ᓭᐣᐟ ᒫᕒᐠ 10
10
1ᐁᑯᑕ ᒫᑲ ᑭ ᐅᐦᒋ ᓯᐯᐧᑌᐤ, ᐁᑯᓯ ᑭ ᐅᑎᑕᒼ ᐁ ᐋᐧᓴᑳᒥᐊᐧᕽ ᒍᑎᔭ ᒥᓇ ᐊᑳᒥᕽ ᒑᕒᑕᐣ: ᒥᐦᒉᐟ ᒫᑲ ᐊᔨᓯᔨᓂᐊᐧ ᑳᐃᐧ ᒥᓇ ᒫᒪᐃᐧ ᑭ ᐅᑎᐦᑎᐠ; ᐁᑯᓯ, ᐁ ᐃᓯ ᓀᑳᒥ ᐃᑐᑕᕽ, ᑭ ᑭᐢᑭᓄᐦᐊᒫᐁᐧᐤ ᒥᓇ.
2ᑭ ᐯ ᐅᑎᐦᑎᐠ ᒫᑲ ᐹᕒᐊᓯᔭ, ᐁᑯᓯ ᑭ ᑲᑫᐧᒋᒥᐠ, ᐃᑕᐢᑌᐤ ᒋ ᐅᔭᓱᐁᐧᐃᐧᐣ ᐊᔨᓯᔨᓂᐤ ᑭᑕ ᐁᐧᐱᓈᐟ ᐃᐧᐊᐧ? ᐁ ᑲᑫᐧᒋᐦᐃᑯᐟ. 3ᑭ ᓇᐢᑫᐧᐊᐧᓯᒣᐤ ᒫᑲ ᒥᓇ ᑭ ᐃᑌᐤ, ᑖᓂᓯ ᒧᓯᐢ ᑳ ᐃᑕᓱᐋᐧᑎᑯᔦᐠ? 4#ᑎᔪᑕᕒᐊᓇᒥ 24:1-4; ᒫᐟᔪ 5:31ᑭ ᐃᑌᐧᐊᐧᐠ ᒫᑲ, ᒧᓯᐢ ᑭ ᐃᔨᓇᒫᑫᐤ ᑭᑕ ᒪᓯᓇᐃᑳᑌᐠ ᐁᐧᐱᓂᑐᐃᐧ ᒪᓯᓇᐦᐃᑲᐣ, ᐁᑯᓯ ᑭᑕ ᐁᐧᐱᓂᐦᐟ. 5ᒋᓴᐢ ᒫᑲ ᑭ ᐃᑌᐤ, ᑭ ᒪᐢᑲᐃᐧᑌᐁᐃᐧᓂᐋᐧᐤ ᐅᐦᒋ ᑳ ᑭ ᒪᓯᓇᐦᐊᒫᑯᔦᐠ ᐅᒪ ᐅᔭᓱᐁᐧᐃᐧᐣ. 6#ᒉᓂᓯᐢ 1:27; 5:2ᒫᑲ ᒥᒋᒫᐨ ᐁ ᐅᓯᐃᐁᐧᕽ ᓈᐯᐊᔭ ᒥᓇ ᓄᓭᐊᔭ ᑭ ᐃᓯ ᐅᓯᐁᐤ. 7#ᒉᓂᓯᐢ 2:24ᐁᐊᐧᑯ ᐅᒪ ᐅᐦᒋ ᓈᐯᐤ ᑭᑕ ᓇᑲᑌᐤ ᐅᑖᐃᐧᔭ ᒥᓇ ᐅᑳᐃᐧᔭ ᐁᑯᓯ ᑭᑕ ᐃᐧᒉᐋᐧᐟ ᐃᐧᐊᐧ; 8ᐁᑯᓯ ᐁ ᓂᓯᒋᐠ ᑭᑕ ᐯᔭᑯ ᐃᐧᔮᓭᐊᐧᐠ: ᐁᑲᐧ ᓇᒪᐃᐧᔭ ᓂᓯᐊᐧᐠ, ᒫᑲ ᐯᔭᐠ ᐃᐧᔮᐢ. 9ᐊᓂᒪ ᒫᑲ ᑭᓭᒪᓂᑐ ᑳ ᑭ ᒫᒪᐃᐧᑖᐟ ᐁᑳᐃᐧᔭ ᐊᔨᓯᔨᓂᐤ ᑭᑕ ᓇᓈᓂᐢᒋᑖᐤ. 10ᐁᑯᓯ ᐋᐧᐢᑳᐦᐃᑲᓂᕽ ᒥᓇ ᑭᐢᑭᓄᐦᐊᒪᐋᐧᑲᓇᐠ ᑭ ᑲᑫᐧᒋᒣᐊᐧᐠ ᐁᐊᐧᑫᐧᔨᐤ ᐅᐦᒋ. 11#ᒫᐟᔪ 5:32; 1 ᑲᕒᐃᐣᑎᔭᓇ 7:10,11ᐅᒥᓯ ᒫᑲ ᐃᑌᐤ, ᐊᐃᐧᔭᐠ ᐁᐧᐱᓈᒋ ᐃᐧᐊᐧ, ᐁᑯᓯ ᑯᑕᑲ ᐃᐧᑭᒫᒋ, ᐱᓯᑳᐧᒋᑐᑕᐁᐧᐤ: 12ᑭᐢᐱᐣ ᒫᑲ ᐃᐢᑫᐧᐤ ᐁᐧᐱᓈᒋ ᐅᓈᐯᒪ, ᒥᓇ ᑯᑕᑲ ᐃᐧᑭᒫᒋ, ᐃᑐᑕᒼ ᐱᓯᑳᐧᑎᓯᐃᐧᐣ.
13ᑭ ᐯᑐᐁᐧᐊᐧᐠ ᒫᑲ ᐊᐱᐢᑕᐋᐧᓯᓴ ᑭᑕ ᓴᓵᒥᓈᐟ: ᐁᑯᓯ ᐅ ᑭᐢᑭᓄᐦᐊᒪᐋᐧᑲᓇ ᑭ ᑭᑐᑌᔨᐊᐧ ᐊᓂᐦᐃ ᑳ ᐯᓯᐋᐧᔨᐟ. 14ᒫᑲ ᐃᐢᐱ ᒋᓴᐢ ᐃᐧᐋᐸᑕᕽ ᒥᐢᑕᐦᐃ ᑭ ᓇᔦᑖᐁᐧᔨᑕᒼ, ᐁᑯᓯ ᑭ ᐃᑌᐤ, ᐃᔨᓇᒫᑯᐠ ᐊᐱᐢᑕᐋᐧᓯᓴᐠ ᑭᑕ ᐯ ᓈᓯᒋᐠ; ᐁᑳᐃᐧᔭ ᑭᑕᐊᒫᑯᐠ: ᒋᑫᒫ ᐁᑯᑐᐊᐧ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ ᑳ ᐊᔮᒋᐠ. 15#ᒫᐟᔪ 18:3ᑖᐯᐧ ᑭᐟ ᐃᑎᓈᐋᐧᐤ, ᐊᐃᐧᔭᐠ ᐁᑳ ᐅᑎᓇᑭ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ ᑖᐱᐢᑯᐨ ᐊᐱᐢᑕᐋᐧᓯᐢ, ᓇᒪᐃᐧᔭ ᓈᐣᑕᐤ ᐃᓯ ᐁᑯᑌ ᑭᑕ ᐱᐦᑐᑫᐤ. 16ᑭ ᐅᑎᓀᐤ ᒫᑲ ᐁ ᑕᐦᑯᓈᐟ, ᒥᓇ ᑭ ᓴᐁᐧᔨᒣᐤ ᐁ ᓴᓵᒥᓈᐟ.
17ᐃᐢᐱ ᒫᑲ ᑳ ᐊᑎ ᓯᐯᐧᑌᐟ ᐊᓂᑕ ᒣᐢᑲᓈᕽ, ᐁᑯᑕ ᐯᔭᐠ ᑭ ᐯ ᐃᐢᐸᑖᐤ, ᒥᓇ ᐁ ᐅᒋᐦᒋᐦᑲᐧᓇᐱᐢᑖᑯᐟ, ᐁᑯᓯ ᐁ ᑲᑫᐧᒋᒥᑯᐟ, ᑳ ᒥᔮᐧᑎᓯᔭᐣ ᐅᑭᐢᑭᓄᐦᐊᒫᑫᐤ, ᑫᑲᐧᐩ ᑫ ᑐᑕᒫᐣ ᑭᑕ ᐊᔮᔮᐣ ᑳᑭᑫ ᐱᒫᑎᓯᐃᐧᐣ? 18ᒋᓴᐢ ᒫᑲ ᐃᑌᐤ, ᑖᓀᑭ ᑳ ᒥᔮᐧᑎᓯᔭᐣ ᑳ ᐃᓯᔭᐣ? ᓇᒪᐃᐧᔭ ᐊᐃᐧᔭᐠ ᒥᔮᐧᑎᓯᐤ, ᐱᑯ ᐯᔭᐠ, ᐁᐊᐧᑯ ᑭᓭᒪᓂᑐ. 19#ᐁᐠᓴᑕᐢ 20:13; ᑎᔪᑕᕒᐊᓇᒥ 5:17; ᐁᐠᓴᑕᐢ 20:14; ᑎᔪᑕᕒᐊᓇᒥ 5:18; ᐁᐠᓴᑕᐢ 20:15; ᑎᔪᑕᕒᐊᓇᒥ 5:19; ᐁᐠᓴᑕᐢ 20:16; ᑎᔪᑕᕒᐊᓇᒥ 5:20; ᐁᐠᓴᑕᐢ 20:12; ᑎᔪᑕᕒᐊᓇᒥ 5:16ᑭ ᑭᐢᑫᔨᑌᐣ ᐅᔭᓱᐁᐧᐃᐧᓇ, ᐁᑳᐃᐧᔭ ᓂᐸᑖᑫ, ᐁᑳᐃᐧᔭ ᐱᓯᑳᐧᑎᓯ, ᐁᑳᐃᐧᔭ ᑭᒧᑎ, ᐁᑳᐃᐧᔭ ᑭᔮᐢᑭᐋᐧᒋᒧ, ᑭᐢᑌᔨᒼ ᑯᑖᐃᐧ ᒥᓇ ᑭᑳᐃᐧ. 20ᑭ ᐃᑎᐠ ᒫᑲ, ᑫᐢᑭᓄᐦᐊᒫᑫᔭᐣ, ᑲᐦᑭᔭᐤ ᐅᐦᐃ ᐁ ᐅᐢᑭᓂᑭᔮᐣ ᐅᐦᒋ ᓂ ᑭ ᐯ ᓈᑲᑕᐁᐧᔨᑌᐣ. 21ᐁᑯᓯ ᒋᓴᐢ ᐁ ᑲᓇᐋᐧᐸᒫᐟ, ᓵᑭᐦᐁᐤ, ᐅᒥᓯ ᒫᑲ ᑭ ᐃᑌᐤ, ᐯᔭᐠ ᑫᑲᐧᐩ ᑭ ᑭᐧᑕᒫᐣ: ᓂᔮ, ᐊᑖᐋᐧᑫ ᑲᐦᑭᔭᐤ ᑫᑲᐧᐩ ᑳ ᐊᔮᔭᐣ, ᐁᑯᓯ ᒥᔨᐠ ᐅᑭᑎᒫᑭᓯᐊᐧᐠ, ᑭ ᑲ ᐊᔮᐣ ᒫᑲ ᐁᐧᔪᑎᓯᐃᐧᐣ ᑭᐦᒋ ᑭᓯᑯᕽ: ᐯ ᐱᒥᑎᓴᐦᐅᐣ ᒫᑲ. 22ᓇᒪᐃᐧᔭ ᒫᑲ ᓇᐁᔨᑕᒥᓈᑯᓯᐤ ᐊᓂᒪ ᐁ ᐃᑌᐧᔨᐟ, ᐁᑯᓯ ᑭ ᓯᐯᐧᑌᐤ ᐁ ᒥᒋᔭᐁᐧᓯᐟ; ᒋᑫᒫ ᐃᐧᔭ ᐁᑯᑐᐊᐧ ᒥᐢᑕᐦᐃ ᑫᑲᐧᐩ ᑳ ᑎᐱᔭᐁᐧᐃᐧᓯᐟ.
23ᐁᑯᓯ ᒋᓴᐢ ᑭ ᐋᐧᓴᑳᒣᐃᑖᐱᐤ, ᐅᒥᓯ ᒫᑲ ᐁ ᐃᑖᐟ ᐅ ᑭᐢᑭᓄᐦᐊᒪᐋᐧᑲᓇ, ᑖᐯᐧ ᐊᑳᐋᐧᐨ ᐊᓂᑭ ᑳ ᐁᐧᔪᑎᓯᒋᐠ ᑭᑕ ᐱᐦᑐᑫᐊᐧᐠ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ! 24ᐁᑯᓯ ᑭᐢᑭᓄᐦᐊᒪᐋᐧᑲᓇᐠ ᑭ ᒫᒪᐢᑳᑕᒣᐧᐊᐧᐠ ᐅᐟ ᐃᑌᐧᐃᐧᓂᔨᐊᐧ. ᒫᑲ ᒋᓴᐢ ᑭ ᓇᐢᑫᐧᐊᐧᓯᒣᐤ ᒥᓇ, ᐁᑯᓯ ᐅᒥᓯ ᑭ ᐃᑌᐤ, ᐊᐋᐧᓯᓯᑎᐠ ᑖᓂᔨᑯᕽ ᐋᔨᒪᓂᔨᐤ ᐊᓂᑭ ᑳ ᒪᒥᓯᑐᑕᑭᐠ ᐁᐧᔪᑎᓯᐃᐧᓇ ᑭᑕ ᐱᐦᑐᑫᒋᐠ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ! 25ᓇᐊᐧᐨ ᐁᐧᑕᓂᔨᐤ ᐱᐢᑳᐧᐃᐧᑲᓀᐃᐧᐱᓯᐢᑭᐤ ᑭᑕ ᓵᐳᐢᑲᕽ ᐁ ᐸᑯᓀᔮᐱᐢᑳᔨᐠ ᓵᐳᓂᑲᓂᔨᐤ, ᐃᐢᐱᐨ ᐁᐧᔪᑎᓯᐃᐧᔨᓂᐤ ᑭᑕ ᐱᐦᑐᑫᐟ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ. 26ᐁᑯᓯ ᒫᑲ ᒥᐢᑕᐦᐃ ᑭ ᒫᒪᐢᑳᑕᒪᐧᐠ, ᐁ ᐃᑖᒋᐠ, ᐊᐃᐧᓇ ᒫᑲ ᑫ ᑭ ᐱᒫᒋᐦᐅᐟ? 27ᒋᓴᐢ ᒫᑲ ᐁ ᑲᓇᐋᐧᐸᒫᐟ ᐃᑌᐤ, ᐊᔨᓯᔨᓂᐊᐧᐠ ᐃᐧᔭ ᓇᒪᐃᐧᔭ ᑭᑕ ᑭ ᑲᐢᑭᑖᒋᐠ, ᒫᑲ ᓇᒪᐃᐧᔭ ᐁᑯᓯ ᐃᓯ ᐃᐧᔭ ᑭᓭᒪᓂᑐ: ᒋᑫᒫ ᑲᐦᑭᔭᐤ ᑫᑲᐧᐩ ᑲᐢᑭᑖᐤ ᐃᐧᔭ ᑭᓭᒪᓂᑐ.
28ᐱᑕᕒ ᒫᑲ ᑭ ᒫᒋ ᐊᔨᑌᐤ, ᒋᐢᐟ, ᓂᔭᓈᐣ ᐃᐧᔭ ᑲᐦᑭᔭᐤ ᑫᑲᐧᐩ ᓂ ᑭ ᓇᑲᑎᓈᐣ, ᐁᑯᓯ ᐁ ᑭ ᐱᒥᑎᓴᐅᑖᕽ. 29ᒋᓴᐢ ᑭ ᐃᑌᐤ, ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᐃᑖᐤ, ᑳ ᑭ ᓇᑲᑕᕽ ᐃᐧᑭ, ᐊᐦᐳ ᐅᒋᐋᐧᒪ, ᐊᐦᐳ ᐅᑕᐁᐧᒫᐊᐧ, ᐊᐦᐳ ᐅᑳᐃᐧᔭ, ᐊᐦᐳ ᐅᑖᐃᐧᔭ, ᐊᐦᐳ ᐅᐟ ᐊᐋᐧᓯᒥᓴ, ᐊᐦᐳ ᐊᐢᑭ, ᓂᔭ ᐅᐦᒋ, ᒥᓇ ᒥᔪ ᐊᒋᒧᐃᐧᐣ ᐅᐦᒋ, 30ᐁᑳ ᑫ ᒥᔨᐦᐟ ᒥᑖᑕᐦᑐᒥᑕᓇᐤ ᑕᐦᑖᐧᐤ ᐃᔨᑯᕽ ᐊᓄᐦᐨ ᐅᒪ ᒣᑳᐧᐨ, ᐋᐧᐢᑳᐦᐃᑲᓇ, ᒥᓇ ᐅᒋᐋᐧᒪ, ᒥᓇ ᐅᑕᐁᐧᒫᐊᐧ, ᒥᓇ ᐅᑳᐃᐧᔭ, ᒥᓇ ᐅᐟ ᐊᐋᐧᓯᒥᓴ, ᑭᑭ ᐋᔨᒥᓯᐃᐧᓇ; ᐁᑯᓯ ᐊᐢᑭᕽ ᓂᑳᐣ ᑳ ᐊᔮᐠ ᑳᑭᑫ ᐱᒫᑎᓯᐃᐧᐣ. 31#ᒫᐟᔪ 20:16; ᓬᐅᐠ 13:30ᒫᑲ ᒥᐦᒉᐟ ᑳ ᓂᑳᓂᒋᐠ ᐅᑖᕽ ᑭᑕ ᐊᔮᐊᐧᐠ; ᒥᓇ ᐅᑖᕽ ᑳ ᐊᔮᒋᐠ ᑭᑕ ᓂᑳᓂᐊᐧᐠ.
32ᒣᐢᑲᓈᕽ ᒫᑲ ᑭ ᐊᔮᐊᐧᐠ ᒉᕒᐅᓴᓬᐊᒥᕽ ᐁ ᐊᑎ ᐃᑐᐦᑌᒋᐠ. ᒋᓴᐢ ᒫᑲ ᑭ ᐊᑎ ᓂᑳᓄᑕᐁᐧᐤ: ᑭ ᒫᒪᐢᑳᑕᒪᐧᐠ ᒫᑲ; ᐊᓂᑭ ᒫᑲ ᑳ ᐱᒥᑎᓴᐃᑫᒋᐠ ᑭ ᓭᑭᓯᐊᐧᐠ. ᒥᓇ ᒫᑲ ᑭ ᐅᑎᓀᐤ ᐊᓂᐦᐃ ᒥᑖᑕᐟ ᓂᓱᓵᑊ ᑳ ᐃᐦᑕᓯᔨᐟ, ᐁᑯᓯ ᑭ ᒫᒋ ᐃᐧᐦᑕᒪᐁᐧᐤ ᐊᓂᐦᐃ ᑫ ᐊᑎ ᐊᔨᐢᐸᔨᐃᑯᐟ, ᐁ ᐃᑌᐧᐟ, 33ᒫᑎᑲ, ᑭᐟ ᐃᑐᑖᓈᓇᐤ ᒉᕒᐅᓴᓬᐊᒥᕽ; ᐁᑯᓯ ᐃᔨᓂᐃᐧᑯᓯᓵᐣ ᑭᑕ ᐸᑭᑎᓇᐤ ᑭᑕ ᐅᑎᓂᑯᐟ ᑭᐦᒋ ᐊᔭᒥᐦᐁᐃᐧᔨᓂᐊᐧ ᒥᓇ ᒪᓯᓇᐦᐃᑫᐃᐧᔨᓂᐊᐧ; ᑭᑕ ᐅᔭᓱᐋᐧᑌᐊᐧᐠ ᒫᑲ ᑭᑕ ᓂᐸᐦᐋᒋᐠ, ᐁᑯᓯ ᑭᑕ ᐸᑭᑎᓇᒪᐁᐧᐊᐧᐠ ᒉᐣᑕᐃᓬᐊ: 34ᑭᑕ ᒣᑕᐋᐧᑳᑎᐠ ᒫᑲ, ᒥᓇ ᑭᑕ ᓴᓯᑳᐧᑎᐠ, ᒥᓇ ᑭᑕ ᐸᐸᓴᐢᑌᐅᐠ, ᒥᓇ ᑭᑕ ᓂᐸᐦᐃᐠ; ᒫᑲ ᑭ ᓂᐢᑐ ᑭᓯᑳᔨᑭ ᒥᓇ ᑭᑕ ᐊᐧᓂᐢᑳᐤ.
35ᐁᑲᐧ ᒫᑲ ᑭᓯᐊᐧᐠ ᑭ ᐯ ᓈᑎᐠ ᒉᒥᐢ ᒥᓇ ᒑᐣ, ᐅᑯᓯᓴ ᓭᐱᑎ, ᐁ ᐃᑎᑯᐟ, ᑫᐢᑭᓄᐦᐊᒫᑫᔭᐣ, ᑭ ᐸᑯᓭᔨᒥᑎᓈᐣ ᑭᑕ ᑐᑕᒪᐃᐧᔮᕽ ᑫᑲᐧᐩ ᑳ ᐃᓯ ᐸᑯᓭᔨᒧᔮᕽ. 36ᐅᒥᓯ ᒫᑲ ᑭ ᐃᑌᐤ, ᑫᑲᐧᐩ ᓀᑕᐁᐧᔨᑕᒣᐠ ᑭᑕ ᑐᑕᒫᑕᑯᐠ? 37ᐁᑯᓯ ᑭ ᐃᑌᐊᐧᐠ, ᒥᔨᓈᐣ ᑭᑕ ᐊᐱᔮᕽ ᐯᔭᐠ ᑭ ᑭᐦᒋᓂᐢᑭᕽ, ᐯᔭᐠ ᒥᓇ ᑭ ᓇᒪᑎᓂᕽ, ᑭ ᑭᐢᑌᔨᑖᑯᓯᐃᐧᓂᕽ. 38#ᓬᐅᐠ 12:50ᒋᓴᐢ ᒫᑲ ᑭ ᐃᑌᐤ, ᓇᒪᐃᐧᔭ ᑭ ᑭᐢᑫᔨᑌᓈᐋᐧᐤ ᑫᑲᐧᐩ ᑲ ᓇᑐᑕᒣᐠ. ᑭ ᑲ ᑲᐢᑭᑖᓈᐋᐧᐤ ᒋ ᑭᑕ ᒥᓂᑫᐧᔦᐠ ᒥᓂᑳᐧᑲᐣ ᑳ ᐅᐦᒋ ᒥᓂᑫᐧᔮᐣ, ᒥᓇ ᑭᑕ ᐹᑊᑕᐃᓯᐃᐧᐃᑲᐃᐧᔦᐠ ᐊᓂᒪ ᐹᑊᑕᐃᓯᐃᐧᐃᐧᐣ ᓂᔭ ᑳ ᐅᐦᒋ ᐹᑊᑕᐃᓯᐃᐧᐃᑲᐃᐧᔮᐣ? 39ᐁᑯᓯ ᑭ ᐃᑌᐊᐧᐠ ᓂ ᑲ ᑲᐢᑭᑖᓈᐣ. ᒋᓴᐢ ᒫᑲ ᑭ ᐃᑌᐤ, ᒥᓂᑳᐧᑲᐣ ᑳ ᐅᐦᒋ ᒥᓂᑫᐧᔮᐣ ᑭ ᑲ ᒥᓂᑳᐧᓈᐋᐧᐤ ᑖᐯᐧ; ᒥᓇ ᐹᑊᑕᐃᓯᐃᐧᐃᐧᐣ ᑳ ᐅᐦᒋ ᐹᑊᑕᐃᓯᐃᐧᐃᑲᐃᐧᔮᐣ ᑭ ᑲ ᐹᑊᑕᐃᓯᐃᐧᐃᑲᐃᐧᓈᐋᐧᐤ; 40ᒫᑲ ᑭᑕ ᐊᐱᔦᐠ ᓂ ᑭᐦᒋᓂᐢᑭᕽ ᐊᐦᐳ ᓂ ᓇᒪᑎᓂᕽ ᓇᒪᐃᐧᔭ ᓂᔭ ᓂᐟ ᐊᔮᐣ ᑭᑕ ᒣᑭᔮᐣ: ᒫᑲ ᑭᑕ ᒥᔮᐊᐧᐠ ᐊᓂᑭ ᑳ ᑭ ᐊᐧᐁᐧᔨᑕᒫᒋᐠ. 41ᐃᐢᐱ ᒫᑲ ᐊᓂᑭ ᒥᑖᑕᐟ ᐱᔦᐦᑕᐦᑭᐠ ᑭ ᐃᐧ ᓇᔦᑖᐁᐧᔨᒣᐊᐧᐠ ᒉᒥᓴ ᒥᓇ ᒑᓇ. 42#ᓬᐅᐠ 22:25,26ᒋᓴᐢ ᒫᑲ ᑭ ᓇᑐᒣᐤ ᐃᑕ ᐁ ᐊᔮᐟ, ᐁᑯᓯ ᐃᑌᐤ, ᑭ ᑭᐢᑫᔨᑌᓈᐋᐧᐤ ᐊᓂᑭ ᑳ ᐃᑕᑭᒥᐦᒋᐠ ᑭᑕ ᑎᐯᔨᒫᒋᐠ ᒉᐣᑕᐃᓬᐊ ᐅᑭᒫᐁᐧᔨᒥᓱᐊᐠ; ᐁᑯᓯ ᐅ ᑭᐦᒋᔨᓂᒥᐋᐧᐊᐧ ᐋᐧᐅᔭᓱᐋᐧᑎᑲᐧᐠ. 43#ᒫᐟᔪ 23:11; ᒫᕒᐠ 9:35; ᓬᐅᐠ 22:26ᒫᑲ ᑭᔭᐋᐧᐤ ᓇᒪᐃᐧᔭ ᐁᑯᓯ ᑭᐟ ᐃᓯ ᐊᔮᓈᐋᐧᐤ; ᒫᑲ ᑖᓈᓇ ᐁ ᐃᐧ ᑭᐦᒑᔨᐃᐧᐟ ᐅᒪ ᑳ ᐃᑕᓯᔦᐠ, ᑭ ᑲ ᐅᐸᒥᐢᑖᑲᓂᓈᐋᐧᐤ: 44ᒥᓇ ᐊᐃᐧᔭᐠ ᐃᐧ ᓂᑳᓇᑭᒋᑳᓱᒋ ᐅᒪ ᑳ ᐃᑕᓯᔦᐠ ᑭᑕ ᒫᒪᐃᐧ ᐊᑐᐢᑫᔮᑲᓂᐃᐧᐤ. 45ᒋᑫᒫ ᑖᐯᐧ ᐃᔨᓂᐃᐧᑯᓯᓵᐣ ᑭ ᐯ ᐃᑐᐦᑌᐤ ᓇᒪᐃᐧᔭ ᑭᑕ ᐸᒥᐦᐃᐦᐟ ᒫᑲ ᑭᑕ ᐸᒥᐦᐃᐁᐧᐟ, ᒥᓇ ᑭᑕ ᒣᑭᐟ ᐅ ᐱᒫᑎᓯᐃᐧᐣ ᒥᐦᒉᐟ ᑭᑕ ᐅᐦᒋ ᐱᒫᑎᓯᔨᐟ.
46ᑭ ᑕᑯᓯᓇᐧᐠ ᒫᑲ ᒉᕒᐃᑯᐃᕽ: ᐁᑯᓯ ᐁ ᐊᑎ ᐊᐧᔭᐃᐧᐟ ᒉᕒᐃᑯᐃᕽ ᐅᐦᒋ, ᐁ ᐃᐧᒉᐃᐧᑯᐟ ᐅ ᑭᐢᑭᓄᐦᐊᒪᐋᐧᑲᓇ ᒥᓇ ᒥᐦᒉᐟ ᐊᔨᓯᔨᓂᐊᐧ, ᐹᕒᑎᒥᐊᐢ, ᐅᑯᓯᓴ ᑕᐃᒥᐊᐢ, ᐁᑳ ᐁ ᐋᐧᐱᐟ ᐅᐸᑯᓯᑖᐧᐤ, ᑭ ᐊᐱᐤ ᐅᐱᒣᐢᑲᓈᕽ. 47ᐃᐢᐱ ᒫᑲ ᐱᔦᐦᑕᕽ ᐁᐊᐧᑲᐧᓂ ᒋᓴᓴ ᓈᓴᕒᐁᑎᕽ ᑳ ᐅᐦᒋᔨᐟ, ᑭ ᑌᐯᐧᐤ, ᐁ ᐃᑌᐧᐟ, ᒋᓴᐢ, ᑭᔭ ᑌᐱᐟ ᐅᑯᓯᓴ ᑭᑎᒫᑭᓇᐃᐧᐣ. 48ᒥᐦᒉᐟ ᒫᑲ ᑭ ᑭᑐᑌᐊᐧᐠ, ᑭᑕ ᑭᐱᑐᐁᐧᔨᐟ: ᒫᑲ ᐊᐦᒋ ᐱᑯ ᐊᐊᐧᓯᒣ ᑭ ᑌᐯᐧᐤ, ᑭᔭ ᑌᐱᐟ ᐅᑯᓯᓴ ᑭᑎᒫᑭᓇᐃᐧᐣ. 49ᒋᓴᐢ ᒫᑲ ᑭ ᑭᐱᒋᑳᐸᐃᐧᐤ, ᐁᑯᓯ ᐁ ᑭ ᐃᑌᐧᐟ, ᓇᑐᒥᕽ. ᐁᑲᐧ ᑖᐯᐧ ᑭ ᓇᑐᒣᐊᐧᐠ ᐁᑳ ᑳ ᐋᐧᐱᔨᐟ ᓈᐯᐊᐧ, ᐁ ᐃᑖᒋᐠ, ᒥᔦᐧᔨᑕ; ᐸᓯᑯ, ᑭ ᓇᑐᒥᐠ. 50ᐁᑯᓯ ᒫᑲ ᐃᐧᔭ ᐁ ᐁᐧᐱᓇᕽ ᐅᐢᑯᑖᑲᐩ, ᑭ ᐸᓯᑯᓯᐸᑖᐤ, ᒥᓇ ᑭ ᐯ ᓈᑌᐤ ᒋᓴᓴ. 51ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑫᑲᐧᐩ ᓀᑕᐁᐧᔨᑕᒪᐣ ᑭᑕ ᑐᑖᑖᐣ? ᐁᑯᓯ ᐊᓇ ᐁᑳ ᑳ ᐋᐧᐱᐟ ᓈᐯᐤ ᑭ ᐃᑌᐤ, ᕒᐋᐳᓇᐩ, ᑭᑕ ᑭ ᐋᐧᐱᔮᐣ. 52ᒋᓴᐢ ᒫᑲ ᑭ ᐃᑌᐤ, ᓯᐯᐧᐦᑌ; ᑭ ᑖᐯᐧᑕᒧᐃᐧᐣ ᑭ ᑭ ᒥᓈᐧᒋᐃᑯᐣ. ᓭᒫᐠ ᒫᑲ ᑭ ᐋᐧᐱᐤ ᐁᑯᓯ ᑭ ᐊᑎ ᐱᒥᑎᓴᐁᐧᐤ ᒋᓴᓴ ᒣᐢᑲᓇᕽ.
Iliyochaguliwa sasa
ᓭᐣᐟ ᒫᕒᐠ 10: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
ᓭᐣᐟ ᒫᕒᐠ 10
10
1ᐁᑯᑕ ᒫᑲ ᑭ ᐅᐦᒋ ᓯᐯᐧᑌᐤ, ᐁᑯᓯ ᑭ ᐅᑎᑕᒼ ᐁ ᐋᐧᓴᑳᒥᐊᐧᕽ ᒍᑎᔭ ᒥᓇ ᐊᑳᒥᕽ ᒑᕒᑕᐣ: ᒥᐦᒉᐟ ᒫᑲ ᐊᔨᓯᔨᓂᐊᐧ ᑳᐃᐧ ᒥᓇ ᒫᒪᐃᐧ ᑭ ᐅᑎᐦᑎᐠ; ᐁᑯᓯ, ᐁ ᐃᓯ ᓀᑳᒥ ᐃᑐᑕᕽ, ᑭ ᑭᐢᑭᓄᐦᐊᒫᐁᐧᐤ ᒥᓇ.
2ᑭ ᐯ ᐅᑎᐦᑎᐠ ᒫᑲ ᐹᕒᐊᓯᔭ, ᐁᑯᓯ ᑭ ᑲᑫᐧᒋᒥᐠ, ᐃᑕᐢᑌᐤ ᒋ ᐅᔭᓱᐁᐧᐃᐧᐣ ᐊᔨᓯᔨᓂᐤ ᑭᑕ ᐁᐧᐱᓈᐟ ᐃᐧᐊᐧ? ᐁ ᑲᑫᐧᒋᐦᐃᑯᐟ. 3ᑭ ᓇᐢᑫᐧᐊᐧᓯᒣᐤ ᒫᑲ ᒥᓇ ᑭ ᐃᑌᐤ, ᑖᓂᓯ ᒧᓯᐢ ᑳ ᐃᑕᓱᐋᐧᑎᑯᔦᐠ? 4#ᑎᔪᑕᕒᐊᓇᒥ 24:1-4; ᒫᐟᔪ 5:31ᑭ ᐃᑌᐧᐊᐧᐠ ᒫᑲ, ᒧᓯᐢ ᑭ ᐃᔨᓇᒫᑫᐤ ᑭᑕ ᒪᓯᓇᐃᑳᑌᐠ ᐁᐧᐱᓂᑐᐃᐧ ᒪᓯᓇᐦᐃᑲᐣ, ᐁᑯᓯ ᑭᑕ ᐁᐧᐱᓂᐦᐟ. 5ᒋᓴᐢ ᒫᑲ ᑭ ᐃᑌᐤ, ᑭ ᒪᐢᑲᐃᐧᑌᐁᐃᐧᓂᐋᐧᐤ ᐅᐦᒋ ᑳ ᑭ ᒪᓯᓇᐦᐊᒫᑯᔦᐠ ᐅᒪ ᐅᔭᓱᐁᐧᐃᐧᐣ. 6#ᒉᓂᓯᐢ 1:27; 5:2ᒫᑲ ᒥᒋᒫᐨ ᐁ ᐅᓯᐃᐁᐧᕽ ᓈᐯᐊᔭ ᒥᓇ ᓄᓭᐊᔭ ᑭ ᐃᓯ ᐅᓯᐁᐤ. 7#ᒉᓂᓯᐢ 2:24ᐁᐊᐧᑯ ᐅᒪ ᐅᐦᒋ ᓈᐯᐤ ᑭᑕ ᓇᑲᑌᐤ ᐅᑖᐃᐧᔭ ᒥᓇ ᐅᑳᐃᐧᔭ ᐁᑯᓯ ᑭᑕ ᐃᐧᒉᐋᐧᐟ ᐃᐧᐊᐧ; 8ᐁᑯᓯ ᐁ ᓂᓯᒋᐠ ᑭᑕ ᐯᔭᑯ ᐃᐧᔮᓭᐊᐧᐠ: ᐁᑲᐧ ᓇᒪᐃᐧᔭ ᓂᓯᐊᐧᐠ, ᒫᑲ ᐯᔭᐠ ᐃᐧᔮᐢ. 9ᐊᓂᒪ ᒫᑲ ᑭᓭᒪᓂᑐ ᑳ ᑭ ᒫᒪᐃᐧᑖᐟ ᐁᑳᐃᐧᔭ ᐊᔨᓯᔨᓂᐤ ᑭᑕ ᓇᓈᓂᐢᒋᑖᐤ. 10ᐁᑯᓯ ᐋᐧᐢᑳᐦᐃᑲᓂᕽ ᒥᓇ ᑭᐢᑭᓄᐦᐊᒪᐋᐧᑲᓇᐠ ᑭ ᑲᑫᐧᒋᒣᐊᐧᐠ ᐁᐊᐧᑫᐧᔨᐤ ᐅᐦᒋ. 11#ᒫᐟᔪ 5:32; 1 ᑲᕒᐃᐣᑎᔭᓇ 7:10,11ᐅᒥᓯ ᒫᑲ ᐃᑌᐤ, ᐊᐃᐧᔭᐠ ᐁᐧᐱᓈᒋ ᐃᐧᐊᐧ, ᐁᑯᓯ ᑯᑕᑲ ᐃᐧᑭᒫᒋ, ᐱᓯᑳᐧᒋᑐᑕᐁᐧᐤ: 12ᑭᐢᐱᐣ ᒫᑲ ᐃᐢᑫᐧᐤ ᐁᐧᐱᓈᒋ ᐅᓈᐯᒪ, ᒥᓇ ᑯᑕᑲ ᐃᐧᑭᒫᒋ, ᐃᑐᑕᒼ ᐱᓯᑳᐧᑎᓯᐃᐧᐣ.
13ᑭ ᐯᑐᐁᐧᐊᐧᐠ ᒫᑲ ᐊᐱᐢᑕᐋᐧᓯᓴ ᑭᑕ ᓴᓵᒥᓈᐟ: ᐁᑯᓯ ᐅ ᑭᐢᑭᓄᐦᐊᒪᐋᐧᑲᓇ ᑭ ᑭᑐᑌᔨᐊᐧ ᐊᓂᐦᐃ ᑳ ᐯᓯᐋᐧᔨᐟ. 14ᒫᑲ ᐃᐢᐱ ᒋᓴᐢ ᐃᐧᐋᐸᑕᕽ ᒥᐢᑕᐦᐃ ᑭ ᓇᔦᑖᐁᐧᔨᑕᒼ, ᐁᑯᓯ ᑭ ᐃᑌᐤ, ᐃᔨᓇᒫᑯᐠ ᐊᐱᐢᑕᐋᐧᓯᓴᐠ ᑭᑕ ᐯ ᓈᓯᒋᐠ; ᐁᑳᐃᐧᔭ ᑭᑕᐊᒫᑯᐠ: ᒋᑫᒫ ᐁᑯᑐᐊᐧ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ ᑳ ᐊᔮᒋᐠ. 15#ᒫᐟᔪ 18:3ᑖᐯᐧ ᑭᐟ ᐃᑎᓈᐋᐧᐤ, ᐊᐃᐧᔭᐠ ᐁᑳ ᐅᑎᓇᑭ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ ᑖᐱᐢᑯᐨ ᐊᐱᐢᑕᐋᐧᓯᐢ, ᓇᒪᐃᐧᔭ ᓈᐣᑕᐤ ᐃᓯ ᐁᑯᑌ ᑭᑕ ᐱᐦᑐᑫᐤ. 16ᑭ ᐅᑎᓀᐤ ᒫᑲ ᐁ ᑕᐦᑯᓈᐟ, ᒥᓇ ᑭ ᓴᐁᐧᔨᒣᐤ ᐁ ᓴᓵᒥᓈᐟ.
17ᐃᐢᐱ ᒫᑲ ᑳ ᐊᑎ ᓯᐯᐧᑌᐟ ᐊᓂᑕ ᒣᐢᑲᓈᕽ, ᐁᑯᑕ ᐯᔭᐠ ᑭ ᐯ ᐃᐢᐸᑖᐤ, ᒥᓇ ᐁ ᐅᒋᐦᒋᐦᑲᐧᓇᐱᐢᑖᑯᐟ, ᐁᑯᓯ ᐁ ᑲᑫᐧᒋᒥᑯᐟ, ᑳ ᒥᔮᐧᑎᓯᔭᐣ ᐅᑭᐢᑭᓄᐦᐊᒫᑫᐤ, ᑫᑲᐧᐩ ᑫ ᑐᑕᒫᐣ ᑭᑕ ᐊᔮᔮᐣ ᑳᑭᑫ ᐱᒫᑎᓯᐃᐧᐣ? 18ᒋᓴᐢ ᒫᑲ ᐃᑌᐤ, ᑖᓀᑭ ᑳ ᒥᔮᐧᑎᓯᔭᐣ ᑳ ᐃᓯᔭᐣ? ᓇᒪᐃᐧᔭ ᐊᐃᐧᔭᐠ ᒥᔮᐧᑎᓯᐤ, ᐱᑯ ᐯᔭᐠ, ᐁᐊᐧᑯ ᑭᓭᒪᓂᑐ. 19#ᐁᐠᓴᑕᐢ 20:13; ᑎᔪᑕᕒᐊᓇᒥ 5:17; ᐁᐠᓴᑕᐢ 20:14; ᑎᔪᑕᕒᐊᓇᒥ 5:18; ᐁᐠᓴᑕᐢ 20:15; ᑎᔪᑕᕒᐊᓇᒥ 5:19; ᐁᐠᓴᑕᐢ 20:16; ᑎᔪᑕᕒᐊᓇᒥ 5:20; ᐁᐠᓴᑕᐢ 20:12; ᑎᔪᑕᕒᐊᓇᒥ 5:16ᑭ ᑭᐢᑫᔨᑌᐣ ᐅᔭᓱᐁᐧᐃᐧᓇ, ᐁᑳᐃᐧᔭ ᓂᐸᑖᑫ, ᐁᑳᐃᐧᔭ ᐱᓯᑳᐧᑎᓯ, ᐁᑳᐃᐧᔭ ᑭᒧᑎ, ᐁᑳᐃᐧᔭ ᑭᔮᐢᑭᐋᐧᒋᒧ, ᑭᐢᑌᔨᒼ ᑯᑖᐃᐧ ᒥᓇ ᑭᑳᐃᐧ. 20ᑭ ᐃᑎᐠ ᒫᑲ, ᑫᐢᑭᓄᐦᐊᒫᑫᔭᐣ, ᑲᐦᑭᔭᐤ ᐅᐦᐃ ᐁ ᐅᐢᑭᓂᑭᔮᐣ ᐅᐦᒋ ᓂ ᑭ ᐯ ᓈᑲᑕᐁᐧᔨᑌᐣ. 21ᐁᑯᓯ ᒋᓴᐢ ᐁ ᑲᓇᐋᐧᐸᒫᐟ, ᓵᑭᐦᐁᐤ, ᐅᒥᓯ ᒫᑲ ᑭ ᐃᑌᐤ, ᐯᔭᐠ ᑫᑲᐧᐩ ᑭ ᑭᐧᑕᒫᐣ: ᓂᔮ, ᐊᑖᐋᐧᑫ ᑲᐦᑭᔭᐤ ᑫᑲᐧᐩ ᑳ ᐊᔮᔭᐣ, ᐁᑯᓯ ᒥᔨᐠ ᐅᑭᑎᒫᑭᓯᐊᐧᐠ, ᑭ ᑲ ᐊᔮᐣ ᒫᑲ ᐁᐧᔪᑎᓯᐃᐧᐣ ᑭᐦᒋ ᑭᓯᑯᕽ: ᐯ ᐱᒥᑎᓴᐦᐅᐣ ᒫᑲ. 22ᓇᒪᐃᐧᔭ ᒫᑲ ᓇᐁᔨᑕᒥᓈᑯᓯᐤ ᐊᓂᒪ ᐁ ᐃᑌᐧᔨᐟ, ᐁᑯᓯ ᑭ ᓯᐯᐧᑌᐤ ᐁ ᒥᒋᔭᐁᐧᓯᐟ; ᒋᑫᒫ ᐃᐧᔭ ᐁᑯᑐᐊᐧ ᒥᐢᑕᐦᐃ ᑫᑲᐧᐩ ᑳ ᑎᐱᔭᐁᐧᐃᐧᓯᐟ.
23ᐁᑯᓯ ᒋᓴᐢ ᑭ ᐋᐧᓴᑳᒣᐃᑖᐱᐤ, ᐅᒥᓯ ᒫᑲ ᐁ ᐃᑖᐟ ᐅ ᑭᐢᑭᓄᐦᐊᒪᐋᐧᑲᓇ, ᑖᐯᐧ ᐊᑳᐋᐧᐨ ᐊᓂᑭ ᑳ ᐁᐧᔪᑎᓯᒋᐠ ᑭᑕ ᐱᐦᑐᑫᐊᐧᐠ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ! 24ᐁᑯᓯ ᑭᐢᑭᓄᐦᐊᒪᐋᐧᑲᓇᐠ ᑭ ᒫᒪᐢᑳᑕᒣᐧᐊᐧᐠ ᐅᐟ ᐃᑌᐧᐃᐧᓂᔨᐊᐧ. ᒫᑲ ᒋᓴᐢ ᑭ ᓇᐢᑫᐧᐊᐧᓯᒣᐤ ᒥᓇ, ᐁᑯᓯ ᐅᒥᓯ ᑭ ᐃᑌᐤ, ᐊᐋᐧᓯᓯᑎᐠ ᑖᓂᔨᑯᕽ ᐋᔨᒪᓂᔨᐤ ᐊᓂᑭ ᑳ ᒪᒥᓯᑐᑕᑭᐠ ᐁᐧᔪᑎᓯᐃᐧᓇ ᑭᑕ ᐱᐦᑐᑫᒋᐠ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ! 25ᓇᐊᐧᐨ ᐁᐧᑕᓂᔨᐤ ᐱᐢᑳᐧᐃᐧᑲᓀᐃᐧᐱᓯᐢᑭᐤ ᑭᑕ ᓵᐳᐢᑲᕽ ᐁ ᐸᑯᓀᔮᐱᐢᑳᔨᐠ ᓵᐳᓂᑲᓂᔨᐤ, ᐃᐢᐱᐨ ᐁᐧᔪᑎᓯᐃᐧᔨᓂᐤ ᑭᑕ ᐱᐦᑐᑫᐟ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ. 26ᐁᑯᓯ ᒫᑲ ᒥᐢᑕᐦᐃ ᑭ ᒫᒪᐢᑳᑕᒪᐧᐠ, ᐁ ᐃᑖᒋᐠ, ᐊᐃᐧᓇ ᒫᑲ ᑫ ᑭ ᐱᒫᒋᐦᐅᐟ? 27ᒋᓴᐢ ᒫᑲ ᐁ ᑲᓇᐋᐧᐸᒫᐟ ᐃᑌᐤ, ᐊᔨᓯᔨᓂᐊᐧᐠ ᐃᐧᔭ ᓇᒪᐃᐧᔭ ᑭᑕ ᑭ ᑲᐢᑭᑖᒋᐠ, ᒫᑲ ᓇᒪᐃᐧᔭ ᐁᑯᓯ ᐃᓯ ᐃᐧᔭ ᑭᓭᒪᓂᑐ: ᒋᑫᒫ ᑲᐦᑭᔭᐤ ᑫᑲᐧᐩ ᑲᐢᑭᑖᐤ ᐃᐧᔭ ᑭᓭᒪᓂᑐ.
28ᐱᑕᕒ ᒫᑲ ᑭ ᒫᒋ ᐊᔨᑌᐤ, ᒋᐢᐟ, ᓂᔭᓈᐣ ᐃᐧᔭ ᑲᐦᑭᔭᐤ ᑫᑲᐧᐩ ᓂ ᑭ ᓇᑲᑎᓈᐣ, ᐁᑯᓯ ᐁ ᑭ ᐱᒥᑎᓴᐅᑖᕽ. 29ᒋᓴᐢ ᑭ ᐃᑌᐤ, ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᐃᑖᐤ, ᑳ ᑭ ᓇᑲᑕᕽ ᐃᐧᑭ, ᐊᐦᐳ ᐅᒋᐋᐧᒪ, ᐊᐦᐳ ᐅᑕᐁᐧᒫᐊᐧ, ᐊᐦᐳ ᐅᑳᐃᐧᔭ, ᐊᐦᐳ ᐅᑖᐃᐧᔭ, ᐊᐦᐳ ᐅᐟ ᐊᐋᐧᓯᒥᓴ, ᐊᐦᐳ ᐊᐢᑭ, ᓂᔭ ᐅᐦᒋ, ᒥᓇ ᒥᔪ ᐊᒋᒧᐃᐧᐣ ᐅᐦᒋ, 30ᐁᑳ ᑫ ᒥᔨᐦᐟ ᒥᑖᑕᐦᑐᒥᑕᓇᐤ ᑕᐦᑖᐧᐤ ᐃᔨᑯᕽ ᐊᓄᐦᐨ ᐅᒪ ᒣᑳᐧᐨ, ᐋᐧᐢᑳᐦᐃᑲᓇ, ᒥᓇ ᐅᒋᐋᐧᒪ, ᒥᓇ ᐅᑕᐁᐧᒫᐊᐧ, ᒥᓇ ᐅᑳᐃᐧᔭ, ᒥᓇ ᐅᐟ ᐊᐋᐧᓯᒥᓴ, ᑭᑭ ᐋᔨᒥᓯᐃᐧᓇ; ᐁᑯᓯ ᐊᐢᑭᕽ ᓂᑳᐣ ᑳ ᐊᔮᐠ ᑳᑭᑫ ᐱᒫᑎᓯᐃᐧᐣ. 31#ᒫᐟᔪ 20:16; ᓬᐅᐠ 13:30ᒫᑲ ᒥᐦᒉᐟ ᑳ ᓂᑳᓂᒋᐠ ᐅᑖᕽ ᑭᑕ ᐊᔮᐊᐧᐠ; ᒥᓇ ᐅᑖᕽ ᑳ ᐊᔮᒋᐠ ᑭᑕ ᓂᑳᓂᐊᐧᐠ.
32ᒣᐢᑲᓈᕽ ᒫᑲ ᑭ ᐊᔮᐊᐧᐠ ᒉᕒᐅᓴᓬᐊᒥᕽ ᐁ ᐊᑎ ᐃᑐᐦᑌᒋᐠ. ᒋᓴᐢ ᒫᑲ ᑭ ᐊᑎ ᓂᑳᓄᑕᐁᐧᐤ: ᑭ ᒫᒪᐢᑳᑕᒪᐧᐠ ᒫᑲ; ᐊᓂᑭ ᒫᑲ ᑳ ᐱᒥᑎᓴᐃᑫᒋᐠ ᑭ ᓭᑭᓯᐊᐧᐠ. ᒥᓇ ᒫᑲ ᑭ ᐅᑎᓀᐤ ᐊᓂᐦᐃ ᒥᑖᑕᐟ ᓂᓱᓵᑊ ᑳ ᐃᐦᑕᓯᔨᐟ, ᐁᑯᓯ ᑭ ᒫᒋ ᐃᐧᐦᑕᒪᐁᐧᐤ ᐊᓂᐦᐃ ᑫ ᐊᑎ ᐊᔨᐢᐸᔨᐃᑯᐟ, ᐁ ᐃᑌᐧᐟ, 33ᒫᑎᑲ, ᑭᐟ ᐃᑐᑖᓈᓇᐤ ᒉᕒᐅᓴᓬᐊᒥᕽ; ᐁᑯᓯ ᐃᔨᓂᐃᐧᑯᓯᓵᐣ ᑭᑕ ᐸᑭᑎᓇᐤ ᑭᑕ ᐅᑎᓂᑯᐟ ᑭᐦᒋ ᐊᔭᒥᐦᐁᐃᐧᔨᓂᐊᐧ ᒥᓇ ᒪᓯᓇᐦᐃᑫᐃᐧᔨᓂᐊᐧ; ᑭᑕ ᐅᔭᓱᐋᐧᑌᐊᐧᐠ ᒫᑲ ᑭᑕ ᓂᐸᐦᐋᒋᐠ, ᐁᑯᓯ ᑭᑕ ᐸᑭᑎᓇᒪᐁᐧᐊᐧᐠ ᒉᐣᑕᐃᓬᐊ: 34ᑭᑕ ᒣᑕᐋᐧᑳᑎᐠ ᒫᑲ, ᒥᓇ ᑭᑕ ᓴᓯᑳᐧᑎᐠ, ᒥᓇ ᑭᑕ ᐸᐸᓴᐢᑌᐅᐠ, ᒥᓇ ᑭᑕ ᓂᐸᐦᐃᐠ; ᒫᑲ ᑭ ᓂᐢᑐ ᑭᓯᑳᔨᑭ ᒥᓇ ᑭᑕ ᐊᐧᓂᐢᑳᐤ.
35ᐁᑲᐧ ᒫᑲ ᑭᓯᐊᐧᐠ ᑭ ᐯ ᓈᑎᐠ ᒉᒥᐢ ᒥᓇ ᒑᐣ, ᐅᑯᓯᓴ ᓭᐱᑎ, ᐁ ᐃᑎᑯᐟ, ᑫᐢᑭᓄᐦᐊᒫᑫᔭᐣ, ᑭ ᐸᑯᓭᔨᒥᑎᓈᐣ ᑭᑕ ᑐᑕᒪᐃᐧᔮᕽ ᑫᑲᐧᐩ ᑳ ᐃᓯ ᐸᑯᓭᔨᒧᔮᕽ. 36ᐅᒥᓯ ᒫᑲ ᑭ ᐃᑌᐤ, ᑫᑲᐧᐩ ᓀᑕᐁᐧᔨᑕᒣᐠ ᑭᑕ ᑐᑕᒫᑕᑯᐠ? 37ᐁᑯᓯ ᑭ ᐃᑌᐊᐧᐠ, ᒥᔨᓈᐣ ᑭᑕ ᐊᐱᔮᕽ ᐯᔭᐠ ᑭ ᑭᐦᒋᓂᐢᑭᕽ, ᐯᔭᐠ ᒥᓇ ᑭ ᓇᒪᑎᓂᕽ, ᑭ ᑭᐢᑌᔨᑖᑯᓯᐃᐧᓂᕽ. 38#ᓬᐅᐠ 12:50ᒋᓴᐢ ᒫᑲ ᑭ ᐃᑌᐤ, ᓇᒪᐃᐧᔭ ᑭ ᑭᐢᑫᔨᑌᓈᐋᐧᐤ ᑫᑲᐧᐩ ᑲ ᓇᑐᑕᒣᐠ. ᑭ ᑲ ᑲᐢᑭᑖᓈᐋᐧᐤ ᒋ ᑭᑕ ᒥᓂᑫᐧᔦᐠ ᒥᓂᑳᐧᑲᐣ ᑳ ᐅᐦᒋ ᒥᓂᑫᐧᔮᐣ, ᒥᓇ ᑭᑕ ᐹᑊᑕᐃᓯᐃᐧᐃᑲᐃᐧᔦᐠ ᐊᓂᒪ ᐹᑊᑕᐃᓯᐃᐧᐃᐧᐣ ᓂᔭ ᑳ ᐅᐦᒋ ᐹᑊᑕᐃᓯᐃᐧᐃᑲᐃᐧᔮᐣ? 39ᐁᑯᓯ ᑭ ᐃᑌᐊᐧᐠ ᓂ ᑲ ᑲᐢᑭᑖᓈᐣ. ᒋᓴᐢ ᒫᑲ ᑭ ᐃᑌᐤ, ᒥᓂᑳᐧᑲᐣ ᑳ ᐅᐦᒋ ᒥᓂᑫᐧᔮᐣ ᑭ ᑲ ᒥᓂᑳᐧᓈᐋᐧᐤ ᑖᐯᐧ; ᒥᓇ ᐹᑊᑕᐃᓯᐃᐧᐃᐧᐣ ᑳ ᐅᐦᒋ ᐹᑊᑕᐃᓯᐃᐧᐃᑲᐃᐧᔮᐣ ᑭ ᑲ ᐹᑊᑕᐃᓯᐃᐧᐃᑲᐃᐧᓈᐋᐧᐤ; 40ᒫᑲ ᑭᑕ ᐊᐱᔦᐠ ᓂ ᑭᐦᒋᓂᐢᑭᕽ ᐊᐦᐳ ᓂ ᓇᒪᑎᓂᕽ ᓇᒪᐃᐧᔭ ᓂᔭ ᓂᐟ ᐊᔮᐣ ᑭᑕ ᒣᑭᔮᐣ: ᒫᑲ ᑭᑕ ᒥᔮᐊᐧᐠ ᐊᓂᑭ ᑳ ᑭ ᐊᐧᐁᐧᔨᑕᒫᒋᐠ. 41ᐃᐢᐱ ᒫᑲ ᐊᓂᑭ ᒥᑖᑕᐟ ᐱᔦᐦᑕᐦᑭᐠ ᑭ ᐃᐧ ᓇᔦᑖᐁᐧᔨᒣᐊᐧᐠ ᒉᒥᓴ ᒥᓇ ᒑᓇ. 42#ᓬᐅᐠ 22:25,26ᒋᓴᐢ ᒫᑲ ᑭ ᓇᑐᒣᐤ ᐃᑕ ᐁ ᐊᔮᐟ, ᐁᑯᓯ ᐃᑌᐤ, ᑭ ᑭᐢᑫᔨᑌᓈᐋᐧᐤ ᐊᓂᑭ ᑳ ᐃᑕᑭᒥᐦᒋᐠ ᑭᑕ ᑎᐯᔨᒫᒋᐠ ᒉᐣᑕᐃᓬᐊ ᐅᑭᒫᐁᐧᔨᒥᓱᐊᐠ; ᐁᑯᓯ ᐅ ᑭᐦᒋᔨᓂᒥᐋᐧᐊᐧ ᐋᐧᐅᔭᓱᐋᐧᑎᑲᐧᐠ. 43#ᒫᐟᔪ 23:11; ᒫᕒᐠ 9:35; ᓬᐅᐠ 22:26ᒫᑲ ᑭᔭᐋᐧᐤ ᓇᒪᐃᐧᔭ ᐁᑯᓯ ᑭᐟ ᐃᓯ ᐊᔮᓈᐋᐧᐤ; ᒫᑲ ᑖᓈᓇ ᐁ ᐃᐧ ᑭᐦᒑᔨᐃᐧᐟ ᐅᒪ ᑳ ᐃᑕᓯᔦᐠ, ᑭ ᑲ ᐅᐸᒥᐢᑖᑲᓂᓈᐋᐧᐤ: 44ᒥᓇ ᐊᐃᐧᔭᐠ ᐃᐧ ᓂᑳᓇᑭᒋᑳᓱᒋ ᐅᒪ ᑳ ᐃᑕᓯᔦᐠ ᑭᑕ ᒫᒪᐃᐧ ᐊᑐᐢᑫᔮᑲᓂᐃᐧᐤ. 45ᒋᑫᒫ ᑖᐯᐧ ᐃᔨᓂᐃᐧᑯᓯᓵᐣ ᑭ ᐯ ᐃᑐᐦᑌᐤ ᓇᒪᐃᐧᔭ ᑭᑕ ᐸᒥᐦᐃᐦᐟ ᒫᑲ ᑭᑕ ᐸᒥᐦᐃᐁᐧᐟ, ᒥᓇ ᑭᑕ ᒣᑭᐟ ᐅ ᐱᒫᑎᓯᐃᐧᐣ ᒥᐦᒉᐟ ᑭᑕ ᐅᐦᒋ ᐱᒫᑎᓯᔨᐟ.
46ᑭ ᑕᑯᓯᓇᐧᐠ ᒫᑲ ᒉᕒᐃᑯᐃᕽ: ᐁᑯᓯ ᐁ ᐊᑎ ᐊᐧᔭᐃᐧᐟ ᒉᕒᐃᑯᐃᕽ ᐅᐦᒋ, ᐁ ᐃᐧᒉᐃᐧᑯᐟ ᐅ ᑭᐢᑭᓄᐦᐊᒪᐋᐧᑲᓇ ᒥᓇ ᒥᐦᒉᐟ ᐊᔨᓯᔨᓂᐊᐧ, ᐹᕒᑎᒥᐊᐢ, ᐅᑯᓯᓴ ᑕᐃᒥᐊᐢ, ᐁᑳ ᐁ ᐋᐧᐱᐟ ᐅᐸᑯᓯᑖᐧᐤ, ᑭ ᐊᐱᐤ ᐅᐱᒣᐢᑲᓈᕽ. 47ᐃᐢᐱ ᒫᑲ ᐱᔦᐦᑕᕽ ᐁᐊᐧᑲᐧᓂ ᒋᓴᓴ ᓈᓴᕒᐁᑎᕽ ᑳ ᐅᐦᒋᔨᐟ, ᑭ ᑌᐯᐧᐤ, ᐁ ᐃᑌᐧᐟ, ᒋᓴᐢ, ᑭᔭ ᑌᐱᐟ ᐅᑯᓯᓴ ᑭᑎᒫᑭᓇᐃᐧᐣ. 48ᒥᐦᒉᐟ ᒫᑲ ᑭ ᑭᑐᑌᐊᐧᐠ, ᑭᑕ ᑭᐱᑐᐁᐧᔨᐟ: ᒫᑲ ᐊᐦᒋ ᐱᑯ ᐊᐊᐧᓯᒣ ᑭ ᑌᐯᐧᐤ, ᑭᔭ ᑌᐱᐟ ᐅᑯᓯᓴ ᑭᑎᒫᑭᓇᐃᐧᐣ. 49ᒋᓴᐢ ᒫᑲ ᑭ ᑭᐱᒋᑳᐸᐃᐧᐤ, ᐁᑯᓯ ᐁ ᑭ ᐃᑌᐧᐟ, ᓇᑐᒥᕽ. ᐁᑲᐧ ᑖᐯᐧ ᑭ ᓇᑐᒣᐊᐧᐠ ᐁᑳ ᑳ ᐋᐧᐱᔨᐟ ᓈᐯᐊᐧ, ᐁ ᐃᑖᒋᐠ, ᒥᔦᐧᔨᑕ; ᐸᓯᑯ, ᑭ ᓇᑐᒥᐠ. 50ᐁᑯᓯ ᒫᑲ ᐃᐧᔭ ᐁ ᐁᐧᐱᓇᕽ ᐅᐢᑯᑖᑲᐩ, ᑭ ᐸᓯᑯᓯᐸᑖᐤ, ᒥᓇ ᑭ ᐯ ᓈᑌᐤ ᒋᓴᓴ. 51ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑫᑲᐧᐩ ᓀᑕᐁᐧᔨᑕᒪᐣ ᑭᑕ ᑐᑖᑖᐣ? ᐁᑯᓯ ᐊᓇ ᐁᑳ ᑳ ᐋᐧᐱᐟ ᓈᐯᐤ ᑭ ᐃᑌᐤ, ᕒᐋᐳᓇᐩ, ᑭᑕ ᑭ ᐋᐧᐱᔮᐣ. 52ᒋᓴᐢ ᒫᑲ ᑭ ᐃᑌᐤ, ᓯᐯᐧᐦᑌ; ᑭ ᑖᐯᐧᑕᒧᐃᐧᐣ ᑭ ᑭ ᒥᓈᐧᒋᐃᑯᐣ. ᓭᒫᐠ ᒫᑲ ᑭ ᐋᐧᐱᐤ ᐁᑯᓯ ᑭ ᐊᑎ ᐱᒥᑎᓴᐁᐧᐤ ᒋᓴᓴ ᒣᐢᑲᓇᕽ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.