GALUEGA 9
9
Ko te Fuliga o Saulo
(Galu 22.6-16; 26.12-18)
1A Saulo koi mau eiloa tona manatu fakasaua mo te fia tamate ki soko o te Aliki ko Iesu Keliso. Ne fano ki te Faitaulaga Pule, 2kae fakamolemole atu ki ei ki ne tusi fakamaoni ke fano mo ia ki fale tapuaki i Tamaseko, e fakailoa atu ei me isi sona saolotoga o saisai fakapagota tagata mo fafine kola e tautali i Ala Tonu o te Aliki, o ave ki Ielusalema.
3Ka koi fanatu eiloa a ia i tona auala ki Tamaseko, kae i tena piliatuga ki te fa'kai, oko fakavave ifo ei a te mainaga o fakapukupuku i luga i a ia. 4Ne siga ki lalo, lagona ei foki ne ia a te leo e faipati mai ki a ia penei, “Saulo, Saulo! Ai a e fakasaua mai ei koe ki a au?” 5Ne tali atu a Saulo, “Te Aliki, ko oi koe?” Ne tali mai te leo, “Ko au ko Iesu, tela e fakasaua koe ki ei, 6kae tu nei eiloa ki luga o fano ki te fa'kai, ke taku atu ei ki a koe a fakatonuga e 'tau o fai ne koe.” 7A latou kola ne olo tasi mo Saulo, ne 'tu latou ka ko seai eiloa se pati e mafai ne latou o fai. Ne lagona fua ne latou a te leo, kae seai se tino e matea ne latou. 8Ne tu ake Saulo, kae i tena taumafaiga o faka'pula ona mata, ko se ile eiloa. Tela, puke atu ei tena kau ki tena lima, kae takitaki atu ki Tamaseko. 9E tusa mo te tolu o aso e se ile ona mata, e se kai io me inu.
10E isi se soko e nofo i Tamaseko e igoa ki a Anania. E isi se fakaasiga ne oko mai ki a ia, tela ne faipati mai ei te Aliki ki a ia penei, “Anania.” Ne tali atu Anania, “Te Aliki, tenei au.” 11Muna a te Aliki: “Fakatoka nei o fano ki te ala e igoa ki te Ala Tonu, kae 'sala atu ki te tino e igoa ki a Saulo te Taso, i te fale o Iuta, koi 'talo nei eiloa a ia. 12I te fakaasiga foki eiloa tena, ne matea ei ne Saulo a te tagata e igoa ki a Anania ko vau, kae tuku ona lima i luga i a ia, ko te mea ke ile ona mata.” 13Ne tali atu Anania, “Te Aliki, e tokouke a tino ne fai mai ki a au a tala e uiga ki te tagata tena, ki mea masei katoa ne fai ne ia ki ou tino i Ielusalema. 14Kae ne vau nei a ia ki konei mo te saolotoga mai faitaulaga sili, o saisai fakapagota a latou kola e ka'laga atu ki tou igoa.” 15Muna a te Aliki ki a Anania: “Fano ki ei, me ko oti ne filifili ne au ke tavini mai ki a au, ke fakailoa atu ne ia a toku igoa ki tino o fenua fakaatea, tupu, pela foki ki tino Isalaelu. 16Ka fakaasi atu foki ne au ki a ia te uke o puapuaga ka fepaki mo ia ona ko toku igoa.”
17Tela, fano ei Anania, ulu ki loto i te fale, tuku ei ona lima i luga o Saulo, ana muna, “Toku taina ko Saulo, au ne uga mai ne te Aliki ko Iesu, tela ne matea ne koe i tou auala ki konei. Ne uga mai ne ia au, ko te mea ke toe ile ou mata, ke fakafonugina foki koe i te Agaga Tapu.” 18I kona foki eiloa, 'to ei a mea pela mo ne unafi o ika mai mata o Saulo, ko te mea eiloa ko ile ona mata. Ne tu ake ki luga, papatisogina eiloa a ia; 19kae i tena otiga ne kai, toe maua ei tona malosi.
Ko Lauga Saulo i Tamaseko
Ne 'nofo fakatasi a Saulo mo soko i ne mo aso i Tamaseko. 20Ne fanatu tonu eiloa a ia ki te fale tapuaki, kamata eiloa o lauga atu ki tino e uiga ki a Iesu, ana muna, “A Iesu ko te Tama a te Atua.”
21A latou kola ne faka'logo ki tena lauga, ne ofo masei kae fai ake olotou pati penei, “E se ko ia tenei ne fakasaua masei i Ielusalema, ki tino kola e takutaku ne latou a te igoa tenei? Ne vau foki a ia ki konei mo te pogai eiloa tenei, ke saisai ne ia a tino kola e takutaku ne latou a te igoa tenei, o ave ki faitaulaga sili.”
22Ko oko eiloa i te malosi o te molimau a Saulo, kae ne faka'segi ne ia mafaufauga o tino Iutaia i Tamaseko, i ana molimau e fakamaoni i ei i a Iesu ko te Keliso.
23 #
2Koli 11.32,33 Ko tai leva eiloa i te tekaatuga o mea konei, mafaufau ei tino Iutaia o tamate a Saulo; 24kae ne iloa ne Saulo te lotou fuafuaga masei tena. E alamati faeloa latou i te po mo te ao i mataloa o te fa'kai o tamate a ia. 25Kae i te sua po, ne puke atu ona soko ki a ia o tukutuku ifo i te kete ki tua o te 'pui o te fa'kai.
Ko Saulo i Ielusalema
26Ne fano a Saulo ki Ielusalema, kae ne taumafai ke fakatasi atu ki te kau soko. Ko oko eiloa i te lotou ma'taku ki a ia, i te mea e se talitonu latou me i a ia se tino o te kau soko. 27Ne vau Panapa o fesoasoani ki a ia, tela, ave ei ne ia ki apositolo. Ne fakamatala atu ne Panapa ki apositolo i te mateaga ne Saulo a te Aliki i te auala. E se gata fua i kona, kae ne faipati foki eiloa te Aliki ki a ia. Ne tala atu foki ne ia i te toa o Saulo o lauga atu a te igoa o Iesu i Tamaseko. 28Nofo ei Saulo i a latou, kae ne fano sale i Ielusalema katoa o folafola atu mo te loto toa a te igoa o te Aliki. 29Ne fai'pati kae finau foki mo Iutaia kola e fai'pati faka Eleni, kae ne taumafai foki latou o tamate a ia. 30I te iloaga ne taina talitonu a te mea nei, ave ei ne latou a Saulo ki Kaisaleia, kae mai konei, uga atu ei ne latou ke fano ki Taso.
31Tela la, ko oko eiloa i te filemu o Ekalesia katoa i Iutaia, Kalilaia mo Samalia. Ko ola 'lei, ka ko tokouke foki a tino e fakaopoopo ki ei, e auala mai i te fesoasoani o te Agaga Tapu, i te lotou sasale mo te ava ki te Aliki.
Ko Petelu i Lita mo Iopa
32Ne fai malaga sale Petelu i te fenua katoa, kae i te sua aso ne fano o asi a tino o te Atua i Lita. 33Ne fetaui i kona mo te tino e igoa ki a Ainea, se 'pili, kae seki mafai eiloa ne ia o tu keatea mai tona moega i te valu tausaga. 34Muna a Petelu ki te 'pili, “Ainea, ko faka'lei tou masaki ne Iesu Keliso. Tu nei ki luga o pelu tou moega.” I kona eiloa tu ake ei a ia. 35I te iloaga ne tino i Lita mo Salona a te mea tena, 'fuli atu ei latou ki te Aliki.
36E isi se fafine talitonu e igoa ki a Tapita i Iopa. Ko Tokasi tena igoa faka Eleni, ko tona uiga ko te manu e igoa ki te anitilope. Ne fakamaumau a te ukega ona taimi i te faiga o galuega alofa ki tino ma'tiva. 37Ne masaki i mo taimi kona, mate ei a ia. Ne 'fulu ne latou tona foitino, tuku ei i te potu i luga. 38E se na lo ko 'mao a Iopa mai Lita, kae i te lagonaga ne soko i a Petelu e nofo i Lita, uga atu ei ne latou a te tokolua tagata o fai te lotou fekau ki a Petelu, “Fakamolemole, fakavave mai o vau ki a matou.” 39I kona foki eiloa, fakatoka eiloa Petelu o olo mo laua. I tena okoatuga ki kona, ave ei a ia ki te potu i luga. Ne mumu atu ki ona tafa a fafine ko 'mate olotou avaga, e 'tagi kae fakaasi atu foki ne latou a tilima mo peleue ne fai ne Tokasi ka koi ola. 40Ne uga katoa ne Petelu latou ke olo ki tua, totuli ifo ei a ia o 'talo. Ne kilotonu atu ki te foitino o te mate, fai atu ei a ia, “Tapita, tu ki luga.” Ne 'pula ona mata, matea ei ne ia Petelu; tela, sagasaga ake ei a ia. 41Ne puke atu te lima o Petelu o fakatu ake ki luga. Kalaga atu ei ki tino o te kaulotu, pela foki mo fafine ko 'mate olotou avaga ke o'mai ki loto, tuku atu ei ne ia ki a latou me ko ola. 42Ko salalau te tala tenei i Iopa katoa, kae tokouke eiloa a tino ne talitonu ki te Aliki. 43Ne nofo eiloa a ia i Iopa i aso e uke, i te fale o Simona, se tagata faite mea ki pa'kili o manu.
Iliyochaguliwa sasa
GALUEGA 9: Tusi Tapu
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific
GALUEGA 9
9
Ko te Fuliga o Saulo
(Galu 22.6-16; 26.12-18)
1A Saulo koi mau eiloa tona manatu fakasaua mo te fia tamate ki soko o te Aliki ko Iesu Keliso. Ne fano ki te Faitaulaga Pule, 2kae fakamolemole atu ki ei ki ne tusi fakamaoni ke fano mo ia ki fale tapuaki i Tamaseko, e fakailoa atu ei me isi sona saolotoga o saisai fakapagota tagata mo fafine kola e tautali i Ala Tonu o te Aliki, o ave ki Ielusalema.
3Ka koi fanatu eiloa a ia i tona auala ki Tamaseko, kae i tena piliatuga ki te fa'kai, oko fakavave ifo ei a te mainaga o fakapukupuku i luga i a ia. 4Ne siga ki lalo, lagona ei foki ne ia a te leo e faipati mai ki a ia penei, “Saulo, Saulo! Ai a e fakasaua mai ei koe ki a au?” 5Ne tali atu a Saulo, “Te Aliki, ko oi koe?” Ne tali mai te leo, “Ko au ko Iesu, tela e fakasaua koe ki ei, 6kae tu nei eiloa ki luga o fano ki te fa'kai, ke taku atu ei ki a koe a fakatonuga e 'tau o fai ne koe.” 7A latou kola ne olo tasi mo Saulo, ne 'tu latou ka ko seai eiloa se pati e mafai ne latou o fai. Ne lagona fua ne latou a te leo, kae seai se tino e matea ne latou. 8Ne tu ake Saulo, kae i tena taumafaiga o faka'pula ona mata, ko se ile eiloa. Tela, puke atu ei tena kau ki tena lima, kae takitaki atu ki Tamaseko. 9E tusa mo te tolu o aso e se ile ona mata, e se kai io me inu.
10E isi se soko e nofo i Tamaseko e igoa ki a Anania. E isi se fakaasiga ne oko mai ki a ia, tela ne faipati mai ei te Aliki ki a ia penei, “Anania.” Ne tali atu Anania, “Te Aliki, tenei au.” 11Muna a te Aliki: “Fakatoka nei o fano ki te ala e igoa ki te Ala Tonu, kae 'sala atu ki te tino e igoa ki a Saulo te Taso, i te fale o Iuta, koi 'talo nei eiloa a ia. 12I te fakaasiga foki eiloa tena, ne matea ei ne Saulo a te tagata e igoa ki a Anania ko vau, kae tuku ona lima i luga i a ia, ko te mea ke ile ona mata.” 13Ne tali atu Anania, “Te Aliki, e tokouke a tino ne fai mai ki a au a tala e uiga ki te tagata tena, ki mea masei katoa ne fai ne ia ki ou tino i Ielusalema. 14Kae ne vau nei a ia ki konei mo te saolotoga mai faitaulaga sili, o saisai fakapagota a latou kola e ka'laga atu ki tou igoa.” 15Muna a te Aliki ki a Anania: “Fano ki ei, me ko oti ne filifili ne au ke tavini mai ki a au, ke fakailoa atu ne ia a toku igoa ki tino o fenua fakaatea, tupu, pela foki ki tino Isalaelu. 16Ka fakaasi atu foki ne au ki a ia te uke o puapuaga ka fepaki mo ia ona ko toku igoa.”
17Tela, fano ei Anania, ulu ki loto i te fale, tuku ei ona lima i luga o Saulo, ana muna, “Toku taina ko Saulo, au ne uga mai ne te Aliki ko Iesu, tela ne matea ne koe i tou auala ki konei. Ne uga mai ne ia au, ko te mea ke toe ile ou mata, ke fakafonugina foki koe i te Agaga Tapu.” 18I kona foki eiloa, 'to ei a mea pela mo ne unafi o ika mai mata o Saulo, ko te mea eiloa ko ile ona mata. Ne tu ake ki luga, papatisogina eiloa a ia; 19kae i tena otiga ne kai, toe maua ei tona malosi.
Ko Lauga Saulo i Tamaseko
Ne 'nofo fakatasi a Saulo mo soko i ne mo aso i Tamaseko. 20Ne fanatu tonu eiloa a ia ki te fale tapuaki, kamata eiloa o lauga atu ki tino e uiga ki a Iesu, ana muna, “A Iesu ko te Tama a te Atua.”
21A latou kola ne faka'logo ki tena lauga, ne ofo masei kae fai ake olotou pati penei, “E se ko ia tenei ne fakasaua masei i Ielusalema, ki tino kola e takutaku ne latou a te igoa tenei? Ne vau foki a ia ki konei mo te pogai eiloa tenei, ke saisai ne ia a tino kola e takutaku ne latou a te igoa tenei, o ave ki faitaulaga sili.”
22Ko oko eiloa i te malosi o te molimau a Saulo, kae ne faka'segi ne ia mafaufauga o tino Iutaia i Tamaseko, i ana molimau e fakamaoni i ei i a Iesu ko te Keliso.
23 #
2Koli 11.32,33 Ko tai leva eiloa i te tekaatuga o mea konei, mafaufau ei tino Iutaia o tamate a Saulo; 24kae ne iloa ne Saulo te lotou fuafuaga masei tena. E alamati faeloa latou i te po mo te ao i mataloa o te fa'kai o tamate a ia. 25Kae i te sua po, ne puke atu ona soko ki a ia o tukutuku ifo i te kete ki tua o te 'pui o te fa'kai.
Ko Saulo i Ielusalema
26Ne fano a Saulo ki Ielusalema, kae ne taumafai ke fakatasi atu ki te kau soko. Ko oko eiloa i te lotou ma'taku ki a ia, i te mea e se talitonu latou me i a ia se tino o te kau soko. 27Ne vau Panapa o fesoasoani ki a ia, tela, ave ei ne ia ki apositolo. Ne fakamatala atu ne Panapa ki apositolo i te mateaga ne Saulo a te Aliki i te auala. E se gata fua i kona, kae ne faipati foki eiloa te Aliki ki a ia. Ne tala atu foki ne ia i te toa o Saulo o lauga atu a te igoa o Iesu i Tamaseko. 28Nofo ei Saulo i a latou, kae ne fano sale i Ielusalema katoa o folafola atu mo te loto toa a te igoa o te Aliki. 29Ne fai'pati kae finau foki mo Iutaia kola e fai'pati faka Eleni, kae ne taumafai foki latou o tamate a ia. 30I te iloaga ne taina talitonu a te mea nei, ave ei ne latou a Saulo ki Kaisaleia, kae mai konei, uga atu ei ne latou ke fano ki Taso.
31Tela la, ko oko eiloa i te filemu o Ekalesia katoa i Iutaia, Kalilaia mo Samalia. Ko ola 'lei, ka ko tokouke foki a tino e fakaopoopo ki ei, e auala mai i te fesoasoani o te Agaga Tapu, i te lotou sasale mo te ava ki te Aliki.
Ko Petelu i Lita mo Iopa
32Ne fai malaga sale Petelu i te fenua katoa, kae i te sua aso ne fano o asi a tino o te Atua i Lita. 33Ne fetaui i kona mo te tino e igoa ki a Ainea, se 'pili, kae seki mafai eiloa ne ia o tu keatea mai tona moega i te valu tausaga. 34Muna a Petelu ki te 'pili, “Ainea, ko faka'lei tou masaki ne Iesu Keliso. Tu nei ki luga o pelu tou moega.” I kona eiloa tu ake ei a ia. 35I te iloaga ne tino i Lita mo Salona a te mea tena, 'fuli atu ei latou ki te Aliki.
36E isi se fafine talitonu e igoa ki a Tapita i Iopa. Ko Tokasi tena igoa faka Eleni, ko tona uiga ko te manu e igoa ki te anitilope. Ne fakamaumau a te ukega ona taimi i te faiga o galuega alofa ki tino ma'tiva. 37Ne masaki i mo taimi kona, mate ei a ia. Ne 'fulu ne latou tona foitino, tuku ei i te potu i luga. 38E se na lo ko 'mao a Iopa mai Lita, kae i te lagonaga ne soko i a Petelu e nofo i Lita, uga atu ei ne latou a te tokolua tagata o fai te lotou fekau ki a Petelu, “Fakamolemole, fakavave mai o vau ki a matou.” 39I kona foki eiloa, fakatoka eiloa Petelu o olo mo laua. I tena okoatuga ki kona, ave ei a ia ki te potu i luga. Ne mumu atu ki ona tafa a fafine ko 'mate olotou avaga, e 'tagi kae fakaasi atu foki ne latou a tilima mo peleue ne fai ne Tokasi ka koi ola. 40Ne uga katoa ne Petelu latou ke olo ki tua, totuli ifo ei a ia o 'talo. Ne kilotonu atu ki te foitino o te mate, fai atu ei a ia, “Tapita, tu ki luga.” Ne 'pula ona mata, matea ei ne ia Petelu; tela, sagasaga ake ei a ia. 41Ne puke atu te lima o Petelu o fakatu ake ki luga. Kalaga atu ei ki tino o te kaulotu, pela foki mo fafine ko 'mate olotou avaga ke o'mai ki loto, tuku atu ei ne ia ki a latou me ko ola. 42Ko salalau te tala tenei i Iopa katoa, kae tokouke eiloa a tino ne talitonu ki te Aliki. 43Ne nofo eiloa a ia i Iopa i aso e uke, i te fale o Simona, se tagata faite mea ki pa'kili o manu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific