ᓀᐦᐊᒼ 3
3
1ᑯᑕᑭᑖᐃᐧᐣ ᑭᑕ ᐊᔮᐤ ᒥᐦᑯᐃᐧ ᐅᑌᓇᐤ! ᒥᑐᓂ ᒧᐢᑭᓀᐤ ᑭᔮᐢᑭᐃᐧᓇ ᒥᓇ ᒪᐢᑲᑌᐧᐃᐧᓇ; ᓂᐸᑖᑲᓇ ᓇᒪᐃᐧᑳᐨ ᓇᑲᑎᐠ. 2ᐁ ᐯᑖᑲᐧᕽ ᐸᓴᐢᑌᐃᑲᐣ, ᒥᓇ ᐁ ᐯᑖᑲᐧᕽ ᐁ ᐱᒣᐧᐁᐧᐸᔨᑭ ᐋᐧᐢᑳᐸᔨᓴ; ᒥᓇ ᐁ ᑳᐧᐢᑳᐧᐢᑯᑎᒋᐠ ᒥᐢᑕᑎᒪᐧᐠ, ᒥᓇ ᐁ ᑳᐧᐢᑳᐧᐢᑫᐧᓯᑭᐠ ᑎᑎᐱᑖᐹᓈᐢᑲᐧᐠ; 3ᐅᑌᑕᐱᐊᐧᐠ ᐁ ᑌᒋᐸᔨᐅᒋᐠ, ᒥᓇ ᐁ ᐋᐧᓵᐱᐢᑭᐸᔨᐠ ᓯᒫᑲᓂᑯᒫᐣ, ᒥᓇ ᐁ ᐋᐧᓯᑲᐧᑭᐸᔨᐠ ᑕᑲᒋᑲᐣ; ᒥᓇ ᐁ ᐅᓵᒣᔭᑎᒋᐠ ᓂᐸᑖᑲᓇᐠ, ᒥᓇ ᐁ ᒥᓯ ᐱᐢᑲᐧᐢᑌᑭ ᒥᔭᐊᐧ; ᓇᒪᐃᐧᔭ ᑭᐱᑕᐢᑌᐊᐧ ᒥᔭᐊᐧ; ᐹᐱᓱᑫᓯᓇᐧᐠ ᒥᔭᐊᐧ; 4ᐊᓂᒪ ᐅᐦᒋ ᐁ ᐅᓵᒣᔭᑎᓂᔨᑭ ᐅ ᐱᓯᑳᐧᑎᓯᐃᐧᓇ ᑳ ᒥᔪᓈᑯᓯᐟ ᐅᐱᓯᑳᐧᑎᐢᑫᐧᐤ, ᑳ ᐅᑭᒫᐢᑫᐧᑲᑐᕽ ᒥᑌᐃᐧᐃᐧᓇ, ᑳ ᐊᑖᐋᐧᑫᐟ ᐁ ᐸᐯᐢᑭᐨ ᑕᐢᑳᓀᓯᔭᐟ ᐊᔨᓯᔨᓂᐊᐧ ᐅ ᐱᓯᑳᐧᑎᓯᐃᐧᓇ ᐅᐦᒋ, ᒥᓇ ᐁ ᐸᐯᐢᑭᑐᑌᐃᐧᓯᔨᐟ ᐅ ᒥᑌᐃᐧᐃᐧᓇ ᐅᐦᒋ.
5ᒫᑎᑲ, ᑭ ᓇᔦᑖᐁᐧᔨᒥᑎᐣ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᐁᑯᓯ ᑭ ᑲ ᒧᓭᐱᑎᑎᐣ ᐁ ᐋᐧᐸᐦᑕᒪᐣ; ᒥᓇ ᓂ ᑲ ᐋᐧᐸᐦᑕᐋᐊᐧᐠ ᓇᓈᑐᑯᐢᑳᐣ ᑭ ᒧᓭᐢᑲᑌᐃᐧᐣ, ᒥᓇ ᑭᐦᒋ ᐅᑭᒫᐃᐧᐃᐧᓇ ᑭ ᓇᓀᐯᐃᐧᓯᐃᐧᐣ. 6ᐁᑯᓯ ᑳ ᐸᑳᐧᑎᑯ ᐃᐧᓀᔨᑖᑲᐧᕽ ᑭ ᑲ ᐃᓯᐁᐧᐱᓇᒫᑎᐣ, ᒥᓇ ᑭ ᑲ ᐃᐧᓀᔨᑖᑯᐃᑎᐣ, ᐁᑯᓯ ᑭ ᑲ ᐃᑕᔨᑎᐣ ᑭᑕ ᒪᓂ ᑲᓇᐋᐧᐸᒥᑲᐃᐧᔭᐣ. 7ᑭᑕ ᐊᔨᑭᐣ ᒫᑲ, ᑲᐦᑭᔭᐤ ᐊᓂᑭ ᑳ ᑲᓇᐊᐧᐸᒥᐢᑭᐠ ᑭ ᑲ ᑕᐸᓯᐦᐃᑲᐧᐠ, ᒥᓇ ᑭᑕ ᐃᑌᐧᐊᐧᐠ, ᓂᓀᐯ ᑭᐊᐧᑕᐢᑌᐤ; ᐊᐁᐧᓂᐦᐃ ᑫ ᒥᐦᑖᑎᑯᐟ? ᑖᓂᑌ ᑫ ᐅᐦᑎᓇᑭᐠ ᑫ ᒥᔪᑌᐦᐁᐃᐢᑭᐠ?
8ᐊᐊᐧᓯᒣ ᒋ ᑭᐟ ᐃᑌᔨᑖᑯᓯᐣ ᐃᔨᑯᕽ ᓄᐋᒪᐣ, ᑳ ᑭ ᐊᔮᐠ ᒣᑳᐧ ᓯᐱᔭ, ᓂᐱᔭ ᒥᓯᐁᐧ ᑳ ᑭ ᐋᐧᐢᑳᐢᑳᑯᐟ; ᑭᐦᒋᑲᒥ ᑳ ᑭ ᐅ ᒥᑖᑫᐧᐢᑲᒫᐃᐧᓂᐟ. ᒥᓇ ᐅ ᒣᓂᐢᑭᑳᑎᑯᐃᐧᐣ ᐁᐊᐧᑫᐧᔨᐤ ᑭᐦᒋᑲᒥ? 9ᐃᐦᑎᔮᐱᔭ ᒥᓇ ᐃᒋᑊᐟ ᑭ ᐅ ᒪᐢᑲᐃᐧᓯᐃᐧᓂᐤ, ᐁᑯᓯ ᓇᒪᐃᐧᔭ ᑭ ᑭᓯᐱᐸᔨᔨᐤ; ᐸᐟ ᒥᓇ ᓬᐅᐱᒼ ᐁᐊᐧᑯᓂᐠ ᑳ ᑭ ᓂᓱᑲᒫᐢᑭᐠ. 10ᐁᔨᐁᐧᕽ ᒫᑲ ᑭ ᓯᐯᐧᑕᐋᐤ, ᑭ ᐃᑐᐦᑌᐤ ᐊᐊᐧᑳᑎᑯᐃᐧᓂᕽ; ᐅᐟ ᐊᐱᐢᑕᐋᐧᓯᓯᒪ ᑭ ᓯᑯᐸᑲᒥᓯᒥᒫᐊᐧ ᑭᓯᐸᓄᕽ ᑲᐦᑭᔭᐤ ᐱᒧᐦᑌᐢᑲᓇᐊᐧ; ᐁᑯᓯ ᑭ ᐊᐢᑖᐧᑐᓈᓂᐊᐧᐣ ᑳ ᑭᐢᑌᔨᑖᑯᓯᔨᐟ ᐅᐟ ᐊᔨᓯᔨᓂᒪ, ᒥᓇ ᑲᐦᑭᔭᐤ ᐅ ᑭᐦᒋᔨᓂᒪ ᑭ ᒪᒫᒋᑳᐧᐱᐢᑲᐅᒫᐊᐧ. 11ᑭᔭ ᒥᓇ ᑭ ᑲ ᑭᐢᑫᐧᐹᐣ, ᑭ ᑲ ᑳᑎᑲᐃᐧᐣ; ᑭᔭ ᒥᓇ ᑭ ᑲ ᓇᑐᓀᐣ ᓱᑳᔭᐃᐧᑲᒥᐠ ᑭ ᐃᐧᒋᓄᑎᓂᑐᒫᑲᓇᐠ ᐅᐦᒋ. 12ᑲᐦᑭᔭᐤ ᑭ ᓱᑳᔭᐃᐧᑲᒥᑲᐧ ᑭᑕ ᐃᓯ ᐊᔮᐊᐧ ᑖᐱᐢᑯᐨ ᓱᒥᓈᑎᑲᐧᐠ ᓂᐢᑕᒼ ᐁ ᐊᑎᓱᒋᐠ ᓱᒥᓇᐠ; ᑭᐢᐱᐣ ᐁ ᐁᐧᐁᐧᐹᐢᑯᐸᔨᐃᐦᐟ ᐸᐦᑭᓯᓇᐧᐠ ᐅᑐᓂᐋᐧᕽ ᐊᓂᑭ ᑳ ᒧᐋᐧᒋᐠ. 13ᒫᑎᑲ, ᑭᐟ ᐊᔨᓯᔨᓂᒪᐠ ᑖᐱᐢᑯᐨ ᐃᐢᑫᐧᐊᐧᐠ ᐃᑌᔨᑖᑯᓯᐊᐧᐠ; ᐁ ᑭᐦᒋᐃᐢᑳᐧᑌᒥᐊᐧᕽ ᑭᐟ ᐊᐢᑭ ᔪᑌᑯᑌᐊᐧ ᑭ ᐃᐧᒋᓄᑎᓂᑐᒫᑲᓇᐠ ᑭᑕ ᐱᐦᑐᑫᒋᐠ; ᑭ ᒣᐢᑎᑲᑌᐊᐧ ᐋᑖᐢᑯᐃᑲᓇ ᐃᐢᑯᑌᐤ ᐅᐦᒋ.
14ᐋᐊᐧᑖ ᓂᐱ ᑳ ᐃᐧ ᑭᐳᑌᐁᐧᐢᑳᑲᐃᐧᔭᐣ, ᓱᑭᑖ ᑭ ᓱᑳᔭᐃᐧᑲᒥᑲᐧ; ᐊᓯᐢᑭᕽ ᐃᑐᐦᑌ, ᒫᒫᑯᐢᑲ ᐊᓯᐢᑭ, ᓱᐦᑭᑖ ᑳ ᑭᓯᓱᐦᒋᐠ ᐊᓯᓂᑳᓇᐠ. 15ᐁᑯᑕ ᒫᑲ ᐃᐢᑯᑌᐤ ᑫ ᒣᐢᑎᑲᓱᑯᔭᐣ; ᓯᒫᑲᓂᑯᒫᐣ ᑭ ᑲ ᑭᐢᑭᐁᐧᐸᐅᑯᐣ, ᑭ ᑲ ᓂᓯᐊᐧᓈᒋᐦᐃᑯᐣ ᑖᐱᐢᑯᐨ ᑳᐣᑲᕒ ᒪᓂᒍᐢ; ᒥᐦᒉᑐᐦᐃᓱ ᑖᐱᐢᑯᐨ ᑳᐣᑳᕒ ᒪᓂᒍᐢ, ᒥᐦᒉᑐᐦᐃᓱ ᑖᐱᐢᑯᐨ ᑳᐧᐢᑯᑎᓯᐢ. 16ᑭ ᑭ ᒥᐦᒉᑐᐋᐊᐧᐠ ᑭᐟ ᐊᑖᐁᐧᐃᐧᔨᓂᒪᐠ ᐊᐊᐧᓯᒣ ᐃᔨᑯᕽ ᐊᒐᐦᑯᓴᐠ ᑭᓯᑯᕽ; ᐊᓇ ᑳᐣᑲᕒ ᒪᓂᒍᐢ ᓂᓯᐊᐧᓈᒋᒋᑫᐤ ᐁᑯᓯ ᓯᐯᐧᑯᒋᐣ. 17ᑳ ᑭᐦᒋ ᐅᑭᒫᑳᑕᒋᐠ ᐃᓯ ᐊᔮᐊᐧᐠ ᑖᐱᐢᑯᐨ ᑳᐧᐢᑯᑎᓯᐊᐧᐠ, ᒥᓇ ᑭ ᓯᒫᑲᓂᓯᐃᐧᑭᒫᒪᐠ ᑖᐱᐢᑯᐨ ᑳ ᐅᓵᒣᔭᑎᒋᐠ ᑳᐧᐢᑯᑎᓯᓴᐠ, ᑳ ᑲᐯᓯᒋᐠ ᓴᑳᕽ ᐁ ᑭᓯᓂᑭᓯᑳᔨᐠ, ᒫᑲ ᐃᐢᐱ ᐁ ᓵᑯᑌᔨᐟ ᐱᓯᒪᐧ ᑳ ᓯᐯᐧᑯᒋᑭᐠ ᐁᑯᓯ ᐃᑕ ᐁ ᐊᔮᒋᐠ ᓇᒪᐃᐧᔭ ᑭᐢᑫᔨᑕᒫᐧᐣ.
18ᑯᑲᓇᐃᐧᒫᔭᑎᑫᐧᒪᐠ ᓂᐹᐊᐧᐠ ᑭᔭ ᐊᓯᕒᐃᔭ ᑭᐦᒋ ᐅᑭᒫᐤ; ᑭ ᑭᐦᒋᔨᓂᒪᐠ ᐋᐢᑌᓯᓇᐧᐠ; ᑭᐟ ᐊᔨᓯᔨᓂᒪᐠ ᐱᐋᐧᒧᑳᑖᐊᐧᐠ ᐊᐧᒋᕽ, ᐁᑯᓯ ᓇᒪ ᐊᐃᐧᔭ ᐃᐦᑖᔨᐊᐧ ᑭᑕ ᒫᐊᐧᒋᐦᐃᑯᒋᐠ. 19ᓇᒪᐃᐧᔭ ᑭᑕ ᑭ ᐋᐢᑌᐊᔮᔭᐣ ᑭ ᐃᐧᓴᑲᐅᑯᐃᐧᐣ; ᐋᐦᑲᐧᐣ ᑭ ᒥᓵᐧᑲᓂᑳᑎᑯᐃᐧᐣ; ᑲᐦᑭᔭᐤ ᑳ ᐯᐦᑕᐦᑭᐠ ᐁ ᐃᑖᒋᒥᑲᐃᐧᔭᐣ ᐹᐸᑲᒥᒋᐦᒉᐊᒫᐊᐧᐠ ᑭᔭ ᐅᐦᒋ; ᒋᑫᒫ ᐊᐁᐧᓇ ᐁᑳ ᑕᐦᑭ ᑳ ᑭ ᒫᑯᐃᑯᐟ ᑭ ᒪᒑᔨᐃᐧᐣ.
Iliyochaguliwa sasa
ᓀᐦᐊᒼ 3: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.