Ntomong Batom 26
26
ABulus tsin tɛnɛng ice wu ashon Agripa
1Wat Agripa fɛ̀ na aBulus, “Ngɔn bi irèn fi i da cɛɛt na kanu ngɔn.” Wat aBulus sok kubɔk naton a kpa icɛɛt:
2“Agbat agwɔm Agripa, imi yet anet awɛng fi in nyeseng ashon ngɔn atut, ni in tɛnɛng ice hom naton ncɛɛt fɛ́ baYahuda mi nye naton hom, 3awɛng hom e yet nek ngɔn bi irēn itsik naton nggɔn baYahuda ni ikyɛng fi ites nanan e. Nek anɔng, in ra awon ni ngɔn di sak kuto ni ifɛ̀ hom hwyɛ.
4“Ngma baYahuda ba rēn nggɔn fi in kuus neme imi kabaane, in tumung ina nkum ni wɔp in sak ni aRushelima. 5Iba di rēn nkum atut awo, iba da fɛ́rɛ́ng anɔng ke ba shim ba tun atsak, fok imi rasak ayɛt nggɔn yit fi in dung se vɛt makiyi tɛ aFarasi. 6Wat kyɔrɔng nek ite iyɛ́ hom ni ikyɛng fɛ́ Adakunom kin nye badakop yit kushii me fɛ́ ba tsin di ra mo ishɔt. 7Iko kushii me yɔng fi icɛn yit kusɔk abe afaa tsɛt idi ishining e, fi i sak ba di bi iyɛ ingash iya Adakunom ntong kunom nɛ katuk. Ho Ada agwɔm, ayet nek ite iyɛ me ye fɛ́ baYahuda di tsɛt mo ni inɛn. 8Akyɛ sak fɛ́ akak ayɛɛt yin kyem anɔɔk atsak fok Adakunom da kyem na donong bafaben awɛ?
9“Imi ice min in man sok ni iyɛ fok i se gyat ni in nye kaakye nek in di buruk iyerek aYeso anet aNazaret. 10Anɔng wu fi in kin nye ni aRushelima. Ni inɔɔk irèn agbat-agbat àware, in tsaas na bafɛ́ atsak dot ari inyang, ni izen fɛ́ ba kok ntset bá, imi bara icang fok na ba wey ni iba. 11Izen dot, in mi kuus narɔ inyiis baYahuda ni in sas ba ka ba nesek iyɔm, ni in di tes inɛn ni ba na ba beseng iyerek aYeso. Nek kafa kawe fi in bɛ́ ni iba, in mi tses ni mben amatse nek in ka ba nesek iyɔm.
12“Ni kutseet hom kukak, in kin se ni irèn sak na aDamaskos, ni ice, ni inɔɔk irèn ágbat-ágbat áware. 13Bakat kate inom, Ada agwɔm, ni in tsin ren se ni irèn, In di mgbey nkak ne azanɛn, iron e wat nfi kunom aza, in ki te yit nate na bafidang itsɛt in. 14Ngma yit in kpas yit aben, in fok kutɔ cɛɛt ni imi ni ilem Aram ye, ‘aShawulu, aShawulu, akyɛ sak fi i di nesek iyɔm ɛ? I yet mgbang ni i risip kakon fɛ́ ka se myol-myol.’
15“Awɛt imi rip, ‘Ngɔn yet angan aTisa yɛ?’ ATisa me fɛ̀ ni mi, ‘Imi yet aYeso, ayɔng fi ngɔn tsin ku nesek iyɔm. 16Dorok yɔkɔnɔng, nyeseng na atak ngɔn. Imi tonong ice hom ni ngɔn, nɔng in da ka myak tɛ asam in, tɛ anet icɛɛt ikyɛng fi ngɔn mi di ni mi, ni idɔng fi in da ka tonong. 17In da ka tun ni bɔk banet ngɔn, nɛ ni bɔk Ícɛn-iduk. In tsin da tom ni ba, 18ni i ka ba tarak ayisi, ni ka ba tirik na ba won nhwyi sak ni mgbey, na ba won aShetan sak ni ishan Adakunom, nɔng ba da sɛ ifuut anɛn bá ni isɛ karɔ ayɛt bayɔng fɛ́ ba mi ka ba te jɛrɛ, ni inɔɔk atsak ni imi.’
19“Ada agwɔm Agripa, nek anɔng, imi kyem in ramin itak fi i ne azanɛn awo. 20In tumung ishara ifɛ̀ me na aDamaskos, sak ni aRushelima, sak ni nshɛrɛp mben aJudiya ngma kusum, ngma sak ni Ícɛn-iduk, in nye ni iba na ba wosong anɛn bá na ba tirik sak na Adakunom, na ba tonong ishan atsak bá ayɛt iras ntomong ntek. 21Nek anɔng wu baYahuda di tekap mo atasa karɔ iya Adakunom ntong, ba shim ba di fɛt. 22Awɛt Adakunom mi di sɛ mo sak atut, nek anɔng fi in di nyeseng azeng, in tsin cɛɛt na babaan e nɛ ágbat e, in tsin cɛɛt ikikak zɛɛt ni ikyɛng fɛ́ batan nɛ aMusa kin fɛ̀ i bi te awo. 23Ba kin fɛ̀ Anet-Isheshek me bi sɔ mgbang, tɛ afi imɛsɛng idoro bafaben, a bi bɛ́ ni mgbey sak na banet yit ni Ícɛn-iduk.”
24Na aBulus tsin ren cɛɛt, aFestus ku nyeseng, a fɛ̀ ni iwu, “ABulus, nhwyɛ mi wuruk ni rɔm ngɔn; kutsik irēn ngɔn e tsin da tsaas na tse.”
25ABulus fɛ̀ ni wu, “Azɔk aFestus, imi ririm awo, kucɛɛt fi in se ne yet atsak, ku tseng kpaf. 26Ada agwɔm e rēn ikyɛng fi in di cɛɛt naton e, nek anɔng fi in di cɛɛt washak sak ni wu. Imi rēn fok a mi te burum ni ikikak ayɛt de awo, nek ba kin nye ina ni nɛt awo. 27Ada agwɔm Agripa, ngɔn nɔɔk atsak na Batan ɛ? Imi rēn fok i se anɔng.”
28Agripa fɛ̀ na aBulus, “Ngɔn di ti ni ki gyeet izen ti iyeng ngɔn da kyem i di tirik ni in sot afi ikuus Anet-Isheshek yɛ?” 29ABulus fɛ̀ ni wu, “Ke na agyeet izen, ke ishɔp ayi, awon hom na Adakunom yet da ngɔn kyɛk awo, won ngma ayɔng fɛ́ a tsin di foos atut na a sot kpaf ti imi, da na a sot afi inyang kyek awo.”
30Ama anɔng, agwɔm dorok nɛ agwɔmna nɛ aBanise nɛ banet fɛ́ ba se gung ni iwu. 31Ba won azere me sak amatse, ba se ni icɛɛt wɔɔn ba fok, “Anet yong mi nye inɛn ikak fi ikyɛm ba di sok kutset wu, ke na ba ku te mo ni nyang awo.”
32Agripa fɛ̀ na aFestus, “Zɔng ke ba wosong anet yong na a tseng, afɛ́ yet fok a mi tos fok aKaisar na a ku fok awo.”
Iliyochaguliwa sasa
Ntomong Batom 26: IbaasNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.
Ntomong Batom 26
26
ABulus tsin tɛnɛng ice wu ashon Agripa
1Wat Agripa fɛ̀ na aBulus, “Ngɔn bi irèn fi i da cɛɛt na kanu ngɔn.” Wat aBulus sok kubɔk naton a kpa icɛɛt:
2“Agbat agwɔm Agripa, imi yet anet awɛng fi in nyeseng ashon ngɔn atut, ni in tɛnɛng ice hom naton ncɛɛt fɛ́ baYahuda mi nye naton hom, 3awɛng hom e yet nek ngɔn bi irēn itsik naton nggɔn baYahuda ni ikyɛng fi ites nanan e. Nek anɔng, in ra awon ni ngɔn di sak kuto ni ifɛ̀ hom hwyɛ.
4“Ngma baYahuda ba rēn nggɔn fi in kuus neme imi kabaane, in tumung ina nkum ni wɔp in sak ni aRushelima. 5Iba di rēn nkum atut awo, iba da fɛ́rɛ́ng anɔng ke ba shim ba tun atsak, fok imi rasak ayɛt nggɔn yit fi in dung se vɛt makiyi tɛ aFarasi. 6Wat kyɔrɔng nek ite iyɛ́ hom ni ikyɛng fɛ́ Adakunom kin nye badakop yit kushii me fɛ́ ba tsin di ra mo ishɔt. 7Iko kushii me yɔng fi icɛn yit kusɔk abe afaa tsɛt idi ishining e, fi i sak ba di bi iyɛ ingash iya Adakunom ntong kunom nɛ katuk. Ho Ada agwɔm, ayet nek ite iyɛ me ye fɛ́ baYahuda di tsɛt mo ni inɛn. 8Akyɛ sak fɛ́ akak ayɛɛt yin kyem anɔɔk atsak fok Adakunom da kyem na donong bafaben awɛ?
9“Imi ice min in man sok ni iyɛ fok i se gyat ni in nye kaakye nek in di buruk iyerek aYeso anet aNazaret. 10Anɔng wu fi in kin nye ni aRushelima. Ni inɔɔk irèn agbat-agbat àware, in tsaas na bafɛ́ atsak dot ari inyang, ni izen fɛ́ ba kok ntset bá, imi bara icang fok na ba wey ni iba. 11Izen dot, in mi kuus narɔ inyiis baYahuda ni in sas ba ka ba nesek iyɔm, ni in di tes inɛn ni ba na ba beseng iyerek aYeso. Nek kafa kawe fi in bɛ́ ni iba, in mi tses ni mben amatse nek in ka ba nesek iyɔm.
12“Ni kutseet hom kukak, in kin se ni irèn sak na aDamaskos, ni ice, ni inɔɔk irèn ágbat-ágbat áware. 13Bakat kate inom, Ada agwɔm, ni in tsin ren se ni irèn, In di mgbey nkak ne azanɛn, iron e wat nfi kunom aza, in ki te yit nate na bafidang itsɛt in. 14Ngma yit in kpas yit aben, in fok kutɔ cɛɛt ni imi ni ilem Aram ye, ‘aShawulu, aShawulu, akyɛ sak fi i di nesek iyɔm ɛ? I yet mgbang ni i risip kakon fɛ́ ka se myol-myol.’
15“Awɛt imi rip, ‘Ngɔn yet angan aTisa yɛ?’ ATisa me fɛ̀ ni mi, ‘Imi yet aYeso, ayɔng fi ngɔn tsin ku nesek iyɔm. 16Dorok yɔkɔnɔng, nyeseng na atak ngɔn. Imi tonong ice hom ni ngɔn, nɔng in da ka myak tɛ asam in, tɛ anet icɛɛt ikyɛng fi ngɔn mi di ni mi, ni idɔng fi in da ka tonong. 17In da ka tun ni bɔk banet ngɔn, nɛ ni bɔk Ícɛn-iduk. In tsin da tom ni ba, 18ni i ka ba tarak ayisi, ni ka ba tirik na ba won nhwyi sak ni mgbey, na ba won aShetan sak ni ishan Adakunom, nɔng ba da sɛ ifuut anɛn bá ni isɛ karɔ ayɛt bayɔng fɛ́ ba mi ka ba te jɛrɛ, ni inɔɔk atsak ni imi.’
19“Ada agwɔm Agripa, nek anɔng, imi kyem in ramin itak fi i ne azanɛn awo. 20In tumung ishara ifɛ̀ me na aDamaskos, sak ni aRushelima, sak ni nshɛrɛp mben aJudiya ngma kusum, ngma sak ni Ícɛn-iduk, in nye ni iba na ba wosong anɛn bá na ba tirik sak na Adakunom, na ba tonong ishan atsak bá ayɛt iras ntomong ntek. 21Nek anɔng wu baYahuda di tekap mo atasa karɔ iya Adakunom ntong, ba shim ba di fɛt. 22Awɛt Adakunom mi di sɛ mo sak atut, nek anɔng fi in di nyeseng azeng, in tsin cɛɛt na babaan e nɛ ágbat e, in tsin cɛɛt ikikak zɛɛt ni ikyɛng fɛ́ batan nɛ aMusa kin fɛ̀ i bi te awo. 23Ba kin fɛ̀ Anet-Isheshek me bi sɔ mgbang, tɛ afi imɛsɛng idoro bafaben, a bi bɛ́ ni mgbey sak na banet yit ni Ícɛn-iduk.”
24Na aBulus tsin ren cɛɛt, aFestus ku nyeseng, a fɛ̀ ni iwu, “ABulus, nhwyɛ mi wuruk ni rɔm ngɔn; kutsik irēn ngɔn e tsin da tsaas na tse.”
25ABulus fɛ̀ ni wu, “Azɔk aFestus, imi ririm awo, kucɛɛt fi in se ne yet atsak, ku tseng kpaf. 26Ada agwɔm e rēn ikyɛng fi in di cɛɛt naton e, nek anɔng fi in di cɛɛt washak sak ni wu. Imi rēn fok a mi te burum ni ikikak ayɛt de awo, nek ba kin nye ina ni nɛt awo. 27Ada agwɔm Agripa, ngɔn nɔɔk atsak na Batan ɛ? Imi rēn fok i se anɔng.”
28Agripa fɛ̀ na aBulus, “Ngɔn di ti ni ki gyeet izen ti iyeng ngɔn da kyem i di tirik ni in sot afi ikuus Anet-Isheshek yɛ?” 29ABulus fɛ̀ ni wu, “Ke na agyeet izen, ke ishɔp ayi, awon hom na Adakunom yet da ngɔn kyɛk awo, won ngma ayɔng fɛ́ a tsin di foos atut na a sot kpaf ti imi, da na a sot afi inyang kyek awo.”
30Ama anɔng, agwɔm dorok nɛ agwɔmna nɛ aBanise nɛ banet fɛ́ ba se gung ni iwu. 31Ba won azere me sak amatse, ba se ni icɛɛt wɔɔn ba fok, “Anet yong mi nye inɛn ikak fi ikyɛm ba di sok kutset wu, ke na ba ku te mo ni nyang awo.”
32Agripa fɛ̀ na aFestus, “Zɔng ke ba wosong anet yong na a tseng, afɛ́ yet fok a mi tos fok aKaisar na a ku fok awo.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.