung asoso ayɛt ashi ajatang e, a tubuk ni kukon, a nabak aYeso ne na a sɔ. A ma fɛ̀ ni ba yɛ, “Won yin kyɔn ni in di yit, kɛ atan aIliya me da bɛ́ a ku tik naton kukon itegak kang.”
37AYeso ta kutɔ na agap, a ma kɔrɔk nsong igang e.
38Ama anɔng, kukpin fɛ́ ku tsang fam ni itu iya Adakunom ntong, wat ku sarak asa afaa, itumung naton sak aben. 39Izen fɛ́ agbat afɛ́ batsom fɛ́ a se ni nyeseng bakat azɔng, a di irèn fɛ́ aYeso di ku, a fɛ̀, “Na atsak e, anet yong yet Arim Adakunom!”
40Banyining bakak se ni nyeseng yik-yik na ba yɛrɛ. Ayɛt ba, a kin yet aMarya afɛ́ aMagadala, nɛ aMarya, nggɔ aYakubu a wosong aJoses, nɛ aSalomi. 41Neeme na aGalili, banyining bang kin ku kuus mo na ba ku gbinding kutomong wu. Banyining bakak dot fɛ́ ba kin ne gung ni wu na aRushelima kin se azɔng bà.
Kunɛt aYeso
(AMatiyu 27:57-61; ALuka 23:50-56; AYohana 19:38-42)
42Izen fɛ́ kahwyɛ nye, fɛ́ ba nyes nkyɔrɔk gyam nek akatson e yet kunom aSabat. 43Arum akak fɛ́ ba ku yes aYusufu afɛ́ Arimatiya, azining ayɛt bafɛ́ azumung bashɔn, azɔk, afi ite iyɛ kubɛ́ igwɔm Adakunom. A yit iyɛ, a tse na aBilatus, a ra awon ni wu na a ku nɔk kukom aYeso. 44ABilatus te yɔɔt ni fok fok aYeso mi ku. A ma yes agbat afɛ́ batsom e, a ku rip kɛ a yet atsak e aYeso mi ku yɛ? 45Fɛ́ a fok ifɛ̀ me yet atsak nanu agbat afɛ́ batsom e, a nɔɔk aYusufu me irèn na tsɛ a sok kukom e. 46AYusufu me tsɛ a shan kúrú alinɛn, a bɛ́ tik ni kukom e, a ma kunung iko ni kúrú alinɛn, a tsɛ nɛt iko ni rɛk yɔng fɛ́ ba ta iko na asɔs kuta. A ma bingiring kunyin kuta, a di fam katisi irɛk e. 47AMarya afɛ́ aMagadala, nɛ aMarya nggɔ aJoses, ba se ni yɛrɛ, ba di karɔ fɛ́ ba nɛt kukom aYeso me.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.