ALuka 7
7
AYeso te aSam akɔk batsom kyang
(AMatiyu 8:5-13)
1Ama fɛ́ aYeso mi gang kucɛɛt ni iba naton nkyɔrɔk e ngma, a tseng sak na aKafarnahum. 2Azɔng ni wɔp e yɔng, akɔk batsom aRoma akak kin bɛ́ asam fɛ́ a di te iyɛ ni wu makiyi, asam e kin se ni irɔk tɛ a da ku. 3Ni izen fɛ́ akɔk batsom e fok ifɛ̀ naton aYeso, a te itom sak na bashɔn baYahuda na ba tsɛ ba ku tsot akabɔk, na a bɛ́ a te asam wu kyang. 4Ni izen fɛ́ ba tsɛ ba sɛ aYeso, ba di tsot akabɔk ni wu makiyi, ba fɛ̀ ni wu, “I se gyat ni nye anet e yong ikyɛng fɛ́ a tsɛt, 5nek anet yong, shim banet yit, iwu fɛ́ a ki nok yit karɔ inyis baYahuda.” 6Nek anɔng, aYeso ka ba kuus mo.
Ni izen fɛ́ a bɛ́ bakat na kari me, akɔk batsom e, tom bafidang wu, na ba tsɛ ba fɛ̀ ni wu, yɛ, “ATisa, i bi ka sɔ mgbang i bɛ́ sak azeng awo, nek imi kyem fi ngɔn da nɔ ari min awo. 7Nek in di kurat hom, fi i sak, da in kyem, in di bɛ́ narɔ ngɔn ice min awo. Ngɔn fɛrɛng azɔng kyɛk, asam min da sɛ kukyang. 8Nek imi ice min, in se aben ni ice akɔk-ashon akak, imi ice min, in bi ice naton batsom bakak. In fɛ̀ na a yo, ‘Tseng,’ na tseng; In fɛ̀ na a ya ‘Bɛ́,’ na bɛ́. In fɛ̀ na asam min, ‘Nye ide,’ na nye ide.”
9Ni izen fɛ́ aYeso fok anɔng, a ku te yɔɔt, a tirik sak ni kudyɛng banet yɔng fɛ́ ba se ni i ku kuus mo, a fɛ̀ ni ba, “Won in ki tak yin, imi mi kyem in sɛ kuri inɔɔk atsak iratek ti iyeng ni mben aIsrela kusum awo.” 10Ni izen fɛ́ bayɔng fɛ́ ba ka ba tom e, tɛ ba bun sak ari, ba tsɛ ba sɛ asam e a mi te kyang.
AYeso dorok ni kukom arim akumung
11Ama kizen shit, aYeso tseng sak ni wɔp kukak fɛ́ ba yes iko yɛ aNayin, nɛ bafi imɛɛs wu, nɛ kudyɛng banet fɛ́ ba se ni i ku kuus mo. 12Kpaf ngmash na ba nɔ atisi iwɔp e, ba nyim na ba tsin wuru ni kukom acam akak, akaku me iwu aziwu fɛ́ a kin yet kutes anyining, amatek wu kin tsang ku. Kudyɛng banet iwɔp e kin se gung nɛ abining e. 13Izen fɛ́ aTisa di abining e, a angmishish ku yit, a fɛ̀ ni wu, “I bi tos awo.”
14A serek bakat, a tsɛ a di sak kubɔk ni kon-ikok nkom e, bayɔng fɛ́ ba sok kukom e wat ba nyeseng. AYeso fɛ̀, “Acam, imi fɛ̀ ni ngɔn, Dorok!” 15Akaku me wat a dorok, a sonong, a kpa cɛɛt, aYeso ku sok a nabak anyining e.
16Inyim yit kaangan ayɛt bá, ba kpa tere Adakunom, na ba nye, “Agbat atan mi bɛ́ nate yit, Adakunom mi tik nek igbingding banet wu.” 17Kucɛɛt fɛ́ ba nye naton aYeso, teng ku kat kaakyɛ ni mben aJudiya, ni ishɛrɛp narɔ.
AYeso nɛ aYohana anet abatisma
(AMatiyu 11:2-19)
18Bafi imɛɛs aYohana tsɛ ba ku tak ngma ikyɛng fi ite, nek anɔng, a yes bafaa ayɛt bá, 19a ka ba tom sak na aTisa me, fok na ba tsɛ ba ku rip yɛ, “Ngɔn wu i yet ayɔng fɛ́ a da bɛ́ me ya, kɛ in tot yit akak ɛ?”
20Ni izen fɛ́ banet e tsɛ ba ta narɔ aYeso, ba fɛ̀ ni iwu, “AYohana anet abatisma ki tom yit ni ngɔn, fok ni in da rip yit yɛ, ‘Ngɔn wu fi i yet ayɔng fɛ́ ba kin fɛ̀, a bi bɛ́ me ya, kɛ ni in tot yit akak ɛ?’ ”
21Kpaf izen e yɔng, aYeso mi tes bafi nrɔk zizɛɛt kyang, bayɔng fɛ́ ba bɔrɔng ni nrɔm, nɛ bafi nrɔk itséng, na tarak ayisi banet dot fɛ́ ba yet bakpatɔn. 22AYeso fɛ̀ na bayɔng fɛ́ ba ka ba tom e yɛ, “Ti bun yin sak na aYohana, da ku tak yin ikyɛng fɛ́ ayisi yin mi di, ni idɔng fi i fok yin: Bakpatɔn tsin sɛs ayisi, bakun tsin tsees tabat, bakparong mi tes cɛ́l, bakpey tsin foos, nkom tsin doro, ba tsin shara ifɛ̀ Adakunom sak na bakan. 23Awɛng se gung na ayɔng fɛ́ a rawu dang te digit ayɛt inɔɔk atsak wu sak ni mi.”
24Ama fɛ́ batom aYohana mi tseng, aYeso kpa nye banet kucɛɛt naton aYohana: “Akyɛ wu fi i tsi ni yɛrɛ yin na tse yɛ? I tsi ni yɛrɛ yin agam fi kuwun fɛsɛm ina yɛ? 25Wat i tse yin iyɛrɛ akyɛ kyɛk ka? Kɛ anet fɛ́ a mi kana zem ɛ? Di yin, bayɔng fɛ́ ba kana zem, fɛ́ ba ya nta, ba ka ba sɛs na na tasa bágwɔm. 26Awɛt i tse yin iyɛrɛ akyɛ kyɛk ka? I tsi yin idi atan ɛ? Ey, won in ki tak yin, i sɛ yin ayɔng fɛ́ a wat atan. 27Naton aYohana wu fɛ́ ba kin di jɛk yɛ,
‘Di yin, in mi tom na atom hom
na a tseng ashon ngɔn,
ayɔng fɛ́ a bi da nye irèn
fi i bi di got.’
28“In tsin ki tak yin, ngma ayɛt kutes abining, vit anet fɛ́ a wat aYohana ni iratek. Ngma nɛ anɔng, ayɔng fɛ́ a dung yet agebet e ni igwɔm Adakunom, a ku wat ni iratek.”
29Ngma banet fɛ́ ba se azɔng, pet nɛ bafi ishashang itsɔm mben, izen fɛ́ ba fok ifɛ̀ aYeso, ba run kama fok irèn Adakunom yet atsak, ba fɛ̀ anɔng, nek aYohana mi ka ba ra abatisma. 30Awɛt BaFarasi, nɛ bágwɔm irēn ntsi aMusa, ba raba dang nye ikyɛng fɛ́ Adakunom shim na ba nye, nek iba raba aYohana a ka ba ra abatisma.
31AYeso ya kashon ni kucɛɛt, a fɛ̀, “Ne akyɛ fi in di ki mara banet nnu nang ɛ? Ba tas akyɛ? 32Ba se kpaf ti nnon fɛ́ na kana tusung narɔ ijik, na na yes bafidang yɛ,
‘In ki ra yin ihwyɛrɛ,
i rayin dang to yin,
in ki ra yin abom iyɔm,
i rayin dang tos yin.’
33“Ni ku bɛ́ aYohana anet abatisma, a rawu dang ya nayak, vit isɔ ashi anap, iyin fɛ̀ yin fok, ‘A bi itséng.’ 34Arim Anet yong a mi bɛ́, a yas, nasɔs, iyɔng i nye yin, ‘Di yin kudayak kang, fi ku bɔs ifidang na bafi ishashang itsɔm mben, na bafi inɛn.’ 35Banet yɔng fɛ́ ba shan kutsitsɛng Adakunom, ba mi tonong fok kutsitsɛng e yet atsak.”
Abining fɛ́ a bi inɛn, a Korok aYeso name
36Azining ayɛt BaFarasi rini aYeso, fok na a tsɛ a yas ari wu, aYeso tse ari me, a tsɛ a sonong. 37Ni wɔp e yɔng, abining akak di se fɛ́ a se ni kusot anɛn. Ni izen fɛ́ a fok fok aYeso tsin yas ari aFarasi me, a tse ni kitsung alabasta na name nkɔn ntek fɛ́ ba nye ina, 38a tsɛ a nyeseng ama aYeso bakat na atak wu, a kpa tos, na nayisi di kpas na atak aYeso, na di kuus iyes e na akwoy ice wu, na shushu atak e na kanu, na di korok name ni na.
39Ni izen fɛ́ aFarasi fɛ́ a ku rini me di anɔng, a fɛ̀ ayɛt iyɛ wu, “Kɛ anet yong fɛ́ a yet atan atsak, ke a rēn kuri anet fɛ́ a tsin ku raas, kɛ a mi rēn fok a yet afi inɛn.”
40AYeso fɛ̀ ni wu, “ASiman, imi bi ikyɛng fi in shim in fɛ̀ ni ngɔn.”
A fɛ̀, “Di tak ide, Anet itees.”
41“Banet bafaa kin shan kuta itsɔm narɔ anet inesek kuta akak. Ba kin kuus azining itsɔm itarang itomong anet nfi iyɛ izining ni ibit, afɛ́ fa, ba kin ku kuus nfi nkɔs nsɔk ntoon. 42Fi kuta me ka ba gaat itarang, anet e, ka ba wosong itsɔm e. Ni ku di ngɔn, angan ayɛt bá fɛ́ a da dung kushim ɛ?”
43ASiman fɛ̀ ni wu, “Imi di tɛ a yɔng fɛ́ ba ku wosong kuta kuratek.”
AYeso fɛ̀ ni wu, “Ngɔn fɛrɛng kpaf.”
44A ma tirik a yɛrɛk abining e, a fɛ̀ na aSiman, “I di abining yong a. Imi bɛ́ ari ngɔn, da ngɔn di nɔɔk ashi in di kusu atak in awo, awɛt abining yong mi di kusu atak na nayisi wu, a di rɛng atak na akyoy ice wu. 45Da ngɔn di nye ashow itekap awo, awɛt abining yong, neme fi in di nɔ azeng, da a mi won itekap atak yin awo. 46Da ngɔn mi di korok name ni ice awo, awɛt iwu mi di korok name natak hom. 47Nek anɔng, imi fɛ̀ ni ngɔn, anɛn abining yong fɛ́ a se dot, ba mi fuut ina, nek a tonong ishim dot. Awɛt ayɔng fɛ́ ba ku fuut ina gyeet, a tonong ishim hyihyit.”
48AYeso ma fɛ̀ na abining e, “Ba mi da fuut anɛn ngɔn.”
49Ishɛrɛp batsen e yɔng fɛ́ ba se azɔng, kpa ngɔɔt nanu, “Angan yong a yet ayong fɛ́ a fuut anɛn ɛ?”
50AYeso tɛ fɛ̀ na abining e, “Tsi ta kyang, inɔɔk atsak ngɔn mi da sheshek.”
Iliyochaguliwa sasa
ALuka 7: IbaasNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.
ALuka 7
7
AYeso te aSam akɔk batsom kyang
(AMatiyu 8:5-13)
1Ama fɛ́ aYeso mi gang kucɛɛt ni iba naton nkyɔrɔk e ngma, a tseng sak na aKafarnahum. 2Azɔng ni wɔp e yɔng, akɔk batsom aRoma akak kin bɛ́ asam fɛ́ a di te iyɛ ni wu makiyi, asam e kin se ni irɔk tɛ a da ku. 3Ni izen fɛ́ akɔk batsom e fok ifɛ̀ naton aYeso, a te itom sak na bashɔn baYahuda na ba tsɛ ba ku tsot akabɔk, na a bɛ́ a te asam wu kyang. 4Ni izen fɛ́ ba tsɛ ba sɛ aYeso, ba di tsot akabɔk ni wu makiyi, ba fɛ̀ ni wu, “I se gyat ni nye anet e yong ikyɛng fɛ́ a tsɛt, 5nek anet yong, shim banet yit, iwu fɛ́ a ki nok yit karɔ inyis baYahuda.” 6Nek anɔng, aYeso ka ba kuus mo.
Ni izen fɛ́ a bɛ́ bakat na kari me, akɔk batsom e, tom bafidang wu, na ba tsɛ ba fɛ̀ ni wu, yɛ, “ATisa, i bi ka sɔ mgbang i bɛ́ sak azeng awo, nek imi kyem fi ngɔn da nɔ ari min awo. 7Nek in di kurat hom, fi i sak, da in kyem, in di bɛ́ narɔ ngɔn ice min awo. Ngɔn fɛrɛng azɔng kyɛk, asam min da sɛ kukyang. 8Nek imi ice min, in se aben ni ice akɔk-ashon akak, imi ice min, in bi ice naton batsom bakak. In fɛ̀ na a yo, ‘Tseng,’ na tseng; In fɛ̀ na a ya ‘Bɛ́,’ na bɛ́. In fɛ̀ na asam min, ‘Nye ide,’ na nye ide.”
9Ni izen fɛ́ aYeso fok anɔng, a ku te yɔɔt, a tirik sak ni kudyɛng banet yɔng fɛ́ ba se ni i ku kuus mo, a fɛ̀ ni ba, “Won in ki tak yin, imi mi kyem in sɛ kuri inɔɔk atsak iratek ti iyeng ni mben aIsrela kusum awo.” 10Ni izen fɛ́ bayɔng fɛ́ ba ka ba tom e, tɛ ba bun sak ari, ba tsɛ ba sɛ asam e a mi te kyang.
AYeso dorok ni kukom arim akumung
11Ama kizen shit, aYeso tseng sak ni wɔp kukak fɛ́ ba yes iko yɛ aNayin, nɛ bafi imɛɛs wu, nɛ kudyɛng banet fɛ́ ba se ni i ku kuus mo. 12Kpaf ngmash na ba nɔ atisi iwɔp e, ba nyim na ba tsin wuru ni kukom acam akak, akaku me iwu aziwu fɛ́ a kin yet kutes anyining, amatek wu kin tsang ku. Kudyɛng banet iwɔp e kin se gung nɛ abining e. 13Izen fɛ́ aTisa di abining e, a angmishish ku yit, a fɛ̀ ni wu, “I bi tos awo.”
14A serek bakat, a tsɛ a di sak kubɔk ni kon-ikok nkom e, bayɔng fɛ́ ba sok kukom e wat ba nyeseng. AYeso fɛ̀, “Acam, imi fɛ̀ ni ngɔn, Dorok!” 15Akaku me wat a dorok, a sonong, a kpa cɛɛt, aYeso ku sok a nabak anyining e.
16Inyim yit kaangan ayɛt bá, ba kpa tere Adakunom, na ba nye, “Agbat atan mi bɛ́ nate yit, Adakunom mi tik nek igbingding banet wu.” 17Kucɛɛt fɛ́ ba nye naton aYeso, teng ku kat kaakyɛ ni mben aJudiya, ni ishɛrɛp narɔ.
AYeso nɛ aYohana anet abatisma
(AMatiyu 11:2-19)
18Bafi imɛɛs aYohana tsɛ ba ku tak ngma ikyɛng fi ite, nek anɔng, a yes bafaa ayɛt bá, 19a ka ba tom sak na aTisa me, fok na ba tsɛ ba ku rip yɛ, “Ngɔn wu i yet ayɔng fɛ́ a da bɛ́ me ya, kɛ in tot yit akak ɛ?”
20Ni izen fɛ́ banet e tsɛ ba ta narɔ aYeso, ba fɛ̀ ni iwu, “AYohana anet abatisma ki tom yit ni ngɔn, fok ni in da rip yit yɛ, ‘Ngɔn wu fi i yet ayɔng fɛ́ ba kin fɛ̀, a bi bɛ́ me ya, kɛ ni in tot yit akak ɛ?’ ”
21Kpaf izen e yɔng, aYeso mi tes bafi nrɔk zizɛɛt kyang, bayɔng fɛ́ ba bɔrɔng ni nrɔm, nɛ bafi nrɔk itséng, na tarak ayisi banet dot fɛ́ ba yet bakpatɔn. 22AYeso fɛ̀ na bayɔng fɛ́ ba ka ba tom e yɛ, “Ti bun yin sak na aYohana, da ku tak yin ikyɛng fɛ́ ayisi yin mi di, ni idɔng fi i fok yin: Bakpatɔn tsin sɛs ayisi, bakun tsin tsees tabat, bakparong mi tes cɛ́l, bakpey tsin foos, nkom tsin doro, ba tsin shara ifɛ̀ Adakunom sak na bakan. 23Awɛng se gung na ayɔng fɛ́ a rawu dang te digit ayɛt inɔɔk atsak wu sak ni mi.”
24Ama fɛ́ batom aYohana mi tseng, aYeso kpa nye banet kucɛɛt naton aYohana: “Akyɛ wu fi i tsi ni yɛrɛ yin na tse yɛ? I tsi ni yɛrɛ yin agam fi kuwun fɛsɛm ina yɛ? 25Wat i tse yin iyɛrɛ akyɛ kyɛk ka? Kɛ anet fɛ́ a mi kana zem ɛ? Di yin, bayɔng fɛ́ ba kana zem, fɛ́ ba ya nta, ba ka ba sɛs na na tasa bágwɔm. 26Awɛt i tse yin iyɛrɛ akyɛ kyɛk ka? I tsi yin idi atan ɛ? Ey, won in ki tak yin, i sɛ yin ayɔng fɛ́ a wat atan. 27Naton aYohana wu fɛ́ ba kin di jɛk yɛ,
‘Di yin, in mi tom na atom hom
na a tseng ashon ngɔn,
ayɔng fɛ́ a bi da nye irèn
fi i bi di got.’
28“In tsin ki tak yin, ngma ayɛt kutes abining, vit anet fɛ́ a wat aYohana ni iratek. Ngma nɛ anɔng, ayɔng fɛ́ a dung yet agebet e ni igwɔm Adakunom, a ku wat ni iratek.”
29Ngma banet fɛ́ ba se azɔng, pet nɛ bafi ishashang itsɔm mben, izen fɛ́ ba fok ifɛ̀ aYeso, ba run kama fok irèn Adakunom yet atsak, ba fɛ̀ anɔng, nek aYohana mi ka ba ra abatisma. 30Awɛt BaFarasi, nɛ bágwɔm irēn ntsi aMusa, ba raba dang nye ikyɛng fɛ́ Adakunom shim na ba nye, nek iba raba aYohana a ka ba ra abatisma.
31AYeso ya kashon ni kucɛɛt, a fɛ̀, “Ne akyɛ fi in di ki mara banet nnu nang ɛ? Ba tas akyɛ? 32Ba se kpaf ti nnon fɛ́ na kana tusung narɔ ijik, na na yes bafidang yɛ,
‘In ki ra yin ihwyɛrɛ,
i rayin dang to yin,
in ki ra yin abom iyɔm,
i rayin dang tos yin.’
33“Ni ku bɛ́ aYohana anet abatisma, a rawu dang ya nayak, vit isɔ ashi anap, iyin fɛ̀ yin fok, ‘A bi itséng.’ 34Arim Anet yong a mi bɛ́, a yas, nasɔs, iyɔng i nye yin, ‘Di yin kudayak kang, fi ku bɔs ifidang na bafi ishashang itsɔm mben, na bafi inɛn.’ 35Banet yɔng fɛ́ ba shan kutsitsɛng Adakunom, ba mi tonong fok kutsitsɛng e yet atsak.”
Abining fɛ́ a bi inɛn, a Korok aYeso name
36Azining ayɛt BaFarasi rini aYeso, fok na a tsɛ a yas ari wu, aYeso tse ari me, a tsɛ a sonong. 37Ni wɔp e yɔng, abining akak di se fɛ́ a se ni kusot anɛn. Ni izen fɛ́ a fok fok aYeso tsin yas ari aFarasi me, a tse ni kitsung alabasta na name nkɔn ntek fɛ́ ba nye ina, 38a tsɛ a nyeseng ama aYeso bakat na atak wu, a kpa tos, na nayisi di kpas na atak aYeso, na di kuus iyes e na akwoy ice wu, na shushu atak e na kanu, na di korok name ni na.
39Ni izen fɛ́ aFarasi fɛ́ a ku rini me di anɔng, a fɛ̀ ayɛt iyɛ wu, “Kɛ anet yong fɛ́ a yet atan atsak, ke a rēn kuri anet fɛ́ a tsin ku raas, kɛ a mi rēn fok a yet afi inɛn.”
40AYeso fɛ̀ ni wu, “ASiman, imi bi ikyɛng fi in shim in fɛ̀ ni ngɔn.”
A fɛ̀, “Di tak ide, Anet itees.”
41“Banet bafaa kin shan kuta itsɔm narɔ anet inesek kuta akak. Ba kin kuus azining itsɔm itarang itomong anet nfi iyɛ izining ni ibit, afɛ́ fa, ba kin ku kuus nfi nkɔs nsɔk ntoon. 42Fi kuta me ka ba gaat itarang, anet e, ka ba wosong itsɔm e. Ni ku di ngɔn, angan ayɛt bá fɛ́ a da dung kushim ɛ?”
43ASiman fɛ̀ ni wu, “Imi di tɛ a yɔng fɛ́ ba ku wosong kuta kuratek.”
AYeso fɛ̀ ni wu, “Ngɔn fɛrɛng kpaf.”
44A ma tirik a yɛrɛk abining e, a fɛ̀ na aSiman, “I di abining yong a. Imi bɛ́ ari ngɔn, da ngɔn di nɔɔk ashi in di kusu atak in awo, awɛt abining yong mi di kusu atak na nayisi wu, a di rɛng atak na akyoy ice wu. 45Da ngɔn di nye ashow itekap awo, awɛt abining yong, neme fi in di nɔ azeng, da a mi won itekap atak yin awo. 46Da ngɔn mi di korok name ni ice awo, awɛt iwu mi di korok name natak hom. 47Nek anɔng, imi fɛ̀ ni ngɔn, anɛn abining yong fɛ́ a se dot, ba mi fuut ina, nek a tonong ishim dot. Awɛt ayɔng fɛ́ ba ku fuut ina gyeet, a tonong ishim hyihyit.”
48AYeso ma fɛ̀ na abining e, “Ba mi da fuut anɛn ngɔn.”
49Ishɛrɛp batsen e yɔng fɛ́ ba se azɔng, kpa ngɔɔt nanu, “Angan yong a yet ayong fɛ́ a fuut anɛn ɛ?”
50AYeso tɛ fɛ̀ na abining e, “Tsi ta kyang, inɔɔk atsak ngɔn mi da sheshek.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.