Ntomong Batom 24
24
ABulus ashon agwɔm aFeliks
1Ama nkɔs ntoon, agbat-agbat àware Ananiyas tisik sak na aKaisariya gung nɛ bashɔn nɛ anet icɛɛt fɛ́ ba ku yes aTatulus nek ite kukun aBulus ashon agwɔmna. 2Ni izen fɛ́ ba nɔ na aBulus, aTatulus kpa nɔɔs ni kukun wu ashon aFeliks, fok:
“Neme fi ngɔn di kpa igwɔm ngɔn, in mi sɛ yit kusot kukyang, kutsik iyɛrɛ ngɔn mi tes nkyɔrɔk zizɛɛt ni mben yit. 3Na kaakye arɔ, na kaakyi irèn azɔk aFeliks, in tonoso yit kafa kakan yit ni ngɔn makiyi. 4Awɛt nek in bi da ya izen awo, In tsin ra awon ni ngɔn, nye akabɔk ki nang yit kuto ngɔn gyeet.
5“Iyit mi di yit anet yɔng yet anet ifa, a teng na a tuus idoro nhwyɛ baYahuda kaakyɛ azatse. Iwu fɛ́ a yet akɔk-ashon bafi ikuus anet aNazaret 6a shim a tse a beseng karɔ iya Adakunom ntong, nek anɔng in ku tekap yit.#24:6 Afumung akak afɛ́ ashon fɛ́ ba kin jɛk ni mbɔk bɛ̀ ibyat ifɛ́ 6-8 ane: Iyit shim in ku ra yit ishɔt kpaf ni ntsi yit. 7 Awɛt akɔk-ashon aLisiya bɛ a ku shan na agap ni bɔk yit, 8 a sak banet nkun wu na ba bɛ ashon ngɔn. 8Ki ngɔn bang ku risim ice ngɔn, i da sɛ kpaf fok kukun fi in tsin te yit yet atsak.”
9BaYahuda me wat ba moon nanu fok, kucɛɛt aTatulus yet atsak.
10Ni izen fɛ́ agwɔmna nɔk aBulus irèn icɛɛt, aBulus kpa cɛɛt ye:
“Imi rēn fok ngɔn mi bɔ ayɛ dot ni tsin ras ishɔt ni mben nang, nek anɔng in bi iyɛ ikan icɛɛt itɛnɛng ice hom. 11Ngɔn da kyem i rip ikyɛng ngɔn, da nnom mi wat kusɔk abe afaa fi imi ne iya Adakunom ntong na aRushelima awo. 12Vit akak ayɛt bafi nkun in fɛ́ a di sɛ ni in tsin ra nanan na akak ke ni in tsin tees banet idoro nhwyɛ narɔ iya Adakunom ntong ke narɔ inyiis baYahuda ke ayɛt iwɔp awo. 13Vit akak ba fɛ̀ a da kyem a da tonong atsak kukun kang fɛ́ ba tsin te naton in. 14Ngma na anɔng, imi tsin fɛ́ ey, imi kuus Adakunom ba badakop yit tɛ afi Irèn e yɔng fi iba yes iye ifi mbɔɔs. Imi nɔk atsak ni ikyɛng fi Ntsi run kama me ni idɔng fɛ́ batan Adakunom jɛk, 15in bi ite iyɛ na Adakunom tɛ banet bang fok ba bi dorok bafaben bafɛ́ atsak nɛ bafɛ́ vit atsak. 16Nek anɔng, in nye nyɛk kaakyi izen kayɛt iyɛ hom na ka sot cɛ́l ashon Adakunom nɛ ashon banet.
17“Ama in mi sok ayɛ dot wɛrɛng, in be na aRushelima in bi in nɔɔk banet in kunang fɛ́ ba tusung mok bakan, nin nabak kunang hom na Adakunom. 18In mi gang nasos ajɛrɛ hom, ba bɛ ba di sɛ atasa karɔ iya Adakunom ntong, vit kudyɛng banet ni fam in, vit idorok nhwyɛ ikak fi in se ne. 19Awɛt baYahuda bakak fɛ́ ba ne ni mben Asiya, fi ki i se yɛɛt ke ba se azeng, na ba da tak ke ba bi ikikak naton in. 20Ke da anɔng awo, won ba bang fɛ́ ba se azeng na ba fɛrɛng na nanu bá inɛn fɛ́ ba di sɛ ni ide ni izen fi in ki nyeseng nazumung karatek, 21ke nyɛn nek ikyɛng izining de fi in kin fɛrɛng fi in kin nyeseng ashon ba ye, ‘Ayet nek kucɛɛt idoro bafaben wu fɛ́ ba tsin di ra mo ishɔt atut.’ ”
22Ama anɔng, nek kutsik irēn fɛ́ aFeliks bɛ azaton Irèn aYeso, a serek ishɔt e sak ashon, aFeliks fɛ̀ ni ba, “Ma aLisiyas agbat-agbat batsom bɛ ninyɛn, in bi ni in tsɛɛt ishɔt e.” 23A sak akɔk-ashon batsom e na a tsin di sak aBulus ari inyang, na a won kuwun ku fɛp, na a nɔɔk bafidang irèn ba ku gbinding ni ikyɛng fɛ́ a tsɛt.
24Ama nnom nkak, aFeliks bɛ nɛ abining wu aDursila, anap baYahuda. A sak ba ku yes aBulus, ba di wes ato ni wu na tsin shara ifɛ̀ Anet-Isheshek aYeso. 25Ni izen fɛ́ aBulus kpa cɛɛt naton kusot kutabat, ni iyit kurɔm, ni ishɔt Adakunom fi i bi bɛ̀, nnyim yit aFeliks, a fɛ̀ na aBulus, “Tsing di won kucɛɛt e anɔng ninyen. I da kyem idorok. Izen fi in ti in sɛ kawat, in bi sak ba tɛ ba da yes.”
26A yes nyɛn aBulus da ku nɔk itsɔm, nek anɔng, a woso sas na ba ku yes aBulus atut na katson na ba tɔ amok.
27Ama ayɛ afaa mi bɛ̀ a got, aPɔshius aFestus bɛ̀ a shan aFeliks kubɔk, awɛt nek aFeliks shim a nye baYahuda iyɛ́, a won aBulus ari inyang.
Iliyochaguliwa sasa
Ntomong Batom 24: IbaasNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.
Ntomong Batom 24
24
ABulus ashon agwɔm aFeliks
1Ama nkɔs ntoon, agbat-agbat àware Ananiyas tisik sak na aKaisariya gung nɛ bashɔn nɛ anet icɛɛt fɛ́ ba ku yes aTatulus nek ite kukun aBulus ashon agwɔmna. 2Ni izen fɛ́ ba nɔ na aBulus, aTatulus kpa nɔɔs ni kukun wu ashon aFeliks, fok:
“Neme fi ngɔn di kpa igwɔm ngɔn, in mi sɛ yit kusot kukyang, kutsik iyɛrɛ ngɔn mi tes nkyɔrɔk zizɛɛt ni mben yit. 3Na kaakye arɔ, na kaakyi irèn azɔk aFeliks, in tonoso yit kafa kakan yit ni ngɔn makiyi. 4Awɛt nek in bi da ya izen awo, In tsin ra awon ni ngɔn, nye akabɔk ki nang yit kuto ngɔn gyeet.
5“Iyit mi di yit anet yɔng yet anet ifa, a teng na a tuus idoro nhwyɛ baYahuda kaakyɛ azatse. Iwu fɛ́ a yet akɔk-ashon bafi ikuus anet aNazaret 6a shim a tse a beseng karɔ iya Adakunom ntong, nek anɔng in ku tekap yit.#24:6 Afumung akak afɛ́ ashon fɛ́ ba kin jɛk ni mbɔk bɛ̀ ibyat ifɛ́ 6-8 ane: Iyit shim in ku ra yit ishɔt kpaf ni ntsi yit. 7 Awɛt akɔk-ashon aLisiya bɛ a ku shan na agap ni bɔk yit, 8 a sak banet nkun wu na ba bɛ ashon ngɔn. 8Ki ngɔn bang ku risim ice ngɔn, i da sɛ kpaf fok kukun fi in tsin te yit yet atsak.”
9BaYahuda me wat ba moon nanu fok, kucɛɛt aTatulus yet atsak.
10Ni izen fɛ́ agwɔmna nɔk aBulus irèn icɛɛt, aBulus kpa cɛɛt ye:
“Imi rēn fok ngɔn mi bɔ ayɛ dot ni tsin ras ishɔt ni mben nang, nek anɔng in bi iyɛ ikan icɛɛt itɛnɛng ice hom. 11Ngɔn da kyem i rip ikyɛng ngɔn, da nnom mi wat kusɔk abe afaa fi imi ne iya Adakunom ntong na aRushelima awo. 12Vit akak ayɛt bafi nkun in fɛ́ a di sɛ ni in tsin ra nanan na akak ke ni in tsin tees banet idoro nhwyɛ narɔ iya Adakunom ntong ke narɔ inyiis baYahuda ke ayɛt iwɔp awo. 13Vit akak ba fɛ̀ a da kyem a da tonong atsak kukun kang fɛ́ ba tsin te naton in. 14Ngma na anɔng, imi tsin fɛ́ ey, imi kuus Adakunom ba badakop yit tɛ afi Irèn e yɔng fi iba yes iye ifi mbɔɔs. Imi nɔk atsak ni ikyɛng fi Ntsi run kama me ni idɔng fɛ́ batan Adakunom jɛk, 15in bi ite iyɛ na Adakunom tɛ banet bang fok ba bi dorok bafaben bafɛ́ atsak nɛ bafɛ́ vit atsak. 16Nek anɔng, in nye nyɛk kaakyi izen kayɛt iyɛ hom na ka sot cɛ́l ashon Adakunom nɛ ashon banet.
17“Ama in mi sok ayɛ dot wɛrɛng, in be na aRushelima in bi in nɔɔk banet in kunang fɛ́ ba tusung mok bakan, nin nabak kunang hom na Adakunom. 18In mi gang nasos ajɛrɛ hom, ba bɛ ba di sɛ atasa karɔ iya Adakunom ntong, vit kudyɛng banet ni fam in, vit idorok nhwyɛ ikak fi in se ne. 19Awɛt baYahuda bakak fɛ́ ba ne ni mben Asiya, fi ki i se yɛɛt ke ba se azeng, na ba da tak ke ba bi ikikak naton in. 20Ke da anɔng awo, won ba bang fɛ́ ba se azeng na ba fɛrɛng na nanu bá inɛn fɛ́ ba di sɛ ni ide ni izen fi in ki nyeseng nazumung karatek, 21ke nyɛn nek ikyɛng izining de fi in kin fɛrɛng fi in kin nyeseng ashon ba ye, ‘Ayet nek kucɛɛt idoro bafaben wu fɛ́ ba tsin di ra mo ishɔt atut.’ ”
22Ama anɔng, nek kutsik irēn fɛ́ aFeliks bɛ azaton Irèn aYeso, a serek ishɔt e sak ashon, aFeliks fɛ̀ ni ba, “Ma aLisiyas agbat-agbat batsom bɛ ninyɛn, in bi ni in tsɛɛt ishɔt e.” 23A sak akɔk-ashon batsom e na a tsin di sak aBulus ari inyang, na a won kuwun ku fɛp, na a nɔɔk bafidang irèn ba ku gbinding ni ikyɛng fɛ́ a tsɛt.
24Ama nnom nkak, aFeliks bɛ nɛ abining wu aDursila, anap baYahuda. A sak ba ku yes aBulus, ba di wes ato ni wu na tsin shara ifɛ̀ Anet-Isheshek aYeso. 25Ni izen fɛ́ aBulus kpa cɛɛt naton kusot kutabat, ni iyit kurɔm, ni ishɔt Adakunom fi i bi bɛ̀, nnyim yit aFeliks, a fɛ̀ na aBulus, “Tsing di won kucɛɛt e anɔng ninyen. I da kyem idorok. Izen fi in ti in sɛ kawat, in bi sak ba tɛ ba da yes.”
26A yes nyɛn aBulus da ku nɔk itsɔm, nek anɔng, a woso sas na ba ku yes aBulus atut na katson na ba tɔ amok.
27Ama ayɛ afaa mi bɛ̀ a got, aPɔshius aFestus bɛ̀ a shan aFeliks kubɔk, awɛt nek aFeliks shim a nye baYahuda iyɛ́, a won aBulus ari inyang.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.