AMarkus 12
12
Igorok icɛɛt naton banet iyɛrɛ ikɔ anap
(AMatiyu 21:33-46; ALuka 20:9-19)
1Ama anɔng, aYeso ya kashon ni cɛɛt ni ba ni igorok icɛɛt yɛ, “Anet akak kin kap ikɔ, a di tuus nakon anap. A gorok ikɔ me ni kubat gyat, a di ta ibong ifarang ashi anap e, a tɛ nok iriyɔng fɛ́ anet iyɛrɛ ikɔ me di ki sosok. Ama nɔng, a nɔɔk ikɔ me ni bɔk bafi ikap fɛ́ ba sok ikɔ me ni itsɔm, a nye kutseet sak ni wɔp kukak. 2Fi izen itusung ica anap e nye, a tom asam wu akak sak narɔ bafi iyɛrɛ ikɔ me, na ku shan ica akon ni bɔk ba. 3Awɛt bafi iyɛrɛ ikɔ me yit asam e, ba ku tsot, ba ku ro mbɔk nkoot. 4A tɛ a tom asam akak sak ni ba, ba ku fo ice, ba ku te nsum. 5A tɛ a tom akak bà, ba fɛt ayɔng. A tom bakak dot: Ba tsosok bakak, ba fɛɛs bakak.
6“Anet azining kyɛk fɛ́ a kyɛk dang tom, a yet arim wu, ayɔng fi iwu shim. Ni igang e ngma, a tom ari wu sak ni ba, a fɛ̀, ‘Ba da di kudiring ari hom.’
7“Awɛt bafi iyɛrɛ ikɔ me ma fɛ̀ ni ice bá, ‘Anet iya itekari me yong. Bɛ́ yin, in fɛt yit amaan, nɔng itekari me da sot ifiit.’ 8Ba ku yit, ba fɛt, ba sok kukom e, ba barak iko ama kubat.”
9AYeso ka ba rip yɛ, “Akyɛ fɛ́ atek ikɔ me da nye yɛ? A da bɛ fɛɛs bafi iyere ikɔ me, na sok ide, na nɔk bakak. 10Iyin mang fa yin ikyɛng fɛ́ Afumung Adakunom fɛ̀ awɛ? Yɛ,
‘Kuta fɛ́ banet inok
sak iko ni fam,
ku mi sot kuta fi kudun sas
aza ngma ata.
11Ikyɛng deng
fɛ Adakunom nye,
i yet ikyɛng ayɔɔt ni yit.’ ”
12Bakɔk-ashon baYahuda me tsɛt irèn fɛ́ ba di ki tekap aYeso, nek ba rēn fok a nye igorok icɛɛt e naton ba. Awɛt ba foos nnyim kudyɛng banet, ba ku won, ba tseng kutseet ba.
Irip naton itarasa itsɔm mben
(AMatiyu 22:15-22; ALuka 20:20-26)
13Ama anɔng, ba tom BaFarasi bakak nɛ banet-aHiridus sak nɛ aYeso, nɔng ba bin ku te agunung naton kucɛɛt fɛ́ a da fɛrɛng. 14Ba tse ni wu, ba fɛ̀, “Anet itees, in da rēn yit ngɔn yet anet atsak. Ngɔn tees banet kucɛɛt Adakunom kufɛ́ atsak. Vit ngɔn ni shim ice, nek ngɔn sok banet ngma kusum ba yet ikyɛng izining nanu shon ngɔn. Ki tak yit, ni ku di ngɔn, i se gyat ni in tarasa yit itsɔm mben sak na aKaisar, agwɔm aRoma a? Kɛ awey ɛ? In tarasa yit a? Ke in bi tarasa yit awɛ?” 15Awɛt aYeso rēn aduk kuyiring bà, a fɛ́ ni ba, “Akyɛ sak i shim i di te yin agunung ɛ? Di bɛ yin ni itsɔm e aze, in di ide.” 16Ba ku nɔk ide, a ma ka ba rip yɛ, “Nawu angan ni iyerek angan wu i se naton e yɛ?”
Ba fɛ ni wu, “Na fɛ aKaisar.”
17Wat aYeso fɛ ni ba, “Nɔk yin aKaisar ikyɛng fi i yet ifɛ́ aKaisar, ni nɔk yin Adakunom ikyɛng fi i yet ifɛ́ Adakunom.” Ikyɛng dɔng fɛ́ a fɛ̀ ka ba te yɔɔt.
Irip naton idoro bafaben
(AMatiyu 22:23-33; ALuka 20:27-40)
18Wat BaSadusi bakak tse na aYeso. Iba ba ba nye fok vit idoro bafaben. 19Ba fɛ̀ ni wu yɛ, “Anet itees, aMusa kin ki jɛk yit e yɛ, ‘Kɛ anet ku, a won abining vit nggon, i se gbing-gbing arunyining akaku me, na bereng akumung e, nɔng a da ku sɛ mo izit.’ 20Baruneng bakak kin se kanakataat ni ija bá. Afi imɛsɛng e bɔ abining, a bɛ a ku dang nggon. 21Afɛ́ faa me, a bɛ a bɔ akumung e, awɛt iwu me bɛ a ku dang nggon bà. Afɛ́ taat e ku anɔng bà. 22I te ngma anɔng nɛ barɔ kanakataat e, ngma ba ba kus dang nggon na abining e. Ama me, abining e bɛ a ku bà. 23Yɔkɔnɔng, atuk idoro bafaben, abining e bi sot afɛ́ angan ayɛt ba yɛ? Nek ngma ba kanakataat e mi ku bɔ.”
24AYeso ka ba bun ni fɛ̀ yɛ, “Iyin buruk yin gyet awo, nek irēn yin ikyɛng fi kufumung aJɛrɛ fɛ̀ awo, da i rēn yin kukyem Adakunom awo. 25Izen fɛ́ bafaben bi doro, batek bi tɛ ba ras nweneng awo, ba bi tɛ ba nesek banyining ni nweneng awo. Awɛt ba bi sot tɛ batomaza. 26Awɛt naton idoro bafaben, iyin mang fa yin ikyɛng fɛ́ Adakunom kin fɛ̀ ni kufumung aMusa, ni izen kurong fi ku kin ya ni kuci awɛ? Ba kin jɛk yɛ, Adakunom fɛ̀ ni wu, ‘Imi wu in yet Adakunom afɛ́ aIbrahim, na afɛ́ aIshaku, na afɛ́ aYakub.’ 27Idɔng itonong fok, iwu yet Adakunom bafaben awo, tit afɛ́ bafi kutset. I nye yin iburuk gyet awo.”
Agbat ifɛ́
(AMatiyu 22:34-40; ALuka 10:25-28)
28Azining ayɛt bafi itees ntsi aMusa, tsɛ a fok ba se na nanan. A di aYeso mi mees BaSadusi ni icɛɛt, a ku nye irip yɛ, “Ayɛt ntsi ngma, ingan nang wu fi idung wat ni iratek ɛ?”
29AYeso fɛ́ ni wu yɛ, “Nyɔng fi in dung wat ni iratek yet, ‘Fok yin, Iyin aIsrela, aTisa Adakunom yin, aTisa me yet azining. 30Shim aTisa Adakunom ngɔn ni iyɛ ngɔn ngma, ni kutset ngɔn ngma, ni kuyiring ice ngɔn ngma, nɛ agap ngɔn ngma.’ 31Ifɛ́ faa me, yet, ‘Shim afidang isot ngɔn ti ice ngɔn.’ Vit ntsi fi nwat nnang ni iratek.”
32Wɛt anet itees ntsi me fɛ̀ na aYeso yɛ, “Anet itees, i fɛrɛng gyat, Adakunom yet azining pet, vit akak tit iwu. 33I se gbing-gbing ni ishim Adakunom ni iyɛ ngɔn ngma, ni kuyiring ice ngɔn ngma, nɛ agap ngɔn ngma, ni ti ni shim afidang isot ngɔn ti ice ngɔn. Ikuus ntsi nfaa nang wat iratek aza kunang ashosh inabak-akuce.”
34Fɛ́ aYeso di kutsitsɛng ni bun icɛɛt wu, a fɛ̀ ni wu yɛ, “Ngɔn se yik-yik ni igwɔm Adakunom awo.” Ama ideng, vit anet fɛ́ a tɛ bi iyɛ, na a ku rip ikyikak.
Arim angan yet AKristi me yɛ
(AMatiyu 22:41-46; ALuka 20:41-44)
35Izen fɛ́ aYeso se ni itees banet narɔ iya Adakunom ntong, a fɛ́ yɛ, “Akyɛ sak bafi itees ntsi nye fok aKristi me yet arim aDauda yɛ? 36Kabik aJɛrɛ te aDauda na fɛ̀ yɛ,
‘ATisa fɛ̀ na aTisa hom,
Sonong aze ni bɔk iyak hom
Ma in sak bafi ifa ni ngɔn
aben atak ngɔn.’
37Kɛ aDauda kin ku yes, Anet-Isheshek aTisa wu, na anɛ fɛ́ Anet-Isheshek e da sot ari wu yɛ?”
Kudyɛng banet e kin fok nta ifoos kucɛɛt wu.
38Na aYeso se ni itees, a fɛ̀:
Nye yin yɛɛt na bafi itees ntsi aMusa! Ba shim ites ágboo ákpin asɔp na ba teng ba kat na narɔ ijik, nɔng banet da ka ba nye show. 39Ba shim isosok na narɔ naratek na narɔ inyis baYahuda, nɛ narɔ natek na narɔ amok. 40Ba mɔɔt bakumung na nasa bá, nɛ ba ras awon asɔp nek ba di tonoso. Ishɔt ba bi dung risik.
Kunang fɛ̀ akumung nye
(ALuka 21:1-4)
41AYeso se ni sonong narɔ iya Adakunom ntong bakat nɛ karɔ inesek kunang, a te iyisi naton banet fɛ́ ba tsin nesek kunang e. Barúm bakak kin nesek kunang gaan. 42Awɛt akumung akak fɛ́ a yet akan-akan, a bɛ te naban ikarabi nafaa, fɛ́ da na kyem akɔng azining awo.
43AYeso yes bafi imɛɛs wu, a fɛ̀ ni ba:
Won in ki tak yin atsak, akan akumung yo te ikyɛng fi i wat ifɛ́ kaangan. 44Nek ngma ishɛrɛp ba nesek ayɛt kudot kurúm bá, awɛt iwu ayɛt avit wu, a nɔɔk ngma nkum ikyɛng fɛ́ a da ya.
Iliyochaguliwa sasa
AMarkus 12: IbaasNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.
AMarkus 12
12
Igorok icɛɛt naton banet iyɛrɛ ikɔ anap
(AMatiyu 21:33-46; ALuka 20:9-19)
1Ama anɔng, aYeso ya kashon ni cɛɛt ni ba ni igorok icɛɛt yɛ, “Anet akak kin kap ikɔ, a di tuus nakon anap. A gorok ikɔ me ni kubat gyat, a di ta ibong ifarang ashi anap e, a tɛ nok iriyɔng fɛ́ anet iyɛrɛ ikɔ me di ki sosok. Ama nɔng, a nɔɔk ikɔ me ni bɔk bafi ikap fɛ́ ba sok ikɔ me ni itsɔm, a nye kutseet sak ni wɔp kukak. 2Fi izen itusung ica anap e nye, a tom asam wu akak sak narɔ bafi iyɛrɛ ikɔ me, na ku shan ica akon ni bɔk ba. 3Awɛt bafi iyɛrɛ ikɔ me yit asam e, ba ku tsot, ba ku ro mbɔk nkoot. 4A tɛ a tom asam akak sak ni ba, ba ku fo ice, ba ku te nsum. 5A tɛ a tom akak bà, ba fɛt ayɔng. A tom bakak dot: Ba tsosok bakak, ba fɛɛs bakak.
6“Anet azining kyɛk fɛ́ a kyɛk dang tom, a yet arim wu, ayɔng fi iwu shim. Ni igang e ngma, a tom ari wu sak ni ba, a fɛ̀, ‘Ba da di kudiring ari hom.’
7“Awɛt bafi iyɛrɛ ikɔ me ma fɛ̀ ni ice bá, ‘Anet iya itekari me yong. Bɛ́ yin, in fɛt yit amaan, nɔng itekari me da sot ifiit.’ 8Ba ku yit, ba fɛt, ba sok kukom e, ba barak iko ama kubat.”
9AYeso ka ba rip yɛ, “Akyɛ fɛ́ atek ikɔ me da nye yɛ? A da bɛ fɛɛs bafi iyere ikɔ me, na sok ide, na nɔk bakak. 10Iyin mang fa yin ikyɛng fɛ́ Afumung Adakunom fɛ̀ awɛ? Yɛ,
‘Kuta fɛ́ banet inok
sak iko ni fam,
ku mi sot kuta fi kudun sas
aza ngma ata.
11Ikyɛng deng
fɛ Adakunom nye,
i yet ikyɛng ayɔɔt ni yit.’ ”
12Bakɔk-ashon baYahuda me tsɛt irèn fɛ́ ba di ki tekap aYeso, nek ba rēn fok a nye igorok icɛɛt e naton ba. Awɛt ba foos nnyim kudyɛng banet, ba ku won, ba tseng kutseet ba.
Irip naton itarasa itsɔm mben
(AMatiyu 22:15-22; ALuka 20:20-26)
13Ama anɔng, ba tom BaFarasi bakak nɛ banet-aHiridus sak nɛ aYeso, nɔng ba bin ku te agunung naton kucɛɛt fɛ́ a da fɛrɛng. 14Ba tse ni wu, ba fɛ̀, “Anet itees, in da rēn yit ngɔn yet anet atsak. Ngɔn tees banet kucɛɛt Adakunom kufɛ́ atsak. Vit ngɔn ni shim ice, nek ngɔn sok banet ngma kusum ba yet ikyɛng izining nanu shon ngɔn. Ki tak yit, ni ku di ngɔn, i se gyat ni in tarasa yit itsɔm mben sak na aKaisar, agwɔm aRoma a? Kɛ awey ɛ? In tarasa yit a? Ke in bi tarasa yit awɛ?” 15Awɛt aYeso rēn aduk kuyiring bà, a fɛ́ ni ba, “Akyɛ sak i shim i di te yin agunung ɛ? Di bɛ yin ni itsɔm e aze, in di ide.” 16Ba ku nɔk ide, a ma ka ba rip yɛ, “Nawu angan ni iyerek angan wu i se naton e yɛ?”
Ba fɛ ni wu, “Na fɛ aKaisar.”
17Wat aYeso fɛ ni ba, “Nɔk yin aKaisar ikyɛng fi i yet ifɛ́ aKaisar, ni nɔk yin Adakunom ikyɛng fi i yet ifɛ́ Adakunom.” Ikyɛng dɔng fɛ́ a fɛ̀ ka ba te yɔɔt.
Irip naton idoro bafaben
(AMatiyu 22:23-33; ALuka 20:27-40)
18Wat BaSadusi bakak tse na aYeso. Iba ba ba nye fok vit idoro bafaben. 19Ba fɛ̀ ni wu yɛ, “Anet itees, aMusa kin ki jɛk yit e yɛ, ‘Kɛ anet ku, a won abining vit nggon, i se gbing-gbing arunyining akaku me, na bereng akumung e, nɔng a da ku sɛ mo izit.’ 20Baruneng bakak kin se kanakataat ni ija bá. Afi imɛsɛng e bɔ abining, a bɛ a ku dang nggon. 21Afɛ́ faa me, a bɛ a bɔ akumung e, awɛt iwu me bɛ a ku dang nggon bà. Afɛ́ taat e ku anɔng bà. 22I te ngma anɔng nɛ barɔ kanakataat e, ngma ba ba kus dang nggon na abining e. Ama me, abining e bɛ a ku bà. 23Yɔkɔnɔng, atuk idoro bafaben, abining e bi sot afɛ́ angan ayɛt ba yɛ? Nek ngma ba kanakataat e mi ku bɔ.”
24AYeso ka ba bun ni fɛ̀ yɛ, “Iyin buruk yin gyet awo, nek irēn yin ikyɛng fi kufumung aJɛrɛ fɛ̀ awo, da i rēn yin kukyem Adakunom awo. 25Izen fɛ́ bafaben bi doro, batek bi tɛ ba ras nweneng awo, ba bi tɛ ba nesek banyining ni nweneng awo. Awɛt ba bi sot tɛ batomaza. 26Awɛt naton idoro bafaben, iyin mang fa yin ikyɛng fɛ́ Adakunom kin fɛ̀ ni kufumung aMusa, ni izen kurong fi ku kin ya ni kuci awɛ? Ba kin jɛk yɛ, Adakunom fɛ̀ ni wu, ‘Imi wu in yet Adakunom afɛ́ aIbrahim, na afɛ́ aIshaku, na afɛ́ aYakub.’ 27Idɔng itonong fok, iwu yet Adakunom bafaben awo, tit afɛ́ bafi kutset. I nye yin iburuk gyet awo.”
Agbat ifɛ́
(AMatiyu 22:34-40; ALuka 10:25-28)
28Azining ayɛt bafi itees ntsi aMusa, tsɛ a fok ba se na nanan. A di aYeso mi mees BaSadusi ni icɛɛt, a ku nye irip yɛ, “Ayɛt ntsi ngma, ingan nang wu fi idung wat ni iratek ɛ?”
29AYeso fɛ́ ni wu yɛ, “Nyɔng fi in dung wat ni iratek yet, ‘Fok yin, Iyin aIsrela, aTisa Adakunom yin, aTisa me yet azining. 30Shim aTisa Adakunom ngɔn ni iyɛ ngɔn ngma, ni kutset ngɔn ngma, ni kuyiring ice ngɔn ngma, nɛ agap ngɔn ngma.’ 31Ifɛ́ faa me, yet, ‘Shim afidang isot ngɔn ti ice ngɔn.’ Vit ntsi fi nwat nnang ni iratek.”
32Wɛt anet itees ntsi me fɛ̀ na aYeso yɛ, “Anet itees, i fɛrɛng gyat, Adakunom yet azining pet, vit akak tit iwu. 33I se gbing-gbing ni ishim Adakunom ni iyɛ ngɔn ngma, ni kuyiring ice ngɔn ngma, nɛ agap ngɔn ngma, ni ti ni shim afidang isot ngɔn ti ice ngɔn. Ikuus ntsi nfaa nang wat iratek aza kunang ashosh inabak-akuce.”
34Fɛ́ aYeso di kutsitsɛng ni bun icɛɛt wu, a fɛ̀ ni wu yɛ, “Ngɔn se yik-yik ni igwɔm Adakunom awo.” Ama ideng, vit anet fɛ́ a tɛ bi iyɛ, na a ku rip ikyikak.
Arim angan yet AKristi me yɛ
(AMatiyu 22:41-46; ALuka 20:41-44)
35Izen fɛ́ aYeso se ni itees banet narɔ iya Adakunom ntong, a fɛ́ yɛ, “Akyɛ sak bafi itees ntsi nye fok aKristi me yet arim aDauda yɛ? 36Kabik aJɛrɛ te aDauda na fɛ̀ yɛ,
‘ATisa fɛ̀ na aTisa hom,
Sonong aze ni bɔk iyak hom
Ma in sak bafi ifa ni ngɔn
aben atak ngɔn.’
37Kɛ aDauda kin ku yes, Anet-Isheshek aTisa wu, na anɛ fɛ́ Anet-Isheshek e da sot ari wu yɛ?”
Kudyɛng banet e kin fok nta ifoos kucɛɛt wu.
38Na aYeso se ni itees, a fɛ̀:
Nye yin yɛɛt na bafi itees ntsi aMusa! Ba shim ites ágboo ákpin asɔp na ba teng ba kat na narɔ ijik, nɔng banet da ka ba nye show. 39Ba shim isosok na narɔ naratek na narɔ inyis baYahuda, nɛ narɔ natek na narɔ amok. 40Ba mɔɔt bakumung na nasa bá, nɛ ba ras awon asɔp nek ba di tonoso. Ishɔt ba bi dung risik.
Kunang fɛ̀ akumung nye
(ALuka 21:1-4)
41AYeso se ni sonong narɔ iya Adakunom ntong bakat nɛ karɔ inesek kunang, a te iyisi naton banet fɛ́ ba tsin nesek kunang e. Barúm bakak kin nesek kunang gaan. 42Awɛt akumung akak fɛ́ a yet akan-akan, a bɛ te naban ikarabi nafaa, fɛ́ da na kyem akɔng azining awo.
43AYeso yes bafi imɛɛs wu, a fɛ̀ ni ba:
Won in ki tak yin atsak, akan akumung yo te ikyɛng fi i wat ifɛ́ kaangan. 44Nek ngma ishɛrɛp ba nesek ayɛt kudot kurúm bá, awɛt iwu ayɛt avit wu, a nɔɔk ngma nkum ikyɛng fɛ́ a da ya.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.