ᓭᐣᐟ ᒫᕒᐠ 9
9
1ᑭ ᐃᑌᐤ ᒫᑲ, ᑖᐯᐧ ᑭᐟ ᐃᑎᓈᐋᐧᐤ, ᐋᑎᐦᐟ, ᐅᑕ ᓂᐸᐃᐧᐊᐧᐠ ᐁᑳ ᓈᐣᑕᐤ ᐃᓯ ᑫ ᑯᒋᐢᑕᑭᐠ ᓂᐱᐃᐧᐣ, ᐹᑐᐢ ᐃᔨᑯᕽ ᐋᐧᐸᐦᑕᑲᐧᐃᐧ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ ᐁ ᑕᑯᓯᓄᒪᑲᓂᔨᐠ ᓱᑫᔨᑖᑯᓯᐃᐧᓂᕽ.
2 #
2 ᐱᑕᕒ 1:17,18 ᑳ ᓂᑯᑖᐧᓱ ᑭᓯᑳᔨᐠ ᒫᑲ ᒋᓴᐢ ᑭ ᐃᐧᒉᐁᐧᐤ ᐱᑕᕒ, ᒥᓇ ᒉᒥᐢ, ᒥᓇ ᒑᐣ, ᐁᑯᓯ ᐁ ᑭ ᐃᑐᐦᑕᐦᐋᐟ ᐊᐧᒋᕽ ᐁ ᐃᐢᐹᒪᑎᓈᐠ: ᑭ ᑫᐧᐢᑭᓈᑯᓯᐤ ᒫᑲ ᐁ ᑲᓇᐋᐧᐸᒥᑯᐟ: 3ᐅ ᑭᑭᐢᑳᒋᑲᓇ ᒫᑲ ᑭ ᐋᐧᓯᑌᔨᐊᐧ, ᐊᔨᐋᐧᐠ ᐁ ᐋᐧᐱᐢᑳᔨᑭ; ᐃᔨᑯᕽ ᐁᑳ ᐅᐋᐧᐱᐢᑫᑭᓄᑫᐤ ᐅᑕ ᐊᐢᑭᕽ ᑭᑕ ᑭ ᐋᐧᐱᐢᑭᑖᐟ.
4ᑭ ᓄᑯᐦᐃᓱᐢᑖᑲᐧᐠ ᒫᑲ ᐃᓬᐊᐃᒐᐊᐧ ᐊᓯᒋ ᒧᓯᓴ: ᐁ ᐃᐧᒋ ᐊᔭᒥᒫᔨᐟ ᒋᓴᓴ. 5ᐱᑕᕒ ᒫᑲ ᐁ ᓇᐢᑫᐧᐊᐧᓯᐃᐁᐧᐟ, ᐃᑌᐤ ᒋᓴᓴ, ᕒᐋᐸᐩ, ᒥᔮᐧᓯᐣ ᐅᑕ ᐁ ᐊᔮᔮᕽ: ᑭᔮᒼ ᒫᑲ ᓂ ᑲ ᐅᓯᑖᓈᐣ ᓂᐢᑐ ᒥᑭᐋᐧᐸ; ᐯᔭᐠ ᑭᔭ ᑭᑕ ᐊᔮᔭᐣ, ᒥᓇ ᐯᔭᐠ ᒧᓯᐢ ᑭᑕ ᐊᔮᐟ, ᒥᓇ ᐯᔭᐠ ᐃᓬᐊᐃᒐ ᑭᑕ ᐊᔮᐟ. 6ᒋᑫᒫ ᓇᒪᐃᐧᔭ ᑭᐢᑫᔨᑕᒼ ᑖᓂᓯ ᑭᑕ ᐃᑌᐧᐟ; ᐃᐧᔭ ᒥᐢᑕᐦᐃ ᐁ ᓭᑭᓯᒋᐠ. 7#ᒫᐟᔪ 3:17; ᒫᕒᐠ 1:11; ᓬᐅᐠ 3:22ᑭ ᐯ ᐋᑯᐸᔨᐤ ᒫᑲ ᐊᐧᐢᑯ: ᐁᑯᓯ ᐊᐃᐧᔭᐠ ᐯᐦᑖᑯᓯᐤ ᐊᐧᐢᑯᕽ ᐁ ᐃᑌᐧᐟ, ᐁᐊᐧᑯ ᐊᐊᐧ ᑳ ᓵᑭᐦᐊᐠ ᓂᑯᓯᐢ, ᓇᑐᐦᑖᕽ. 8ᓯᓯᑯᐨ ᒫᑲ ᐋᐧᓴᑳᒼ ᐁ ᐊᔨᑖᐱᒋᐠ ᓇᒪᐃᐧᔭ ᐊᐃᐧᔭ ᐋᐧᐸᒣᐊᐧᐠ ᐱᑯ ᒋᓴᓴ ᐃᐧᔭᐋᐧᐤ ᐊᓯᒋ. 9ᐁ ᐯ ᓂᑕᒋᐁᐧᒋᐠ ᒫᑲ, ᑭ ᐊᔮᑳᐧᒥᒣᐤ ᐁᑳ ᐊᐃᐧᔭ ᐊᔨᓯᔨᓂᐊᐧ ᑭᑕ ᐃᐧᐦᑕᒪᐋᐧᔨᐟ ᐊᓂᐦᐃ ᑳ ᑭ ᐋᐧᐸᐦᑕᐦᑭᐠ, ᐹᑐᐢ ᐱᑯ ᐃᔨᑯᕽ ᐃᔨᓂᐃᐧᑯᓯᓵᐣ ᓂᐳᐃᐧᓂᕽ ᑭᑕ ᐅᐦᒋ ᐊᐧᓂᐢᑳᐟ. 10ᑭ ᑲᓇᐁᐧᔨᑕᒪᐧᐠ ᒫᑲ ᐁᐊᐧᑯ ᐃᑌᐧᐃᐧᐣ, ᐁ ᑲᑫᐧᒋᑐᒋᐠ, ᑫᑲᐧᐩ ᐊᓂᒪ ᐊᐧᓂᐢᑳᐃᐧᐣ ᓂᐳᐃᐧᓂᕽ ᐅᐦᒋ.
11 #
ᒫᓬᐊᑲᐩ 4:5; ᒫᐟᔪ 11:14 ᐁᑯᓯ ᑭ ᑲᑫᐧᒋᒣᐊᐧᐠ, ᐁ ᐃᑌᐧᒋᐠ, ᑖᓀᑭ ᑳ ᐃᑌᐧᒋᐠ ᒪᓯᓇᐦᐃᑫᐃᐧᔨᓂᐊᐧᐠ ᐃᓬᐊᐃᒐ ᓂᑳᐣ ᑭᑕ ᑕᑯᓯᕽ? 12ᑭ ᐃᑌᐤ ᒫᑲ, ᐃᓬᐊᐃᒐ ᑖᐯᐧ ᓂᑳᐣ ᑕᑯᓯᐣ, ᒥᓇ ᑲᐦᑭᔭᐤ ᑫᑲᐧᐩ ᒥᓄᑖᐤ; ᒥᓇ ᑖᓂᓯ ᐃᓯ ᑳ ᐃᑕᓯᓇᐦᐃᑳᑌᐠ ᐃᔨᓂᐃᐧᑯᓯᓵᐣ, ᒥᐦᒉᐟ ᑫᑲᐧᔭ ᑭᑕ ᐃᓯ ᑯᑕᑭᐦᐃᐦᐟ ᒥᓇ ᑭᑕ ᐋᑕᐁᐧᔨᒥᐦᐟ? 13ᑭᐟ ᐃᑎᓈᐋᐧᐤ ᒫᑲ, ᐃᓬᐊᐃᒐ ᓵᓴᐩ ᑭ ᑕᑯᓯᐣ, ᑭ ᐃᑐᑕᐁᐧᐊᐧᐠ ᒫᑲ ᐱᑯ ᐁ ᐃᑌᔨᑕᐦᑭᐠ, ᒣᐧᐦᒋ ᑳ ᐃᑕᓯᓇᐦᐃᑳᑌᐠ ᐁᐊᐧᑯ ᐅᐦᒋ.
14ᐃᐢᐱ ᒫᑲ ᐁᐧᑎᑖᒋᐠ ᑭᐢᑭᓄᐦᐊᒪᐋᐧᑲᓇ, ᐋᐧᐸᒣᐊᐧᐠ ᐁ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᐁ ᐋᐧᐢᑳᐢᑳᑯᒋᐠ, ᒥᓇ ᒪᓯᓇᐦᐃᑫᐃᐧᔨᓂᐊᐧ ᐁ ᑳᑲᑫᐧᒋᒥᑯᒋᐠ. 15ᓭᒫᐠ ᒫᑲ ᑲᐦᑭᔭᐤ ᐊᔨᓯᔨᓂᐊᐧ, ᐃᐢᐱ ᐃᐧᐋᐸᒥᑯᐟ, ᒥᐢᑕᐦᐃ ᑭ ᒫᒪᐢᑳᑕᒥᔨᐊᐧ, ᐁᑯᓯ ᐁ ᐃᐢᐸᑖᔨᐟ ᐁ ᓇᑕᐃᐧ ᐊᑕᒥᐢᑳᑯᐟ. 16ᑭ ᑲᑫᐧᒋᒣᐤ ᒫᑲ ᑫᑲᐧᐩ ᐊᓂᒪ ᑳ ᑲᑫᐧᒋᒫᔦᑯᐠ? 17ᐯᔭᐠ ᒫᑲ ᐊᓂᑭ ᑳ ᒫᒪᐁᐧᔭᑎᒋᐠ ᑭ ᓇᐢᑫᐧᐊᐧᓯᒣᐤ, ᐁ ᐃᑌᐧᐟ, ᑫᐢᑭᓄᐦᐊᒫᑫᔭᐣ, ᑭ ᑭ ᐯᑕᒫᑎᐣ ᓂᑯᓯᐢ, ᑳ ᑭᑭᐢᑳᑯᐟ ᐁᑳ ᐁ ᓂᑖᐁᐧᔨᐟ ᐊᐦᒑᐦᑲᐧ; 18ᐱᑯ ᐃᑕ ᒫᑲ ᐁᐧᑎᑎᓂᑯᒋ, ᐸᑲᒥᓯᒥᐠ ᒧᒋᕽ: ᐁᑯᓯ ᐁ ᐱᐢᑌᐃᐧᑐᓀᐟ, ᒥᓇ ᐁ ᑲᑭᒋᐢᑳᐱᑌᐟ, ᒥᓇ ᐁᔪᑲᒼ ᐊᑎ ᑲᑐᐱᓀᐤ: ᓂ ᑭ ᐃᐧᐦᑕᒪᐋᐧᐊᐧᐠ ᒫᑲ ᑭ ᑭᐢᑭᓄᐦᐊᒪᐋᐧᑲᓇᐠ ᑭᑕ ᐊᐧᔭᐃᐧᐁᐧᐱᓈᒋᐠ; ᒫᑲ ᓇᒪᐃᐧᔭ ᑲᐢᑭᑖᐊᐧᐠ. 19ᐁᑯᓯ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᐋ ᐁᑳ ᐁᐧᑖᐯᐧᑕᒧᐃᐧᓂᔦᐠ ᑳ ᐊᔨᓯᔨᓂᐃᐧᔦᐠ, ᑖᓂᔨᑯᕽ ᑭᓀᐧᐢ ᑫ ᐃᐧᒉᐃᐧᑕᑯᐠ? ᑖᓂᔨᑯᕽ ᑫ ᓯᑐᐃᐧᔨᑕᑯᐠ? ᐯᑐᐃᐧᐠ ᓂᔭ. 20ᐁᑯᓯ ᑭ ᐯᓯᐁᐧᐊᐧᐠ: ᐃᐢᐱ ᒫᑲ ᐃᐧᔮᐸᒫᐟ, ᓭᒫᐠ ᐊᐦᒑᐦᑲᐧ ᑭ ᐋᐧᐃᐧᓴᑭᐱᑎᐠ; ᐁᑯᓯ ᑭ ᐸᐦᑭᓯᐣ ᒧᒋᕽ, ᒥᓇ ᑭ ᑎᐦᑎᐱᐤ ᐱᐢᑌᐤ ᐅᑐᓂᕽ ᐁ ᐅᐦᒋᐸᔨᔨᐠ. 21ᑭ ᑲᑫᐧᒋᒣᐤ ᒫᑲ ᐅᑖᐃᐧᔨᐊᐧ, ᑖᓂᐢᐱ ᐅᐦᒋ ᐊᐢᐱᐣ ᐅᒪ ᑳ ᐅᑎᐦᑎᑯᐟ? ᐁᑯᓯ ᑭ ᐃᑌᐧᔨᐊᐧ, ᐁ ᐊᐋᐧᓯᓯᐃᐧᐟ ᐅᐦᒋ. 22ᒥᐦᒉᑖᐧᐤ ᒫᑲ ᑭ ᒪᒍᐢᑌᐁᐧᐱᓂᐠ ᒥᓇ ᑭ ᐸᑲᐢᑕᐁᐧᐁᐧᐱᓂᐠ, ᑭᑕ ᓂᓯᐊᐧᓈᒋᐦᐃᑯᐟ: ᒫᑲ ᑭᐢᐱᐣ ᑫᐢᑭᑖᐊᐧᓀ ᑫᑲᐧᐩ ᑭᑕ ᐃᑐᑕᒪᐣ ᑭᑎᒫᑭᓇᐃᐧᓈᐣ, ᒥᓇ ᐃᐧᒋᐃᓈᐣ. 23ᒋᓴᐢ ᒫᑲ ᑭ ᐃᑌᐤ, ᑭᐢᐱᐣ ᑫᐢᑭᑖᐊᐧᓀ: ᑲᐦᑭᔭᐤ ᑫᑲᐧᐩ ᑭᑕ ᑭ ᐃᑭᓂᔨᐤ ᐊᓇ ᑳ ᑖᐯᐧᑕᕽ. 24ᓭᒫᐠ ᒫᑲ ᐅᑖᐃᐧᔭ ᐊᓇ ᐊᐋᐧᓯᐢ ᑭ ᑌᐯᐧᔨᐊᐧ ᐅᒥᓯ ᐁ ᐃᑌᐧᔨᐟ, ᑌᐯᔨᐦᒋᑫᔭᐣ, ᓂ ᑖᐯᐧᑌᐣ; ᐃᐧᒋᐃᐣ ᐁ ᐅᐟ ᐋᓀᐧᑕᒧᐃᐧᓂᔮᐣ. 25ᐃᐢᐱ ᒫᑲ ᒋᓴᐢ ᐃᐧᔮᐸᐦᑕᕽ ᐊᔨᓯᔨᓂᐊᐧ ᐁ ᐯ ᒫᒪᐃᐧ ᐃᐢᐸᑖᔨᐟ, ᑭ ᑭᑐᑌᐤ ᐁᑳ ᑳ ᐯᑭᓯᔨᐟ ᐊᐦᒑᐦᑲᐧ, ᐅᒥᓯ ᐁ ᐃᑖᐟ, ᑭᔭ ᐁᑳ ᑲ ᓂᑖᐁᐧᔭᐣ ᒥᓇ ᐁᑳ ᑳ ᐊᐧᐃᐧᔭᐃᐧᑕᒪᐣ ᐊᐦᒑᕽ, ᑭᐟ ᐃᑕᓱᐋᐧᑎᑎᐣ ᑭᑕ ᐯ ᐊᐧᔭᐃᐧᔭᐣ ᑳ ᑭᑭᐢᑲᐊᐧᐟ, ᒥᓇ ᐁᑳ ᐃᐧᑳᐨ ᑭᑖᐧᒼ ᑭᑕ ᐱᐦᑐᑫᔭᐣ. 26ᐁᑯᓯ ᐊᐦᒑᕽ ᑭ ᑌᐯᐧᐤ, ᒥᓇ ᒥᐢᑕᐦᐃ ᐁ ᑭ ᐊᐧᐃᐧᓴᑭᐱᑖᐟ; ᑭ ᐯ ᐊᐧᔭᐃᐧᐤ; ᐊᓇ ᐊᐋᐧᓯᐢ ᒫᑲ ᑭ ᐃᓯ ᐊᔮᐤ ᑖᐱᐢᑯᐨ ᐁᑳ ᐁ ᐱᒫᑎᓯᐟ; ᐅᓵᒼ ᐃᓴ ᐱᑯ ᑭ ᐃᑌᐧᐊᐧᐠ, ᓇᒪᐃᐧᔭ ᐱᒫᑎᓯᐤ. 27ᒋᓴᐢ ᒫᑲ ᑭ ᐅᑎᓇᒣᐧᐤ ᐅᒋᐦᒋᔨᐤ, ᒥᓇ ᑭ ᐊᑎ ᐅᐱᓀᐤ; ᐁᑯᓯ ᑭ ᐊᐧᓂᐢᑳᔨᐊᐧ. 28ᐃᐢᐱ ᒫᑲ ᑳ ᐱᐦᑐᑫᐟ ᐋᐧᐢᑳᐦᐃᑲᓂᕽ, ᐅ ᑭᐢᑭᓄᐦᐊᒪᐋᐧᑲᓇ ᐅᐦᐱᒣ ᑭ ᑲᑫᐧᒋᒥᐠ, ᐁ ᐃᑌᐧᔨᐟ, ᓂᔭᓈᐣ ᐃᐧᔭ ᓇᒪᐃᐧᔭ ᓂ ᑭ ᐊᐧᔭᐃᐧᐁᐧᐱᓈᓈᐣ. 29ᐁᑯᓯ ᒫᑲ ᑭ ᐃᑌᐤ, ᐅᒪ ᑐᐃᐧ ᓇᒪᐃᐧᔭ ᓈᐣᑕᐤ ᑫᑲᐧᐩ ᑭᑕ ᑭ ᐅᐦᒋ ᐊᐧᔭᐃᐧᐤ, ᐱᑯ ᐊᔭᒥᐦᐋᐃᐧᐣ.
30ᐁᑯᑕ ᒫᑲ ᑭ ᐅᐦᒋ ᓯᐯᐧᑌᐊᐧᐠ, ᒥᓇ ᑭ ᐊᑎ ᓵᐳ ᐱᒧᐦᑌᐊᐧᐠ ᑳᓬᐊᓬᐃᕽ; ᓇᒪᐃᐧᔭ ᒫᑲ ᓇᑕᐁᐧᔨᑕᒼ ᐊᐃᐧᔭ ᐊᔨᓯᔨᓂᐊᐧ ᑭᑕ ᑭᐢᑫᔨᑕᒥᔨᐟ. 31ᒋᑫᒫ ᑭ ᑭᐢᑭᓄᐦᐊᒫᐁᐧᐤ ᐅ ᑭᐢᑭᓄᐦᐊᒪᐋᐧᑲᓇ, ᒥᓇ ᑭ ᐃᑌᐤ, ᐃᔨᓂᐃᐧᑯᓯᓵᐣ ᐸᑭᑎᓈᐤ ᐅᒋᐦᒋᔨᕽ ᐊᔨᓯᔨᓂᐊᐧ, ᐁᑯᓯ ᒫᑲ ᑭᑕ ᓂᐸᐁᐊᐧᐠ; ᐃᐢᐱ ᒫᑲ ᑭ ᓂᐸᐃᐦᒋ, ᑭ ᓂᐢᑐ ᑭᓯᑳᔨᑭ ᒥᓇ ᑭᑕ ᐊᐧᓂᐢᑳᐤ. 32ᒫᑲ ᓇᒪᐃᐧᔭ ᓂᓯᑐᐦᑕᒪᐧᐠ ᐁᐊᐧᑯ ᐃᑌᐧᐃᐧᐣ, ᒥᓇ ᑭ ᓵᑫᐧᔨᒧᐊᐧᐠ ᑭᑕ ᑲᑫᐧᒋᒫᒋᐠ.
33ᑭ ᑕᑯᓯᐣ ᒫᑲ ᑫᐸᕒᓀᐊᒥᕽ; ᒣᑳᐧᐨ ᒫᑲ ᐱᑐᑲᒥᕽ ᐋᐧᐢᑳᐦᐃᑲᓂᕽ ᐁ ᐊᔮᐟ, ᑭ ᑲᑫᐧᒋᒣᐤ, ᑫᑲᐧᐩ ᐊᓂᒪ ᑳ ᑭ ᐊᔨᑌᐧᐁᐧᑐᔦᐠ ᒣᑳᐧᐨ ᐁ ᐸᐱᒧᑌᔦᐠ? 34#ᓬᐅᐠ 22:24ᒫᑲ ᓇᒪ ᓈᐣᑕᐤ ᐃᑌᐧᐊᐧᐠ: ᒋᑫᒫ ᐁ ᐯ ᐸᐱᒧᑌᒋᐠ ᑭ ᐊᐧᔪᑌᐧᐁᐧᑐᐊᐧᐠ, ᐊᐃᐧᓇ ᒥᔭᐊᐧᒋ ᑭᐢᑌᔨᑖᑯᓯᐟ. 35#ᒫᐟᔪ 20:26,27; 23:11; ᒫᕒᐠ 10:43,44; ᓬᐅᐠ 22:26ᑭ ᓇᐦᐊᐱᐤ ᒫᑲ, ᒥᓇ ᑭ ᓇᑐᒣᐤ ᐊᓂᐦᐃ ᒥᑖᑕᐟ ᓂᓱᓵᑊ; ᐁᑯᓯ ᐃᑌᐤ, ᑭᐢᐱᐣ ᐊᐃᐧᔭᐠ ᐃᐧ ᓂᑳᓀᔨᑖᑯᓯᒋ, ᑭᔮᒼ ᒫᐊᐧᒋ ᐅᑖᕽ ᑭᑕ ᐊᔮᐤ, ᒥᓇ ᑭᑕ ᐅᐟ ᐊᑐᐢᑫᔮᑲᓂᒥᐊᐧᐠ ᑲᐦᑭᔭᐤ. 36ᑭ ᐅᑎᓀᐤ ᒫᑲ ᐁ ᐊᐱᓯᓯᓯᔨᐟ ᐊᐋᐧᓯᓴ, ᐁᑯᓯ ᑖᐊᐧᔨᕽ ᑭ ᐊᔦᐤ: ᐁ ᐅᑎᓈᐟ ᒫᑲ ᐁ ᑕᐦᑯᓈᐟ, ᑭ ᐃᑌᐤ, 37#ᒫᐟᔪ 10:40; ᓬᐅᐠ 10:16; ᒑᐣ 13:20ᐊᐃᐧᔭᐠ ᑫ ᐅᑎᓈᑫᐧ ᐯᔭᐠ ᐁᑯ ᑐᐃᐧ ᐊᐱᐢᑕᐋᐧᓯᓴ ᓂ ᐃᐧᔪᐃᐧᓂᕽ ᓂᔭ ᓂᐟ ᐅᑎᓂᐠ, ᒥᓇ ᐊᐃᐧᔭᐠ ᓂᔭ ᐅᑎᓂᒋ, ᓇᒪᐃᐧᔭ ᓂᔭ ᑳ ᐅᑎᓂᐟ, ᒫᑲ ᐊᓂᐦᐃ ᑳ ᐯ ᐃᑎᓴᐅᔨᐟ.
38ᒑᐣ ᒫᑲ ᑭ ᐃᑌᐤ, ᑫᐢᑭᓄᐦᐊᒫᑫᔭᐣ, ᓂ ᑭ ᐋᐧᐸᒫᓈᐣ ᐯᔭᐠ ᐁ ᐊᐧᔭᐃᐧᐁᐧᐱᓈᐟ ᒪᒋ ᐊᐦᒑᐦᑲᐧ ᑭ ᐃᐧᔪᐃᐧᓂᕽ; ᐁᑯᓯ ᓂ ᑭ ᑭᑕᐦᐊᒪᐋᐧᓈᐣ ᒋᑫᒫ ᓇᒪᐃᐧᔭ ᑭ ᐱᒥᑎᓴᐅᑯᓇᐤ. 39ᒫᑲ ᒋᓴᐢ ᑭ ᐃᑌᐤ, ᐁᑳᐃᐧᔭ ᑭᑕᐦᐊᒪᕽ: ᒋᑫᒫ ᓇᒪᐃᐧᔭ ᐃᑖᐤ ᐊᔨᓯᔨᓂᐤ ᑭᑕ ᐃᑐᑕᕽ ᐁ ᓱᑫᔨᑖᑲᐧᓂᐠ ᐊᑐᐢᑫᐃᐧᐣ ᓂ ᐃᐧᔪᐃᐧᓂᕽ, ᐁᑯᓯ ᑭᑕ ᑲᐢᑭᑖᐟ ᑭᔨᐸ ᑭᑕ ᒪᒋ ᐋᔨᒧᒥᐟ. 40#ᒫᐟᔪ 12:30; ᓬᐅᐠ 11:23ᒋᑫᒫ ᐊᓇ ᐁᑳ ᑳ ᓇᑳᐢᑳᑯᔭᕽ ᑭ ᐃᐧᒋᐃᑯᓇᐤ. 41#ᒫᐟᔪ 10:42ᒋᑫᒫ ᐱᑯ ᐊᐃᐧᔭᐠ ᑫ ᒥᔨᑯᔦᐠ ᐯᔭᐠ ᒥᓂᑳᐧᑲᓂᐢ ᓂᐱ ᑭᑕ ᒥᓂᑫᐧᔦᐠ, ᒋᑫᒫ ᙭ ᐁ ᐊᔮᐃᐧᑯᔦᐠ, ᑖᐯᐧ ᑭᐟ ᐃᑎᓈᐋᐧᐤ, ᓇᒪᐃᐧᔭ ᓈᐣᑕᐤ ᐃᓯ ᑭᑕ ᐊᐧᓂᑖᐤ ᐅ ᑎᐸᐦᐊᒫᑯᐃᐧᐣ. 42ᒥᓇ ᐱᑯ ᐊᐃᐧᔭᐠ ᑫ ᐃᑐᑕᐋᐧᑫᐧ ᐯᔭᐠ ᐅᐦᐃ ᑳ ᐊᐱᐢᑌᔨᑖᑯᓯᔨᐟ ᑳ ᑖᐯᐧᑕᐃᐧᔨᐟ ᑭᑕ ᐅᐦᒋ ᐱᓱᑫᓯᓂᔨᐟ, ᓇᐊᐧᐨ ᑭᑕ ᒥᔮᐧᓯᓂᔨᐤ ᒥᓯ ᐱᓂᐳᒋᑲᐣ ᐊᓯᓂᔭ ᑭ ᓴᑲᐱᑎᒥᐦᐟ ᐅᑲᐧᔮᕽ, ᐁᑯᓯ ᑭ ᐸᑲᐢᑕᐁᐧ ᐁᐧᐱᓂᐦᐟ ᑭᐦᒋᑲᒥᕽ. 43#ᒫᐟᔪ 5:30ᒥᓇ ᑭᐢᐱᐣ ᑭᒋᐦᒋ ᐱᓱᑫᓯᒥᑯᔭᓀ, ᑭᐢᑭᐁᐧᐸᐊ; ᒥᔮᐧᓯᐣ ᑭᑕ ᐱᐦᑐᑫᔭᐣ ᐱᒫᑎᓯᐃᐧᓂᕽ ᐁ ᓇᐸᑌᒋᐦᒉᔭᐣ, ᐃᐢᐱᐨ ᐃᐧᔭ ᐁ ᓂᓯᑭ ᑭ ᒋᐦᒋᔭ ᑭᑕ ᐃᑐᑌᔭᐣ ᐃᐢᑯᑌᕽ, ᐁᑳ ᑫ ᑭ ᐋᐢᑕᐁᐧᐦᐃᑳᑌᐠ ᐃᐢᑯᑌᐤ. 45ᒥᓇ ᑭᐢᐱᐣ ᑭᓯᐟ ᐱᓱᑫᓯᒥᑯᔭᓀ ᑭᐢᑭᐁᐧᐸᐊ: ᒥᔮᐧᓯᐣ ᑭᑕ ᐱᐦᑐᑫᔭᐣ ᐱᒫᑎᓯᐃᐧᓂᕽ ᐁ ᓇᐸᑌᓯᑌᔭᐣ, ᐃᐢᐱᐨ ᐃᐧᔭ ᐁ ᓂᓯᑭ ᑭᓯᑕ ᑭᑕ ᐃᓯ ᐁᐧᐱᓂᑲᐃᐧᔭᐣ ᐃᐢᑯᑌᕽ. 47#ᒫᐟᔪ 5:29ᒥᓇ ᑭᐢᐱᐣ ᑭᐢᑭᓯᐠ ᐱᓱᑫᓯᒥᑯᔭᓀ, ᑫᒋᑯᐁᐧᐱᓇ: ᒥᔮᐧᓯᐣ ᑭᑕ ᐱᐦᑐᑫᔭᐣ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ ᐁ ᓇᐸᑎᔮᐱᔭᐣ, ᐃᐢᐱᐨ ᐃᐧᔭ ᐁ ᓂᓯᑭ ᑭᐢᑭᓯᑲᐧ ᑭᑕ ᐃᓯ ᐁᐧᐱᓂᑲᐃᐧᔭᐣ ᐃᐢᑯᑌᕽ; 48#ᐊᐩᓵᔭ 66:24ᐃᑕ ᐅ ᒪᓂᒍᓯᒥᐋᐧᐊᐧ ᐁᑳ ᑳ ᓂᐱᔨᐟ, ᒥᓇ ᐃᐢᑯᑌᐤ ᐁᑳ ᑳ ᐋᐢᑕᐁᐧᐦᐃᑳᑌᐠ. 49ᒋᑫᒫ ᑲᐦᑭᔭᐤ ᐊᐃᐧᔭᐠ ᐃᐢᑯᑌᐤ ᑭᑕ ᑭᑭ ᓯᐃᐧᑖᑲᓇᐋᐧᐤ. 50#ᒫᐟᔪ 5:13; ᓬᐅᐠ 14:34,35ᒥᔮᐧᓯᐣ ᓯᐃᐧᑖᑲᐣ: ᒫᑲ ᑭᐢᐱᐣ ᓯᐃᐧᑖᑲᐣ ᐊᐧᓂᑖᒪᑲᑭ ᐁ ᓯᐋᐧᐠ, ᑫᑲᐧᐩ ᒥᓇ ᑫ ᑭ ᐅᐦᒋ ᓯᐃᐧᑖᕽ? ᑭᑭᐢᑲᒧᐠ ᓯᐃᐧᑖᑲᐣ, ᒥᓇ ᒥᔪ ᐅᑐᑌᒥᐦᑐᐠ.
Iliyochaguliwa sasa
ᓭᐣᐟ ᒫᕒᐠ 9: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
ᓭᐣᐟ ᒫᕒᐠ 9
9
1ᑭ ᐃᑌᐤ ᒫᑲ, ᑖᐯᐧ ᑭᐟ ᐃᑎᓈᐋᐧᐤ, ᐋᑎᐦᐟ, ᐅᑕ ᓂᐸᐃᐧᐊᐧᐠ ᐁᑳ ᓈᐣᑕᐤ ᐃᓯ ᑫ ᑯᒋᐢᑕᑭᐠ ᓂᐱᐃᐧᐣ, ᐹᑐᐢ ᐃᔨᑯᕽ ᐋᐧᐸᐦᑕᑲᐧᐃᐧ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ ᐁ ᑕᑯᓯᓄᒪᑲᓂᔨᐠ ᓱᑫᔨᑖᑯᓯᐃᐧᓂᕽ.
2 #
2 ᐱᑕᕒ 1:17,18 ᑳ ᓂᑯᑖᐧᓱ ᑭᓯᑳᔨᐠ ᒫᑲ ᒋᓴᐢ ᑭ ᐃᐧᒉᐁᐧᐤ ᐱᑕᕒ, ᒥᓇ ᒉᒥᐢ, ᒥᓇ ᒑᐣ, ᐁᑯᓯ ᐁ ᑭ ᐃᑐᐦᑕᐦᐋᐟ ᐊᐧᒋᕽ ᐁ ᐃᐢᐹᒪᑎᓈᐠ: ᑭ ᑫᐧᐢᑭᓈᑯᓯᐤ ᒫᑲ ᐁ ᑲᓇᐋᐧᐸᒥᑯᐟ: 3ᐅ ᑭᑭᐢᑳᒋᑲᓇ ᒫᑲ ᑭ ᐋᐧᓯᑌᔨᐊᐧ, ᐊᔨᐋᐧᐠ ᐁ ᐋᐧᐱᐢᑳᔨᑭ; ᐃᔨᑯᕽ ᐁᑳ ᐅᐋᐧᐱᐢᑫᑭᓄᑫᐤ ᐅᑕ ᐊᐢᑭᕽ ᑭᑕ ᑭ ᐋᐧᐱᐢᑭᑖᐟ.
4ᑭ ᓄᑯᐦᐃᓱᐢᑖᑲᐧᐠ ᒫᑲ ᐃᓬᐊᐃᒐᐊᐧ ᐊᓯᒋ ᒧᓯᓴ: ᐁ ᐃᐧᒋ ᐊᔭᒥᒫᔨᐟ ᒋᓴᓴ. 5ᐱᑕᕒ ᒫᑲ ᐁ ᓇᐢᑫᐧᐊᐧᓯᐃᐁᐧᐟ, ᐃᑌᐤ ᒋᓴᓴ, ᕒᐋᐸᐩ, ᒥᔮᐧᓯᐣ ᐅᑕ ᐁ ᐊᔮᔮᕽ: ᑭᔮᒼ ᒫᑲ ᓂ ᑲ ᐅᓯᑖᓈᐣ ᓂᐢᑐ ᒥᑭᐋᐧᐸ; ᐯᔭᐠ ᑭᔭ ᑭᑕ ᐊᔮᔭᐣ, ᒥᓇ ᐯᔭᐠ ᒧᓯᐢ ᑭᑕ ᐊᔮᐟ, ᒥᓇ ᐯᔭᐠ ᐃᓬᐊᐃᒐ ᑭᑕ ᐊᔮᐟ. 6ᒋᑫᒫ ᓇᒪᐃᐧᔭ ᑭᐢᑫᔨᑕᒼ ᑖᓂᓯ ᑭᑕ ᐃᑌᐧᐟ; ᐃᐧᔭ ᒥᐢᑕᐦᐃ ᐁ ᓭᑭᓯᒋᐠ. 7#ᒫᐟᔪ 3:17; ᒫᕒᐠ 1:11; ᓬᐅᐠ 3:22ᑭ ᐯ ᐋᑯᐸᔨᐤ ᒫᑲ ᐊᐧᐢᑯ: ᐁᑯᓯ ᐊᐃᐧᔭᐠ ᐯᐦᑖᑯᓯᐤ ᐊᐧᐢᑯᕽ ᐁ ᐃᑌᐧᐟ, ᐁᐊᐧᑯ ᐊᐊᐧ ᑳ ᓵᑭᐦᐊᐠ ᓂᑯᓯᐢ, ᓇᑐᐦᑖᕽ. 8ᓯᓯᑯᐨ ᒫᑲ ᐋᐧᓴᑳᒼ ᐁ ᐊᔨᑖᐱᒋᐠ ᓇᒪᐃᐧᔭ ᐊᐃᐧᔭ ᐋᐧᐸᒣᐊᐧᐠ ᐱᑯ ᒋᓴᓴ ᐃᐧᔭᐋᐧᐤ ᐊᓯᒋ. 9ᐁ ᐯ ᓂᑕᒋᐁᐧᒋᐠ ᒫᑲ, ᑭ ᐊᔮᑳᐧᒥᒣᐤ ᐁᑳ ᐊᐃᐧᔭ ᐊᔨᓯᔨᓂᐊᐧ ᑭᑕ ᐃᐧᐦᑕᒪᐋᐧᔨᐟ ᐊᓂᐦᐃ ᑳ ᑭ ᐋᐧᐸᐦᑕᐦᑭᐠ, ᐹᑐᐢ ᐱᑯ ᐃᔨᑯᕽ ᐃᔨᓂᐃᐧᑯᓯᓵᐣ ᓂᐳᐃᐧᓂᕽ ᑭᑕ ᐅᐦᒋ ᐊᐧᓂᐢᑳᐟ. 10ᑭ ᑲᓇᐁᐧᔨᑕᒪᐧᐠ ᒫᑲ ᐁᐊᐧᑯ ᐃᑌᐧᐃᐧᐣ, ᐁ ᑲᑫᐧᒋᑐᒋᐠ, ᑫᑲᐧᐩ ᐊᓂᒪ ᐊᐧᓂᐢᑳᐃᐧᐣ ᓂᐳᐃᐧᓂᕽ ᐅᐦᒋ.
11 #
ᒫᓬᐊᑲᐩ 4:5; ᒫᐟᔪ 11:14 ᐁᑯᓯ ᑭ ᑲᑫᐧᒋᒣᐊᐧᐠ, ᐁ ᐃᑌᐧᒋᐠ, ᑖᓀᑭ ᑳ ᐃᑌᐧᒋᐠ ᒪᓯᓇᐦᐃᑫᐃᐧᔨᓂᐊᐧᐠ ᐃᓬᐊᐃᒐ ᓂᑳᐣ ᑭᑕ ᑕᑯᓯᕽ? 12ᑭ ᐃᑌᐤ ᒫᑲ, ᐃᓬᐊᐃᒐ ᑖᐯᐧ ᓂᑳᐣ ᑕᑯᓯᐣ, ᒥᓇ ᑲᐦᑭᔭᐤ ᑫᑲᐧᐩ ᒥᓄᑖᐤ; ᒥᓇ ᑖᓂᓯ ᐃᓯ ᑳ ᐃᑕᓯᓇᐦᐃᑳᑌᐠ ᐃᔨᓂᐃᐧᑯᓯᓵᐣ, ᒥᐦᒉᐟ ᑫᑲᐧᔭ ᑭᑕ ᐃᓯ ᑯᑕᑭᐦᐃᐦᐟ ᒥᓇ ᑭᑕ ᐋᑕᐁᐧᔨᒥᐦᐟ? 13ᑭᐟ ᐃᑎᓈᐋᐧᐤ ᒫᑲ, ᐃᓬᐊᐃᒐ ᓵᓴᐩ ᑭ ᑕᑯᓯᐣ, ᑭ ᐃᑐᑕᐁᐧᐊᐧᐠ ᒫᑲ ᐱᑯ ᐁ ᐃᑌᔨᑕᐦᑭᐠ, ᒣᐧᐦᒋ ᑳ ᐃᑕᓯᓇᐦᐃᑳᑌᐠ ᐁᐊᐧᑯ ᐅᐦᒋ.
14ᐃᐢᐱ ᒫᑲ ᐁᐧᑎᑖᒋᐠ ᑭᐢᑭᓄᐦᐊᒪᐋᐧᑲᓇ, ᐋᐧᐸᒣᐊᐧᐠ ᐁ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᐁ ᐋᐧᐢᑳᐢᑳᑯᒋᐠ, ᒥᓇ ᒪᓯᓇᐦᐃᑫᐃᐧᔨᓂᐊᐧ ᐁ ᑳᑲᑫᐧᒋᒥᑯᒋᐠ. 15ᓭᒫᐠ ᒫᑲ ᑲᐦᑭᔭᐤ ᐊᔨᓯᔨᓂᐊᐧ, ᐃᐢᐱ ᐃᐧᐋᐸᒥᑯᐟ, ᒥᐢᑕᐦᐃ ᑭ ᒫᒪᐢᑳᑕᒥᔨᐊᐧ, ᐁᑯᓯ ᐁ ᐃᐢᐸᑖᔨᐟ ᐁ ᓇᑕᐃᐧ ᐊᑕᒥᐢᑳᑯᐟ. 16ᑭ ᑲᑫᐧᒋᒣᐤ ᒫᑲ ᑫᑲᐧᐩ ᐊᓂᒪ ᑳ ᑲᑫᐧᒋᒫᔦᑯᐠ? 17ᐯᔭᐠ ᒫᑲ ᐊᓂᑭ ᑳ ᒫᒪᐁᐧᔭᑎᒋᐠ ᑭ ᓇᐢᑫᐧᐊᐧᓯᒣᐤ, ᐁ ᐃᑌᐧᐟ, ᑫᐢᑭᓄᐦᐊᒫᑫᔭᐣ, ᑭ ᑭ ᐯᑕᒫᑎᐣ ᓂᑯᓯᐢ, ᑳ ᑭᑭᐢᑳᑯᐟ ᐁᑳ ᐁ ᓂᑖᐁᐧᔨᐟ ᐊᐦᒑᐦᑲᐧ; 18ᐱᑯ ᐃᑕ ᒫᑲ ᐁᐧᑎᑎᓂᑯᒋ, ᐸᑲᒥᓯᒥᐠ ᒧᒋᕽ: ᐁᑯᓯ ᐁ ᐱᐢᑌᐃᐧᑐᓀᐟ, ᒥᓇ ᐁ ᑲᑭᒋᐢᑳᐱᑌᐟ, ᒥᓇ ᐁᔪᑲᒼ ᐊᑎ ᑲᑐᐱᓀᐤ: ᓂ ᑭ ᐃᐧᐦᑕᒪᐋᐧᐊᐧᐠ ᒫᑲ ᑭ ᑭᐢᑭᓄᐦᐊᒪᐋᐧᑲᓇᐠ ᑭᑕ ᐊᐧᔭᐃᐧᐁᐧᐱᓈᒋᐠ; ᒫᑲ ᓇᒪᐃᐧᔭ ᑲᐢᑭᑖᐊᐧᐠ. 19ᐁᑯᓯ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᐋ ᐁᑳ ᐁᐧᑖᐯᐧᑕᒧᐃᐧᓂᔦᐠ ᑳ ᐊᔨᓯᔨᓂᐃᐧᔦᐠ, ᑖᓂᔨᑯᕽ ᑭᓀᐧᐢ ᑫ ᐃᐧᒉᐃᐧᑕᑯᐠ? ᑖᓂᔨᑯᕽ ᑫ ᓯᑐᐃᐧᔨᑕᑯᐠ? ᐯᑐᐃᐧᐠ ᓂᔭ. 20ᐁᑯᓯ ᑭ ᐯᓯᐁᐧᐊᐧᐠ: ᐃᐢᐱ ᒫᑲ ᐃᐧᔮᐸᒫᐟ, ᓭᒫᐠ ᐊᐦᒑᐦᑲᐧ ᑭ ᐋᐧᐃᐧᓴᑭᐱᑎᐠ; ᐁᑯᓯ ᑭ ᐸᐦᑭᓯᐣ ᒧᒋᕽ, ᒥᓇ ᑭ ᑎᐦᑎᐱᐤ ᐱᐢᑌᐤ ᐅᑐᓂᕽ ᐁ ᐅᐦᒋᐸᔨᔨᐠ. 21ᑭ ᑲᑫᐧᒋᒣᐤ ᒫᑲ ᐅᑖᐃᐧᔨᐊᐧ, ᑖᓂᐢᐱ ᐅᐦᒋ ᐊᐢᐱᐣ ᐅᒪ ᑳ ᐅᑎᐦᑎᑯᐟ? ᐁᑯᓯ ᑭ ᐃᑌᐧᔨᐊᐧ, ᐁ ᐊᐋᐧᓯᓯᐃᐧᐟ ᐅᐦᒋ. 22ᒥᐦᒉᑖᐧᐤ ᒫᑲ ᑭ ᒪᒍᐢᑌᐁᐧᐱᓂᐠ ᒥᓇ ᑭ ᐸᑲᐢᑕᐁᐧᐁᐧᐱᓂᐠ, ᑭᑕ ᓂᓯᐊᐧᓈᒋᐦᐃᑯᐟ: ᒫᑲ ᑭᐢᐱᐣ ᑫᐢᑭᑖᐊᐧᓀ ᑫᑲᐧᐩ ᑭᑕ ᐃᑐᑕᒪᐣ ᑭᑎᒫᑭᓇᐃᐧᓈᐣ, ᒥᓇ ᐃᐧᒋᐃᓈᐣ. 23ᒋᓴᐢ ᒫᑲ ᑭ ᐃᑌᐤ, ᑭᐢᐱᐣ ᑫᐢᑭᑖᐊᐧᓀ: ᑲᐦᑭᔭᐤ ᑫᑲᐧᐩ ᑭᑕ ᑭ ᐃᑭᓂᔨᐤ ᐊᓇ ᑳ ᑖᐯᐧᑕᕽ. 24ᓭᒫᐠ ᒫᑲ ᐅᑖᐃᐧᔭ ᐊᓇ ᐊᐋᐧᓯᐢ ᑭ ᑌᐯᐧᔨᐊᐧ ᐅᒥᓯ ᐁ ᐃᑌᐧᔨᐟ, ᑌᐯᔨᐦᒋᑫᔭᐣ, ᓂ ᑖᐯᐧᑌᐣ; ᐃᐧᒋᐃᐣ ᐁ ᐅᐟ ᐋᓀᐧᑕᒧᐃᐧᓂᔮᐣ. 25ᐃᐢᐱ ᒫᑲ ᒋᓴᐢ ᐃᐧᔮᐸᐦᑕᕽ ᐊᔨᓯᔨᓂᐊᐧ ᐁ ᐯ ᒫᒪᐃᐧ ᐃᐢᐸᑖᔨᐟ, ᑭ ᑭᑐᑌᐤ ᐁᑳ ᑳ ᐯᑭᓯᔨᐟ ᐊᐦᒑᐦᑲᐧ, ᐅᒥᓯ ᐁ ᐃᑖᐟ, ᑭᔭ ᐁᑳ ᑲ ᓂᑖᐁᐧᔭᐣ ᒥᓇ ᐁᑳ ᑳ ᐊᐧᐃᐧᔭᐃᐧᑕᒪᐣ ᐊᐦᒑᕽ, ᑭᐟ ᐃᑕᓱᐋᐧᑎᑎᐣ ᑭᑕ ᐯ ᐊᐧᔭᐃᐧᔭᐣ ᑳ ᑭᑭᐢᑲᐊᐧᐟ, ᒥᓇ ᐁᑳ ᐃᐧᑳᐨ ᑭᑖᐧᒼ ᑭᑕ ᐱᐦᑐᑫᔭᐣ. 26ᐁᑯᓯ ᐊᐦᒑᕽ ᑭ ᑌᐯᐧᐤ, ᒥᓇ ᒥᐢᑕᐦᐃ ᐁ ᑭ ᐊᐧᐃᐧᓴᑭᐱᑖᐟ; ᑭ ᐯ ᐊᐧᔭᐃᐧᐤ; ᐊᓇ ᐊᐋᐧᓯᐢ ᒫᑲ ᑭ ᐃᓯ ᐊᔮᐤ ᑖᐱᐢᑯᐨ ᐁᑳ ᐁ ᐱᒫᑎᓯᐟ; ᐅᓵᒼ ᐃᓴ ᐱᑯ ᑭ ᐃᑌᐧᐊᐧᐠ, ᓇᒪᐃᐧᔭ ᐱᒫᑎᓯᐤ. 27ᒋᓴᐢ ᒫᑲ ᑭ ᐅᑎᓇᒣᐧᐤ ᐅᒋᐦᒋᔨᐤ, ᒥᓇ ᑭ ᐊᑎ ᐅᐱᓀᐤ; ᐁᑯᓯ ᑭ ᐊᐧᓂᐢᑳᔨᐊᐧ. 28ᐃᐢᐱ ᒫᑲ ᑳ ᐱᐦᑐᑫᐟ ᐋᐧᐢᑳᐦᐃᑲᓂᕽ, ᐅ ᑭᐢᑭᓄᐦᐊᒪᐋᐧᑲᓇ ᐅᐦᐱᒣ ᑭ ᑲᑫᐧᒋᒥᐠ, ᐁ ᐃᑌᐧᔨᐟ, ᓂᔭᓈᐣ ᐃᐧᔭ ᓇᒪᐃᐧᔭ ᓂ ᑭ ᐊᐧᔭᐃᐧᐁᐧᐱᓈᓈᐣ. 29ᐁᑯᓯ ᒫᑲ ᑭ ᐃᑌᐤ, ᐅᒪ ᑐᐃᐧ ᓇᒪᐃᐧᔭ ᓈᐣᑕᐤ ᑫᑲᐧᐩ ᑭᑕ ᑭ ᐅᐦᒋ ᐊᐧᔭᐃᐧᐤ, ᐱᑯ ᐊᔭᒥᐦᐋᐃᐧᐣ.
30ᐁᑯᑕ ᒫᑲ ᑭ ᐅᐦᒋ ᓯᐯᐧᑌᐊᐧᐠ, ᒥᓇ ᑭ ᐊᑎ ᓵᐳ ᐱᒧᐦᑌᐊᐧᐠ ᑳᓬᐊᓬᐃᕽ; ᓇᒪᐃᐧᔭ ᒫᑲ ᓇᑕᐁᐧᔨᑕᒼ ᐊᐃᐧᔭ ᐊᔨᓯᔨᓂᐊᐧ ᑭᑕ ᑭᐢᑫᔨᑕᒥᔨᐟ. 31ᒋᑫᒫ ᑭ ᑭᐢᑭᓄᐦᐊᒫᐁᐧᐤ ᐅ ᑭᐢᑭᓄᐦᐊᒪᐋᐧᑲᓇ, ᒥᓇ ᑭ ᐃᑌᐤ, ᐃᔨᓂᐃᐧᑯᓯᓵᐣ ᐸᑭᑎᓈᐤ ᐅᒋᐦᒋᔨᕽ ᐊᔨᓯᔨᓂᐊᐧ, ᐁᑯᓯ ᒫᑲ ᑭᑕ ᓂᐸᐁᐊᐧᐠ; ᐃᐢᐱ ᒫᑲ ᑭ ᓂᐸᐃᐦᒋ, ᑭ ᓂᐢᑐ ᑭᓯᑳᔨᑭ ᒥᓇ ᑭᑕ ᐊᐧᓂᐢᑳᐤ. 32ᒫᑲ ᓇᒪᐃᐧᔭ ᓂᓯᑐᐦᑕᒪᐧᐠ ᐁᐊᐧᑯ ᐃᑌᐧᐃᐧᐣ, ᒥᓇ ᑭ ᓵᑫᐧᔨᒧᐊᐧᐠ ᑭᑕ ᑲᑫᐧᒋᒫᒋᐠ.
33ᑭ ᑕᑯᓯᐣ ᒫᑲ ᑫᐸᕒᓀᐊᒥᕽ; ᒣᑳᐧᐨ ᒫᑲ ᐱᑐᑲᒥᕽ ᐋᐧᐢᑳᐦᐃᑲᓂᕽ ᐁ ᐊᔮᐟ, ᑭ ᑲᑫᐧᒋᒣᐤ, ᑫᑲᐧᐩ ᐊᓂᒪ ᑳ ᑭ ᐊᔨᑌᐧᐁᐧᑐᔦᐠ ᒣᑳᐧᐨ ᐁ ᐸᐱᒧᑌᔦᐠ? 34#ᓬᐅᐠ 22:24ᒫᑲ ᓇᒪ ᓈᐣᑕᐤ ᐃᑌᐧᐊᐧᐠ: ᒋᑫᒫ ᐁ ᐯ ᐸᐱᒧᑌᒋᐠ ᑭ ᐊᐧᔪᑌᐧᐁᐧᑐᐊᐧᐠ, ᐊᐃᐧᓇ ᒥᔭᐊᐧᒋ ᑭᐢᑌᔨᑖᑯᓯᐟ. 35#ᒫᐟᔪ 20:26,27; 23:11; ᒫᕒᐠ 10:43,44; ᓬᐅᐠ 22:26ᑭ ᓇᐦᐊᐱᐤ ᒫᑲ, ᒥᓇ ᑭ ᓇᑐᒣᐤ ᐊᓂᐦᐃ ᒥᑖᑕᐟ ᓂᓱᓵᑊ; ᐁᑯᓯ ᐃᑌᐤ, ᑭᐢᐱᐣ ᐊᐃᐧᔭᐠ ᐃᐧ ᓂᑳᓀᔨᑖᑯᓯᒋ, ᑭᔮᒼ ᒫᐊᐧᒋ ᐅᑖᕽ ᑭᑕ ᐊᔮᐤ, ᒥᓇ ᑭᑕ ᐅᐟ ᐊᑐᐢᑫᔮᑲᓂᒥᐊᐧᐠ ᑲᐦᑭᔭᐤ. 36ᑭ ᐅᑎᓀᐤ ᒫᑲ ᐁ ᐊᐱᓯᓯᓯᔨᐟ ᐊᐋᐧᓯᓴ, ᐁᑯᓯ ᑖᐊᐧᔨᕽ ᑭ ᐊᔦᐤ: ᐁ ᐅᑎᓈᐟ ᒫᑲ ᐁ ᑕᐦᑯᓈᐟ, ᑭ ᐃᑌᐤ, 37#ᒫᐟᔪ 10:40; ᓬᐅᐠ 10:16; ᒑᐣ 13:20ᐊᐃᐧᔭᐠ ᑫ ᐅᑎᓈᑫᐧ ᐯᔭᐠ ᐁᑯ ᑐᐃᐧ ᐊᐱᐢᑕᐋᐧᓯᓴ ᓂ ᐃᐧᔪᐃᐧᓂᕽ ᓂᔭ ᓂᐟ ᐅᑎᓂᐠ, ᒥᓇ ᐊᐃᐧᔭᐠ ᓂᔭ ᐅᑎᓂᒋ, ᓇᒪᐃᐧᔭ ᓂᔭ ᑳ ᐅᑎᓂᐟ, ᒫᑲ ᐊᓂᐦᐃ ᑳ ᐯ ᐃᑎᓴᐅᔨᐟ.
38ᒑᐣ ᒫᑲ ᑭ ᐃᑌᐤ, ᑫᐢᑭᓄᐦᐊᒫᑫᔭᐣ, ᓂ ᑭ ᐋᐧᐸᒫᓈᐣ ᐯᔭᐠ ᐁ ᐊᐧᔭᐃᐧᐁᐧᐱᓈᐟ ᒪᒋ ᐊᐦᒑᐦᑲᐧ ᑭ ᐃᐧᔪᐃᐧᓂᕽ; ᐁᑯᓯ ᓂ ᑭ ᑭᑕᐦᐊᒪᐋᐧᓈᐣ ᒋᑫᒫ ᓇᒪᐃᐧᔭ ᑭ ᐱᒥᑎᓴᐅᑯᓇᐤ. 39ᒫᑲ ᒋᓴᐢ ᑭ ᐃᑌᐤ, ᐁᑳᐃᐧᔭ ᑭᑕᐦᐊᒪᕽ: ᒋᑫᒫ ᓇᒪᐃᐧᔭ ᐃᑖᐤ ᐊᔨᓯᔨᓂᐤ ᑭᑕ ᐃᑐᑕᕽ ᐁ ᓱᑫᔨᑖᑲᐧᓂᐠ ᐊᑐᐢᑫᐃᐧᐣ ᓂ ᐃᐧᔪᐃᐧᓂᕽ, ᐁᑯᓯ ᑭᑕ ᑲᐢᑭᑖᐟ ᑭᔨᐸ ᑭᑕ ᒪᒋ ᐋᔨᒧᒥᐟ. 40#ᒫᐟᔪ 12:30; ᓬᐅᐠ 11:23ᒋᑫᒫ ᐊᓇ ᐁᑳ ᑳ ᓇᑳᐢᑳᑯᔭᕽ ᑭ ᐃᐧᒋᐃᑯᓇᐤ. 41#ᒫᐟᔪ 10:42ᒋᑫᒫ ᐱᑯ ᐊᐃᐧᔭᐠ ᑫ ᒥᔨᑯᔦᐠ ᐯᔭᐠ ᒥᓂᑳᐧᑲᓂᐢ ᓂᐱ ᑭᑕ ᒥᓂᑫᐧᔦᐠ, ᒋᑫᒫ ᙭ ᐁ ᐊᔮᐃᐧᑯᔦᐠ, ᑖᐯᐧ ᑭᐟ ᐃᑎᓈᐋᐧᐤ, ᓇᒪᐃᐧᔭ ᓈᐣᑕᐤ ᐃᓯ ᑭᑕ ᐊᐧᓂᑖᐤ ᐅ ᑎᐸᐦᐊᒫᑯᐃᐧᐣ. 42ᒥᓇ ᐱᑯ ᐊᐃᐧᔭᐠ ᑫ ᐃᑐᑕᐋᐧᑫᐧ ᐯᔭᐠ ᐅᐦᐃ ᑳ ᐊᐱᐢᑌᔨᑖᑯᓯᔨᐟ ᑳ ᑖᐯᐧᑕᐃᐧᔨᐟ ᑭᑕ ᐅᐦᒋ ᐱᓱᑫᓯᓂᔨᐟ, ᓇᐊᐧᐨ ᑭᑕ ᒥᔮᐧᓯᓂᔨᐤ ᒥᓯ ᐱᓂᐳᒋᑲᐣ ᐊᓯᓂᔭ ᑭ ᓴᑲᐱᑎᒥᐦᐟ ᐅᑲᐧᔮᕽ, ᐁᑯᓯ ᑭ ᐸᑲᐢᑕᐁᐧ ᐁᐧᐱᓂᐦᐟ ᑭᐦᒋᑲᒥᕽ. 43#ᒫᐟᔪ 5:30ᒥᓇ ᑭᐢᐱᐣ ᑭᒋᐦᒋ ᐱᓱᑫᓯᒥᑯᔭᓀ, ᑭᐢᑭᐁᐧᐸᐊ; ᒥᔮᐧᓯᐣ ᑭᑕ ᐱᐦᑐᑫᔭᐣ ᐱᒫᑎᓯᐃᐧᓂᕽ ᐁ ᓇᐸᑌᒋᐦᒉᔭᐣ, ᐃᐢᐱᐨ ᐃᐧᔭ ᐁ ᓂᓯᑭ ᑭ ᒋᐦᒋᔭ ᑭᑕ ᐃᑐᑌᔭᐣ ᐃᐢᑯᑌᕽ, ᐁᑳ ᑫ ᑭ ᐋᐢᑕᐁᐧᐦᐃᑳᑌᐠ ᐃᐢᑯᑌᐤ. 45ᒥᓇ ᑭᐢᐱᐣ ᑭᓯᐟ ᐱᓱᑫᓯᒥᑯᔭᓀ ᑭᐢᑭᐁᐧᐸᐊ: ᒥᔮᐧᓯᐣ ᑭᑕ ᐱᐦᑐᑫᔭᐣ ᐱᒫᑎᓯᐃᐧᓂᕽ ᐁ ᓇᐸᑌᓯᑌᔭᐣ, ᐃᐢᐱᐨ ᐃᐧᔭ ᐁ ᓂᓯᑭ ᑭᓯᑕ ᑭᑕ ᐃᓯ ᐁᐧᐱᓂᑲᐃᐧᔭᐣ ᐃᐢᑯᑌᕽ. 47#ᒫᐟᔪ 5:29ᒥᓇ ᑭᐢᐱᐣ ᑭᐢᑭᓯᐠ ᐱᓱᑫᓯᒥᑯᔭᓀ, ᑫᒋᑯᐁᐧᐱᓇ: ᒥᔮᐧᓯᐣ ᑭᑕ ᐱᐦᑐᑫᔭᐣ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ ᐁ ᓇᐸᑎᔮᐱᔭᐣ, ᐃᐢᐱᐨ ᐃᐧᔭ ᐁ ᓂᓯᑭ ᑭᐢᑭᓯᑲᐧ ᑭᑕ ᐃᓯ ᐁᐧᐱᓂᑲᐃᐧᔭᐣ ᐃᐢᑯᑌᕽ; 48#ᐊᐩᓵᔭ 66:24ᐃᑕ ᐅ ᒪᓂᒍᓯᒥᐋᐧᐊᐧ ᐁᑳ ᑳ ᓂᐱᔨᐟ, ᒥᓇ ᐃᐢᑯᑌᐤ ᐁᑳ ᑳ ᐋᐢᑕᐁᐧᐦᐃᑳᑌᐠ. 49ᒋᑫᒫ ᑲᐦᑭᔭᐤ ᐊᐃᐧᔭᐠ ᐃᐢᑯᑌᐤ ᑭᑕ ᑭᑭ ᓯᐃᐧᑖᑲᓇᐋᐧᐤ. 50#ᒫᐟᔪ 5:13; ᓬᐅᐠ 14:34,35ᒥᔮᐧᓯᐣ ᓯᐃᐧᑖᑲᐣ: ᒫᑲ ᑭᐢᐱᐣ ᓯᐃᐧᑖᑲᐣ ᐊᐧᓂᑖᒪᑲᑭ ᐁ ᓯᐋᐧᐠ, ᑫᑲᐧᐩ ᒥᓇ ᑫ ᑭ ᐅᐦᒋ ᓯᐃᐧᑖᕽ? ᑭᑭᐢᑲᒧᐠ ᓯᐃᐧᑖᑲᐣ, ᒥᓇ ᒥᔪ ᐅᑐᑌᒥᐦᑐᐠ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.