Mga Binuhatan 26
26
Ginpangapinan ni Pablo ang Iya Kaugalingon sa Atubang ni Agripa
1Nagsiling si Agripa kay Pablo, “Ginapahanugotan ikaw nga makahambal sa pagpangapin sang imo kaugalingon.” Ginbayaw ni Pablo ang iya kamot, kag sa pagpangapin sang iya kaugalingon nagsiling sia:
2“Haring Agripa! Ginakabig ko ang akon kaugalingon nga mapalaron tungod kay sa sini nga adlaw magapangapin ako sang akon kaugalingon sa atubang mo, sa tanan nga mga panumbongon sang mga Judio batok sa akon, 3labi na kay nahibal-an mo gid ang tanan nga mga kinabatasan kag mga kasuayon sang mga Judio. Gani, nagapangabay ako nga pamatian mo ako nga may pagpailob.
4“Nahibaluan sang tanan nga mga Judio kon paano ang akon pagkabuhi halin sang pamatan-on pa ako. Nahibaluan nila halin pa sang una kon paano ang pagkabuhi ko sa akon kaugalingon nga banwa kag sa Jerusalem. 5Kon#Bin. 23:6; Fil. 3:5. maluyag lang sila magsaksi, makasiling sila nga halin sang una kilala nila ako nga nagkabuhi subong katapo sang mga Fariseo, ining tama ka estrikto nga grupo sang amon pagtuluohan. 6Kag karon nagatindog ako diri nga ginahukman tungod kay nagasalig ako sa ginsaad sang Dios sa amon mga katigulangan— 7ang saad nga ginapaabot sang dose ka tribo sang amon mga katawhan nga ila pagabatunon sa ila pagsimba sa Dios sa adlaw kag gab-i. Kag tungod sini nga paglaom, Mahal nga Hari, ginasumbong ako sang mga Judio! 8#2 Mac. 7:9.Ngaa bala nga kamo nga mga Judio indi makapati nga ang Dios makabanhaw sang mga minatay?
9“Ako#Bin. 8:3; 22:4-5. akon naghunahuna nga dapat ko himuon ang tanan nga akon masarangan sa pagpamatok sa kawsa ni Jesus nga taga-Nazaret. 10Amo ini ang akon ginhimo sa Jerusalem. Ginhatagan ako sang awtoridad sang pangulo nga mga pari, kag akon ginpabilanggo ang madamo nga mga tawo sang Dios. Kag sang pamatbatan sila sang kamatayon, akon gin-ugyonan ini nga pamatbat. 11Ginpasilutan ko sila sa madamo nga mga beses sa tanan nga mga sinagoga kag ginhimud-osan ko nga masikway nila ang ila pagtuo. Tama gid ang akon kaakig sa ila sa bagay nga nagpakalambot ako sa mga siudad sa iban nga duta sa paghingabot sa ila.
Ginsugid ni Pablo ang Pagkonbertir sa Iya
(Bin. 9:1-19; 22:6-16)
12“Sa sini nga katuyoan nagkadto ako sa Damasco nga may awtoridad kag mga mando halin sa pangulo nga mga pari. 13Nagahingudto gid ang adlaw sadto, Mahal nga Hari, sa dalanon may nakita ako nga kapawa nga mas masilaw pa sang sa adlaw gikan sa langit nga nagsilak sa akon palibot kag sa mga tawo nga nagpanglakaton upod sa akon. 14Natumba kami tanan sa duta kag may nabatian ako nga tingog nga naghambal sa akon sa Hebreo, ‘Saulo, Saulo! Ngaa bala ginahingabot mo ako? Ginasakit mo ang imo kaugalingon paagi sa pagsipa mo sang suyak.’ 15Nagpamangkot ako, ‘Sin-o ka bala, Ginoo?’ Nagsabat ang Ginoo, ‘Ako si Jesus, nga imo ginahingabot. 16Pero bangon ka kag magtindog. Nagpakita ako sa imo kay ginpili ko ikaw nga mangin-akon alagad. Sugiran mo ang iban sang imo mga nakita sa sini nga adlaw nahanungod sa akon,#26:16 Ang iban nga mga manuskrito wala sangnahanungod sa akon. kag sang mga butang nga ipakita ko sa imo sa palaabuton. 17Pagaluwason ko ikaw sa mga taga-Israel kag sa mga Hentil sa diin ipadala ko ikaw. 18Ikaw ang magapamuklat sang ila mga mata kag magaliso sa ila gikan sa kadudulman pakadto sa kapawa, kag gikan sa gahom ni Satanas pakadto sa Dios, agod nga paagi sa ila pagtuo sa akon, pagapatawaron sila sang ila mga sala kag mabaton nila ang ila bahin upod sa pinili nga mga tawo sang Dios.’
Nagpanugid si Pablo sang Iya Bulohaton
19“Gani, Haring Agripa, wala ko ginlalis ang palanan-awon nga nabaton ko halin sa langit. 20Nagwali#Bin. 9:20, 28-29. ako una sa Damasco kag dayon sa Jerusalem kag sa bug-os nga kadutaan sang Judea kag sa mga Hentil. Nagwali ako nga dapat sila maghinulsol sa ila mga sala kag magliso sa Dios kag maghimo sang mga butang nga magapakita nga naghinulsol sila. 21Amo ini ang kabangdanan nga gindakop ako sang mga Judio sang didto ako sa Templo kag gintinguhaan nila ako nga patyon. 22Pero ginabuligan ako sang Dios tubtob sa sini nga adlaw, gani yari ako diri nagatindog sa pagpanaksi sa tanan, sa mga kubos kag sa mga dungganon. Ang akon ginasiling amo man ang ginsiling sang mga propeta kag ni Moises nga mahanabo: 23nga#1 Cor. 15:20; Isa. 42:6; 49:6. ang Cristo dapat mag-antos kag manginnahauna nga mabanhaw gikan sa mga minatay sa pagwali sang kapawa sang kaluwasan sa mga Judio kag sa mga Hentil.”
24Sang nagapangapin si Pablo sa iya kaugalingon, sa sini nga paagi, nagsinggit si Festo sa iya, “Nagbuang ka, Pablo! Ang imo madamo nga tinun-an nagpabuang sa imo!”
25Nagsabat si Pablo, “Indi ako buang, Halangdon nga Festo! Matuod ang akon mga ginahambal kag sa husto nga kaisipan. 26Haring Agripa! Wala ako mahadlok maghambal sa imo tungod kay imo nahibaluan ini nga mga butang. Nasiguro ko gid nga imo natalupangdan ini tanan nga mga butang kay nahanabo ini sa hayag. 27Nagapati ka bala, Haring Agripa, sa mga propeta? Nahibaluan ko nga nagapati ikaw!”
28Nagsiling si Agripa kay Pablo, “Nagahunahuna ka bala nga madali mo ako mahimo nga Cristiano?”
29Nagsabat si Pablo, “Sa madali ukon sa madugay nga tion nagapangamuyo ako sa Dios nga ikaw kag ang tanan nga nagapamati sa akon sa sini nga adlaw, manginsubong kuntani sa akon, luas lamang sa sini nga mga kadena!”
30Dayon nagtindog ang Hari, ang Gobernador, si Bernice kag ang tanan nga nagapungko kaupod nila. 31Sang makagwa na sila nagsinilingay sila, “Wala sing may nahimo ini nga tawo nga takos pamatbatan sing kamatayon ukon bilangguon.” 32Nagsiling si Agripa kay Festo, “Kuntani mabuy-an ini nga tawo kon wala sia magdangop sa Emperador.”
Iliyochaguliwa sasa
Mga Binuhatan 26: MBBHIL12
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Maayong Balita nga Biblia © Philippine Bible Society, 2012
