GALUEGA 8
8
1Ne loto foki a Saulo ke mate a Setefano.
Ko Fakasaua Saulo ki te Ekalesia
I te taimi eiloa tena, kamata eiloa mo te fakasauaga ki te Ekalesia i Ielusalema. Ko mafuta valevale a tino talitonu ki fa'kai katoa o Iutaia mo Samalia, ka ko apositolo fua ne 'nofo eiloa i Ielusalema. 2Ne tanu Setefano ne tino lotu, kae fai olotou pese tagialofa ki a ia.
3 #
Galu 22.4,5; 26.9-11 Ko fakasaua Saulo ki te Ekalesia. Ko ulu atu ki loto i fale takitasi, kae 'futi mai ne ia tagata mo fafine, kae pei atu ki te fale puipui.
Ko Folafola atu a te Tala 'Lei i Samalia
4A tino talitonu kola ne salalau valevale, ko olo sale fua ki so se koga o talai atu te Tala 'Lei. 5A Filipo ne fano ki te fa'kai ko Samalia o folafola atu te Keliso ki a latou. 6Ne loto ma'lie a tino kona o fakalogo'logo ki a ia. Ne fakalogo'logo katoa ki a ia; ne matea foki ne latou a vavega ne fai ne ia. 7E tokouke foki o latou ne tino e ma'saki faka'mate mo tino 'pili, kae ne 'lei olotou masaki. 8Ko oko eiloa i te fia'fia o tino i Samalia.
9E isi se tagata e nofo i kona e igoa ki a Simona, tela ko oti ne fakaofo ne ia a tino ki ana vailakau. Ne fai tena muna i a ia se tino maluga, 10ka ko tali'tonu katoa a tino malalo mo tino ma'luga ki a ia, olotou muna, “A ia nei ko te Mana Malosi o te Atua.” 11Ne faka'logo latou ki a ia, i te mea ko leva ne fakaofo ne ia a latou ki ana vailakau. 12Ka ko Filipo ne folafola fua ne ia a te Tala 'Lei o te Malo o te Atua mo te igoa o Iesu Keliso, kae ne talitonu foki a tino ki a ia. Ne papatiso katoa latou, tagata mo fafine. 13Ne talitonu foki a Simona, papatisogina ei a ia, ka ko ia ne nofo fakapilipili faeloa ki a Filipo. Ne ofo tona loto i tena kilokiloga ki fakailoga mo vavega 'lasi kola ne fai.
14I te lagonaga ne apositolo i Ielusalema i a Samalia ko talia ne latou te muna a te Atua, uga atu ei ne latou a Petelu mo Ioane ke olo ki Samalia. 15I te la okoatuga, ne 'talo laua mō tino talitonu, ko te mea ke maua ne latou te Agaga Tapu. 16I te mea e seki iai eiloa se tino o latou kai fanaifo ki a ia te Agaga Tapu; ne papatisogina fua latou i te igoa o te Aliki ko Iesu. 17Tela, fakaeke atu ei o la lima ki luga i a latou, maua ei ne latou te Agaga Tapu.
18I te mateaga ne Simona me ne tuku mai te Agaga Tapu i te fakaekega o lima o apositolo ki luga i a latou, tuku atu ei ne ia tupe ki a laua, 19ana muna, “Tuku mai foki ki a au te 'mana tenei, ko te mea ke maua ne so se tino te Agaga Tapu manafai e fakaeke oku lima ki luga i a ia.” 20Muna a Petelu ki a ia, “Ke malaia fakatasi koe mo au tupe, me i a koe e taofi pela me mafai o 'togi tupe a te meaalofa faivasaga a te Atua! 21E seai eiloa sou vaega io me sou tofi i te motou galuega, i tou loto e se tonu i mua o te Atua. 22Tela la, na salamo ki tou mafaufauga se tonu tenei, kae 'talo foki ki te Aliki ke fakamagalo ne ia koe i tou mafaufau pena. 23E matea atu ne au i a koe e fonu i te loto masei, kae se pologa foki a te agasala.” 24Muna a Simona ki a Petelu mo Ioane, “Talo ki te Aliki mō au, ko te mea ke seai se mea o mea kola ne laulau mai ne koulua e 'tupu ki a au.”
25I te otiga ne taku tonu atu ne laua a te muna a te Aliki, 'foki ei Petelu mo Ioane ki Ielusalema. Ne folafola atu ne laua a te Tala 'Lei i te ukega o fa'kai o Samalia, i te la auala ki Ielusalema.
Ko Filipo mo te Ofisa Aitiope
26Ne faipati atu a te agelu a te Aliki ki a Filipo, ana muna: “Fakatoka o fano ki te feitu ki saute,#8.26: saute; io me i te tutonu. i te auala tela e vau mai Ielusalema kae tau ki Kasa.” Ko se toe fakaaoga te auala tenei.#8.26: Te auala tenei ko se fakaaoga i aso nei; io me A te mea nei ko te auala i te toafa. 27Ne tu ake ki luga, fano eiloa. E isi se tagata Aitiope, se tino ko oti ne pilitome, kae se tino maluga foki i te fale o te tupu fafine tenei. Ne fano ki te tapuakiga ne fai Ielusalema, 28ko foki nei i tena auala ki Aitiope, e sopo i tena ka, kae faitau ki te tusi a te pelofeta ko Isaia. 29Muna a te Agaga Tapu ki a Filipo, “Fano o fakapilipili ki te ka tela.” 30Tele atu ei Filipo ki kona, lagona atu ei ne ia me faitau i te tusi a te pelofeta ko Isaia; tela fesili atu ei ki a ia, “E malamalama koe i te tusi e faitau ne koe?” 31Ana muna, “Ikai, seiloga ke fesoasoani mai se tino.” Tela, fai atu ei ki a Filipo ke fanake ki luga ke saga'saga laua. 32#Isa 53.7,8A te vaega o te tusi a Isaia e faitau ne ia e penei:
“A ia e pela mo se mamoe ko ave o ta,
A ia e pela foki mo se tama mamoe e se tagi manafai e kati ona fulu.
E seai foki sena pati e fai.
33Ne fakamalalogina kae fakaseaoga foki tona fai mea tonu.
E seai se tino e mafai ne ia o fakamatala ona kautupu,
Me ko palele atu tona ola i te lalolagi nei.”
34Muna a te Aitiope ki a Filipo, “Fakamolemole, taku mai ki a au me ko oi te tino tenei e faipati ki ei te pelofeta, ko ia me se tino ake fakaatea?” 35I kona foki eiloa, kamata eiloa Filipo o faipati i te vaega o te tusi a Isaia tenei, lauga atu ei ne ia ki a ia te Tala 'Lei e uiga ki a Iesu. 36Ka koi faimalaga laua i te auala, oko atu ei laua ki te koga e isi ne vai i ei, fai atu ei te Aitiope, “Kiloke, konei a vai. E isi se fakalavelave e se papatiso ei au ne koe?”#8.36: I nisi lomiga e fakaopoopo te foaiupu e 37: Muna Filipo ki a ia, “E mafai koe o papatiso manafai koe e talitonu mo tou loto katoa.” “Au e talitonu,” muna te Aitiope; “Au e talitonu me i a Iesu Keliso ko te Tama a te Atua.” (37 Muna a Filipo ki a ia, “E mafai koe o papatiso, manafai e talitonu koe mo tou loto katoa.”Ne tali atu a ia ki a Filipo, “Au ko talitonu i a Iesu Keliso ko te Tama a te Atua.”
38Ne fakatonu atu ei a te Aitiope ke taofi a te ka, olo ifo ei a Filipo mo te Aitiope ki te vai, papatiso eiloa a ia ne Filipo. 39I te la oloakega mai te vai, fakagalo fakavave ei a Filipo ne te Agaga o te Aliki, ka ko se matea foki ne te Aitiope a ia, foki atu ei a ia mo te fiafia lasi. 40Ne matea a foliga o Filipo i Asota, kae ne fano ki fa'kai katoa o folafola atu a te Tala 'Lei ke oko eiloa ki Kaisaleia.
Iliyochaguliwa sasa
GALUEGA 8: Tusi Tapu
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific
GALUEGA 8
8
1Ne loto foki a Saulo ke mate a Setefano.
Ko Fakasaua Saulo ki te Ekalesia
I te taimi eiloa tena, kamata eiloa mo te fakasauaga ki te Ekalesia i Ielusalema. Ko mafuta valevale a tino talitonu ki fa'kai katoa o Iutaia mo Samalia, ka ko apositolo fua ne 'nofo eiloa i Ielusalema. 2Ne tanu Setefano ne tino lotu, kae fai olotou pese tagialofa ki a ia.
3 #
Galu 22.4,5; 26.9-11 Ko fakasaua Saulo ki te Ekalesia. Ko ulu atu ki loto i fale takitasi, kae 'futi mai ne ia tagata mo fafine, kae pei atu ki te fale puipui.
Ko Folafola atu a te Tala 'Lei i Samalia
4A tino talitonu kola ne salalau valevale, ko olo sale fua ki so se koga o talai atu te Tala 'Lei. 5A Filipo ne fano ki te fa'kai ko Samalia o folafola atu te Keliso ki a latou. 6Ne loto ma'lie a tino kona o fakalogo'logo ki a ia. Ne fakalogo'logo katoa ki a ia; ne matea foki ne latou a vavega ne fai ne ia. 7E tokouke foki o latou ne tino e ma'saki faka'mate mo tino 'pili, kae ne 'lei olotou masaki. 8Ko oko eiloa i te fia'fia o tino i Samalia.
9E isi se tagata e nofo i kona e igoa ki a Simona, tela ko oti ne fakaofo ne ia a tino ki ana vailakau. Ne fai tena muna i a ia se tino maluga, 10ka ko tali'tonu katoa a tino malalo mo tino ma'luga ki a ia, olotou muna, “A ia nei ko te Mana Malosi o te Atua.” 11Ne faka'logo latou ki a ia, i te mea ko leva ne fakaofo ne ia a latou ki ana vailakau. 12Ka ko Filipo ne folafola fua ne ia a te Tala 'Lei o te Malo o te Atua mo te igoa o Iesu Keliso, kae ne talitonu foki a tino ki a ia. Ne papatiso katoa latou, tagata mo fafine. 13Ne talitonu foki a Simona, papatisogina ei a ia, ka ko ia ne nofo fakapilipili faeloa ki a Filipo. Ne ofo tona loto i tena kilokiloga ki fakailoga mo vavega 'lasi kola ne fai.
14I te lagonaga ne apositolo i Ielusalema i a Samalia ko talia ne latou te muna a te Atua, uga atu ei ne latou a Petelu mo Ioane ke olo ki Samalia. 15I te la okoatuga, ne 'talo laua mō tino talitonu, ko te mea ke maua ne latou te Agaga Tapu. 16I te mea e seki iai eiloa se tino o latou kai fanaifo ki a ia te Agaga Tapu; ne papatisogina fua latou i te igoa o te Aliki ko Iesu. 17Tela, fakaeke atu ei o la lima ki luga i a latou, maua ei ne latou te Agaga Tapu.
18I te mateaga ne Simona me ne tuku mai te Agaga Tapu i te fakaekega o lima o apositolo ki luga i a latou, tuku atu ei ne ia tupe ki a laua, 19ana muna, “Tuku mai foki ki a au te 'mana tenei, ko te mea ke maua ne so se tino te Agaga Tapu manafai e fakaeke oku lima ki luga i a ia.” 20Muna a Petelu ki a ia, “Ke malaia fakatasi koe mo au tupe, me i a koe e taofi pela me mafai o 'togi tupe a te meaalofa faivasaga a te Atua! 21E seai eiloa sou vaega io me sou tofi i te motou galuega, i tou loto e se tonu i mua o te Atua. 22Tela la, na salamo ki tou mafaufauga se tonu tenei, kae 'talo foki ki te Aliki ke fakamagalo ne ia koe i tou mafaufau pena. 23E matea atu ne au i a koe e fonu i te loto masei, kae se pologa foki a te agasala.” 24Muna a Simona ki a Petelu mo Ioane, “Talo ki te Aliki mō au, ko te mea ke seai se mea o mea kola ne laulau mai ne koulua e 'tupu ki a au.”
25I te otiga ne taku tonu atu ne laua a te muna a te Aliki, 'foki ei Petelu mo Ioane ki Ielusalema. Ne folafola atu ne laua a te Tala 'Lei i te ukega o fa'kai o Samalia, i te la auala ki Ielusalema.
Ko Filipo mo te Ofisa Aitiope
26Ne faipati atu a te agelu a te Aliki ki a Filipo, ana muna: “Fakatoka o fano ki te feitu ki saute,#8.26: saute; io me i te tutonu. i te auala tela e vau mai Ielusalema kae tau ki Kasa.” Ko se toe fakaaoga te auala tenei.#8.26: Te auala tenei ko se fakaaoga i aso nei; io me A te mea nei ko te auala i te toafa. 27Ne tu ake ki luga, fano eiloa. E isi se tagata Aitiope, se tino ko oti ne pilitome, kae se tino maluga foki i te fale o te tupu fafine tenei. Ne fano ki te tapuakiga ne fai Ielusalema, 28ko foki nei i tena auala ki Aitiope, e sopo i tena ka, kae faitau ki te tusi a te pelofeta ko Isaia. 29Muna a te Agaga Tapu ki a Filipo, “Fano o fakapilipili ki te ka tela.” 30Tele atu ei Filipo ki kona, lagona atu ei ne ia me faitau i te tusi a te pelofeta ko Isaia; tela fesili atu ei ki a ia, “E malamalama koe i te tusi e faitau ne koe?” 31Ana muna, “Ikai, seiloga ke fesoasoani mai se tino.” Tela, fai atu ei ki a Filipo ke fanake ki luga ke saga'saga laua. 32#Isa 53.7,8A te vaega o te tusi a Isaia e faitau ne ia e penei:
“A ia e pela mo se mamoe ko ave o ta,
A ia e pela foki mo se tama mamoe e se tagi manafai e kati ona fulu.
E seai foki sena pati e fai.
33Ne fakamalalogina kae fakaseaoga foki tona fai mea tonu.
E seai se tino e mafai ne ia o fakamatala ona kautupu,
Me ko palele atu tona ola i te lalolagi nei.”
34Muna a te Aitiope ki a Filipo, “Fakamolemole, taku mai ki a au me ko oi te tino tenei e faipati ki ei te pelofeta, ko ia me se tino ake fakaatea?” 35I kona foki eiloa, kamata eiloa Filipo o faipati i te vaega o te tusi a Isaia tenei, lauga atu ei ne ia ki a ia te Tala 'Lei e uiga ki a Iesu. 36Ka koi faimalaga laua i te auala, oko atu ei laua ki te koga e isi ne vai i ei, fai atu ei te Aitiope, “Kiloke, konei a vai. E isi se fakalavelave e se papatiso ei au ne koe?”#8.36: I nisi lomiga e fakaopoopo te foaiupu e 37: Muna Filipo ki a ia, “E mafai koe o papatiso manafai koe e talitonu mo tou loto katoa.” “Au e talitonu,” muna te Aitiope; “Au e talitonu me i a Iesu Keliso ko te Tama a te Atua.” (37 Muna a Filipo ki a ia, “E mafai koe o papatiso, manafai e talitonu koe mo tou loto katoa.”Ne tali atu a ia ki a Filipo, “Au ko talitonu i a Iesu Keliso ko te Tama a te Atua.”
38Ne fakatonu atu ei a te Aitiope ke taofi a te ka, olo ifo ei a Filipo mo te Aitiope ki te vai, papatiso eiloa a ia ne Filipo. 39I te la oloakega mai te vai, fakagalo fakavave ei a Filipo ne te Agaga o te Aliki, ka ko se matea foki ne te Aitiope a ia, foki atu ei a ia mo te fiafia lasi. 40Ne matea a foliga o Filipo i Asota, kae ne fano ki fa'kai katoa o folafola atu a te Tala 'Lei ke oko eiloa ki Kaisaleia.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific