ALuka 6
6
AYeso yet aTisa aSabat
(AMatiyu 12:1-8; AMarkus 2:23-28)
1Atuk aSabat akak, aYeso kin se ni igot abak akɔ alikama akak, bafi imɛɛs wu kpa teng ba bɔs ace alikama me, na ba tanang ina ni mbɔk bá, na ba ya ica me. 2BaFarasi bakak ka ba nye irip, “Akyɛ sak fi iyin nye yin ikyɛng fi ntsi ro ni nye me atuk aSabat ɛ?”
3AYeso fɛ̀ ni iba, “Iyin ki mang fa yin ikyɛng fɛ́ aDauda, nɛ bayɔng fɛ́ ba kin se gung ni wu, kin nye ni izen fi izong kin ka ba daam awɛ? 4Fɛ́ a kin tsɛ a nɔ ni kutɔmɔng Adakunom, a tsɛ a sok akpam ntsi, a ya ikyɛng fi ntsi fɛ̀ áware wu kyɛk fɛ́ a ya, a kabasa bayɔng fɛ́ ba se gung ni wu me awɛ?”
5AYeso ma fɛ̀ ni iba, “Arim Anet wu fɛ, a yet aTisa aSabat e.”
6Atuk aSabat akak, a tse narɔ inyis baYahuda, a se ni itees. Anet akak kin se azɔng fi kubɔk iyak wu mi sɔrɔk. 7BaFarasi nɛ bafi itees ntsi aMusa me, tsɛt irèn fɛ́ ba da ku sɛ mo ni inɛn, ba di te ayisi na aYeso, fok kɛ a da te anet e kyang atuk aSabat e, nɔng iba di ki sɛ ikyɛng ite kukun wu. 8Awɛt aYeso irēn ikyɛng fɛ́ ba se ni iyiring e. A fɛ̀ na anet fi kubɔk mi sɔrɔk e, “Dorok tsik, tsi nyeseng ashon banet.” Wat anet e dorok, a tsɛ a nyeseng ashon.
9AYeso fɛ̀ ni iba, “Won in ki rip yin, akyɛ fi i se kpaf na ba ra atuk aSabat ɛ? Na ba ra ikyɛng itek a? Kɛ na ba ra anyas ɛ? Na ba shan kutset a? Kɛ na ba sok iko yɛ?”
10A tirik a kpa ka ba yɛrɛ ngma bá, a da ma fɛ̀ na anet e, “Nabak kubɔk ngɔn.” Anet e nye anɔng, kubɔk wu wat ku bɛ́s ko gyat. 11Awɛt iba shining ni iyɛ ibeseng makiyi, ba kpa tɔ amok naton ikyɛng fɛ́ ba da nye aYeso ne.
Batom-aYeso kusɔk abe afaa
(AMatiyu 10:1-4; AMarkus 3:13-19)
12Ayɛt inom e yɔng, aYeso tsɛ ngarak ihwyanang ikak, nɔng a da ra awon, a sok katuk e burang na tsin ra awon sak na Adakunom. 13Ni izen fɛ́ kadiding nye, a yes bafi imɛɛs wu sak narɔ wu, a da ma kasa kusɔk abe afaa ayɛt bá. Fɛ́ a ka ba te iyerek Batom: 14ASiman (ayɔng fi iwu ku te iyerek aBitrus), nɛ arunyining Andarawus, nɛ aYakubu, nɛ aYohana, nɛ aFilibus, nɛ aBatalomi, 15nɛ aMatiyu, nɛ aToma, nɛ aYakubu nggon Alfayus, nɛ aSiman fɛ́ ba ku yes anet ifup mben wu, 16nɛ aJudas nggon aYakubu, nɛ aJudas aIskariyoti, ayɔng fɛ́ a nɛ a ku rɛp.
Awɛng nɛ kawɛy
(AMatiyu 4:23-25)
17Ama fɛ́ aYeso nɛ batom wu tik sak aben, ba tsɛ ba nyeseng narɔ fɛ́ ka se telel. Kudyɛng bafi imɛɛs wu kin se azɔng, nɛ banet dot fɛ́ ba kin nes na narɔ zizɛɛt ni mben aJudiya, nɛ aRushelima, nɛ bayɔng fɛ́ ba nes ni nwɔp anu i kyɛk aTiya, nɛ aSidon, 18fɛ́ ba bɛ́ nɔng ba da fok ifɛ̀ wu, ama anɔng, ba bin ka ba te mo kyang ni nrɔk bá. Bayɔng fɛ́ ba bɔrɔng ni nrɔk itséng, ngma bá, a ka ba te kyang, 19Kaangan tsɛt ice a shim a ku ra, nek kukyem fi ku wuru ni rɔm wu, ni ku tes banet kyang.
20AYeso yɛrɛk bafi imɛɛs wu, a fɛ̀ ni ba,
“Awɛng se gung ni iyin
fi iyet yin bakan,
nek igwɔm Adakunom yet ifiin.
21Awɛng se gung ni iyin
fi i tsin ya yin nzong yɔkɔnɔng,
nek i bi hwyas yin.
Awɛng se gung ni iyin
fi i tsin tos yin yɔkɔnɔng,
nek i bi mas yin.
22Awɛng se gung ni iyin
ke banet ki ra yin,
na ba ki wob yin,
na ba ki tosong yin
na ba ki yes yin bamaane e,
nek i kuus yin Arim Anet.
23“Kɛ ba ki nye yin anɔng, ni nye yin iyɛ ikan atuk e yɔng, ni to yin nek ifeng, nek izang fi i bɛ́ yin azanɛn, se makiyi. Nek badakop bá, kin nye na batan kpaf anɔng.
24Kawɛy se gung ni iyin barúm,
nek iyin tsin ya yin
nta yin yɔkɔnɔng.
25Kawɛy se gung ni yin
fi i tsin hwyas yin yɔkɔnɔng,
nek i bi ya yin nzong.
Kawɛy se gung ni yin
fi i tsin mas yin yɔkɔnɔng,
nek i bi nye yin kafa kawe, ni tos yin.
26Kawɛy se gung ni yin
fɛ́ banet ki tere yin,
nek kpaf anɔng fɛ́ badakop ba
kin tere batan nbɔs anɔng.
Shim yin bayɔng fɛ́ ba ki rayin
(AMatiyu 5:38-48; 7:12)
27“In tsin cɛɛt ni iyin fi i tsin di foos yin: Shim yin bayɔng fɛ́ ba ki rayin, nye yin itek sak na bayɔng fɛ́ ba ki rayin. 28Di tes yin awɛng na bayɔng fɛ́ ba ki tes yin kawɛy, ra yin bayɔng fɛ́ ba ki nesek yin mgbang, awon. 29Kɛ akak da rus kufok kuzining, ku tirik kufɛ́ afaa me bà. Kɛ akak da sok anyin kpin ngɔn, ku nɔk ngma ni kufɛ́ ayɛt e bà. 30Ngma anet fɛ́ a rip ikyɛng ni ngɔn, ku nɔk, kɛ akak sok ikyɛng fi iyet ifɔɔn, i bi ti shan ide awo. 31Nye banet ikyɛng fi ngɔn shim ba da nye ne.
32“Ki iyin shim yin bayɔng fɛ́ ba ki shim yin kyɛk, nɛ anɛ fi i da sɛ yin izang ɛ? Nek bafi inɛn ice bá, ba shim bayɔng fɛ́ ba ka ba shim. 33Ki iyin ras yin itek sak na bayɔng fɛ́ ba ki ras yin itek kyɛk, nɛ anɛ fi i da sɛ yin izang ɛ? Bafi inɛn ice bá, ba nyes anɔng. 34Ki iyin nesek yin kuta sak na bayɔng fɛ́ ba da kyem ba ki tarang yin kyɛk, nɛ anɛ fi i da sɛ yin izang ɛ? Nek bafi inɛn ice bá, ba nesek bafidang nta, ni ite iyɛ fok ba bi tɛ ba ka ba tarang kpaf anɔng vit ikyɛk. 35Anɔng se kpaf awo, shim yin bayɔng fɛ́ ba ki rayin, ka ba nyes yin ikyɛng itek, ka ba nesek yin kuta vit ite iyɛ, i ti ishan e. Ne anɔng wu fi izang yin da se dot, ni iyin sot yin nnon Azɔk-Bazɔk, nek iwu ice wu, a nyes itek sak na bayɔng fɛ̀ ba se dang ifeng, nɛ bafɛ́ anyas. 36Foos yin angmishish banet, kpaf tɛ fɛ́ Ada yin di foos angmishish.
Itsɛɛk bakak ishɔt
(AMatiyu 7:1-5)
37“Da i bi ra yin akak ishɔt awo, kɔn ba bi ki ra yin ishɔt bà. Da i bi barak yin akak ni ishɔt awo, kɔn ba bi ki barak yin ni ishɔt bà. Fuut yin bakak anɛn bá, nɔng ba bi ki fuut anɛn yin bà. 38Nesek yin bakak, nɔng Adakunom da ki nesek yin, imaas itek, ba da nyiit, na ba zuut, ma inos sak aben, na ba ki korok yin ishɛrɛp e ni mbɔk nkpin yin. Nek kuri itsɛn imaas fi i di maas yin banet e, ni kuri ye fɛ́ ba bi ki maas yin mo.”
39AYeso tɛ a ka ba nye igorok icɛɛt ikak, yɛ: “Akpatɔn da kyem a kɔk akpatɔn akak ɛ? Ngma bá, ba da tsɛ ba kpas ni ibong awɛ? 40Vit nggon imɛɛs fɛ́ ka wat anet itees ka, wɛt ngma ayɔng fɛ́ a sɛ itees itek, a da tas anet itees wu.
41“Akyɛ sak fi ngɔn yɛrɛ kabi kukɔ fɛ́ ka se ni yisi arunyining, ni rangɔn dang di kukum fi ku se ni iyisi ngɔn ɛ? 42Na anɛ fi ngɔn da fɛ̀ na arunyining yɛ, ‘Aruneng, won in da tun kabi kukɔ fɛ́ ka se ni iyisi ngɔn,’ ni ngɔn resek dang di kukum yɔng fi ku se ni iyisi ifɔɔn ɛ? Ka anet kutomong iyɛrɛ ayisi! Tún tun kukum fi ku se ni iyisi ngɔn ninyen, i di ki di wɛshɛk kabi kukɔ fɛ́ ka se ni iyisi arunyining.
Kakon ni ica ka
(AMatiyu 7:16-20; 12:33-35)
43“Kakon katek kyem ka tes ica imaan e awo, kakon kamaan e kyem ka tes ica itek awo; 44ba rēn kaakyɛ kakon ni kuri ica fɛ́ ka tes. Banet bɔs atafo na akon itsitsan awo, kɛ na ba tsɛ ba bɔs anap na duk akon awo. 45Anet atek ras nggɔn ntek fi in nes narɔ fɛ́ a di itusung ina ayɛt imyɛɛ iyɛ wu, amaan anet ras aduk nggɔn fi in nes narɔ fɛ́ a di tusung ina ayɛt iyɛ wu. Nek ikyɛng fi i se ayɛt iyɛ anet, ide de fɛ́ kanu wu turung.
Banet bafaa fɛ́ ba nye inok
(AMatiyu 7:24-27)
46“Akyɛ sak fi i di yes yin, ‘ATisa, aTisa,’ ni rayin dang nye yin ikyɛng fi imi fɛ̀ ni iyin ɛ? 47Ngma ayɔng fɛ́ a bɛ́ ni imi, na wes ato ni ifɛ̀ min, na nye ide, won in da ki tonong yin nse wu: 48A se kpaf tɛ anet fɛ́ a tsin nok kutu, fɛ́ a ta itis e tsik ninyen, na nɛ na kuus ni itak ata. Ni izen fɛ́ ashi bɛ́, ke agbos ashi rus kutu me, vit ikyɛng fi ite digit iko, nek ba nok iko na agap. 49Awɛt ayɔng fɛ́ a foos ifɛ̀ min, na rawu dang nye ide, a se kpaf tɛ anet fɛ́ a nok kutu pak aben, dang ta itis e. Ni izen fɛ́ agbos ashi bɛ́ rus kutu me, ni ku wat ku kpa aben, ni ikpa me risik makiyi.”
Iliyochaguliwa sasa
ALuka 6: IbaasNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.
ALuka 6
6
AYeso yet aTisa aSabat
(AMatiyu 12:1-8; AMarkus 2:23-28)
1Atuk aSabat akak, aYeso kin se ni igot abak akɔ alikama akak, bafi imɛɛs wu kpa teng ba bɔs ace alikama me, na ba tanang ina ni mbɔk bá, na ba ya ica me. 2BaFarasi bakak ka ba nye irip, “Akyɛ sak fi iyin nye yin ikyɛng fi ntsi ro ni nye me atuk aSabat ɛ?”
3AYeso fɛ̀ ni iba, “Iyin ki mang fa yin ikyɛng fɛ́ aDauda, nɛ bayɔng fɛ́ ba kin se gung ni wu, kin nye ni izen fi izong kin ka ba daam awɛ? 4Fɛ́ a kin tsɛ a nɔ ni kutɔmɔng Adakunom, a tsɛ a sok akpam ntsi, a ya ikyɛng fi ntsi fɛ̀ áware wu kyɛk fɛ́ a ya, a kabasa bayɔng fɛ́ ba se gung ni wu me awɛ?”
5AYeso ma fɛ̀ ni iba, “Arim Anet wu fɛ, a yet aTisa aSabat e.”
6Atuk aSabat akak, a tse narɔ inyis baYahuda, a se ni itees. Anet akak kin se azɔng fi kubɔk iyak wu mi sɔrɔk. 7BaFarasi nɛ bafi itees ntsi aMusa me, tsɛt irèn fɛ́ ba da ku sɛ mo ni inɛn, ba di te ayisi na aYeso, fok kɛ a da te anet e kyang atuk aSabat e, nɔng iba di ki sɛ ikyɛng ite kukun wu. 8Awɛt aYeso irēn ikyɛng fɛ́ ba se ni iyiring e. A fɛ̀ na anet fi kubɔk mi sɔrɔk e, “Dorok tsik, tsi nyeseng ashon banet.” Wat anet e dorok, a tsɛ a nyeseng ashon.
9AYeso fɛ̀ ni iba, “Won in ki rip yin, akyɛ fi i se kpaf na ba ra atuk aSabat ɛ? Na ba ra ikyɛng itek a? Kɛ na ba ra anyas ɛ? Na ba shan kutset a? Kɛ na ba sok iko yɛ?”
10A tirik a kpa ka ba yɛrɛ ngma bá, a da ma fɛ̀ na anet e, “Nabak kubɔk ngɔn.” Anet e nye anɔng, kubɔk wu wat ku bɛ́s ko gyat. 11Awɛt iba shining ni iyɛ ibeseng makiyi, ba kpa tɔ amok naton ikyɛng fɛ́ ba da nye aYeso ne.
Batom-aYeso kusɔk abe afaa
(AMatiyu 10:1-4; AMarkus 3:13-19)
12Ayɛt inom e yɔng, aYeso tsɛ ngarak ihwyanang ikak, nɔng a da ra awon, a sok katuk e burang na tsin ra awon sak na Adakunom. 13Ni izen fɛ́ kadiding nye, a yes bafi imɛɛs wu sak narɔ wu, a da ma kasa kusɔk abe afaa ayɛt bá. Fɛ́ a ka ba te iyerek Batom: 14ASiman (ayɔng fi iwu ku te iyerek aBitrus), nɛ arunyining Andarawus, nɛ aYakubu, nɛ aYohana, nɛ aFilibus, nɛ aBatalomi, 15nɛ aMatiyu, nɛ aToma, nɛ aYakubu nggon Alfayus, nɛ aSiman fɛ́ ba ku yes anet ifup mben wu, 16nɛ aJudas nggon aYakubu, nɛ aJudas aIskariyoti, ayɔng fɛ́ a nɛ a ku rɛp.
Awɛng nɛ kawɛy
(AMatiyu 4:23-25)
17Ama fɛ́ aYeso nɛ batom wu tik sak aben, ba tsɛ ba nyeseng narɔ fɛ́ ka se telel. Kudyɛng bafi imɛɛs wu kin se azɔng, nɛ banet dot fɛ́ ba kin nes na narɔ zizɛɛt ni mben aJudiya, nɛ aRushelima, nɛ bayɔng fɛ́ ba nes ni nwɔp anu i kyɛk aTiya, nɛ aSidon, 18fɛ́ ba bɛ́ nɔng ba da fok ifɛ̀ wu, ama anɔng, ba bin ka ba te mo kyang ni nrɔk bá. Bayɔng fɛ́ ba bɔrɔng ni nrɔk itséng, ngma bá, a ka ba te kyang, 19Kaangan tsɛt ice a shim a ku ra, nek kukyem fi ku wuru ni rɔm wu, ni ku tes banet kyang.
20AYeso yɛrɛk bafi imɛɛs wu, a fɛ̀ ni ba,
“Awɛng se gung ni iyin
fi iyet yin bakan,
nek igwɔm Adakunom yet ifiin.
21Awɛng se gung ni iyin
fi i tsin ya yin nzong yɔkɔnɔng,
nek i bi hwyas yin.
Awɛng se gung ni iyin
fi i tsin tos yin yɔkɔnɔng,
nek i bi mas yin.
22Awɛng se gung ni iyin
ke banet ki ra yin,
na ba ki wob yin,
na ba ki tosong yin
na ba ki yes yin bamaane e,
nek i kuus yin Arim Anet.
23“Kɛ ba ki nye yin anɔng, ni nye yin iyɛ ikan atuk e yɔng, ni to yin nek ifeng, nek izang fi i bɛ́ yin azanɛn, se makiyi. Nek badakop bá, kin nye na batan kpaf anɔng.
24Kawɛy se gung ni iyin barúm,
nek iyin tsin ya yin
nta yin yɔkɔnɔng.
25Kawɛy se gung ni yin
fi i tsin hwyas yin yɔkɔnɔng,
nek i bi ya yin nzong.
Kawɛy se gung ni yin
fi i tsin mas yin yɔkɔnɔng,
nek i bi nye yin kafa kawe, ni tos yin.
26Kawɛy se gung ni yin
fɛ́ banet ki tere yin,
nek kpaf anɔng fɛ́ badakop ba
kin tere batan nbɔs anɔng.
Shim yin bayɔng fɛ́ ba ki rayin
(AMatiyu 5:38-48; 7:12)
27“In tsin cɛɛt ni iyin fi i tsin di foos yin: Shim yin bayɔng fɛ́ ba ki rayin, nye yin itek sak na bayɔng fɛ́ ba ki rayin. 28Di tes yin awɛng na bayɔng fɛ́ ba ki tes yin kawɛy, ra yin bayɔng fɛ́ ba ki nesek yin mgbang, awon. 29Kɛ akak da rus kufok kuzining, ku tirik kufɛ́ afaa me bà. Kɛ akak da sok anyin kpin ngɔn, ku nɔk ngma ni kufɛ́ ayɛt e bà. 30Ngma anet fɛ́ a rip ikyɛng ni ngɔn, ku nɔk, kɛ akak sok ikyɛng fi iyet ifɔɔn, i bi ti shan ide awo. 31Nye banet ikyɛng fi ngɔn shim ba da nye ne.
32“Ki iyin shim yin bayɔng fɛ́ ba ki shim yin kyɛk, nɛ anɛ fi i da sɛ yin izang ɛ? Nek bafi inɛn ice bá, ba shim bayɔng fɛ́ ba ka ba shim. 33Ki iyin ras yin itek sak na bayɔng fɛ́ ba ki ras yin itek kyɛk, nɛ anɛ fi i da sɛ yin izang ɛ? Bafi inɛn ice bá, ba nyes anɔng. 34Ki iyin nesek yin kuta sak na bayɔng fɛ́ ba da kyem ba ki tarang yin kyɛk, nɛ anɛ fi i da sɛ yin izang ɛ? Nek bafi inɛn ice bá, ba nesek bafidang nta, ni ite iyɛ fok ba bi tɛ ba ka ba tarang kpaf anɔng vit ikyɛk. 35Anɔng se kpaf awo, shim yin bayɔng fɛ́ ba ki rayin, ka ba nyes yin ikyɛng itek, ka ba nesek yin kuta vit ite iyɛ, i ti ishan e. Ne anɔng wu fi izang yin da se dot, ni iyin sot yin nnon Azɔk-Bazɔk, nek iwu ice wu, a nyes itek sak na bayɔng fɛ̀ ba se dang ifeng, nɛ bafɛ́ anyas. 36Foos yin angmishish banet, kpaf tɛ fɛ́ Ada yin di foos angmishish.
Itsɛɛk bakak ishɔt
(AMatiyu 7:1-5)
37“Da i bi ra yin akak ishɔt awo, kɔn ba bi ki ra yin ishɔt bà. Da i bi barak yin akak ni ishɔt awo, kɔn ba bi ki barak yin ni ishɔt bà. Fuut yin bakak anɛn bá, nɔng ba bi ki fuut anɛn yin bà. 38Nesek yin bakak, nɔng Adakunom da ki nesek yin, imaas itek, ba da nyiit, na ba zuut, ma inos sak aben, na ba ki korok yin ishɛrɛp e ni mbɔk nkpin yin. Nek kuri itsɛn imaas fi i di maas yin banet e, ni kuri ye fɛ́ ba bi ki maas yin mo.”
39AYeso tɛ a ka ba nye igorok icɛɛt ikak, yɛ: “Akpatɔn da kyem a kɔk akpatɔn akak ɛ? Ngma bá, ba da tsɛ ba kpas ni ibong awɛ? 40Vit nggon imɛɛs fɛ́ ka wat anet itees ka, wɛt ngma ayɔng fɛ́ a sɛ itees itek, a da tas anet itees wu.
41“Akyɛ sak fi ngɔn yɛrɛ kabi kukɔ fɛ́ ka se ni yisi arunyining, ni rangɔn dang di kukum fi ku se ni iyisi ngɔn ɛ? 42Na anɛ fi ngɔn da fɛ̀ na arunyining yɛ, ‘Aruneng, won in da tun kabi kukɔ fɛ́ ka se ni iyisi ngɔn,’ ni ngɔn resek dang di kukum yɔng fi ku se ni iyisi ifɔɔn ɛ? Ka anet kutomong iyɛrɛ ayisi! Tún tun kukum fi ku se ni iyisi ngɔn ninyen, i di ki di wɛshɛk kabi kukɔ fɛ́ ka se ni iyisi arunyining.
Kakon ni ica ka
(AMatiyu 7:16-20; 12:33-35)
43“Kakon katek kyem ka tes ica imaan e awo, kakon kamaan e kyem ka tes ica itek awo; 44ba rēn kaakyɛ kakon ni kuri ica fɛ́ ka tes. Banet bɔs atafo na akon itsitsan awo, kɛ na ba tsɛ ba bɔs anap na duk akon awo. 45Anet atek ras nggɔn ntek fi in nes narɔ fɛ́ a di itusung ina ayɛt imyɛɛ iyɛ wu, amaan anet ras aduk nggɔn fi in nes narɔ fɛ́ a di tusung ina ayɛt iyɛ wu. Nek ikyɛng fi i se ayɛt iyɛ anet, ide de fɛ́ kanu wu turung.
Banet bafaa fɛ́ ba nye inok
(AMatiyu 7:24-27)
46“Akyɛ sak fi i di yes yin, ‘ATisa, aTisa,’ ni rayin dang nye yin ikyɛng fi imi fɛ̀ ni iyin ɛ? 47Ngma ayɔng fɛ́ a bɛ́ ni imi, na wes ato ni ifɛ̀ min, na nye ide, won in da ki tonong yin nse wu: 48A se kpaf tɛ anet fɛ́ a tsin nok kutu, fɛ́ a ta itis e tsik ninyen, na nɛ na kuus ni itak ata. Ni izen fɛ́ ashi bɛ́, ke agbos ashi rus kutu me, vit ikyɛng fi ite digit iko, nek ba nok iko na agap. 49Awɛt ayɔng fɛ́ a foos ifɛ̀ min, na rawu dang nye ide, a se kpaf tɛ anet fɛ́ a nok kutu pak aben, dang ta itis e. Ni izen fɛ́ agbos ashi bɛ́ rus kutu me, ni ku wat ku kpa aben, ni ikpa me risik makiyi.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.