Exodo 1
1
Ang mga Israelinhon Ginpintasan sa Ehipto
1Amo#Gen. 46:8-27. ini ang mga ngalan sang mga anak nga lalaki ni Jacob nga nagkadto sa Ehipto upod sa iya, ang tagsatagsa upod sa iya panimalay. Sila amo sanday 2Ruben, Simeon, Levi, Juda, 3Isacar, Zabulon, Benjamin, 4Dan, Neftali, Gad, kag Aser. 5Ang kadamuon sang mga kaliwat ni Jacob setenta#1:5 Ang isa ka dumaan nga pagbadbad setentay singko (tan-awa ang Mga Binuhatan 7:14). tanan. Si Jose nga iya anak didto na nga daan sa Ehipto. 6Sang ulihi si Jose kag ang iya mga utod nga lalaki nagkalamatay, subong man yadtong bug-os nga henerasyon. 7Pero#Bin. 7:17. ang mga kaliwat ni Israel may madamo nga mga kaanakan, nagmuad gid sila kag nagmabakod, sa bagay nga naglapnag sila sa duta sang Ehipto.
8Karon#Bin. 7:18. may isa ka bag-o nga hari nga naggahom sa Ehipto. Wala sia makakilala kay Jose. 9Ang hari nagsiling sa iya mga ginsakpan, “Tan-awa ninyo, ini nga mga tawo nga Israelinhon nagadamo kag nagabakod, kag nabutang kita sa katalagman. 10Karon#Bin. 7:19. pamatii ninyo! Pangitaan naton sang paagi nga indi na gid sila magdamo. Kay kon may inaway, basi magdampig sila sa aton mga kaaway sa pag-away batok sa aton, kag magpalagyo#1:10 magpalagyo: ukonmaggahom. sila sa aton pungsod.” 11Gani ginbutangan sila sing mga mapintas nga mga kabo sa pagpaobra sa ila sing pataypatay agod magluya sila. Ang mga Israelinhon nagpatindog sang mga siudad sang Pitom kag Rameses para sa hari nga pagatipunan nila sing mga pagkaon. 12Pero sa nagadugang ang pagpigos sang mga Ehiptohanon sa mga Israelinhon, tapat pa gani nga nagadamo kag nagalapnag sila. Ang mga Ehiptohanon nagkahadlok sa mga Israelinhon. 13Gani mapintas nga gin-ulipon nila ang mga Israelinhon, 14kag ginpabudlay ang ila pagkabuhi paagi sa pagpaobra sa ila sa lunang kag sa tisa, kag sang tanan nga sahi sang obra sa uma. Ginpilit nila sila sa paghimo sang tanan nga mabug-at nga mga obra.
15Dayon ang hari sang Ehipto naghambal sa mga paltera nga nagapabata sa mga babayi nga mga Hebreo. Ang isa ginhingalanan kay Sipra kag ang isa kay Pua. 16Nagsiling ang hari, “Kon nagapabata kamo sang Hebreo nga mga babayi amo ini ang inyo pagahimuon: kon ang lapsag lalaki, patyon ninyo; pero kon babayi ini, pabayai lang nga mabuhi.” 17Pero ang mga paltera wala magtuman sa hari kay nahadlok sila sa Dios. Sa baylo ginpabay-an nila nga mabuhi ang mga lapsag nga lalaki. 18Gani ginpatawag sang hari ang mga paltera kag ginpamangkot, “Ngaa bala nga ginhimo ninyo ini kag ginpabay-an nga mabuhi ang mga lapsag nga lalaki?”
19Nagsabat sila, “Ang mga babayi nga Hebreo indi pareho sang mga babayi nga Ehiptohanon; mahapos sila magbata nga sa wala pa gani kami makaabot nakabata na sila.” 20-21Bangod kay nagakahadlok ang mga paltera sa Dios, ang Dios nagmaayo sa ila kag ginhatagan niya sila sang ila kaugalingon nga mga panimalay kag nagdamo nga nagdamo ang mga Israelinhon, kag nangingamhanan sila. 22Dayon#Bin. 7:19. ang hari nagmando sa tanan niya nga mga ginsakpan: “Ihaboy ninyo sa Suba sang Nilo ang tagsa ka bata nga lalaki nga matawo sa mga Hebreo, pero pabay-i lang ninyo ang mga bata nga babayi nga mabuhi.”
Iliyochaguliwa sasa
Exodo 1: MBBHIL12
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Maayong Balita nga Biblia © Philippine Bible Society, 2012
